Read luganda Luka 9 Bible Online

Luka 9 - luganda bible

Luka 9

¹Ke̱ke̱ ni etšé̱ ekaselo̱i nyoṅma ke̱ enyo̱ le̱ ke̱-kpe, ni ehãame̱ hewale̱ ke̱ hegbe̱ ye̱ daimonioi le̱ fẽ no̱, ní ame̱tšá helai hũ.

²Ni etšũame̱ Nyoṅmo̱ maṅtše̱yeli le̱ šie̱mo̱ ke̱ helatše̱mei atšámo̱.

³Ni ekē̱ame̱ ake̱: Nyekaṅõa noko nyehĩea nyedẽ ye̱ nyegbe̱fã le̱ mli, nyekahĩea tšo lo kotoku lo abolo lo šika lo atadei enyo̱.

⁴Ni šĩa-fẽ-šĩa ní nyeabote mli le̱, dše̱i nyehĩa ke̱-yaši nyeadše dše̱i. [134]

⁵Ni mei abo̱ ní hereenye le̱, no le̱ nyedšea nakai mã le̱ṅ ni *nyekpokpoa nyenãdšiaši mlu le̱ nyeke̱-yeame̱ odase. [135]

⁶Ni ame̱yiṅ ame̱te ni ame̱yakpa mãdši le̱ ano̱ ame̱dšadše sanekpakpa le̱ ni ame̱tšá mei ye̱ hefẽhe.

⁷Ši tetrarke Herode le̱ nu nii ní afe le̱ fẽ he, ni efe yeyēye, edšake̱ meikomei kē̱ ake̱ Iohane éte ši ke̱-dše̱ gbohĩĩ ateṅ;

⁸ni meikomei hũ kē̱ ake̱ Elia édšie ehe kpo; ni meikrokomei hũ kē̱ ake̱ blema gbalo̱! le̱ eko éte ši ekoṅ.

⁹Ni Herode kē̱: Iohane le̱, mifo eyi; ši namo dši moni miuunũo̱ ne̱ke̱ sãdši ye̱ ehe ne̱? ni *ētaole̱ ekwe̱. [136]

¹⁰Ni beni bo̱foi le̱ kũ ame̱se̱ ame̱ba le̱, ame̱bagbale̱ nibii fẽ ní amefe le̱. Ni eṅõame̱ ke̱-te ṅã le̱ no̱ heko bānē ye̱ maṅ ní atšé̱o̱le̱ Betsaida le̱ mase̱i.

¹¹Ši beni asafoi le̱ ná le le̱, ame̱tiule̱ ke̱-te; ni ehereame̱ hĩemẽ ni edšadše Nyoṅmo̱ maṅtše̱yeli le̱ he sane etšõame̱, ni etšá mei ní tšámo̱ ehĩaame̱ le̱.

¹²Ši dše bõi namo̱, ke̱ke̱ ní mei nyoṅma ke̱ enyo̱ le̱ ba eṅõ ame̱bakē̱le̱ ake̱: Wo asafo le̱ gbe̱, koni ame̱ya mãdši ke̱ akrowai ní kãmo̱ wo̱hewo̱ le̱ amli, ní ame̱yato dše̱i ní ame̱ná niyenii; edšake̱ ṅãno̱ wo̱yo̱ ne̱.

¹³Ši ekē̱ame̱ ake̱: Nyehãa-ame̱ noko ame̱yea. Ni ame̱kē̱: Aboloi ennmo̱ ke̱ lōi enyo̱ pe̱ wo̱yo̱, ni bĕle̱ dša wo̱te wo̱yahe niyenii wo̱bahã asafo ne̱ fẽ.

¹⁴Edšake̱ ame̱yi aafe hĩĩ akpei-enumo̱. Ni ekē̱ ekaselo̱i le̱ ake̱: Nyehãa ame̱tráa ši kuikui mei nyoṅmai-enumo̱-enumo̱.

¹⁵Ni ame̱fe nakai, ni ame̱hã mei le̱ fẽ trá ši.

¹⁶Ni ekŏ̱lo̱ aboloi enume̱ ke̱ lōi enyo̱ le̱ ni ekwe̱ ṅwei edšō̱ no̱, ni ekũmo̱, ni eṅõ-hã ekaselo̱i le̱, ni ame̱ke̱-mãmo̱ asafo le̱ hĩe.

¹⁷Ni *ame̱ye ni ame̱fẽ ame̱tŏ̱ro̱, ni akŏ̱lo̱ fufudši ni ſe̱ hãame̱ le̱ awo kafūi nyoṅma ke̱ enyo̱ obõbõ. [137]

¹⁸Ni eba mli ake̱, heni ekome eso̱leo̱ le̱, ekaselo̱i le̱ babua ame̱he nā ye̱ eṅõ; ni ebiame̱ ake̱: Namo mei le̱ kē̱o̱ ake̱ midši?

¹⁹Ni ame̱to he ake̱: Iohane, baptisilo̱ le̱; ni meikomei kē̱o̱ ake̱: Elia; ni meikomei hũ kē̱o̱ ake̱: Blema gbalo̱! le̱ eko ni éte ši ekoṅ.

²⁰Ni ekē̱ame̱ ake̱: Ši nye le̱, namo nyekē̱o̱ ake̱ midsi? Ni Petro to he ekē̱: Nyoṅmo̱ Kristo le̱.

²¹Ši etſa ame̱nā mã ni ewoame̱ akpo̱ ake̱ ame̱katšī tã ame̱kē̱ moko;

²²ni ekē̱: Dša gbomobi le̱ na amanehũlũ babaō, ní maṅ onukpai le̱ ke̱ oso̱fonukpai le̱ ke̱ woloṅmãlo̱i le̱ kwale̱, ní agbele̱, ní gbĩ ní dši gbĩ etẽ ní ete ši ekoṅ. [138]

²³Ni ekē̱ mei le̱ fẽ ake̱: Ke̱dši moko mīsumo̱ ake̱ enyie miee̱ le̱, hā ní ekwa ehe, ni ewo ese̱ṅmo̱tšo le̱ etēre dāne̱ ke̱-nyie mise̱.

²⁴Edšake̱ mofẽmo ní *sumoo̱ ake̱ ebā esusuma yi le̱, eelādšele̱; ši moni lādšeo̱ esusuma ye̱ mihewo̱ le̱, eehere eyiwala. [139]

²⁵Edšake̱ mẽ se̱ gbomo náa, ke̱dši ená dšeṅ mū le̱ fẽ, ši elādše le̱dientše̱ ehe alo ešé̱ ehe efõ le̱?

²⁶Edšake̱ mofẽmo ní mi ke̱ miwiemo̱i le̱ ahe feo̱le̱ hĩegbĕle le̱, le̱ hũ ehe aafe gbomobi le̱ hĩegbĕle, beni eeba ye̱ le̱dientše̱ enumnyam le̱ ke̱ etše̱ nõ le̱ ke̱ bo̱foi kroṅkroṅi le̱ anõ le̱ mli le̱. [140]

²⁷Ši mīkē̱nye ano̱kwale ake̱ meikomei ye̱ mei ní damo̱ bie̱ ne̱ ateṅ ní ame̱saṅ ame̱nā gbĕle ke̱-yaši beyino̱ ní ame̱ana Nyoṅmo̱ maṅtše̱yeli le̱.

²⁸Ni eba mli ake̱ wiemo̱i ne̱ ase̱ aafe gbĩĩ kpānyo̱ le̱ eṅõ Petro ke̱ Iohane ke̱ Iakobo, ni eyiṅ ete so̱lemo̱ ye̱ goṅ le̱ no̱.

²⁹Ni beni eso̱leo̱ le̱, ehĩe-su tšake ni etade le̱ yé̱ futā ní ekpé̱ kaṅkaṅ.

³⁰Ni na, hĩĩ enyo̱ ke̱le̱ bawie, ame̱dši Mose ke̱ Elia;

³¹mei ní badšie ame̱he kpo ye̱ anumnyam mli ni ame̱wie ye̱ *edseṅ nā ní ebaya eyagbe ye Ierusalem le hewo le. [141]

³²Ši wo̱ éṅõ Petro ke̱ mei ní ke̱le̱ yo̱ le̱; ni beni ame̱hĩe tšẽ kwrā le̱, ame̱na enumnyam le̱ ke̱ hĩĩ enyo̱ le̱ ni damo̱ emase̱i le̱.

³³Ni beni ame̱kpaä ame̱he ke̱-dše̱o̱ eṅõ le̱, Petro kē̱ Iesu ake̱: Nuntšo̱, ehĩ ake̱ wo̱hĩo̱ bie̱, ni hã ní wo̱fe būi etẽ, onõ ekome ke̱ Mose nõ ekome ke̱ Elia nõ ekome; ši elee noni ekē̱o̱ le̱.

³⁴Ni beni ewieo̱ nakai le̱, atatu bakete ame̱no̱; ni beni ame̱bote atatu le̱ mli le̱ ame̱še gbeyēi.

³⁵Ni gbē dše̱ atatu le̱ mli kē̱: Misuomo̱bi le̱ ne̱; nyeboale̱ toi! [142]

³⁶Ni be mli ni anu gbē le̱, Iesu kometō ana. Ni amefe diō, ni nakai gbĩĩ le̱ amli le̱ ame̱gbaa moko nii ní ame̱na le̱ eko.

³⁷Ni eba mli ake̱ dšetše̱reno̱, beni ame̱dše̱ goṅ le̱ no̱ ame̱kplekeo̱ ši le̱, mei pī ke̱le̱ bakpe.

³⁸Ni na, nū ko dše̱ asafo le̱ teṅ bo ekē̱: Tšõlo̱, mīkpao fai, kwe̱mo̱ mibi le̱, ši mibi kome dšile̱.

³⁹Ni na, mumo̱ ko mõo̱le̱, ni eblo̱ö̱ trukā, ni ehãa ešõo̱, ni enā kwẽo̱ afũi, ni egbõnyõo̱ le̱ āhũ dãni edšeo̱ emli.

⁴⁰Ni mikpa okaselo̱i le̱ fai ní ame̱fãle̱, ši ame̱nyẽẽ.

⁴¹Ni Iesu here no̱ ekē̱: Ō yino̱bii ní hee yee ní be̱ ame̱ṅe̱le̱no̱! Mẽ beyino̱ mike̱nye aahĩ ši, ni mahĩenye ke̱-yaši? Oke̱ obi le̱ aba bie̱!

⁴²Ši beni ebaä le̱, daimonio le̱ tōle̱ etſa ši ni ehã ešõ. Ši Iesu fã́ mumo̱ fõṅ le̱ yi, ni etšá gbekẽ le̱, ni *eṅõle̱ ehã etše̱ ekoṅ. [143]

⁴³Ši ame̱fẽ ame̱nā kpe̱ ame̱he ye̱ Nyoṅmo̱ hewale̱ kpeteṅkple le̱ hewo̱. Ši beni mei le̱ fẽ ahĩe efeame̱ yā ye̱ nibii fẽ ní Iesu fe le̱ hewo̱ le̱, ekē̱ ekaselo̱i le̱ ake̱:

⁴⁴Nye le̱ nyehea ne̱ke̱ wiemo̱i ne̱ nyewoa nyetoii amli; edšake̱ aaṅõ gbomobi le̱ awo gbomei adeṅ. [144]

⁴⁵Ši ame̱ le̱ *ame̱naa wiemo̱ ne̱ šiši, ni aṅõ-tēame̱ ni ame̱yoo se̱, ni ame̱mīše gbeyẽi ake̱ ame̱abile̱ nakai wiemo̱ le̱ he noko. [145]

⁴⁶Ni ṅwanedšē ko bate ši ye̱ ame̱teṅ ake̱ namo bafe agbo fè fẽ ye̱ ame̱teṅ.

⁴⁷Ši beni Iesu na ame̱tšuiiaṅ ṅwanedšē le̱, eṅõ gbekẽ fiō ko ni eke̱le̱ badamo̱ emase̱i;

⁴⁸ni ekē̱ame̱ ake̱: Mofẽmo ní aaṅõ gbekẽ fiō ne̱ ye̱ migbei ano̱ le̱, eṅõo̱mi; ni moni aanõmi le̱, eṅõo̱ moni tšũmi le̱; edšake̱ moni dši bibiō ye̱ nyefẽ nyeteṅ le̱, le̱ noṅṅ dši agbo. [146]

⁴⁹Ni yadše Iohane nā le ekē̱: Nuntšo̱, wo̱na moko ke̱ ogbe̱i mīfã daimonioi, ni wo̱tsĩle̱ gbe̱, edšake̱ eke̱wo̱ enyiee ose̱.

⁵⁰Ni Iesu kē̱le̱ ake̱: Nyekatšĩale̱ gbe̱, edšake̱ *moni etee ši ewoonye le̱, eye̱ nyegbe̱fãṅ. [147]

⁵¹Ši eba mli ake̱, beni gbĩĩ ní abaṅõle̱ ke̱-ya ṅwei le̱ eše̱ etã le̱, edšie ehĩe eka Ierusalem ní ēya dše̱i. [148]

⁵²Ní etšũ bo̱foi ke̱-tsõ ehĩe; ni ame̱te ame̱yabote *Samariabii amaṅ ko mli, koni ame̱sa heko ame̱tole̱. [149]

⁵³Ši ame̱hereele̱, edšake̱ ame̱na ye̱ ehĩe ake̱ Ierusalem eyaä.

⁵⁴Ni beni Iakobo ke̱ Iohane, ekaselo̱i le̱, na ene̱ le̱, ame̱kē̱: Nuntšo̱, ōsumo̱ ake̱ wo̱kē̱ ní la adše̱ ṅwei aba abašãame̱, tamo̱ bo̱ni Elia hũ fe le̱? [150]

⁵⁵Ši etšṍ ehe ni ebo̱ame̱ ko̱ko̱ ni ekē̱: Ani nyelee nõ mumo̱ ní nyehĩe le̱ lo?

⁵⁶Ši *gbomobi le̱ baa gbomei asusumai ahĩekpãtãmo̱, ši moṅ ame̱yiwalaheremo̱ eba. Ni ame̱te maṅ kroko mli. [151]

⁵⁷Ni eba mli ake̱, beni ame̱yaä ye̱ gbe̱ le̱ no̱ le̱, moko bakē̱le̱ ake̱: Manyie ose̱ ke̱-ate hefẽhe ní oyaä.

⁵⁸Ni Iesu ke̱le̱ ake̱: Oso̱i ye̱ bui, ni ṅwei lofõdsi hũ ye̱ tšùi; ši gbomobi le̱ be̱ heni eke̱ eyitšo ṅmēo̱,

⁵⁹Ni ekē̱ mokroko ake̱: Nyiemo̱ mise̱! Ši le̱ le̱ ekē̱: Nuntšo̱, ṅmẽmi gbe̱ ní maya mayafũ mitše̱ dã.

⁶⁰Ni Iesu ke̱le̱ ake̱: Hã ní gbohĩĩ afũ ame̱gbohĩĩ, ši bo le̱, ya ní oyašie̱ Nyoṅmo̱ maṅtše̱yeli le̱!

⁶¹Ni mokroko hũ kē̱: *Manyie ose̱, Nuntšo̱; ši ṅmẽmi gbe̱ ní maya mayaše̱ mei ní yo̱ miwe le̱ dã. [152]

⁶²Ši Iesu kē̱le̱ ake̱: Moni ke̱ enine yamõo̱ tšinakō̱i mli ní ekũo̱ ekue̱ ekwe̱o̱ ese̱ le̱, esaa Nyoṅmo̱ maṅtše̱yeli le̱.