Read luganda Luka 19 Bible Online

Luka 19 - luganda bible

Luka 19

²Ni na, nū ko ye̱ dše̱i ní atšé̱o̱le̱ Zakeo, ni ntōhelo̱-nukpa dšile̱, ni ená nii hũ.

³Ni ētao Iesu ekwe̱, ní elele̱, ši mei pī le̱ ahewo̱ le̱ enyẽẽ, edšake̱ gbomo kpitiō dšile̱.

⁴Ni esa foi ke̱-tšṍ hĩe, ni eyakwo̱ sikamoretšo ko, ní ekwe̱le̱, edšake̱ dše̱i gbe̱ ebatsṍ.

⁵Ni beni Iesu še̱ dše̱i le̱, ewo ehĩe no̱ ekwe̱le̱, ni ekē̱le̱ ake̱: Zakeo, ohe áfe oyá ní okpleke ši, ši owe le̱ mibato ṅme̱ne̱.

⁶Ni ehe fe oyá ni ekpleke ši, ni eherele̱ atū.

⁷Ni beni mei na le̱, ame̱fẽ ame̱wie hũhū̃hũ ame̱kē̱: Eyato nũ ešafelo̱ ṅõ. [277]

⁸Ši Zakeo ho damo̱ ši ni eke̱ Nuntšo̱ le̱ ake̱: Nuntšo̱, na, mīṅō minii fã mīke ohĩafoi, ni ke̱dši mike̱ yakanaflo̱mo̱ ešõ moko noko ye̱ edeṅ le̱, *mīkũ mībo̱ he toi edſe̱ mahãle̱. [278]

⁹Ni Iesu kē̱le̱ ake: Ṅme̱ne̱ walaheremo̱ eba šĩa ne̱, *ake̱ noni le̱ hũ Abraham bi dšile̱ le̱. [279]

¹⁰Edšake̱ gbomobi le̱ ba noni elādše le̱ taomo̱ ke̱ yiwalaheremo̱. [280]

¹¹Ši beni ame̱boo̱ nii ne̱ atoi le̱, ebu abe̱ ko eši no̱, edšake̱ ebe̱ṅke̱ Ierusalem ni ame̱susuo̱ ake̱ amrõ le̱ noṅṅ Nyoṅmo̱ maṅtše̱yeli le̱ bapue.

¹²Nohewo̱ le̱ ekē̱: Ablade ko dom ete maṅse̱ šoṅṅ, ní eyaṅõ emaṅtše̱yeli, ní ekũ ese̱ eba [281]

¹³Ni etšé̱ etšũdši nyoṅma, ni edšie benai nyoṅma ehãame̱, ni ekē̱ame̱ ake̱: Nyetšṍmo̱a he ke̱-yaši maba.

¹⁴Ši emaṅbii le̱ nye̱le̱, ni ame̱tšũ bo̱foi ke̱-tiule̱ ake̱: Wo̱sumo̱o̱ ni mone̱ abaye wo̱no̱ maṅtše̱. [282]

¹⁵Ni eba mli ake̱, beni enine eyaše̱ maṅtše̱yeli le̱ no̱ ní ekũ ese̱ eba le̱, efã́ ake̱ átšé̱ nakai tšũdšĩ le̱ ní eṅõ šĩka le̱ ehā le̱ ke̱-ba, koni ena moni éná noko ye̱ hetšṍmo̱ le̱ mli.

¹⁶Ni kleṅkleṅmo le̱ ba ni ebakē̱: Nuntšo̱, obena le̱ éfó̱ benai nyoṅma éwoṅ.

¹⁷Ni ekē̱le̱ ake̱: Ahekõ! tšũlo̱ kpakpa, ake̱-ní oye ano̱kwa ye̱ noko bibiō kwrā mli hewo̱ le̱, ye mãdši nyoṅma no̱. [283]

¹⁸Ni moni dši enyo̱ le̱ ba ebakē̱: Nuntšo̱, obena le̱ ēfó̱ benai enumo̱ éwoṅ.

¹⁹Ni le̱ hũ ekē̱le̱ ake̱: Bo hũ ye mãdši enumo̱ no̱.

²⁰Ni mokroko hũ ba ebakē̱: Nuntšo̱, na, obena le̱ ní mifĩ miwo papam mli mito le̱ ne̱;

²¹miyašeo gbeyei, edšake̱ yiwalo̱ dšio: oko̱ō̱ noni oṅõ-fõko ši, ni okpaä noni odũko.

²²Ši ekē̱le̱ ake̱: Tšũlo̱ fõṅ, bodientše̱ odāṅ wiemo̱ maṅò-kodšoö! aso ní ole ake̱ yiwalo̱ dšimi: miko̱ö̱ noni miṅõ-fõko ši, ni mikpaä noni midũko le̱;

²³mẽhewo̱ mo̱ ni oke̱ mišika le̱ eyahãã tšakelo̱i le̱, koni, ké̱ miba le̱, ní mibahe minii ke̱ hekpa?

²⁴Ni ekē̱ mei ní damo̱ emase̱i le̱ ake̱: Nyešõa bena le̱ ye̱ edeṅ, ni nyeṅõ-hãa moni yo̱ benai nyoṅma le̱.

²⁵Ni ame̱kē̱le̱ ake̱: “Nuntšo̱, eye̱ benai nyoṅma!”

²⁶Ši mīkē̱nye ake̱, mofẽmo ní yo̱ noko le̱, le̱ noṅṅ aahã; ši moni be̱ noko le̱, noni eyo̱ le̱ tete aašõ ye edeṅ. [284]

²⁷Ši nakai mihenye̱lo̱i le̱ ní sumo̱o̱ ake̱ miye ame̱no̱ maṅtše̱ le̱, nyeke̱ame̱ abaä bie̱ ni nyebagbeaame̱ ye̱ mihīe ne̱!

²⁸Ni beni ewie ne̱ke̱ le̱, eho eyi hīe ke̱-ko̱ Ierusalem gbe̱.

²⁹Ni eba mli ake̱, beni ebe̱ṅke̱ Betfage ke̱ Betania ye̱ goṅ ni atšé̱o̱le̱ Mũgoṅ le̱ he le̱, etšũ ekaselo̱i le̱ ateṅ mei enyo̱,

³⁰ekē̱: Nyeyaä akrowa ní tua nyehĩe le̱ mli, ni ké̱ nyebote mli le̱, nyeana tedšibĩ ní moko táko eno̱ peṅ ṅmõ ši ye̱ dše̱i; nyefẽneale̱ ní nyeke̱le̱ abaä.

³¹Ni ke̱dši moko binye ake̱: Mẽba nyefẽneo̱le̱? le̱, nyekē̱ale̱ ake̱: Ehe mīhĩa Nuntšo̱ le̱.

³²Ni mei ní atšũ le̱ yiṅ ame̱te, ni ame̱yana take̱ bo̱ni ekē̱ame̱ le̱.

³³Ši beni ame̱fẽneo̱ tedšibĩ le̱, mei anõ ni dši le̱ kē̱ame̱ ake̱: Mẽba nyefẽneo̱ tedšibi le̱?

³⁴Ni ame̱kē̱: Ehe mīhĩa Nuntšo̱ le̱.

³⁵Ni ame̱ke̱le̱ ha Iesu ṅõ, ni ame̱ke̱ ame̱tadei ſie tedšibi le̱ no̱, ni ame̱wó Iesu ame̱tá no̱.

³⁶Ni beni eyaä le̱, ame̱ke̱ ame̱tadei ha gbe̱ le̱ no̱.

³⁷Ni beni ebe̱ṅke̱ heni akplekeo̱ Mũgoṅ le̱ ye̱ le̱, ekaselo̱i asafo mū le̱ fẽ bõi nyã́mo̱ ni ame̱ke̱ gbē wale̱ dšie Nyoṅmo̱ yi, ye̱ hewale̱-nitšumo̱ĩ fẽ ní ame̱na le̱ hewo̱,

³⁸ame̱kē̱: Adšō̱ maṅtše̱ ní baä ye̱ Nuntšo̱ le̱ gbei ano̱ le̱, *hedšo̱le̱ ye̱ ṅwei ni anumnyam ye̱ ṅwei flōflō le̱! [285]

³⁹Ni Farisifoi le̱ ateṅ meikomei dše̱ asafo le̱ mli kē̱le̱ ake̱: Tšõlo̱, kã okaselo̱i le̱.

⁴⁰Ni ehere no̱ ekē̱ame̱ ake̱: Mīkē̱nye ake̱, ke̱dši mene̱mei aabu ame̱nā le̱, no le̱ te̱i aablo̱.

⁴¹Ni beni eše̱ etã ní ena maṅ le̱, *efó eſie eno̱, [286]

⁴²nĩ ekē̱: *Edši ye̱ ogbĩ ne̱ no̱ le̱ oná ole nii ní hĩ hã ohedšo̱le̱ le̱, kũle̱ saṅṅ! ši agbene̱ aṅõtēo. [287]

⁴³Ši ogbĩī mība, ní ohenye̱lo̱i le̱ aatša bu awo ohe, ni ame̱abo̱leo kpula ni ame̱asa oyi ye̱ hefẽhe,

⁴⁴ni ame̱aṅõo ame̱tſa ši ke̱ obii ni yo̱ omli le̱, ni ame̱šĩṅ te̱ kome ye̱ ekroko no̱ ye̱ omli, edšake̱ oyoo osramo̱be le̱! [288]

⁴⁵Ní ete so̱lemo̱we le̱ ni ebõi mei ní hōo̱ nii ke̱ mei ní heo̱ nii ye̱ mli le̱ aſíemo̱,

⁴⁶ekē̱ame̱ ake̱: *Aṅmã ake̱: “Miwe le̱ so̱lemo̱we ni;” †ši nye le̱ nyeṅõ-fe “odšotſalo̱i abu”. [289]

⁴⁷Ni eyatšõo̱ nii dāne̱ ye̱ so̱lemo̱we le̱; ši oso̱fonukpai le̱ ke̱ woloṅmãlo̱i le̱ ke̱ mã le̱ṅ hĩenāno̱bii le̱ mitao ehĩe akpãtã;

⁴⁸ši ame̱naa bo̱ni ame̱afe; edšake̱ maṅ mū le̱ fẽ kpe̱te̱le̱ nĩ ame̱boo̱le̱ toi.