Read luganda Marko 10 Bible Online

Marko 10 - luganda bible

Marko 10

¹Ni ete ši ke̱-dše̱ dše̱i ni *eyiṅ ete Iudea niiaṅ, ke̱ Iordan se̱gbe̱. Ni mei pī babua ame̱he nā ekoṅ ye̱ ehewo̱, ni etšõame nii ekoṅ, take̱ boni efo̱ö femo̱ le̱. [90]

²Ni Farisifoi le̱ ba eṅõ ame̱babile̱ ake̱: Ani nū ye̱ hegbe̱ ake̱ eſieo̱ eṅã? ame̱ke̱-mītšṍ enā.

³Ši ehere no̱ ekē̱ame̱ ake̱: Mẽ kitã Mose wonye?

⁴Ni ame̱kē̱: Mose hã hegbe̱ ake̱ aṅmã ſiemo̱wolo ni aſiele̱. [91]

⁵Ni Iesu here no̱ ni ekē̱ame̱ ake̱: Nyetsuiwale̱ hewo̱ eṅmã ne̱ke̱ kitã ehãnye;

⁶ši ke̱-dše̱ dšeṅbō̱ šišidšē le̱ṅ le̱, nū ke̱ yō Nyoṅmo̱ bo̱ame̱. [92]

⁷Ene̱hewo̱ le̱ nū aašĩ etše̱ ke̱ enye, ni eekpe̱te̱ eṅã he; [93]

⁸ni ame̱yi enyo̱ le̱ fẽ ame̱atšṍ helo kome; bĕle̱ agbe̱ne̱ ame̱dšee mei enyo̱ doṅṅ, ši moṅ helo komeṅ;

⁹nohewo le̱ noni Nyoṅmo̱ eṅõ-tšá le̱, gbomo akagbla mli.

¹⁰Ni beni ame̱yo̱ šīa le̱, ekaselo̱i le̱ bile̱ ekoṅ ye̱ nakai sane le̱ noṅṅ hewo̱.

¹¹Ni ekē̱ame̱ ake̱: Mofẽmo ni ſieo̱ eṅã ni eyaw̌e̱o̱ mokroko le̱, edše ese̱ efite gblã. [94]

¹²Ni ke̱dši yō ſie ewù ni eyagbã mokroko le̱, efite gblã.

¹³Ni ame̱ke̱ gbekẽbii bibii ba eṅõ, koni etra ame̱he; ši ekaselo̱i le̱ nyãfĩ mei ní holeame̱ ke̱-ba le̱.

¹⁴Ši beni Iesu na le̱, edo̱le̱, ni ekē̱-ame̱ ake̱: Nyehãa gbekẽbii le̱ abaä miṅõ, ni nyekatšĩaame̱ gbe̱; edšake̱ mene̱mei anõ dši Nyoṅmo̱ maṅtše̱yeli le̱.

¹⁵Le̱le̱ṅ, mīkē̱nye ake̱: Mofẽmo ni hee Nyoṅmo̱ maṅtše̱yeli le̱ tamo̱ gbekẽ bibiō le̱, eboteṅ mli kwrā. [95]

¹⁶Ni elōame̱ atū, ni eṅõ enidši eſie ame̱no̱, ni edsō̱ame̱. [96]

¹⁷Ni beni edše kpo eyaä gbe̱ le̱ no̱ le̱, moko hīe foi ke̱-baninale̱ ni ebakũla ehĩe, ni ebile̱ ake̱: Tšõlo̱ kpakpa, meni mafe ni maná nāno̱ wala?

¹⁸Ni Iesu kē̱le̱ ake̱: Mẽba otšé̱o̱mi mokpakpa? Mokpakpa ko be̱ ake̱ dša Nyoṅmo̱ kome ke̱ke̱.

¹⁹Nto ole kitãi le̱: *Kāfite gblã, kāgbe gbomo, kadšu, kāye amale odase, kāšĩšiu mo; wo otše̱ ke̱ onye! [97]

²⁰Ši ehere no̱ ekē̱le̱ ake̱: Tšõle̱, miye ene̱mei fẽ no̱ ke̱-dše̱ miblahĩaṅ.

²¹Ni Iesu kwe̱le̱ ni esumo̱le̱, ni ekē̱le̱ ake̱: Eſe̱o nõkome: ya ní oyahõ nü fẽ ni oyo̱, ni oṅõ-hã ohĩafoi, ni ooná dſetri ye̱ ṅwei; ni *owó se̱ṅmo̱tšo le̱ ni oba obanyie mise̱. [98]

²²Ši efe yō̱ ye̱ nakai wiemo̱ le̱ he-wo̱, ni eyiṅ ete ke̱ do̱le̱, edšake̱ eye̱ nii babaō.

²³Ni Iesu kwe̱ ehewe̱ ke̱-kpe ni ekē̱ ekasele̱i le̱ ake̱: Nto nyena bo̱ni ewa hã niiatše̱mei ake̱ ame̱abote Nyoṅmo̱ maṅtše̱yeli le̱ mli!

²⁴Ni kaselo̱i le̱ ahe dšõ ame̱he ye̱ ewiemo̱i le̱ ahewo̱. Ši Iesu here no̱ ekoṅ ni ekē̱ame̱ ake̱: Bii, nto nyena boni ewa ha *mei ni ṅõo̱ ame̱hĩe ame̱fõo̱ nii ano̱ le̱ ake̱ ame̱abote Nyoṅmo̱ maṅtše̱yeli le̱ mli! [99]

²⁵Edšraa hãã yoma ake̱ eetšṍ abui hĩṅme̱i mli, tamo̱ bo̱ni dšraä ha niiatše̱ ake̱ eebote Nyoṅmo̱ maṅtše̱yeli le̱ mli le̱.

²⁶Ni ame̱nā kpe̱ ame̱he naakpa ni ame̱kē̱le̱ ake: Bĕle̱ namo yiwala aanyẽ ahere mo̱?

²⁷Ni Iesu kwe̱ ame̱hĩe ni ekē̱: Gbomei agbe̱fãṅ le̱ anyẽṅ ene̱ afe, ši Nyoṅmo̱ gbe̱fãṅ le̱ aanyẽ; edšake̱ aanyẽ nii fiā afe ye̱ Nyoṅmo̱ gbefãṅ.

²⁸Ni Petro bõile̱ kē̱mo̱ ake̱: Na, wo̱ le̱ wo̱šĩ nii fiā ni wo̱banyie ose̱.

²⁹Iesu kē̱: Le̱le̱ṅ, mīkē̱nye ake̱: Moko be̱ ní ešĩ šĩa lo nyemimeihĩĩ lo nyemimeiyei lo tše̱ lo nye lo ṅã lo bii lo abō̱i ye̱ mi ke̱ sanekpakpa le̱ hewo̱,

³⁰ni enaṅ šĩai ke̱ nyemimeihĩi ke̱ nyemimeiyei ke̱ nyemei ke̱ bii ke̱ abō̱i toi oha ye̱ bene̱-be ne̱ mli bēbe, ke̱ yiwale̱ hũ, ni dšeṅ ní baba le̱ṅ hũ eená nāno̱ wala.

³¹Ši kleṅkleṅbii pī aatšṍmo̱ se̱kpelo̱i, ni se̱kpelo̱i aatšṍmo̱ kleṅkleṅbii.

³²Ni ame̱nyie gbe̱ ke̱-mīya Ierusalem; ni Iesu nyie ame̱hĩe, ni ame̱he edšõ ame̱he, ni ame̱nyie ese̱ ní ame̱mīše gbeyei. Nĩ eṅõ mei nyoṅma ke̱ enyo̱ le̱ ekoṅ ke̱-te afã, ni ebõiame̱ *noni baba eno̱ le̱ kē̱-mo̱ ake: [100]

³³Na, wo̱mīya Ierusalem, ni aaṅõ gbomobi le̱ awo oso̱fonukpai le̱ ke̱ woloṅmãlo̱i le̱ adeṅ, ni ame̱abule̱ gbĕle fo̱, ni ame̱aṅõle̱ ame̱hã wo̱ṅdšálo̱i le̱;

³⁴ni ame̱aye ehe fe̱o, ní ame̱ke̱ kplebii aayile̱, ni ame̱afẽ ladšõ ame̱aſie ehe, ni ame̱agbele̱; ni eno̱ gbĩ etẽ le̱ eete ši ekoṅ.

³⁵Ni Iakobo ke̱ Iohane, Zebedeo bii le̱, ba eṅõ ame̱bakē̱: Tšõlo̱, wo̱mīsumo̱ ake̱, noni wo̱babāo ne̱, ofe ohãwo̱.

³⁶Ni ekē̱ame̱ ake̱: Meni nyesumoo̱ ake̱ mife mihãnye?

³⁷Ni ame̱kē̱le̱ ake̱: Hãwo̱ hegbe̱ koni wo̱teṅ mokome atá oninedšŭrõ no̱ ni mokome hũ atá obe̱ku no̱ ye̱ onumnyam le̱ mli.

³⁸Ši Iesu kē̱ame̱ ake̱: Nyelee noni nyebio̱ le̱; ani nyeanyẽ *kpulu ní mibanu le̱ nyenu, alo nyeanyẽ ni ake̱ †mi-baptisimo̱ le̱ abaptisinye? [101]

³⁹Ni ame̱kē̱le̱ ake̱: Wo̱o̱nyẽ. Ši Iesu kē̱ame̱ ake̱: *Kpulu ní mibana le̱, nyeanu, ni baptisimo ní ake̱-abaptisimi le̱, ake̱-abaptisinye moṅ; [102]

⁴⁰ši mininedšŭrõ ke̱ mibe̱ku no̱ trámo̱ le̱ dšee minõṅ ní miṅõ-hãa, ši moṅ mei ni asā ato le̱ anōṅ.

⁴¹Ni beni mei nyoṅma le̱ nu le̱, ame̱mli bōi Iakobo ke̱ Iohane lawō.

⁴²Ši Iesu tšé̱ame̱ ke̱-ba eṅõ, ni ekē̱ame̱ ake̱: Nyele ake̱ mei ní abuo̱ame̱ mãdši le̱ ano̱yelo̱i le̱ yeo̱ ame̱no̱ nuntso̱, ni ame̱teṅ agboi le̱ ye̱ ame̱no̱ hewale̱. [103]

⁴³Ši nye le̱, ebe̱ nye nakai; ši moṅ mofẽmo ní taoo̱ agbo atšṍ ye̱ nyeteṅ le̱, eetšṍ moni aasúmo̱nye; [104]

⁴⁴ni moni taoo̱ nyeteṅ onukpa atšṍ le̱, eetšṍ mei le̱ fẽ tšũlo̱,

⁴⁵Edšake̱ gbomobi le̱ hũ baa koni asúmo̱le̱; ši súomo̱ moṅ eba, koni eṅõ esusuma ehã ye̱ mei pī akpõmo̱ hewo̱.

⁴⁶Ni ame̱še̱ Ieriko. Ni beni eke̱ ekaselo̱i le̱ ke̱ asafo yū dše̱ Ieriko ame̱yaä le̱, Bartimeo, ſilafo le̱, ní dši Timeo bi le̱, tá gbe̱dšegbe̱ le̱ toi ēsisẽ.

⁴⁷Ni beni enu ake̱ Iesu Nazarenyo le̱ṅ le̱, ebõi blo̱mo̱ ni ekē̱: Iesu, David bi, nami mo̱bo̱!

⁴⁸Ni mei pī fã́mo̱le̱ ake̱ ebu enā. Ši eblo̱ babaō moṅ fè tšutšu le̱ ake̱: David bi, nami mo̱bo̱!

⁴⁹Ni Iesu wa-damo̱ ši, ni ekē̱: Nye-tšé̱ale̱ ke̱-baä! Ni ame̱tšé̱ ſilafo le̱ ni ame̱kē̱le̱ ake̱: Ná tšui, te ši, ētšé̱o!

⁵⁰Nĩ ešé̱ etade le̱ efõ, ni ete ši ni eba Iesu ṅõ.

⁵¹Nĩ Iesu kē̱le̱ ake̱: Meni otaoo̱ ake̱ mife mihão? Ni ſilafo le̱ kē̱le̱ ake̱: Rabuni, ake̱ mana nii.

⁵²Ni Iesu kē̱le̱ ake̱: Ya, ohemo̱-ke̱-yeli le̱ etšáo. Ni amrõ le̱ noṅṅ le̱ ena nii, ni enyie ese̱ ye̱ gbe̱ le̱ no̱.