Read luganda Luka 5 Bible Online

Luka 5 - luganda bible

Luka 5

¹Agbene eba mli ake̱, beni mei pī dſere eno̱ ni ame̱boo̱ Nyoṅmo̱ wiemo̱ le̱ toi le̱, edamo̱ Genesaret kpākpo le̱ nā,

²ni ena le̱dši enyo̱ ṅmõ ši ye̱ kpākpo le̱ nā; ši wole̱i le̱ édše mli ni ame̱mīfo̱ ame̱yāi ahe.

³Ni eyabote le̱le̱ le̱ ekome ní dši Simon nõ le̱ mli, ni ekpale fai ake̱ etši ke-ya nu le̱ hĩe fiō; ni eho etá ši, ni edše̱ le̱le̱ le̱ mli etšõ mei le̱ anii.

⁴Agbe̱ne̱ beni efõ wiemo̱ le̱, ekē̱ Simon ake̱: Nyetšia nyeyaä bu le̱ṅ ní nyeyafõa nyeyāi le̱, koni nyegbe lō. [87]

⁵Ni Simon here no̱ ni ekē̱le̱ ake̱: Onukpa, nyō ne̱ṅ fẽ wo̱tšu nii dendēndeṅ ni wo̱náá noko; ši kẽle̱ owiemo̱ nā le̱ mafõ yā le̱.

⁶Ni beni ame̱fe nakai le̱, ame̱gbe lōi babaō ni ame̱yā le̱ mīgbla.

⁷Ni ame̱fõ ame̱nanemei ní yo̱ le̱le̱ kroko le̱ mli le̱ nine ake̱ amé̱ba ní ame̱bawaame̱. Ni ame̱ba ni ame̱wo le̱dši enyo̱ le̱ fẽ obõbõ ní ame̱mīhe ame̱šiu.

⁸Ši beni Simon Petro na le̱, eho egbē Iesu nādši anā ni ekē̱: Nuntšo̱, dše mimase̱i; edšake̱ gbomo ešafelo̱ dšimi!

⁹Ni eke̱ mei ní fata ehe le̱ fẽ ahe dšõ ame̱he ye̱ lōi pī ní ame̱gbe le̱ hewo̱;

¹⁰ni nakai noṅṅ fe Iakobo ke̱ Iohane, Zebedeo bii le̱, ni dši Simon hefatalo̱i le̱. Ni Iesu kē̱ Simon ake̱: Kāše gbeyei! ke-dše be ne̱ no ke-yaä ne̱ *ooša gbomei. [88]

¹¹Ni ame̱ke̱ ame̱le̱dši le̱ bakpleke, ni *ame̱šī fẽ ni amenyie ese̱. [89]

¹²Ni eba mli ake̱, beni eyo̱ mãdši le̱ ekome mli le̱, na, nū ko ní he eyi obõ ke̱ kpiti ye̱ dše̱i; ni beni ena Iesu le̱, eke̱ ehĩe bú ši ni ekpale̱ fai ekē̱: Nuntšo̱, ke̱dši ōsumo̱ le̱, oonyẽ ake̱ ohãa mihe tšeo̱.

¹³Ni ekpã enine mli eta ehe ni ekē̱: Mīsumo̱, ohe átše! Ni amrõ le̱ kpiti le̱ kpla ye̱ ehe.

¹⁴Ni etſa enā mã ake̱: Kākē̱ moko, ši moṅ ya ni oke̱ ohe ayatšõ oso̱fo le̱, ni oyašã afo̱le ye̱ ohetšemo̱ le̱ hewo̱, tamo̱ bo̱ni Mose *wo kitã le̱, koni afe odase ahãame̱. [90]

¹⁵Ši babaō ní ehe sane le̱ gbe̱ ſã moṅ dši no, ni mei pī bakpe ni ame̱babole̱ toi ní etšá ame̱helai le̱.

¹⁶Ši le̱ le̱ egbla ehe ši ke̱-te *ṅãno̱ ni eyaso̱le. [91]

¹⁷Ni eba mli ake̱ gbĩ le̱ eko no̱ ní etšõo̱ nii le̱, Farisifoi ke̱ mlatšõlo̱i ní dše̱ Galilea ke̱ Iudea mãdši le̱ fẽ no̱ ke̱ Ierusalem ba le̱ trá dše̱i; ni adšie Nuntšo̱ le̱ hewale̱ le̱ kpo ye̱ dše̱i ni eke̱-tšáame̱.

¹⁸Ni na, meikomei ke̱ nū ko ní kã sā no̱ ni ekũmo̱ ba; ni ame̱mītao ake̱ ame̱ke̱le̱ baä šĩa le̱ ni ame̱ke̱le̱ abaṅmẽ ehĩe.

¹⁹Ni heni ame̱naa bo̱ni ame̱afe ní ame̱ke̱le̱ aba ye̱ asafo le̱ hewo̱ le̱, ame̱kwo̱ ame̱te tšũ le̱ yiteṅ, ni ame̱šile̱ ke̱ esā le̱ ke̱-tšṍ ntayāi le̱ amli ke̱-yaṅmẽ teṅ ye̱ Iesu hĩe.

²⁰Ni beni ena ame̱hemo̱-ke̱-yeli le̱, ekē̱le̱ ake̱: Nū, aṅõ ohe ešai le̱ áfao.

²¹Ni woloṅmãlo̱i le̱ ke̱ Farisifoi le̱ bõi susumo̱ ame̱kē̱: Namo dši mone̱ ní wieo̱ musubō̱ wiemo ne̱? Namo aanyẽ aṅõ ešai afa ake̱ dša Nyoṅmo̱ ke̱ke̱? [92]

²²Ši beni Iesu yo ame̱susumo̱i le̱, efã enā ekē̱ame̱ ake̱: Meni nyesusuo̱ ye̱ nyetšui amli le̱?

²³Té noni kē̱mo̱ dšraaṅ? noni aakē̱: “Aṅõ ohe ešai afao” le̱? alo noni aakē̱: “Te ši ni onyie” le̱?

²⁴Ši beni afe ní nyele ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱ (ekē̱ moni ekũmo̱ le̱ ake): Mīkē̱o ake̱: Te ši ni owó osā le̱ ni oya owe!

²⁵Ni amrō le̱ ete ši ye̱ ame̱hĩe, ni ewó noni ekã no̱ le̱, ni eyiṅ ke̱-te le̱dientše̱ ewe, ni ehĩe Nyoṅmo̱ hĩenyamwō.

²⁶Ni ame̱fẽ ame̱nā kpe̱ amehe, ni ame̱wo Nyoṅmo̱ hĩe nyam, ni ame̱še gbeyēi naakpa ní ame̱kē̱: Wo̱na nākpe̱nii ṅme̱ne̱!

²⁷Ni nii ne̱ ase̱ le̱ edše kpo, ni eyana ntōhelo̱ ko ni atšé̱o̱le̱ Levi ní etá ntōhemo̱he le̱, ni ekē̱le̱ ake̱: Nyiemo̱ mìse̱!

²⁸Ni eši fẽ ni ete ši ebanyie ese̱.

²⁹Ni Levi ṅmẽle̱ okplõ kpeteṅkple ye̱ ewe le̱, ni ntōhelo̱i ke̱ meikrokomei pī ke̱ame̱ baye nii. [93]

³⁰Ni Farisifoi le̱ ke̱ ame̱woloṅmãlo̱i le̱ wie hũhũhũ wo ekaselo̱i le̱ ame̱kē̱: Menihewo̱ nyeke̱ ntōhelo̱i ke̱ ešafelo̱i yeo̱ nii ni nyeke̱ame̱ nuo̱ ne̱?

³¹Ni Iesu to he ni ekē̱ame̱ ake̱: Mei ní yo̱ kpintiṅkpliṅ le̱ ehĩaa-ame̱ tšofãtše̱, ši mei ní he yeo̱ le̱ moṅ ehĩa.

³²Mibaa dšalo̱i atšé̱mo̱, ši moṅ ešafelo̱i hã tšuitšakemo̱.

³³Ni ame̱ke̱le̱ ake̱: Mẽhewo̱ Iohane kaselo̱i le̱ fo̱ö̱ ṅmā̃hĩle̱ ke̱ so̱lemo̱, ni Farisifoi akaselo̱i le̱ hũ feo̱ nakai noṅṅ, ni bo le̱ okaselo̱i le̱ yeo̱ nii ni ame̱nuo̱ le̱?

³⁴Ši ekē̱ame̱ ake̱: Ani nyeanyẽ nyehã yōkpēmo̱ he bialo̱i le̱ ahĩ ṅmā̃, beni ayemforowu le̱ ke̱ame̱ yo̱ lolo le̱?

³⁵Ši gbĩĩ aaba ni aaṅõ ayemforowu le̱ ke̱-adše ame̱ṅõ, ni nakai gbĩĩ le̱ amli dãni ame̱ahĩ ṅmā̃.

³⁶Ši ebuame̱ abe̱ hũ ekē̱: Moko gbaa mama hẽ nā eṅõ-táá atade momo; ši ké̱ afe nakai le̱, egblaä ehē le̱, ni mama nā ní adšie ye̱ ehē le̱ nā le̱ ke̱ emomo le̱ eyayee.

³⁷Ni moko eṅõõ wein hē ewoo woloto̱i memedši amli; ši ké̱ afe nakai le̱, wein hē le̱ aafle̱ woloto̱i le̱ ni eeſie ši, ni woloto̱i le̱ hũ aafite;

³⁸ši wein hē le̱, woloto̱i hēi amli ake̱-woo̱, bĕle̱ enyo̱ le̱ fẽ yi éná wala.

³⁹Ni asaṅ moko enuu wein momo ni amrõ noṅṅ ni etao ehē, edšake̱ ekē̱o̱ ake̱: Emomo le̱ hĩ fè no.