Read luganda Marko 4 Bible Online

Marko 4 - luganda bible

Marko 4

¹Ni ebõi nitšõmo̱ ekoṅ ye̱ ṅšo̱ le̱ nā. Ni mei pī bua ame̱he nā ye̱ ehewo̱, nohewo̱ le̱ ebote le̱le̱ le̱ mli ni eyatá ši ye̱ ṅšo̱ le̱ hĩe, ni asafo le̱ fẽ bua ši ye̱ ṅšo̱ le̱ nā.

²Ni etšõame̱ nii pī ye̱ abe̱buai amli, ni ekē̱ame̱ ye̱ enitšõmo̱ le̱ mli ake̱: Nyeboa toi!

³Na, nidũlo̱ yiṅ ete dũmo̱.

⁴Ni eba mli ake̱, beni edũo̱ le̱, eko yaſie gbe̱ toi, ni ṅwei lofõdši ba ame̱-bakŏ̱lo̱.

⁵Ni eko yaſie te̱sāi ano̱, heni enáá sŭ pī ye̱, ni ake̱-ní enáá sũ ní mli kwo̱ hewo̱ le̱, ekwẽ oyá;

⁶ši beni hũlũ dše le̱, eboda, ní ebe̱ fã ko hewo̱ le̱ eṅãlã.

⁷Ni eko yaſie ṅmeii ateṅ, ni ṅmeii le̱ hole ame̱he ne̱ ni ame̱gbe no̱, ní ewoo yibii.

⁸Ši eko yaſie šikpoṅ kpakpa no̱, ni ewo yibii: ekwẽ ni eda ni eba, eko nyoṅmai-etẽ, eko nyoṅmai-ekpa, ke̱ eko oha.

⁹Ni ekē̱: Moni yo̱ toii ní eke̱-anu le̱, hã ni enu.

¹⁰Ni beni ſe̱ ekome le̱, mei ní yo̱ ehewo̱ le̱ ke̱ mei nyoṅma ke̱ enyo̱ le̱ bile̱ abe̱ le̱ šiši.

¹¹Ni ekē̱ame̱ ake̱: Nye le̱, aṅõ Nyoṅmo̱ maṅtše̱yeli he tēmo̱sane le̱ ahānye ake̱ nyele; ši *mei nī yo̱ se̱ le̱, abe̱buai amli ake̱ame̱ aawie nii fẽ; [21]

¹²“koni na le̱ ame̱na ne̱, ši ame̱kayo se̱, ni nu le̱ amenu ne̱, ši ame̱kana šiši; koni ame̱kakpale gbĩkogbĩko, ní aṅõ ame̱he ešai le̱ afaame̱.” [22]

¹³Ni ekē̱ame̱ ake̱: Ke̱ nyelee abe̱ ne̱ le̱, bĕle̱ té nyeafe tēṅ mo̱ ní nyeale abe̱i le̱ fẽṅ?

¹⁴Nidũlo̱ le̱ dũo̱ wiemo le̱.

¹⁵Ši mene̱mei dši mei ní yo̱ gbe̱ toi le̱: heni adũo̱ wiemo le̱ ye̱, ní beni ame̱nu le̱, amrõ le̱ satan baä ni ebašaraä wiemo̱ le̱ ní adũ ye̱ ame̱tšuiiaṅ le̱.

¹⁶Nakai noṅṅ kẽ mei ní adũame̱ ye̱ te̱sāi ano̱ le̱ dši mei ní nuo̱ wiemo̱ le̱, ni amrõ le̱ ame̱ke̱ mīše̱ mõo̱ mli,

¹⁷ši ame̱be̱ šišifã ye̱ ame̱dientše̱ ame̱mli, hewo̱ le̱ be fiō ko ke̱ke̱ ame̱hĩo̱ ši, ni ké̱ amanehũlũ lo yiwale̱ te ši ye̱ wiemo̱ le̱ hewo̱ le̱, etše̱e̱ ke̱ke̱ ni amenane tõtõo̱.

¹⁸Ni mei ní adũame̱ ye̱ ṅmeii ateṅ le̱ dši mei ní nuo̱ wiemo̱ le̱,

¹⁹ši dše ne̱ṅ he nāgbamo̱ ke̱ ninámo̱ he lakamo̱ ke̱ nii krokomei ahe ako̱no̱ yaboteo̱ mli, ni ame̱gbeo̱ wiemo̱ le̱, ni ewoo yibii. [23]

²⁰Ni mene̱mei dši mei ní adũ ye̱ šikpoṅ kpakpa no̱ le̱: mei ní nuo̱ wiemo̱ le̱, ni ame̱mõo̱ mli, ni ame̱woo̱ yibii, eko nyoṅmai-etẽ, eko nyoṅmai-ekpa, ke̱ eko oha.

²¹Ni ekē̱ame̱ ake̱: Ani ake̱ kane māa tšese lo sātšo šiši? Ani dšee kanetšo no̱ aṅõ-mãa? [24]

²²Edšake̱ noko be̱ ní ábú no̱, ní agbleṅ nã, ni noko hũ be̱, ni ake̱-tē ni adšieṅle̱ ši. [25]

²³Ke̱dši moko ye̱ toii ní eke̱-anu le̱, hã ni enu.

²⁴Ni ekē̱ame̱ ake̱: Nyekwe̱a noni nyenuo̱ le̱ dšogbāṅ! Nõ susumo̱nõ ní nyeke̱susuō̱ le̱, no aaṅõ-susu ahãnye, ni aafata he ahãnye mei ní nyenuo̱ le̱. [26]

²⁵Edšake̱ moni yo̱ noko le̱, aahãle̱; ni moni be̱ noko le̱, aahe noni eyo̱ le̱ tete ye̱ edeṅ. [27]

²⁶Ni ekē̱: Bo̱ni Nyoṅmo̱ maṅtše̱yeli le̱ yo̱ ne̱: etamo̱ bo̱ni moko ṅõo̱ dũmo̱nĩi eſăa šikpoṅ;

²⁷ni eyawo̱ō̱ ni eteo̱ ši nyōṅ ke̱ ſane, ni dũmo̱nii le̱ kwẽo̱ ni edaä, ni no lee bo̱ni fe; [28]

²⁸edšake̱ šikpoṅ dientše̱ woo̱ yibii, dſe̱i le̱ tšutšu, ke̱ fe se̱ le̱ ṅmā̃tšo le̱, ni no se̱ le̱ ṅmā̃ le̱ dientše̱ ye̱ ṅmā̃tšo le̱ yi.

²⁹Ši ké̱ yibii le̱ tšu le̱, amrõ le̱ ehaa ake̱ nikpamo̱kakla le̱ yaä; edšake̱ nikpamo̱be eše̱.

³⁰Ni ekē̱: Meni he we̱o̱ṅõ Nyoṅmo̱ maṅtše̱yeli le̱ wo̱to, alo mẽ abe̱ woo̱bu ye̱ he?

³¹Etamo̱ sinapiwú kuli kome ní beni adũo̱ ye̱ šikpoṅ le̱ edši wú bibiō fè šikpoṅ le̱ no̱ wúi fẽ;

³²ši ké̱ adũ le̱, ekwẽo̱ ni edaä fè ſiebāi fẽ, ni egblaä nidši kplei, bo̱ni ṅwei lofõdši le̱ aanyẽ afe tšui ye̱ ehō̃ṅ le̱ šiši.

³³Ni ebu ne̱ke̱ abéi pī eke̱-wie wiemo̱ le̱ etšõame̱, bo̱ni ame̱anyẽ amenu šiši.

³⁴Ni abe̱buai amli so̱ṅṅ ke̱ke̱ eke̱ame̱ wieo̱; ši ké̱ ſe̱ ame̱ ke̱ke̱ le̱, etšõo̱ ekaselo̱i le̱ fẽ šiši.

³⁵Ni no gbĩ le̱ no̱ noṅṅ, beni še̱ gbe̱-ke̱nāši le̱, ekē̱ame̱ ake̱: Nyehãa wo̱foa ṅšo̱ le̱ ke̱-yaä ese̱gbe̱.

³⁶Ni ame̱šĩ asafo le̱, ni ame̱ṅõle̱ bo̱ni eyo̱ ye̱ le̱le̱ le̱ mli le̱ noṅṅ ke̱-te; ni le̱dši krokomei hũ fata ehe.

³⁷Ni ahum babaō batſa, ni ṅšo̱kei kũmo̱ wo le̱le̱ le̱ mli, ni ēhe eyi.

³⁸Ni le̱ le̱ eye̱ le̱le̱ le̱ se̱gbe̱, ni ekã sune ne̱ ewo̱. Ni ame̱tšĩele̱, ni ame̱kē̱le̱ ake̱: Tšõlo̱, ni wo̱lãdšeo̱ ne̱ odſẽṅṅ no̱?

³⁹Ni ete ši efá kō̱yo̱ le̱ yi, ni ekē̱ ṅšo̱ le̱ ake̱: Bú onā ni ofe diṅṅ: Ni kō̱yo̱ le̱ fō tſā ni eṅmẽ de̱mm.

⁴⁰Ni ekē̱ame̱ ake̱: Mẽba nyešeo̱ gbeyei ne̱ke̱? té tēn ní nyebe̱ hemo̱-ke̱-yeli ne̱?

⁴¹Ni ame̱še gbeyei naakpa, ni ame̱kē̱kē̱ ame̱he ake̱: Namo po ne̱, ni kō̱yo̱ ke̱ ṅšo̱ tete boo̱le̱ toi ne̱?