Read luganda Luka 2 Bible Online

Luka 2 - luganda bible

Luka 2

¹Ši no gbĩĩ le̱ amli le̱ eba mli ake̱ akpo̱ ko dše̱ Kaisare Augusto ṅõ ba, ake̱ akane dšeṅ fẽ ní aṅmã.

²Ni ene̱ dši kleṅkleṅ kanemo̱ ní akane be mli ní Kirenio yeo̱ lumo ye̱ Siria le̱.

³Ni mei fẽ te ame̱dientše̱ ame̱maṅ, ni aṅmã ame̱gbe̱i.

⁴Ke̱ke̱ ni Iosef hũ dše̱ Nazaret mã le̱ṅ ye̱ Galilea ni ete Betlehem ní dši David mã le̱ṅ ye̱ Iudea, edšake̱ edše̱ David we ke̱ eweku le̱ mli,

⁵koni aṅmãle̱ ke̱ Maria, eṅã ni etšè̱ ehe bā ní emũsũ éda le̱, agbe̱i. [36]

⁶Ši eba mli ake̱, beni ame̱yo̱ dše̱i le̱, egbĩĩ še̱ ní ebafo̱.

⁷Ni *efo̱ binū, ekromo̱bi le̱, ni eṅõ mama ebla ehe, ni eṅõle̱ eṅmẽ koloianiyeniianõ mli, edšake̱ ame̱náá gbe̱ ye̱ gbo̱ĩatōhe le̱. [37]

⁸Ni tōkwe̱lo̱i komei ye̱ ṅãno̱ ye̱ dše̱i niiaṅ noṅṅ ní ame̱mīši kpe ame̱mību ame̱tōi ahe nyōṅ.

⁹Ni na, Nuntšo̱ le̱ bo̱fo ko badamo̱ ame̱mase̱i, ni Nuntšo̱ le̱ anumnyam kpe̱ bo̱leame̱, ni ame̱še gbeyei naakpa.

¹⁰Ni bo̱fo le̱ kē̱ame̱ ake̱: Nyekašea gbeyei; edšake̱ na, mibagbanye mīse̱-sane kple ní dši maṅ fẽ nõ;

¹¹ake̱ ṅme̱ne̱ áfo̱ walaherelo̱ ní dši Kristo, Nuntšo̱ le̱, ahãnye, ye̱ David mã le̱ṅ.

¹²Ni ene̱ aafe okadi ahãnye: nyeana abifao ní aṅō mama abla ehe, ní ekã koloi-aníyeniianõ mli.

¹³Ni trukā le̱ *ṅwei ta kple bafata bo̱fo le̱ he, ni ame̱dšie Nyoṅmo̱ yi ame̱kē̱: [38]

¹⁴Anumnyam aha Nyoṅmo̱ ye̱ ṅwei flōflō, ni hedšo̱le̱ aba šikpoṅ le̱ no̱, ni aná gbomei ahe tšuidšŭrõ! [39]

¹⁵Ni eba mli ake, beni bo̱foi le̱ édše ame̱ṅõ ete ṅwei le̱, tōkwe̱lo̱i le̱ hũ kē̱kē̱ ame̱he ake̱: Nyehãa wo̱yaä Betlehem ko, ni wo̱yakwe̱a sane ní eba ní Nuntšo̱ le̱ édšie ētšõwo̱ ne̱.

¹⁶Ni ame̱te oyá, ni ame̱yana Maria ke̱ Iosef ke̱ abifao le̱ ní e̱kã koloi-aniyeniianõ le̱ mli.

¹⁷Ni beni ame̱yanale̱ le̱, ame̱dšadše sane ní agbaame̱ ye̱ gbekẽ le̱ hewo le̱ ame̱tšõ ye̱ hei pī. [40]

¹⁸Ni mei fẽ ní nu le̱ hĩe feame̱ yā ye̱ noni tōkwe̱lo̱i le̱ gbaame̱ le̱ hewo̱.

¹⁹Ši Maria ke̱ ne̱ke̱ wiemo̱i ne̱ fẽ to ni esusuo̱ he ye̱ etsui mli. [41]

²⁰Ni tōkwe̱lo̱i le̱ kũ ame̱se̱, ni ame̱wo Nyoṅmo̱ hĩe nyam, ni ame̱dšie eyi ye̱ nibii fẽ-kwa ní amenu ni ame̱na le̱ hewo̱, tamo̱ boni agbaame̱ le̱.

²¹Ni beni gbĩĩ kpānyo̱ še̱ ni afo gbekẽ le̱ ketia le̱, awole̱ gbei ake̱ Iesu, tamo̱ boni bo̱fo le̱ éwole̱ momo dãni aṅõle̱ ho̱ le̱. [42]

²²Ni beni agbe ame̱hetšūmo̱-gbĩĩ le̱ anā ye̱ *Mose mla le̱ nā le̱, ame̱ke̱le̱ te Ierusalem, koni ake̱le̱ ayatšõ Nuntšo̱ le̱, [43]

²³take̱ boni aṅmã ye̱ Nuntšo̱ le̱ mla le̱ mli ake̱: “Nū-fẽ-nū ní gbleo̱ mũsũ nā le̱, aatšé̱le̱ kroṅkroṅ ahã Nuntšo̱ le̱;” [44]

²⁴ni ame̱yašã afo̱le, tamo bo̱ni akē̱ ye̱ *Nuntšo̱ le̱ mla le̱ mli ake̱: “Kose̱-okpoi enyo̱ alo šia-okpoi bibii enyo̱”. [45]

²⁵Ni na, nū ko ye̱ Ierusalem ní atšé̱o̱le̱ ake̱ Simeon, ni nakai nū le̱ dšalo̱ dšile̱ ni ešeo̱ Nyoṅmo̱ gbeyei, ēkwe̱ *Israel mīše̱dšemo̱ le̱ gbe̱, ni Mumo̱ kroṅkroṅ ye̱ eno. [46]

²⁶Ni Mumo̱ kroṅkroṅ le̱ edšie kpo etšõle̱ ake̱ egboṅ dša ena Nuntšo̱ le̱ Kristo le̱ dã.

²⁷Ni Mumo̱ le̱ nā le̱ eba so̱lemo̱we le̱. Ni beni gbekẽ Iesu le̱ fo̱lo̱i le̱ ke̱le̱ ba koni ame̱bafe bo̱ni dši mla le̱ gbe̱nā le̱ ame̱hãle̱ le̱,

²⁸ke̱ke̱ ni ehele̱ efõ ekpo̱ko̱iaṅ, ni edšō̱ Nyoṅmo̱ ni ekē̱:

²⁹Agbene hã otšũlo̱ aya, Owura, ye̱ owiemo̱ le̱ nā, ye̱ hedšo̱le̱ mli; [47]

³⁰edšake̱ mihĩṅme̱ii éna owalaheremo̱ le̱,

³¹noni osā omã mãdši fẽ ahĩe le̱,

³²la ní aatẽdše dšeṅmãdši le̱ ahĩe ni eewo omaṅ Israel hĩe nyam le̱, [48]

³³Ni etše̱ ke̱ enye nā kpe̱ ame̱he ye̱ nii ní awie ye̱ ehewo̱ le̱ ahe.

³⁴Ni Simeon dsō̱ame̱ ni ekē̱ enye Maria ake̱: Na, ake̱ mone̱ edamo̱ ši ehã mei pī *ašigbẽmo̱ ke̱ šitē ye̱ Israel, ke̱ okadi ní awieo̱ ašio̱; [49]

³⁵ni bodĩentše̱ hũ tši aagbu osusuma mli, ní adšie tsuii pī asusumo̱i akpo.

³⁶Ni gbalo̱yō ko ni atšé̱o̱le̱ Hana ye̱, ní dši Fanuel biyō ní dše̱ Ašer akutšo le̱ṅ, ni egbo̱ naakpa, ni eke̱ ewù ehĩ ši afii kpawo ke̱-dše̱ eblayeiaṅ,

³⁷ni okũlafoyō dšile̱, ni eye aafe afii nyoṅmai-kpānyo̱ ke̱ edſe̱, ni edšee so̱lemo̱we le̱ kwrā, ši edšáa Nyoṅmo̱ ke̱ buadayeli ke̱ faikpamo̱ nyōṅ ke̱ ſane. [50]

³⁸Le̱ hũ eba ye̱ nakai ṅmle̱tſā le̱ mli noṅṅ, ni ebadšie Nyoṅmo̱ yi, ni ewie ye̱ ehewo̱ etšõ mei fẽ ní kwe̱o̱ Ierusalem *kpõmo̱ le̱ gbe̱ le̱. [51]

³⁹Ni beni ame̱gbe nii le̱ fẽ nā ye̱ Nuntšo̱ le̱ mla le̱ nā le̱, ame̱kũ ame̱se̱ ke̱-te Nazaret, ame̱dientše̱ ame̱mã le̱ṅ ye̱ Galilea.

⁴⁰Ni gbekẽ le̱ bada, ni ehe wa ye̱ mumo̱ mli, ni eyi obõ ke̱ nilē, ni Nyoṅmo̱ dromo̱ ye̱ eno. [52]

⁴¹Ši dā afi le̱ efo̱lo̱i le̱ *yaä Ierusalem, ame̱yayeo̱ Hehō gbīdšŭrõ. [53]

⁴²Ni beni eye afii nyonma ke̱ enyo le̱, ame̱te Ierusalem take̱ bo̱ni gbĩdšŭrõyeli le̱ gbe̱nā yo̱ le̱.

⁴³Ni beni ame̱gbe *gbĩĩ le̱ anā ní ame̱kũo̱ ame̱se̱ ekoṅ le̱, gbekẽ Iesu le̱ kpe se̱ ye̱ Ierusalem, ni efo̱lo̱i le̱ lee. [54]

⁴⁴Ši ame̱susuo̱ ake̱ efutu asafo le̱ ke̱-te, ni amenyie gbĩ kome gbe̱ ame̱taole̱ ye̱ ame̱wekumei ke̱ ame̱nanemei le̱ ateṅ.

⁴⁵Ni beni ame̱naale̱ le̱, ame̱kũ ame̱se̱ ke̱-ba Ierusalem ekoṅ ame̱mītaole̱.

⁴⁶Ni eba mli ake̱ gbĩĩ etẽ se̱ le̱ ame̱yanale̱ ye̱ so̱lemo̱we le̱, ní etá ši ye̱ tšõlo̱i le̱ ateṅ ēboame̱ toi ni ēbibīame̱ nii.

⁴⁷Ni mei fẽ ní boo̱le̱ toi le̱ nā kpe̱ ame̱he ye̱ enilē ke̱ ehetōi ni ehāa le̱ ahewo̱.

⁴⁸Ni beni ame̱nale̱ le̱, ame̱he dšõ ame̱he, ni enye kē̱le̱ ake̱: Mibi, mẽba ofewe̱ ke̱ke̱? Na, mike̱ otše̱ etaoö ke̱ aw̌ere̱hō.

⁴⁹Ni ekē̱ame̱ ake̱: Mẽba ni nyetaoo̱mi? Ani nyelee ake̱ esami ake̱ mihĩo̱ ši ye̱ nii ní dši *mitše̱ nõ le̱ mli? [55]

⁵⁰Ni ame̱nuu wiemo̱ ní eke̱ame̱ wie le̱ šiši.

⁵¹Ni eke̱ame̱ yiṅ ke̱-te Nazaret, ni eba ehe ši ehãame̱. Ni enye *ṅō ne̱ke̱ wiemoi ne̱ fẽ eto etšui mli. [56]

⁵²Ni Iesu te ehĩe ye̱ nilē ke̱ dale̱ ke̱ dromo̱ mli ye̱ Nyoṅmo̱ ke̱ gbomei ahĩe. [57]