Read luganda Marko 5 Bible Online

Marko 5 - luganda bible

Marko 5

¹Ni ame̱ba ṅšo̱ le̱ se̱ ye̱ Gadarabii ašikpoṅ le̱ no̱.

²Ni beni ekpleke le̱, amrõ le̱ nū ko ni mumo̱ fõṅ yo̱ emli dše̱ gbohĩĩabui le̱ amli ke̱le̱ bakpe.

³Ni gbohĩĩabui amli ehĩo̱, ni mokomoko nyẽẽ kõsõṅkõsõi po awole̱.

⁴Edšake̱ awole̱ gbokle̱i ke̱ kõsõṅkõsõi āhũ, ši etšere̱o̱ kõsõṅkõsõi le̱, ni ekũmoo̱ gbokle̱i le̱, ni mokomoko nyẽẽ ehe adšō̱;

⁵ni dāne̱ nyōṅ ke̱ ſane fẽ le̱ gbohĩĩabui le̱ ke̱ gõdši le̱ amli eyo̱, ni eblo̱ö̱ ni eke̱ te̱i flo̱ö̱ ehe.

⁶Ši beni ena Iesu ye̱ šoṅṅ le̱, edšo foi ke̱-ba eṅõ, ni ebakūla ši ye̱ ehĩe;

⁷ni ebo ke̱ gbē wale̱ ekē̱: Meni sane mike̱o yo̱, Iesu, Nyoṅmo̱ ní yo̱ ṅwei šoṅṅ le̱ bi? Mina Nyoṅmo̱, ake̱ kāpĩmi! [29]

⁸Edšake̱ ekē̱le̱ ake̱: Dše gbomo ne̱ mli, ho mumo̱ fõṅ!

⁹Ni ebile̱ ake̱: Té ogbe̱iṅ? Ni ehere no̱ ekē̱: Migbei dši Legio, edšake̱ woyi fá.

¹⁰Ni ekpale̱ fai naakpa ake̱ ekaſieame̱ ye̱ dše̱i niiaṅ.

¹¹Ši kplotoiku kple ko ye̱ dše̱i miye nii ye̱ goṅ le̱ he.

¹²Ni daimonioi le̱ fẽ kpale̱ſai ame̱kē̱: Hã wo̱ya kplotoi le̱ ateṅ ni wo̱yabote ame̱mli.

¹³Ni amrõ le̱ Iesu ṅmẽame̱ gbe̱. Ni mumo̱i fōdši le̱ dše kpo, ni ame̱yabote kplotoi le̱ amli, ni ku mū le̱ fẽ wo foi ke̱-dše̱ goṅ le̱ no̱ ke̱-kpleke ši ke̱-yaſie ṅšo̱ le̱ mli, (ši ame̱yi aafe akpei enyo,) ni ame̱gboi ye̱ ṅšo̱ le̱ mli.

¹⁴Ni mei ni kwe̱o̱ame̱ le̱ dšo foi, ni ame̱yagba ye̱ mã le̱ṅ ke̱ ṅmõdši le̱ amli. Ni ame̱dše kpo ame̱bakwe̱ noni afe le̱;

¹⁵ni ameba Iesu ṅõ, ni ame̱hana moni daimonioi Legio hĩ emli le̱, ake̱ etá ši ni ewo atade ni ehĩe etšere̱le̱; ni efe-ame̱ gbeyei.

¹⁶Ni mei ní na le̱ gbaame̱ noni afe moni daimonioi yo̱ emli le̱, ke̱ kplotoi le̱ abe sane le̱.

¹⁷Ni ame̱bõile̱ faikpamo̱ ake̱ édše ame̱kpokpai le̱ ano̱ eya.

¹⁸Ni beni eboteo̱ le̱le̱ le̱ mli le̱, moni daimonioi hĩ emli le̱ kpale̱ fai ake éhã eke̱le̱ ahĩ ši.

¹⁹Ši Iesu ekplẽẽle̱, ši moṅ ekē̱le̱ ake̱: Ya owe ke̱ bodieutše̱ owekumei le̱ aṅõ, ni oyagbaame̱ niwudši ní Nuntšo̱ le̱ éfe ehão ke̱ mo̱bo̱ ní enao le̱.

²⁰Ni eyiṅ ete, ni eyabõi niwudši ní Iesu efe ehãle̱ le̱ šie̱mo̱ ye̱ *Dekapoli; ni efe ame̱fẽ nākpe̱. [30]

²¹Ni beni Iesu ke̱ le̱le̱ le̱ fo ṅšo̱ le̱ ke̱-ba se̱ le̱, mei pī babua ame̱he nā ye̱ ehe; ni eye̱ ṅšo̱ le̱ nā.

²²Ke̱ke̱ ni kpēhe le̱ onukpai le̱ ateṅ mokome ni atšé̱o̱le̱ Iairo le̱ ba, ni beni enale̱ le̱, eho ekũla ši ye̱ enãdši anā,

²³ni ekpale̱ fai āhũ ekē̱ ake̱: Gbo mibiyō fiō heo̱ agbo ne̱; hewo̱ le̱ ba ni oke̱ *onidši abaſie eno̱, ní ehe awale, ní eyi aná wala. [31]

²⁴Ni eke̱le̱ te; ni mei pī nyie ese̱, ni ame̱mĩale̱.

²⁵Ni yō ko ní he yeo̱ ke̱ láfo̱semo̱ afii nyoṅma ke̱ enyo̱,

²⁶ni ena nõ babaō ye̱ tšofãtše̱mei pī adeṅ, ni efite edeṅnii fẽ, ni kẽle̱ ehĩko hãkole̱ kwrā, ši wu moṅ ewoo̱ le̱;

²⁷beni enu Iesu he le̱, ebadše ese̱gbe̱ ye̱ mei pī le̱ ateṅ, ni eta etade le̱ he

²⁸Edšake̱ ekē̱ ake̱: Ke̱dši miná etade le̱ he mita ke̱ke̱ le̱ mihe aawami.

²⁹Ni amrõ le̱ elá bu le̱ nā mõ, ni enu he ye̱ ehewodšiaṅ ake̱ átšá ehela le̱.

³⁰Ni amrõ le̱, beni Iesu yo ake̱ hewale̱ ko edše emli le̱, etšṍ ehe ye̱ mei le̱ ateṅ, ni ebi ake̱: Namo ta mitade le̱ he le̱? [32]

³¹Ni ekaselo̱i le̱ kē̱le̱ ake̱: Ōna ake̱ asafo le̱ mĩmĩao, ni osā obio̱ ake̱: Namo ta mihe?

³²Ni ekwe̱ ehewo̱, koni ena moni fe nakai le̱.

³³Ši yō le̱ mĩše gbeyei ni ehe mīkpokpo, ake̱-ní ele noni afe ahãle̱ le̱, ni eba ebakũla ši ye̱ ehĩe, ni ekē̱le̱ ano̱kwale le̱ fẽ.

³⁴Ši le̱ le̱ ekē̱le̱ ake̱: Biyō, ohemo̱-ke̱-yeli ehã ohe ewao; ya ye̱ hedšo̱le̱ mli, ni ohela le̱ aadšo̱o.

³⁵Beni ewieo̱ lolo le̱, meikomei dše̱ kpēhe onukpa le̱ webii le̱ ateṅ ba bakē̱le̱ ake̱: Obiyō le̱ égbo; mẽba ogbaä tšõlo̱ le̱ nā lolo?

³⁶Ši beni Iesu nu wiemo̱ ni awie le̱, ekē̱ kpēhe onukpa le̱ ake̱: Kāše gbeyei; he oye ke̱ke̱!

³⁷Ni ehãã moko anyie ese̱, ake̱ dša Petro ke̱ Iakobo ke̱ Iohane, Iakobo nyemi le̱, ke̱ke̱.

³⁸Ni ameba kpēhe le̱ onukpa le̱ we le̱, ni ebana hōfemo̱ ke̱ mei ní fóo̱ ni ame̱yeo̱ ṅko̱mo̱ babaō le̱.

³⁹Ni ebote šĩa le̱, ni ekē̱ame̱ ake̱: Mẽba nyefeo̱ hõ ni nyefóo̱ ne̱ke̱? Gbekẽ le̱ *gboko, ši wo̱ ewoo. [33]

⁴⁰Ni ame̱ṅmõle̱. Ši le̱ le̱ eſie mei le̱ fẽ, ni eṅõ gbekẽ le̱ tše̱ ke̱ enye ke̱ mei ní fata ehe le̱, ni eyabote heni gbekẽ le̱ kã le̱,

⁴¹ni emo enine ši, ni ekē̱le̱ ake̱: “Talita, kūmi!” ešiši dši: Gbekẽyō, *mi-kē̱o ake̱: Te ši! [34]

⁴²Ni amrõ le̱ gbekẽyō le̱ te ši ni ešĕra ši; edšake̱ eye afii nyoṅma ke̱ enyo̱. Ni ame̱nā kpe̱ ame̱he naakpa.

⁴³Ni etſa ame̱nā mã vevēve ake̱ ame̱-kahā moko mīle ene̱. Ni efã́ ake̱ ahãle̱ noko ni eye.