Read luganda Luka 18 Bible Online

Luka 18 - luganda bible

Luka 18

¹Ni ebuame̱ abe̱ ko eke̱-tšõ ake̱ esa ake̱ aso̱leo̱ dā ni ekadše tsine, [265]

²ekē̱: Kodšolo̱ ko ye̱ maṅ ko no̱, ni ešee Nyoṅmo̱ gbeyei ni asaṅ ebuu gbomo ko.

³Ni yō okũlafo ko ye̱ nakai mã le̱ṅ, ni eba eṅõ ebakē̱: Fã́ mihe ye̱ mihenye̱lo̱ le̱ deṅ!

⁴Ni ekplẽẽ āhũ. Ši fe se̱ le̱ ekē̱ ye̱ eyiṅ ake̱: Ye̱ṅ ake̱ mišee Nyoṅmo̱ gbeyei, ni mibuu gbomo hũ;

⁵ši ake̱-ní ne̱ke̱ yō okũlafo ne̱ mīgba mina hewo̱ le̱, mafã́ ehe, koni, beni yi aayawula ši le̱, ekaba ni ebaſie mihĩe mã. [266]

⁶Ši Nuntšo̱ le̱ kē̱: Nyeboa noni kodšolo̱ šišitſalo̱ le̱ kē̱ toi!

⁷Ni ké̱ Nyoṅmo̱ aakũ ehĩe afõ ehalamo̱bii ṅi blo̱ō̱ tšé̱o̱le̱ ſane ke̱ nyōṅ le̱ no̱ āhũ tete le̱, aso ebafã́ṅ ame̱he?

⁸Mīkē̱nye ake̱, eefã́ ame̱he oyá. Ši beni gbomobi le̱ aaba le̱, ani eebana hemo̱-ke̱-yeli ye̱ šikpoṅ le̱ no̱?

⁹Ni eba meikomei ní ṅõo̱ ame̱hĩe ame̱fõo̱ ame̱dientše̱ ame̱he no̱ ake̱ dšalo̱i dšiame̱ ní ame̱gbeo̱ meikrokomei ahe guo̱ le̱ hũ abe̱ ne̱:

¹⁰Mei enyo̱ yiṅ te so̱lemo̱ ye̱ so̱lemo̱we le̱; mokome le̱ Farisifonyo dšile̱, ni mokroko le̱ ntōhelo̱ṅ.

¹¹Farisifonyo le̱ yadamo̱ fle̱ṅṅ, ni eso̱le ne̱ke̱: Nyoṅmo̱, mīdao ši ake̱ mitamo̱o̱ meikrokomei le̱, w̌eiyelo̱i, kũtũmpo̱foi, gblãfitelo̱i, lo tamo̱ ne̱ke̱ ntōhelo̱ ne̱ hũ; [267]

¹²miyeo̱ buada šii enyo̱ ye̱ otši mli; *miṅõo̱ nibii fẽ ní mináa le̱ mlidšā nyoṅma mihãa. [268]

¹³Ši ntōhelo̱ le̱ damo̱ šoṅṅ, ni emii ní ehole ehĩṅme̱ii ano̱ ke̱-ya ṅwei tete; ši moṅ ešimo̱ etšitši ni ekē̱: *Nyoṅmo̱, oke̱mi ní dši ešafelo̱ le̱ akpãtã! [269]

¹⁴Mīkē̱nye ake̱: Ne̱ke̱ nū ne̱ yiṅ ete ewe ni abule̱ bem fè mokome le̱. Edšake̱ mofẽmo ní wóo̱ ehe no̱ le̱, aabale̱ ši; ši moni baä ehe ši le̱, aawó eno̱. [270]

¹⁵Ni ame̱ke̱ abifabii hũ ba eṅõ, koni etra ame̱he; ni beni ekaselo̱i le̱ na le̱, ame̱fã́mo̱ame̱.

¹⁶Ši Iesu le̱, etšé̱ame̱ ke̱-ba eṅõ ni ekē̱: Nyeháa gbekẽbii le̱ abaä miṅō, ni nyekatsĩaame̱ gbe̱; edšake̱ mene̱mei anõ dši Nyoṅmo̱ maṅtše̱yeli le̱.

¹⁷Le̱le̱ṅ, mīkenye ake̱: Mofẽmo ní eṅõṅ Nyoṅmo̱ maṅtše̱yeli le̱ tamo̱ gbekẽ bibiō ko le̱, eboteṅ mli kwrā. [271]

¹⁸Ni onukpa ko babile̱ ake̱: Tšõlo̱ kpakpa, meni mafe, koni máná nãno̱ wala?

¹⁹Ni Iesu kē̱le̱ ake̱: Meni hewo̱ otšé̱o̱mi mokpakpa? Mokpakpa ko be̱ ake̱ dša mokome, le̱ dši Nyoṅmo̱.

²⁰Ole kitãi le̱ ake̱: *Kāfite gbla; kāgbe gbomo; kādšu; kāye amale-odase; wo otše̱ ke̱ onye. [272]

²¹Ši ekē̱: Miye ene̱mei fẽ no̱ ke̱-dše̱ migbekẽbiiaši

²²Ni beni Iesu nu ene̱ le̱, ekē̱le̱ ake̱: Eſe̱o nõkome lolo: yahõ nibii fẽ ní oyo̱ le̱ ni oṅõ-dša ohĩafoi, ni *ooná dſetri ye̱ ṅwei; ní oba obanyie mise̱. [273]

²³Ši beni enu ene̱ le̱, eye ṅkomo̱ naakpa, edšake̱ eye̱ nii babaō.

²⁴Agbe̱ne̱ beni Iesu na ake̱ ēye ṅko̱mo̱ naakpa le̱, ekē̱: Kwe̱ bo̱ni ewa hã mei ní yo̱ nii ake̱ ame̱abote Nyoṅmo̱ maṅtše̱yeli le̱ mli!

²⁵Edšake̱ edšraa hãã yoma ake̱ eetšṍ abui hĩṅme̱i mli tamo̱ boni dšraä hãa niiatše̱ ake̱ eebote Nyoṅmo̱ maṅtše̱yeli le̱ mli le̱.

²⁶Ši mei ní nu le̱ kē̱: Bĕle̱ namo yiwala aanyẽ ahere mo̱?

²⁷Ši ekē̱: Nibii ní gbomei nyẽẽ afe le̱, Nyoṅmo̱ le̱ enyẽo̱ efeo.

²⁸Ni Petro kē̱: Na, wo̱ le̱ wo̱šĩ wo̱nii fẽ ni wo̱banyie ose̱.

²⁹Ši eke̱ame̱ ake̱: Le̱le̱ṅ, mīkē̱nye ake̱: Moko be̱ ní ešĩ šĩa alo fo̱lo̱i alo nyemimei alo ṅã alo bii ye̱ Nyoṅmo̱ maṅtše̱yeli le̱ hewo̱,

³⁰ní enáṅ nãdšiaṅtō šii abo̱ ye̱ be ne̱ mli, ni dšeṅ ni baä le̱ mli hũ enáṅ nãno̱ wala.

³¹Ši etšé̱ mei nyoṅma ke̱ enyo̱ le̱ ke̱-ba emase̱i ni ekē̱ame̱ ake̱: Na, wo̱mīya Ierusalem, ni aagbe nibii fẽ ní gbaloi le̱ éṅmã ye̱ gbomobi le̱ he le̱ nā. [274]

³²Edšake̱ abadsiele̱ awo wo̱ṅdšálo̱i adeṅ, ni aaye ehe fe̱o ni aafele̱ niseniianii ni aafẽ̀ ladšõ aſie ehe,

³³ni ame̱ke̱ kplebii aayile̱ ni ame̱-agbele̱, ni gbĩ ní dši gbĩ etẽ le̱ eete ši ekoṅ.

³⁴Ši ame̱ le̱ ame̱naa nii ne̱ ateṅ ekomeflo šiši, ni aṅõ ne̱ke̱ wiemo̱ ne̱ atēame̱, ni ame̱yoo wiemo̱i ni ewie le̱ ase̱. [275]

³⁵Ni eba mli ake̱, beni ebe̱ṅke̱ Ieriko le̱, ſilafo ko tà gbe̱ le̱ toi ēsisẽ.

³⁶Ni beni enu ake̱ mei pī mīho le̱, ebi noni dši.

³⁷Ni ame̱kē̱le̱ ake̱ Iesu, Nazarenyo le̱, hoo.

³⁸Ni eho ekē̱; Iesu, David bi, nami mo̱bo̱!

³⁹Ni mei ní nyie hĩe le̱ fã́mo̱ eyi ake̱ ébu enā; ši no moṅ eblo̱ fè tšutšu le̱ ake̱: David bi, nami mo̱bo̱!

⁴⁰Ni Iesu wa-damo̱ ši, ni efã́ ake̱ ake̱le̱ aba eṅõ. Ni beni ebe̱ṅke̱le̱ le̱, ebile̱

⁴¹ake̱: Meni otaoo̱ ake̱ mife mihão? Ni ekē̱: Nuntšo̱, ake̱ mana nii ekoṅ.

⁴²Ni Iesu kē̱le̱ ake̱: Na nii, ohemo̱-ke̱-yeli etšáo! [276]

⁴³Ni amrō le̱ noṅṅ ena nii, ni enyie ese̱ ni ewo Nyoṅmo̱ hĩe nyam; ni beni asafo le̱ fẽ na le̱, ame̱dšie Nyoṅmo̱ yi.