Read luganda Marko 9 Bible Online

Marko 9 - luganda bible

Marko 9

¹Ni ekē̱ame̱ ake̱: Le̱le̱ṅ, mīkē̱nye ake̱: Meikomei ye̱ mei ní damo bie̱ ne̱ ateṅ, ní ame̱saṅ ame̱nä gbĕle ke̱-yaši beyino ni ame̱ana Nyoṅmo̱ maṅtše̱yeli le̱ ake̱ ēba ye̱ hewale̱ mli.

²Ni no se̱ gbĩĩ ekpa le̱ Iesu ṅõ Petro ke̱ Iakobo ke̱ Iohane, ni eke̱ame̱ ke̱ke̱ te goṅ ni kwo̱ ko no̱ ye̱ afã bãnē; ni esu tšake ye̱ ame̱hĩe.

³Ni etadei le̱ kpé̱, ni eyé̱ futafuta boni niiahefo̱lo̱ ko be̱ šikpoṅ ne̱ no̱ ni aanyẽ aha eyé̱ nakai.

⁴Ni Elia ke̱ Mose dšĩe ame̱he kpo ame̱tšõame̱, ni ame̱ke̱ Iesu bawie.

⁵Ni Petro here no̱ ni ekē̱ Iesu ake̱: Rabi, ehĩ hawo̱ ake̱ wo̱o̱hĩ bie̱; ni hã wo̱fe bui etẽ, onõ ekome, ke̱ Mose nõ ekome, ke̱ Elia nõ ekome.

⁶Ši elee noni ekē̱o̱; edšake̱ ame̱dšidšā.

⁷Ni atatu bakete ame̱no̱, ni gbē ko dše̱ atatu le̱ mli kē̱: *Mone̱ dši misuomo̱bi le̱, nyeboale̱ toi! [66]

⁸Ni amrõ le̱, beni ame̱kwe̱o̱ ame̱he le̱, ame̱naa mokomoko doṅṅ, ake̱ dša Iesu ke̱ ame̱ ke̱ke̱.

⁹Ši beni ame̱kplekeo̱ goṅ le̱, etſa ame̱nā mã ake̱ ame̱kagba moko nii ni ame̱na le̱, dša gbomobi le̱ ete ši ke̱-dše̱ gbohĩĩ ateṅ dã. [67]

¹⁰Ni ame̱ṅõ wiemo̱ ne̱ ame̱to ame̱yiṅ, ni ame̱bibī ame̱he ake̱: Té šitē ke̱ gbohĩĩ ateṅ dšē̱ ne̱ šišiṅ?

¹¹Ni ame̱bile̱ ake̱: Té tēṅ ní woloṅmalo̱i le̱ kē̱o̱ ake̱ dša Elia eba dã le̱?

¹²Ni eto he ekē̱ame̱ ake̱: *Elĩa mība dã le̱le̱ṅ, ni ebato nii fẽ gbe̱dšĩano̱ ekoṅ. Ši té tēṅ ní †aṅmã ye̱ gbomobi le̱ he ake̱ eena amanehũlũ pī, ni aagbe ehe guo̱ le̱? [68]

¹³Ši *mīkē̱nye ake̱: Elia éba momo, ni asaṅ ame̱fele̱ nofẽno ní ame̱sumoo̱, take̱ boni †aṅmã ye̱ ehewo̱ le̱. [69]

¹⁴Ni beni ame̱baše̱ ekaselo̱i le̱ aṅõ le̱, ame̱na mei pī ye̱ ame̱he, ke̱ woloṅmãlo̱i le̱ ni ame̱mībibī ame̱he nii.

¹⁵Ni amrõ ní asafo le̱ fẽ nale̱ le̱, efeame̱ nākpe̱, ni ame̱ša foi ke̱-ba eṅõ ame̱baflale̱.

¹⁶Ni ebi woloṅmãlo̱i le̱ ake̱: Meni nyebibīo̱ame̱?

¹⁷Ni mei le̱ ateṅ mokome herele̱ ne̱ ni ekē̱: Tšõlo̱, mike̱ mibinū ni mumo̱ mumui yo̱ emli ba oṅõ.

¹⁸Ni hefẽhe ní emõo̱le̱ ye̱ le̱, etšie̱le̱ etſaä ši, ni enā kwẽo̱ afũi, ni ekpeo̱ enyãnyõdši ašiši, ni etãa lō; ni mikē̱ okaselo̱i le̱ ni ame̱fãle̱ le̱; ame̱nyẽẽ.

¹⁹Ši eto he ekē̱ame̱ ake̱: Ō yino̱bii ní hee yee! mẽ beyino̱ mĩke̱nye aahĩ ši ke̱-yaši? mẽ beyino̱ mahĩenye ke̱-yaši? Nyeke̱le̱ abaã miṅō!

²⁰Ni ame̱ke̱le̱ ba eṅõ. Ni beni enale̱ le̱, amrō le̱ mumo̱ le̱ hã ešõ kwekwēkwe, ni egbē šikpoṅ, ni ekoklo ši, ni enā kwẽ afũi.

²¹Ni ebi etše̱ le̱ ake̱: Mẽ beyino ene̱ bõile̱ femo̱? Ni ekē̱le̱ ake̱: Ke̱-dše̱ egbekẽbiiaši;

²²ni kpitiokpitio eše̱o̱le̱ efõo la mli ke̱ nui amli, koni ekpãtã ehĩe; ši kẽle̱ ke̱dši oonyẽ noko ofe le̱, omũsũṅ atšõo ye̱ wo̱he ni ofe he eko ohãwo̱!

²³Ši Iesu kē̱le̱ ake̱: No dši ké̱ oonyẽ ohé oye ke̱ke̱ le̱; *aanyẽ afe nii fiā ahã moni heo̱ yeo̱ le̱! [70]

²⁴Ni amrõ le̱ gbekẽ le̱ tše̱ le̱ bo ke̱ ehĩe yāfónui ekē̱: Mīhe miye, Nuntšo̱, ye obua *mihemo̱-ke̱-yeli ní mibe̱ le̱! [71]

²⁵Ši beni Iesu na ake̱ asafo le̱ hĩe foi ke̱-mība eṅõ le̱, efã́ mumo̱ fõṅ le̱ yi ni ekē̱le̱ ake̱: Bo mumo̱ mumui ke̱ toimũlo̱, mīfã́o ake̱ odše emli ní okabote emli doṅṅ!

²⁶Ni eblo̱ ni ešõ kwekwẽkwe, ni edše emli; ni no tšṍ tamo̱ gbonyo, ni mei pī kē̱ hũ ake̱ égbo. [72]

²⁷Ši Iesu mõ enine ši, ni ewó eno̱, ni ete ši.

²⁸Ni beni eba šĩa le̱, ekaselo̱i le̱ bile̱ ye̱ afã ake̱: Mẽba wo̱ le̱ wo̱nyẽẽle̱ wo̱-fã le̱?

²⁹Ni ekē̱ame̱ ake̱: Ne̱ke̱ heno̱ sro̱to ne̱ anyẽẽle̱ afã ye̱ nokonoko nā, ake̱ dša ye̱ so̱lemo̱ ke̱ ṅmā̃hīle̱ nã ke̱ke̱.

³⁰Ni ame̱dše dše̱i ni ame̱yatšo Galilea; ni esumo̱o̱ ake̱ moko ale.

³¹Ši etšõ ekaselo̱i le̱ ni ekē̱ame̱ ake̱: Ake̱ gbomobi le̱ aawo gbomei adeṅ, ni ame̱agbele̱, ni beni agbele̱ se̱ le̱ eete ši ye gbĩ ní dši gbĩ etẽ le̱ no. [73]

³²*Ši ame̱naa nakai wiemo̱ le̱ nā, ni ame̱mīše gbeyei hũ ake̱ ame̱abile̱. [74]

³³Ni *eba Kapernaum. Ni beni eyo̱ šĩa le̱, ebiame̱ ake̱: Meni sane nyeye ye̱ nyeteṅ ye̱ gbe̱ le̱ no̱ le̱? [75]

³⁴Ši ame̱tſaa ame̱dāṅ; edšake̱ gbe̱ le̱ no̱ le̱ ame̱ye sane ye̱ ame̱teṅ ake̱, namo dši agbo fè fẽ.

³⁵Ni eho etá ši, ni etšé̱ mei nyoṅma ke̱ enyo le̱, ni ekē̱ame̱ ake̱: Ké̱ moko mitao kleṅkleṅmo atšõ le̱, eetsṍ mei fẽ se̱kpelo̱ ke̱ mei fẽ tsũlo̱. [76]

³⁶Ni eṅõ gbekẽ bibiō ko ni eke̱le̱ damo ame̱teṅ, ni *elōle̱ atū, ni ekē̱ame̱ ake̱: [77]

³⁷Mofẽmo ní ṅõo̱ ne̱ke̱ gbekẽbii bibii ne̱ ateṅ mokome ye̱ migbei ano̱ le̱, enõo̱mi; ni moni ṅõo̱mi le̱, dšee mi eṅõo̱, ši moṅ moni tšũmi le̱ṅ. [78]

³⁸Ši Iohane herele̱ no̱ ekē̱: Tšõlo̱, wo̱na moko ní ke̱ ogbe̱i fãa daimonioi, ni wo̱tsĩle̱ gbe̱, edšake̱ enyiee wo̱se̱. [79]

³⁹Ši Iesu kē̱: Nyekatšĩale̱ gbe̱; edšake̱ *moko be̱ ni eke̱ migbe̱i aatšu hewale̱ nitšumo̱ ko ni eenyẽ mihe efõṅ ewie oyá. [80]

⁴⁰Edšake̱ moni etee ši ewoowo̱ le̱, efata wo̱he. [81]

⁴¹Edšake̱ mofẽmo ní aahãnye nu kpulu kome nyenu ye̱ migbe̱i ano̱, ake̱ ni Kristo nii dšinye hewo̱ le̱, le̱le̱ṅ, mīkē̱nye ake̱, enyõmo̱wo eṅmē̃ṅle̱. [82]

⁴²Ni moni aatõtõ mei bibii ne̱ ní heo̱ mino̱ yeo̱ le̱ ateṅ mokome nane le̱, fãṅ noni aṅõ w̌ie̱ aṅmõ ekue̱, ní ayašé̱le̱ afõ ṅšo̱ṅ.

⁴³Ni ké̱ onine mītõtõ onane le̱, fṍ; fãṅ noni oke nine kome bote wala mli fè noni oke̱ nidsi enyo̱ ate gehena mli, ye̱ la ni gboo le̱ mli le̱ [83]

⁴⁴[heni ame̱gõgõmi le̱ gboo, ni ame̱la le̱ hũ ahãã egbo le̱]. [84]

⁴⁵Ni ké̱ onane mītõtõ onane le̱, fṍ; fãṅ noni oke̱ nane kome bote wala mli fè noni ohĩe nãdši enyo̱ ní aašé̱o afõ gehena mli, ye̱ la ni gboo le̱ mli le̱

⁴⁶[heni ame̱gõgõmi le̱ gboo, ni ame̱la le̱ hũ ahãã egbo le̱]. [85]

⁴⁷Ni ké̱ ohĩṅme̱i mītõtõ onane le̱, fã ošé̱ ofõ; fãṅ noni oke̱ hĩṅme̱i kome bote Nyoṅmo̱ maṅtše̱yeli le̱ mli fè noni ohĩe hĩṅme̱ii enyo̱ ní aašé̱o afõ la-gehena le̱ mli le̱, [86]

⁴⁸heni ame̱gõgõmi le̱ gboo, ni ni ame̱la le̱ hũ ahãã egbo le̱. [87]

⁴⁹Edšake̱ mofẽmo le̱, ake̱ la aawole̱ ṅō, ni *afo̱le-fẽ afo̱le hũ, ṅō aawole̱. [88]

⁵⁰Noko kpakpa dši ṅō; ši ke̱dši ṅō nānu gbo le̱, meni nyeke̱-awole̱ ṅō doṅṅ? Nyehãa ṅō ahĩa nyemli, ni nyehĩa ši ye̱ hedšole mli ye̱ nyeteṅ! [89]