Read luganda Mateo 8 Bible Online

Mateo 8 - luganda bible

Mateo 8

¹Ši beni edše̱ goṅ le̱ no̱ ekpleke ši le̱, mei pī nyie ese̱.

²Ni na, kpitiyelo̱ ko ba bakotole̱ ekē̱: Nuntšo̱, ke̱dši ōsumo̱ le̱, oonyẽ ohã mihe atše!

³Ni Iesu kpã enine mli eta ehe ni ekē̱: Mīsumo̱, ohe atše! Ni amrõ le̱ ekpiti le̱ tã.

⁴Ni Iesu kē̱le̱ ake̱: Kākwe̱ ni *okē̱ moko; ši moṅ ya ní †oke̱ ohe ayatšõ oso̱fo le̱, ni ohã kēnii ní **Mose to le̱ oke-yeame odase. [123]

⁵Ši heni Iesu bote Kapernaum le̱, asrafoi-oha-atše̱ ko ba eṅõ ebakpale̱ fai,

⁶ni ekē̱ ake̱: Nuntšo̱, miwenū kă ši ye̱ šĩa ni ēye kū̃mo̱-hela, ēna nõ naakpa.

⁷Ni Iesu kē̱le̱ ake̱: Miba ní mabatšále̱.

⁸Ni asrafoi-oha-atše̱ le̱ here no̱ ekē̱: Nuntšo̱, esaami ake̱ obaä mikpata le̱ šiši: ši moṅ wiemo wiemo ke̱ke̱, ni aatšá miwenū le̱.

⁹Edšake̱ mi po ní midsi gbomo ní ayeo̱ mino̱ le̱, miye asrafoi ye̱ mišiši, ni ké̱ mikē̱ mokome ake̱: Ya! le̱, eyaä; ni ké̱ mikē̱ mokroko hũ ake̱: Ba, le̱, ebaä; ni ké̱ mikē̱ mitšũlo̱ ake̱: Femo̱ ene̱! le̱, efeo̱.

¹⁰Ši beni Iesu nu ene̱ le̱, ehĩe fele̱ yā, ni ekē̱ mei ní nyie ese̱ le̱ ake̱: Le̱le̱ṅ, mīkē̱nye ake̱, Israel mli tete minako hemo̱-ke̱-yeli ní da tamo̱ ene̱ dã! [124]

¹¹Ši mīkē̱nye ake̱: Mei pī aadše̱ *bokã ke̱ anai aba, ni †ame̱ke̱ Abraham ke̱ Isak ke̱ Iakob aabatrá ši ye̱ ṅwei maṅtše̱yeli le̱ mli; [125]

¹²ši maṅtše̱yeli le̱ṅ bii le̱, aafãame̱ *awo gbe̱se̱ duṅ le̱ mli; dše̱i yāfó ke̱ nyãnyõdši ašišikpemo̱ aahĩ. [126]

¹³Ni Iesu kē̱ asrafoi-oha-atše̱ le̱ ake̱: *Ya, bo̱ni ohe oye le̱, áfe nakai ahão. Ni atšá ewenū le̱ ye̱ no ṅmle̱tſā le̱ noṅṅ no̱. [127]

¹⁴Ni beni Iesu ba Petro we le̱, ena no *šāyō le̱ kã ši ke̱ fulu. [128]

¹⁵Ni emõ enine ši, ni fulu le̱ tše ye̱ eno, ni ete ši ni esúmo̱ame̱.

¹⁶Ši beni eše̱ gbe̱ke̱nãši le̱, ame̱ke̱ mei pī ní daimonioi yo̱ ame̱mli ha eṅõ. Ni eke̱ ewĩemo̱ fã mumo̱i le̱, ni etšá mei ní he yeo̱ le̱ fẽ.

¹⁷Koni noni gbalo̱ *Iesaia wie le̱ aba mli ake̱: “Le̱dientše̱ ewo wo̱hedšramo̱i le̱, ni etĕre wo̱helai le.” [129]

¹⁸Ši beni Iesu na mei pī ye̱ ehewo̱ le̱, efá ake̱ afo ṅšo̱ le̱ aya ese̱gbe̱. [130]

¹⁹Ni woloṅmãlo̱ ko ba eṅõ ebakē̱le̱ ake̱: Tšõlo̱, hefẽhe ní oyaä le̱, manyie ose̱.

²⁰Ni Iesu kē̱le̱ ake̱: Oso̱i ye̱ bui, ni ṅwei lofõdši ye̱ tšũi; ši gbomobi le̱ *be̱ heni eke̱ eyitšo tšo̱leo̱. [131]

²¹Ši ekaselo̱i le̱ ateṅ mokroko hũ kē̱-le̱ ake̱: Nuntšo̱, ṅmẽmi gbe̱ ní mayafũ mitše̱ dã. [132]

²²Ši Iesu kē̱le̱ ake̱: Nyiemo̱ mise̱, ni ohã gbohĩĩ afũ ame̱dientše̱ ame̱gbohĩĩ.

²³Ni ebote le̱le̱ ko mli ni ekaselo̱i le̱ nyie ese̱.

²⁴Ni na, ṅšo̱ le̱ efe hãmãhãmã āhũ ní ṅšo̱kei mīkũmo̱ miwo le̱le̱ le̱ mli; ši le̱ le̱ ewo̱.

²⁵Ni ekaselo̱i le̱ ba eṅõ ni ame̱batšĩele̱ ame̱kē̱: Nuntšo̱, heremo̱ wo̱yiwala, wo̱mīlādše!

²⁶Ni ekē̱ame̱ ake̱: Mẽba nyešeo̱ gbeyei ne̱ke̱, *nye ní nyehemo̱-ke̱-yeli fáá? Ke̱ke̱ le̱ ete ši ni efã́ kō̱yo̱ le̱ ke̱ ṅšo̱ le̱ yi, ni eṅmẽ de̱mm. [133]

²⁷Ši gbomei le̱ ahĩe feame̱ yā ame̱kē̱: Mẽ gbomo sro̱to ne̱ ní kō̱yo̱ ke̱ ṅšo̱ tete boo̱le̱ toi ne̱?

²⁸Ni beni eba se̱ le̱ gbe̱ ye̱ Gergesibii ašikpoṅ le̱ no̱ le̱, mei enyo̱ ni daimonioi yo̱ ame̱mli ke̱le̱ bakpe, ame̱dše̱ gbohĩĩ afũhe le̱, ni ame̱hĩe ewo la tšṍ, bo̱ni moko nyẽẽ nakai gbe̱ le̱ no̱ atšṍ.

²⁹Ni na, ame̱blo̱ ame̱kē̱: Mẽ sane wo̱ke̱o yo̱, bo Iesu, *Nyoṅmo̱ bi le̱? ani oba wohedšramo̱wō †dãni be le̱ áše̱? [134]

³⁰Ni kplotoi aku kple ko mīye nii ye̱ šoṅṅ.

³¹Ni daimonioi le̱ kpale fai ame̱kē̱: Ke̱dši ofãwo̱ le̱, ṅmẽwo̱ gbe̱ ní wo̱yabote kplotoi aku le̱ mli.

³²Ni ekē̱ame̱ ake̱: Nyeyaä! Ni ame̱dše kpo ame̱yabote kplotoi aku le̱ mli; ni na, ku mū le̱ fẽ wo foi ke̱-dše̱ goṅ le̱ no̱ ke-yaſie ṅšo̱ le̱ mli, ni ame̱gboi ye̱ nu le̱ mli.

³³Ni mei ní kwe̱o̱ame̱ le̱ dšo foi, ame̱te mã le̱ṅ ni ame̱yagba sãdši le̱ fẽ ke̱ mei ni daimonioi yo̱ ame̱mli le̱ anõ le̱ hũ.

³⁴Ni na, maṅ mū le̱ fẽ dše kpo ame̱ke̱ Iesu bakpe, ni beni ame̱nale̱ le̱, ame̱kpale̱ fai ake̱ edše ame̱kpokpai le̱ ano̱ eya.