Read luganda Marko 2 Bible Online

Marko 2 - luganda bible

Marko 2

¹Ni gbĩĩ komei ase̱ le̱ eba Kapernaum ekoṅ. Ni anu ehe ake̱ eye̱ šĩa;

²ni amrõ le̱ mei pī babua amehe nā, ní ame̱naa gbe̱ ye̱ agbó le̱ nā tete. Ni ewie etšõame̱.

³Ni ake̱ moko ní yeo̱ kũmo̱-hela, ní mei edſe̱ tẽrele̱ ba eṅõ.

⁴Ni ake̱ noni mei pī le̱ ahewo̱ le̱ ame̱náá gbe̱ ní ame̱ke̱le̱ aše̱ eṅõ le̱, ame̱-yafā tšũ ní eyo̱ mli le̱ yiteṅ, ni ame̱gbu flo, ni ame̱ši sā ní helatše̱ le̱ kã no̱ le̱ ke̱-tšṍ dše̱i ke̱-bayi ši.

⁵Ni beni Iesu na ame̱hemo̱-ke̱-yeli le̱, ekē̱ helatše̱ le̱ ake̱: Bi, aṅõ ohe ešai le̱ afao!

⁶Ši woloṅmãlo̱i le̱ ateṅ meikomei ní trá dše̱i le̱ susu ye̱ ame̱tšuiiaṅ ake̱:

⁷Mẽhewo̱ mone̱ wieo̱ ne̱ke̱ musubō̱wiemo̱i ne̱? Namo aanyẽ eke̱ ešai afa, ake̱ dša Nyoṅmo kome pe̱? [12]

⁸Ni amrõ ni Iesu yo ye̱ emumo̱ le̱ mli ake̱ ame̱mīsusu ne̱ke̱ ye̱ ame̱mli le̱ ekē̱ame̱ ake̱: Mẽba nyesusuo̱ ne̱ke̱ nii ye̱ nyetšuiiaṅ?

⁹Noni aakē̱ moni ekũmo̱ le̱ ake̱: Aṅõ ohe ešai le̱ afao le̱, alo noni aakē̱: Te ši, wó osā le̱ ni onyie le̱, té emli noni kē̱mo̱ dšraaṅ?

¹⁰Ši beni afe ní nyena ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱, (ekē̱ moni ekũmo̱ le̱ ake̱:)

¹¹Mīkē̱o ake̱: Te ši, wó osā le̱ ni oya owe!

¹²Ni amrõ le̱ ete ši, ni ewó esā le̱ ni edše kpo ye̱ ame̱fẽ ame̱hĩe, ni ame̱fẽ ame̱nā kpe ame̱he, ni ame̱wo Nyoṅmo̱ hĩe nyam ame̱ke̱: Wo̱nako ene̱ eko dã!

¹³Ni edše kpo ekoṅ ke̱-te ṅšo̱ le̱ nā; ni asafo le̱ fẽ ba eṅõ, ni ewie etšõame̱.

¹⁴Ni beni ehoo̱ le̱, ena Levi, Alfeo bi le̱, ní etá ntōhemo̱he le̱, ni ekē̱le̱ ake̱: Nyiemo̱ mise̱! Ni ete ši enyie ese̱.

¹⁵Ni eba mli ake̱, beni etá niyenii ahe ye̱ no šĩa le̱, ntōhelo̱i ke̱ ešafelo̱i pī hũ ke̱ Iesu ke̱ ekaselo̱i le̱ baye nii; edšake̱ ame̱yi fá, ni amenyie ese̱.

¹⁶Ni woloṅmãlo̱i le̱ ke̱ Farisifoi le̱, beni ame̱na ake̱ eke̱ ešafelo̱i ke̱ ntōhelo̱i le̱ miye nii le̱, ame̱kē̱ ekaselo̱i le̱ ake̱: Mẽba ni eke̱ ešafelo̱i ke̱ ntōhelo̱i yeo̱ nii ni eke̱ame̱ nuo̱ ne̱?

¹⁷Ši beni Iesu nu le̱, ekē̱ame̱ ake̱: Mei ní yo̱ hewale̱ le̱, tšofãtše̱ he ehĩaa-ame̱; ši moṅ mei ni he yeo le̱. Mibaa dšalo̱i atšé̱mo̱, ši ešafelo̱i moṅ ní ame̱tšake ame̱tšui.

¹⁸Ni Iohane kaselo̱i le̱ ke̱ Farisifoi le̱ fo̱ö̱ ṅmā̃hĩle̱. Ni ame̱ba eṅõ ame̱ba-kē̱le̱ ake̱: Mẽba ni Iohane ke̱ Farisifoi le̱ akaselo̱i le̱ hĩo̱ ṅmā̃, ni okaselo̱i le̱ ehū ṅmā̃ le̱?

¹⁹Ši Iesu kē̱ame̱ ake̱: Ani yōkpēmo̱ be bialo̱i le̱ aanyẽ nmā̃ ahĩ be mli ní ayemforowu le̱ ke̱ame̱ yo̱ le̱? Gbĩĩ abo̱ ni ayemforowu le̱ ke̱ame̱ yo̱ le̱, ame̱nyẽṅ nmā̃ ame̱hĩ.

²⁰Ši gbĩĩ aaba ní aaṅõ ayemforowu le̱ ke̱-adše̱ ame̱nō; ni no dãni ame̱ahĩ ṅmā̃, ye̱ no gbĩ le̱ no̱.

²¹Moko eṅōõ mamanā hē etáá atade momo; edšake̱ kũle̱ mamanā hẽ ni aṅõ-tà ni etši flo̱ le̱ yeo̱ atade momo le̱, ni flo̱ le̱ lē̱o̱.

²²Ni moko eṅõõ wein hē ewoo woloto̱i memedši amli; no le̱ wein hē le̱ aafle̱ woloto̱i le̱, ni wein le̱ aaſie ši, ni woloto̱i le̱ aafite; ši moṅ wein hē le̱ woloto̱i hēi amli ake̱-woo̱.

²³Ni eba mli ake̱ Iesu yatšṍ ablenmõ mli ye̱ hedšō̱mo̱gbĩ le̱ no̱, ni ekase-lo̱i le̱, beni ame̱yaä le̱, ame̱bõi abletšei le̱ kũomo̱ ke̱ kpemo̱.

²⁴Ni Farisifoi le̱ kē̱le̱ ake̱: Kwe̱, mẽba ame̱feo̱ noni edšaa gbe̱ ye̱ hedšō̱mo̱gbĩ le̱ no̱ ne̱?

²⁵Ši ekē̱ame̱ ake̱: Ani nyekaneko dã noni David fe, beni efĩle̱ ni hõmo̱ yele̱ ke̱ mei ní eke̱-nyie le̱?

²⁶*bo̱ni ebote Nyoṅmo̱ we le̱ ye̱ oso̱fonukpa Abiatar yine̱ le̱, ni eye hĩe-mã-aboloĩ le̱ ní moko be̱ hegbe̱ ake̱ eyeo †ake̱ dša oso̱foi le̱ ke̱ke̱ le̱, ni eha mei ní ke̱le̱ nyie le̱ hũ eko le? [13]

²⁷Ni ekē̱ame̱ ake̱: Gbomo hewo ato hedšō̱mo̱gbĩ le̱, ši dšee hedšō̱mo̱gbĩ le̱ hewo̱ abo̱ gbomo. [14]

²⁸Nohewe̱ le̱ hedšō̱mo̱gbĩ le̱ po nuntšo dši gbomobi le.