Read luganda Luka 16 Bible Online

Luka 16 - luganda bible

Luka 16

¹Ši ekē̱ ekaselo̱i le̱ hũ ake̱: Nū niiatše̱ ko ni yo̱, ni eye̱ tšũlo̱nukpa ní abaflo̱ enā ahãle̱ ake̱ ēkpãtã enii ahĩe.

²Ni etšé̱le̱ ni ekē̱le̱ ake̱: Té fe tēṅ ní minuo̱ ene̱ ye̱ ohe ne̱? Babu onukpayeli le̱ he akontā; edšake̱ onyẽṅ onukpa le̱ oye doṅṅ.

³Ni tšũlo̱nukpa le̱ kē̱ ye̱ emli ake̱: Ni minuntšo̱ šõo̱ onukpayeli le̱ ye̱ mideṅ ne̱, té mafe tēṅ? minyẽṅ ši matša, ni sisemo̱ hũ mīfemi hĩegbĕle.

⁴Mina bo̱ni mibafe, ní ké̱ akpámi onukpayeli le̱, ní ame̱heremi ye̱ ame̱šĩai.

⁵Ni etšé̱ enuntšo̱ nyōdšiatše̱mei le̱ fẽ ke̱-ba ekomekome, ni ekē̱ kleṅkleṅmo le̱ ake̱: Nyõmo̱ enyie ohĩe minuntšo̱ le̱?

⁶Ni ekē̱: Mũ to̱i oha. Ni ekē̱le̱ ake̱: Hemo̱ owolo le̱ ní otá ši mrãmrã ni oṅmã nyoṅmai-enumo̱.

⁷No se̱ le̱ ekē̱ mokroko hũ ake̱: Ši bo hũ enyie ohĩe? Ni ekē̱: Ṅmã flo̱to̱i oha. Ni ekē̱le̱ ake̱: Hemo̱ owolo le̱ ni oṅmã nyoṅmai-kpānyo̱.

⁸Ni nuntšo̱ le̱ dšie tšũlo̱nukpa kũtũmpo̱fo le̱ yi ake̱ eye esane le̱ ṅā mli. Edšake̱ dše ne̱ṅ bii le̱ le ame̱nõ le̱ mli ṅã fè *la bii le̱. [233]

⁹Ni mi hũ mīkē̱nye ake̱: Nyeṅõa kũtũmpo̱o mamona le̱ eko nyefea šientše̱mei nyehãa nyehe, koni, beni nyebe̱ noko doṅṅ le̱, ní ame̱herenye ye̱ nāno̱ būi le̱ amli. [234]

¹⁰Moni yeo̱ noko bibiō mli ano̱kwa le̱, eyeo̱ babaō hũ mli ano̱kwa; ni moni yee noko bibiō mli ano̱kwa le̱, eyee babaō hũ mli ano̱kwa. [235]

¹¹Nohewo̱ le̱ ké̱ nyeyeko kũtũmpo̱o mamona le̱ po mli ano̱kwa le̱, noni dši ano̱kwa le̱, namo aatu no awo nyedeṅ?

¹²Ni ké̱ nyeyeko mokroko nõ mli ano̱kwa le̱, nyedientše̱ nyenõ le̱, namo aaṅõ-hãnye?

¹³Wenū ko nyẽṅ nuntšo̱mei enyo̱ asúmo̱; edšake̱ ekole̱ eenye̱ mokome ni eesumo̱ mokroko le̱, alo eekpe̱te̱ mokome he, ni eegbe mokroko le̱ he guo. Nyenyẽṅ Nyoṅmo̱ ke̱ mamona nyesúmo. [236]

¹⁴Ni Farisifoi le̱ hũ ní dši šika suolo̱i le̱ nu nii ne̱ fẽ, ni ame̱yele̱ ahĩ́. [237]

¹⁵Ni ekē̱ame̱ ake̱: Nye dši mei ní *nyebuo̱ nyehe bem ye̱ gbomei ahĩe; ši Nyoṅmo̱ le̱, †ele nyetšuiiaṅ; edšake̱ noni dši godšō ye̱ gbomei ateṅ le̱, Nyoṅmo̱ mīhĩ. [238]

¹⁶Mla le̱ ke̱ gbalo̱i le̱ gba ke̱-baši Iohane no̱; ke̱-dše̱ nakai be le̱ no̱ ne̱ āšie̱ Nyoṅmo̱ maṅtše̱yeli le̱ he sanekpakpa le̱, ni mofẽmo boteo̱ mli ekā̃ nā. [239]

¹⁷Ši edšraa hãã ṅwei ke̱ šikpoṅ ake̱ ame̱aho ameya fè noni mla le̱ mli kuli kome aagbe ši. [240]

¹⁸Mofẽmo ní ſieo̱ eṅã ni eyaw̌e̱o̱ mokroko le̱ efite gblã; ni moſẽmo ní w̌e̱o moni ewù eſiele̱ le̱, le̱ hũ efite gblã. [241]

¹⁹Ši nũ niiatše̱ ko ni yo̱, ni ewoo̱ atade tšuru ke̱ klala ſe̱fe̱o, ni enáa tšuidšŭrõ ni efeo fe̱onii dāne̱.

²⁰Ni ohĩafo ko hũ ye̱ ni atšé̱o̱le̱ Lazaro ní kã egbó le̱ nā ke̱ ehe fadši obõ,

²¹ni ebaä etšine ake̱ ená ṅmā̃ fufudši ní dše̱o̱ niiatše̱ le̱ okplõ le̱ no̱ ſieo̱ ši le̱ eye; ši gbéi tete ba ame̱bale̱mo̱ efadši le̱ ano̱.

²²Ni eba mli ake̱ ohĩafo le̱ bagbo, ni ṅweĩbo̱foi bawóle̱ ke̱-te Abraham mliši; ni niiatše̱ le̱ hũ bagbo, ni afũle̱

²³Ni beni eyo̱ hedsramo̱i amli ye̱ gbohĩĩadše ní eyahole ehĩṅme̱ii ano̱ le̱, ena Abraham ye̱ šoṅṅ, ke̱ Lazaro ni ho̱ emliši.

²⁴Ni ebo ekē̱: Atā Abraham, nami mo̱bo̱ ni otšũ Lazaro ní eke̱ ewao nā nyatšo̱ nu mli ní eke̱-badšo̱ milile̱i he, edšake̱ mīna nõ ye̱ lalilei ṅe̱ mli.

²⁵Ši Abraham kē̱: Mibi, kaimo̱ ake̱ bo le̱ oná onii kpakpai le̱ ye̱ owalabe le̱ mli, ni nakai noṅṅ Lazaro hũ ná nibii fõdši; ši agbe̱ne̱ āse̱dše emī ye̱ bie̱, ni bo le̱, āpĩo.

²⁶Ni ene̱mei fẽ se̱ hũ le̱, dšō̱ kpeteṅkple ko ka wo̱ke̱nye teṅ, koni mei ní taoo̱ adše̱ bie̱ aya nyeṅõ le̱ akanyẽ, ni mei hũ ní taoo adše̱ dše̱i afoṅ ke̱-ba wo̱ṅõ le̱ akanyē.

²⁷Ši ekē̱: Bĕle̱ mikpao fai mo̱, atā, ní otšũle̱ mitše̱ we le̱;

²⁸edšake̱ miye̱ nyemimei enumo̱, beni afe ní eyaye odase etšõame̱, koni ame̱ hũ ame̱kaba pīmo̱he ne̱.

²⁹Ni Abraham kē̱le̱ ake̱: Mose ke̱ gbalo̱i le̱ ye̱ ame̱deṅ; hã ame̱bo nomei atoi! [242]

³⁰Ši le̱ le̱ ekē̱: Dabi, atā Abraham, ši ke̱dši moko dše̱ gbohĩĩ ateṅ te ame̱ṅõ le̱, no ame̱atšake ame̱tšui.

³¹Ši ekē̱le̱ ake̱: Ké̱ ame̱boo Mose ke̱ gbaloi le̱ atoi le̱, no le̱ ke̱dši moko te ši ke̱-dše̱ gbohĩĩ ateṅ tete le̱, ame̱yiṅ tšṍṅ.