Read luganda Luka 3 Bible Online

Luka 3 - luganda bible

Luka 3

¹Agbene Kaisare Tiberio maṅtše̱yeli afi ní dši nyoṅma ke̱ enumo̱ le̱ mli, beni Pontio Pilato yeo̱ amralo ye̱ Iudea, ni Herode yeo̱ tetrarke ye̱ Galilea, ni enyemi Filipo hũ yeo̱ tetrarke ye̱ Iturea ke̱ Trakoniti šikpõdši le̱ ano̱, ni Lisania yeo̱ tetrarke ye̱ Abilēne,

²ní Hana ke̱ Kaiafa yeo̱ oso̱fonukpai le̱, Nyoṅmo̱ wiemo ba Zakaria bi Iohane ṅõ, ye̱ ṅã le̱ no̱.

³Ni eba Iordan niiaṅ fẽ, ni ešie̱o̱ tšuitšakemo̱ baptisimo̱ ni ake̱-náa ešai fā;

⁴take̱ bo̱ṅi aṅmã ye̱ gbalo̱ *Iesaia wiemo̱i awolo le̱ mli ake̱: “Moko gbē mībo ye̱ ṅã le̱ no̱ ake̱: Nyesāa Nuntšo̱ le̱ gbe̱ le̱, ni nyedšadšea etempõṅi le̱ trõmō̃. [58]

⁵Aatsi dšō̱-fẽ-dšō̱, ni aahã goṅ-fẽ-goṅ ke̱ ṅmeṅme-ſẽ-ṅmeṅme aba ši, ni aadšadše nibii kõdõdši, ni gbe̱ ní no̱ yo̱ sakasaka le̱ no̱ aabo;

⁶ni helo fẽ aana Nyoṅmo̱ walaheremo̱ le̱.”

⁷Ke̱ke̱ ni ekē̱ asafoi le̱ ní ba eṅõ ní ebaptisiame̱ le̱ ake̱: *Šikpãi aſĩei, namo wie tšõnye ake̱ nyédšo mlifũ ní baä le̱ nā foi? [59]

⁸Nohewo̱ le̱ nyewoa yibii ní sa tšuitšakemo̱; ni nyekabõia kē̱mo̱ ye̱ nyeyiṅ ake̱: Wo̱tše̱ dši Abraham; edšake̱ mīkē̱nye ake̱, Nyoṅmo̱ aanyẽ atēe bii aši ke̱-dše̱ te̱i ne̱ amli ehã Abraham.

⁹Ši agbe̱ne̱ hũ lema le̱ kã tšei le̱ ašišifãi le̱ ano̱ momo; nohewo̱ le̱ tšo-fẽ-tšo ni woo yibii kpakpai le̱, aato ni aašé̱ afõ la mli.

¹⁰Ni asafoi le̱ bile̱ ake̱: Bĕle̱ meni wō̱fe mo̱?

¹¹Ni ehere no̱ ekē̱ame̱ ake̱: Moni yo̱ flakai enyo̱ le̱, hã ní eke̱ moni be̱ eko le̱ adša mli; ni moni yo̱ ṅmā̃ hũ, hã ní efe nakai noṅṅ.

¹²Ni ntōhelo̱i hũ ba ní abaptisiame̱, ni ame̱kē̱le̱ ake: Tšŏlo̱, meni wo̱fe?

¹³Ni ekē̱ame̱ ake̱: Nyekahea fẽ bo̱ni átonye le̱.

¹⁴Ni asrafoi hũ babile̱ ake̱: Ni wo̱ hũ, meni wo̱fe? Ni ekē̱ame̱ ake̱: Nyekahĩea moko soisoi, ni nyekaflo̱a moko nā yakatſā; ni nyehãa nyenyõmo̱wo asaä nyehĩe.

¹⁵Ši beni maṅ le̱ hĩe kã no̱ nĩ mei le̱ fẽ susuo̱ ye̱ ame̱tšuiiaṅ ye̱ Iohane hewo̱ ake̱ bene̱ le̱ dši Kristo le̱, [60]

¹⁶Iohane here no̱ ni ekē̱ mei le̱ fẽ ake̱: Mi le̱ nu mike̱-baptisio̱nye; ši moko ní he wa fèmi mība, ni mīsaa moni fẽneo̱ etokotai anā kpã, le̱ eke̱ Mumo̱ kroṅkroṅ ke̱ la aabaptisinye;

¹⁷moni hĩe ešātšene ye̱ edeṅ, ni eebē̱ ešikpoṅ le̱ fitšofitšo, ni eebua ṅmã le̱ nā ewo eboṅo le̱ mli; ši tutū le̱ eke̱ la ní gboo aašã le̱.

¹⁸Ni ewie nibii krokomei pī hũ eke̱wo maṅ le̱ ṅā, eke̱-šie̱ sanekpakpa le̱ etšõame̱.

¹⁹Ši tetrarke Herode le̱, ake̱-ni Iohane kãle̱ ye̱ enyemi Filipo ṅã Herodia le̱ hewo̱, ke̱ nifõdšianii fẽ ní le̱ Herode le̱ efe le̱ hewo̱ le̱, [61]

²⁰esā efe ene̱ eši no̱, ake̱ emõ Iohane ewo tšūṅ.

²¹Ši eba mli ake̱, beni abaptisi mei le̱ fẽ le̱, abaptisi Iesu hũ; ni beni eso̱leo̱ le̱, ṅwei gble,

²²ni Mumo̱ kroṅkroṅ le̱ kpleke ši ke̱ su ní tamo̱ okpo su ke̱-ba eno; ni gbē ko dše̱ ṅwei kē̱: *Bo dši misuomo̱bi le̱, bo ohe tšuidšŭrõ mináa! [62]

²³Ni beni Iesu dientše̱ bõi le̱, eye aafe afii nyoṅmai-etẽ, ni bo̱ni *asusuo̱ le̱, edši Iosef bi, Heli bi, [63]

²⁴Matat bi, Levi bi, Melki bi, Ianai bi, Iosef bi,

²⁵Matatia bi, Amos bi, Nahum bi, Esli bi, Nagai bi,

²⁶Maat bi, Matatia bi, Semein bi, Iosek bi, Ioda bi,

²⁷Iohanan bi, Resa bi, Zerubabel bi, Šealtiel bi, Neri bi,

²⁸Melki bi, Adi bi, Kosam bi, Elmadam bi, Er bi,

²⁹Iesu bi, Eliezer bi, Iorim bi, Matat bi, Levi bi,

³⁰Simeon bi, Iuda bi, Iosef bi, Ionam bi, Eliakim bi,

³¹Melea bi, Mena bi, Matata bi, *Natan bi, David bi, [64]

³²*Išai bi, Obed bi, Boaz bi, Salmon bi, Nahăšon bi, [65]

³³Aminadab bi, Ram bi, Hezron bi, Perez bi, *Iuda bi, [66]

³⁴Iakob bi, Isak bi, Abraham bi, Tera bi, Nahor bi, [67]

³⁵Serug bi, Reu bi, Peleg bi, Eber bi, Sela bi,

³⁶Kainan bi, Arpakšad bi, Šem bi, Noa bi, *Lamek bi, [68]

³⁷Metusela bi, Henok bi, Iared bi, Mahalalel bi, Kainan bi,

³⁸Enos bi, Set bi, Adam bi, ní dši Nyoṅmo̱ nõ le̱. [69]