Read luganda Marko 12 Bible Online

Marko 12 - luganda bible

Marko 12

¹Ni Iesu ke̱ame̱ bõi wiemo̱ ye̱ abe̱buai amli ake̱: Nū ko fe *weintrom, ni efo afãbaṅ ewo he, ni etša weinbu ye̱ mli, ni etſa mō̃; ni eke̱-hã hũlo̱i apāyeli, ni edom. [114]

²Ni beni še̱ be le̱, etšũ tsũlo̱ ko ke̱-te hũlo̱i le̱ aṅõ, koni eyaṅõ weintrom le̱ mli yibii le̱ eko ye̱ hũlo̱i le̱ adeṅ ke̱-ba.

³Ši ame̱ le̱ ame̱mõle̱ ni ame̱yile̱, ni ame̱ſiele̱ eflo.

⁴Asaṅ etšũ tsũlo̱ kroko hũ ke̱-te ame̱ṅõ, ni ame̱tſiale̱ te̱i ni ame̱dſradſrā eyi, ni ame̱ſiele̱ ke̱ hĩegbĕle.

⁵Ni asaṅ etšũ mokroko ekoṅ, ni le̱ le̱ ame̱gbele̱; ke̱ meikrokomei pī hũ, ni ame̱yiyī meikomei, ni ame̱gbegbē meikomei.

⁶Agbe̱ne̱ eye̱ binū kome ní esumoo̱, ni nāgbē le̱ etšũle̱ hũ ame̱ṅõ ekē̱: Ame̱ hĩe aaso̱ mibi le̱.

⁷Ši ne̱ke̱ okwafoi ne̱ kē̱kē̱ ame̱he ake̱: Niyelo̱ le̱ ne̱; nyebaä ní nyehãa wo̱gbeale̱, ni egbošinii le̱ atšṍ wo̱nõ!

⁸Ni ame̱mõle̱ ni ame̱gbele̱, ni *ame̱wóle̱ ye̱ weintrom le̱ mli ame̱šé̱ ame̱fõ. [115]

⁹Nohewo̱ le̱ té weintrom tše̱ le̱ aafe tēṅ? Eeba ebakpãtã ne̱ke̱ okwafoi ne̱ ahĩe, ni eeṅõ weintrom le̱ ehã meikrokomei apāyeli.

¹⁰Ani nyekaneko ne̱ke̱ ṅmãle̱ ne̱: “Te̱ le̱ ni tšũtſalo̱i le̱ šé̱ fõ le̱, no noṅṅ etšṍ koṅte̱; [116]

¹¹Nuntšo̱ le̱ deṅ ene̱ dše̱ ni eye̱ nā-kpe̱ ye̱ wo̱hĩṅme̱iiaṅ”?

¹²Ni ame̱mītaole̱ ame̱mõ, ši ame̱mīše asafo le̱ gbeyei; edšake̱ ame̱le ake̱ ame̱hewo̱ eba ne̱ke̱ abe̱ ne̱. Ni ame̱šĩle̱ ame̱te.

¹³Ni ame̱tšũ Farisifoi le̱ ke̱ *Herodebii le̱ ateṅ meikomei ke̱-ba eṅõ, koni ame̱bamõ enā enyo̱ṅ ye̱ wiemo̱ mli. [117]

¹⁴Ši beni ame̱ba le̱, ame̱kē̱le̱ ake̱: Tšõlo̱, wo̱le ake̱ ano̱kwafo dšio, ni okpaa gbomei amli; edšake̱ okwe̱e̱ gbomei ahĩentšei ano̱, ši moṅ otšõo̱ Nyoṅmo̱ gbe̱ le̱ ye̱ ano̱kwale mli: Ani edša ake̱ atšũo̱ onĩa ahãa Kaisare, alo edšaa? Wó̱hã, lo wo̱kahã?

¹⁵Ši ní eyo ame̱osatofemo̱ le̱, ekē̱ame̱ ake̱: Mẽba nyetšõ̀o̱ minā? Nyeke̱ denario le̱ abaä, ní makwe̱a.

¹⁶Ni ame̱ke̱-ba. Ni ekē̱ame̱ ake̱: Namo mfoniri ke̱ no̱ṅmãle̱ ne̱? Ni ame̱kē̱le̱ ake̱; Kaisare nõṅ.

¹⁷Ni Iesu here no̱ ni ekē̱ame̱ ake̱: Nyeṅõa *Kaisare nii nyehãa Kaisare, ni nyeṅõa Nyoṅmo̱ nii nyehãa Nyoṅmo̱. Ni ame̱hĩe feame̱ yã ye̱ ehewo̱. [118]

¹⁸Ni Sadukifoi ni kē̱o̱ ake̱ gbohĩĩaši-tē ko be̱ le̱ hũ ha eṅõ, ni ame̱babile̱ ake̱:

¹⁹Tšõlo̱, Mose *ṅmã hãwo̱ ake̱: “Ké̱ moko nyemi gbo, ni ešĩ eṅã, ni ešĩĩ bii le̱, enyemi le̱ áṅõ eṅã le̱, ni ewo ſĩei éhã enyemi le̱.” [119]

²⁰Agbe̱ne̱ nyemimei kpawo hĩ ši; ni onukpa le̱ w̌e̱ yō, ni beni egbo le̱, ešĩĩ bi;

²¹ni moni dši enyo̱ le̱ hũ ṅõle̱, ni egbo, ni le̱ hũ ešĩĩ bi ko ye̱ ese̱; ni moni dši etẽ le̱ hũ nakai noṅṅ.

²²Ni mei kpawo le̱ fẽ ke̱le̱ hĩ ši, ni ame̱šĩĩ bii ye̱ ame̱se̱. Ni ame̱fẽ ame̱se̱ le̱ yō le̱ hũ bagbo.

²³Bĕle̱ gbohĩĩašitē le̱ mli, beni ame̱ate ši le̱, ame̱teṅ namo ṅã eetšṍ, edšake̱ mei kpawo le̱ fẽ w̌e̱le̱?

²⁴Ni Iesu here no̱ ni ekē̱ame̱ ake̱: Ani dšee ṅmãle̱i le̱ ke̱ Nyoṅmo̱ hewale̱ le̱ ní nyelee le̱ hewo̱ nyetõo̱ ne̱?

²⁵Edšake̱ beni ame̱ate ši ke̱-adše̱ gbohĩĩ ateṅ le̱, ame̱w̌e̱ṅ yei, ni asaṅ ame̱gbãṅ; ši moṅ ame̱atamo̱ ṅweibo̱foi.

²⁶Ši gbohĩĩ le̱, ake̱-ní ame̱teo̱ ši ekoṅ le̱, ani nyekaneko ye̱ *Mose wolo le̱ mli, ye̱ ṅmeitšo le̱ he, bo̱ni Nyoṅmo̱ kē̱le̱ ake̱: “Mi le̱, Abraham Nyoṅmo̱ ke̱ Isak Nyoṅmo̱ ke̱ Iakob Nyoṅmo̱ dšimi” le̱? [120]

²⁷Nyoṅmo̱ dšee gbohĩĩ a-Nyoṅmo̱, ši hĩekãlo̱i moṅ a-Nyoṅmo̱ dšile̱. Nohewo̱ le̱ nyemītõ babaō.

²⁸Ni woloṅmãlo̱i le̱ ateṅ mokome ní nu ake̱ ame̱mībibīle̱ sane le̱ hũ ba, ni beni ena ake ehāame̱ hetō dšogbāṅ le̱, ebile̱ ake̱: Té noni dši kitãi le̱ ateṅ kleṅkleṅnõṅ?

²⁹Ši Iesu herele̱ no̱ ake̱: Kitãi le̱ fẽ ateṅ kleṅkleṅnõ dši ene̱: *“Bo toi, Israel! Nuntšo̱, wo̱-Nyoṅmo̱ le̱, Nuntše̱ kome ni; [121]

³⁰ni suomo̱ Nuntše̱ o-Nyoṅmo̱ le̱ ke̱ otšui fẽ ke̱ osusuma fẽ ke̱ odſẽṅmo̱ fẽ ke̱ onyẽmo̱ fẽ!” Ene̱ dši kleṅkleṅ kitã.

³¹Ni noni dši enyo̱ le̱ tamo̱ no: *“Suomo̱ onanyo tamo̱ bo̱ni osumoo̱ bodientše̱ ohe.” Kitã ko be̱ ní fè ene̱mei. [122]

³²Ni woloṅmãlo̱ le̱ kē̱le̱ ake̱: Odšogbāṅ, tšõlo̱! ano̱kwale okē̱ ake̱ Nyoṅmo̱ kome pe̱ ye̱, ni Nyoṅmo̱ ko be̱, dša le̱ ke̱ke̱ le̱;

³³ni le̱ suomo̱ ke̱-dše̱ tšui fẽ ke̱ nilē fẽ ke̱ susuma fẽ ke̱ nyẽmo̱ fẽ mli, ke̱ nanyo suomo̱ tamo̱ bo̱ni mo sumoo̱ le̱dientše̱ ehe le̱, *efè šã-afolei ke̱ afo̱lei fẽ. [123]

³⁴Ni beni Iesu na ake̱ eto be ye̱ nilē nā le̱, ekē̱le̱ ake̱: *Oke̱ Nyoṅmo̱ maṅtše̱yeli le̱ teṅ dšeke̱e̱. Ni mokomoko ekaale̱ sane ko bimo̱ doṅṅ. [124] (35-37. Mat. 22,41-46 Luk. 20,41-44.)

³⁵Ni beni Iesu tšõo̱ nii ye̱ so̱lemo̱we le̱, ewó enā no̱ ni ekē̱: Té tēṅ ní woloṅmãlo̱i le̱ kē̱o̱ ake̱ Kristo le̱ David biṅ le̱?

³⁶Edšake̱ *David dientše̱ kē̱ †ye̱ Mumo̱ kroṅkroṅ le̱ nā ake̱: “Nuntso̱ le̱ kē̱ mi-Nuntšo̱ le̱ ake̱: Tá mininedšŭrõ no̱ ke̱-yaši beyino̱ ní maṅõ ohenye̱lo̱i mafe onanešĩšĩ mãṅō!” [125]

³⁷Ké̱ David dientše̱ tšé̱o̱le̱ Nuntso̱ le̱, té tēṅ ni edši ebi mo̱?

³⁸Ni mei babaō bóle̱ toi ke̱ mīše̱. Nĩ ekē̱ame̱ ye̱ enitšõmo̱ le̱ mli ake̱: Nyehĩe ahĩa nyehe no̱ ye̱ woloṅmãlo̱i le̱ ahewo, mei ni sumoo̱ atade-wuyā-wō ke̱ nyiemo̱, ke̱ dšā no̱ ṅãmo̱i,

³⁹ke̱ onukpai-ašitrámo̱hei ye̱ kpēhei le̱, ke̱ okplõyitšotámo̱ ye̱ niyenii aši;

⁴⁰mei ni mī̃o̱ yei okũlafoi ašĩai, ni lakpatō hewo̱ le̱ ame̱so̱leo̱ so̱lemo̱i kakadãdši: mene̱mei afo̱bū le̱ aafè nine!

⁴¹Ni Iesu yatá *šikatōhe le̱ ṅe̱le̱no̱ ni ekwe̱o̱ bo̱ni mei le̱ ṅōo̱ šika woo̱ šikatōhe le̱ mli. Ni niiatše̱mei pī ṅõo̱ babaō woo̱ mli. [126]

⁴²Ni yō okũlafo ohĩafo ko hũ ba, ni eke̱ leptoi enyo̱ ní nā šio̱ tšākpō bawo mli.

⁴³Ni etšé̱ ekaselo̱i le̱ ke̱-ba ni ekē̱ame̱ ake̱: Le̱le̱ṅ, mīkē̱nye ake̱: Ne̱ke̱ okũlafo ohīafo ne̱ ke̱ pī éwo mli fè mei fẽ ní ke̱ eko ébawo šikatōhe le̱ mli le̱.

⁴⁴Edšake̱ mei le̱ fẽ le̱, noni ame̱ná ni eteke no̱ le̱ eko ame̱ke̱-bawo mli; ši mone̱ le̱, noni eyo̱ ye̱ ehĩa mli ni eke̱-lè̱o̱ ehe le̱ fẽ eke̱-bawo mli ne̱. [127]