Read luganda Luka 13 Bible Online

Luka 13 - luganda bible

Luka 13

¹Ši no be le̱ mli noṅṅ le̱ meikomei ye̱ dše̱i ni gbale̱ Galileabii ni Pilato ṅõ ame̱lá futu ame̱fo̱lei le̱ amli le̱ ahe sane.

²Ni Iesu here no̱ ni ekē̱ame̱ ake̱: Ani nyesusuo̱ ake̱, ne̱ke̱ Galileabii ne̱, ešafelo̱i dšiame̱ fè Galileabii le̱ fẽ, hewo̱ ni ame̱na ne̱ke̱ amanehũlũ ne̱? [203]

³Dabida, ši moṅ mīkē̱nye ake̱, ké̱ *nyetšakee nyetšuii le̱, nyefẽ nyehĩe bakpãtã nakai noṅṅ. [204]

⁴Alo nyesusuo̱ ake̱, mei nyoṅma ke̱ kpānyo̱ le̱ ní Siloa mō̃ le̱ kũ ſie ame̱no̱ ní egbeame̱ le̱, ame̱ ame̱dši no̱tõlo̱i fé gbomei fẽ ní yo̱ Ierusalem?

⁵Dabida, ši moṅ mīkē̱nye ake̱, ké̱ nyetšakee nyetšuii le̱, nyefẽ nyehĩe bakpãtã nakai noṅṅ.

⁶Ni ebuame̱ ne̱ke̱ abe̱ ne̱ ake̱: Moko te̱o agbãmitšo ye̱ eweintrom mli, ni eba eno̱ yibii taomo̱ le̱, enaa eko. [205]

⁷Ke̱ke̱ ni ekē̱ tromsālo̱ le̱ ake̱: Na, afii etẽ ne̱ fẽ le̱ mibaä mĩbataoo̱ yibii ye̱ agbãmitšo ne̱ no̱, ši minaa eko; tomo̱le̱ ofõ ši; mẽba hũ ni egbeo̱ šikpoṅ le̱?

⁸Ši ehere no̱ ekē̱le̱ ake̱: Nuntšo̱, hã ní ehĩ ši afi ne̱ hũ, ke̱-yaši beyino̱ ní matša ehewo̱ ni mawo ešiši tumu, [206]

⁹ake̱ aleenõ eewo yibii lo; ši ké̱ dšee nakai le̱, dãni otole̱ ofõ ši.

¹⁰Ni ētšõ nii ye̱ kpēhei le̱ eko mli ye̱ hedšō̱mo̱gbĩ le̱ no̱.

¹¹Ni na, yõ ko ye̱ ni hela mumo̱ yo̱ emli afii nyoṅma ke̱ kpānyo̱, ni edo̱ ko̱mō̱, ni enyẽẽ emli ekpã kwrā po.

¹²Ši beni Iesu nale̱ le̱, etšé̱le̱ ni ekē̱le̱ ake̱: Yō, afẽneo ye̱ ohela le̱ mli!

¹³Ni *eke̱ enidši ſie eno̱, ni amrõ le̱ noṅṅ le̱ edšadše trõmō̃, ni ewo Nyoṅmo̱ hĩe nyam. [207]

¹⁴Ši kpēhe onukpa le̱ mli wo la ake̱-ni Iesu tšá mo ye̱ hedšō̱mo̱gbĩ le̱ no̱ le̱, ni ehere no̱ ekē̱ asafo le̱ ake̱: Gbĩĩ ekpa yo̱ ní sa ake̱ atšuo̱ nii ye̱ mli; nohewo̱ le̱ nyebaä ye̱ nomei amli, koni atšánye, ši dšee hedšō̱mo̱gbĩ le̱ no̱ṅ!

¹⁵Ke̱ke̱ ni Nuntšo̱ le̱ here no̱ ni ekē̱le̱ ake̱: Osatofo! Ani hedšō̱mo̱gbĩ le̱ no̱ le̱ nyeteṅ mofẽmo fẽnee etšina lo etedši ye̱ niyeniianõ he ekplaale̱ eyahããle̱ nu lo? [208]

¹⁶Ši ne̱ke̱ yō ne̱ ní dši *Abraham biyō ni satan efĩle̱, na, ne̱ke̱ afii nyoṅma ke̱ kpānyo̱ ne̱ le̱, ani edšaa ake̱ afẽneo̱le̱ ye̱ ne̱ke̱ kpã ne̱ mli ye̱ hedšō̱mo̱gbĩ le̱ no̱ lo? [209]

¹⁷Ni beni ewie ne̱ke̱ le̱, ehenye̱lo̱i le̱ fẽ ahĩe gboi, ni asafo le̱ fẽ ná mīše̱ ye̱ anumnyam nibii ni efe le̱ fẽ hewo̱.

¹⁸Agbe̱ne̱ ekē̱: Meni Nyoṅmo̱ maṅtše̱yeli le̱ tamo̱, ni meni he maṅõ-to?

¹⁹Etamo̱ sinapiwú kuli ní nū ko ko̱ ni eyadũ ye̱ etrom mli, ni ekwẽ, ni efe tšo kple, ni ṅwei lofõdsi le̱ baä bafeo̱ tšũi ye̱ enidši ateṅ.

²⁰Ni ekē̱ ekoṅ ake̱: Meni he maṅõ Nyoṅmo̱ maṅtše̱yeli le̱ mato?

²¹Etamo̱ mãša ní yō ko ko̱ ní eṅõ-ho̱ mã tšesei etẽ mli ke̱-yaši beyino̱ ni fẽ ša.

²²Ni eyakpa mãdši ke̱ akrowai amli etšõ nii, ni etse mli ke̱-mīya Ierusalem.

²³Ni moko kē̱le̱ ake̱: Nuntšo̱, ani mei fiō ke̱ke̱ yiwala abahere? Ši ekē̱ame̱ ake̱:

²⁴Nyeplea agbo fintō̃ le̱ mlibotemo̱ he, edšake̱ mīkē̱nye ake̱, mei pī aatao mli abote, ši ame̱nyẽṅ. [210]

²⁵Be mlĩ ni šĩatše̱ le̱ ete ši eyaṅã šĩnā le̱, ni nyeabõi se̱damo̱ ke̱ šĩnā le̱ šimo̱, nĩ nyeakē̱ ake̱: Nuntšo̱, Nuntšo̱, gblemo̱wo̱! ni eehere no̱ ekē̱nye ake̱: Milee heni nyedše̱ le̱: [211]

²⁶ke̱ke̱ le̱ nyebabõi kē̱mo̱ ake̱: Wo̱ye nii ni wonu nii ye̱ ohĩe, ni otšõ nii ye̱ wo̱blohũi amli. [212]

²⁷Ni eekē̱ ake̱: Mīkē̱nye ake̱ milee heni nyedše̱; nyedšea mino̱ nyeyaä, nyefẽ ni nyetšuo̱ nii ní edšaa gbe̱ le!

²⁸Dše̱i yāfó ke̱ nyānyõdši asišikpémo̱ aahĩ, beni nyeana Abraham ke̱ Isak ke̱ Iakob ke̱ gbalo̱i le̱ fẽ ye̱ Nyoṅmo̱ maṅtse̱yeli le̱ mli, ni nyedíentše̱ le̱, aſienye le̱.

²⁹Ni mei aadse̱ bokã ke̱ anai ke̱ kōyi ke̱ wuoyigbe̱ aaba ni ame̱abatrá okplõ he ye̱ Nyoṅmo̱ maṅtše̱yeli le̱ mli. [213]

³⁰Ni na, se̱kpēbii ye̱ ní batšṍmo̱ kleṅkleṅbii ni kleṅkleṅbii hũ ye̱ ní batšṍme̱ se̱kpēbii. [214]

³¹Nakai gbĩ le no̱ noṅṅ le̱ Farisifoi le̱ ekomei ba eṅõ bakē̱le̱ ake̱: Dše bie̱ ne̱ ni oya; edšake̱ Herode mītaoö agbe.

³²Ni ekē̱ame̱ ake̱: Nyeyaä ni nyeyakē̱a nakai oso̱ le̱ ake̱: Na, mīfãmo̱ daimonioi ni mītšá mei ṅme̱ne̱ ke̱ wó̱, ni gbĩ ní dši gbĩ etẽ le̱ magbe nā.

³³Ši kẽle̱ dša minyie ṅme̱ne̱ ke̱ wó̱ ke̱ wó̱se̱, edšake̱ ebaṅ mli ake̱ aagbe gbalo̱ ko ye̱ heko ake̱ dša Ierusalem.

³⁴Ierusalem, Ierusalem, bo moni ogbeo̱ gbaloi le̱ ní otfiaä mei ní atšũo̱ame̱ oṅõ le̱ ate̱i, šii enyie mitao ake̱ mibuaä obii le̱ anā, take̱ bo̱ni wuo̱ buaä ebii anã ewoo̱ efĩdši ašiši le̱, ni nyekplẽẽ!

³⁵Na, aši nyewe le̱ amaṅfõ ahãnye. Ši mīkē̱nye ake̱: Nyenaṅmi doṅṅ ke̱-yaši beyino ni aaba mli ake̱ nyeakē̱ ake̱: *“Adšō̱ moni baä ye̱ Nuntšo̱ le̱ gbe̱i ano̱ le̱!” [215]