Read luganda 5 Mose 10 Bible Online

5 Mose 10 - luganda bible

5 Mose 10

¹Nakai be le̱ mli le̱ Iehowa kē̱mi ake̱: *Ko te̱i te̱tre̱bii enyo̱ ní tamo̱ tšutšunii le̱, ni okwo̱ goṅ le̱ ke̱-ba miṅõ, ni ofe †tšo adeka; [114]

²ni maṅmã tšutšu te̱i te̱tre̱bii ní *odſãra le̱ ano̱ wiemo̱i le̱ mawo ne̱ke̱ te̱i te̱tre̱bii ne̱ ano̱, ni oke̱-to adeka le̱ mli. [115]

³Ni mife yō̱itšo adeka, ni miko te̱i te̱tre̱bii enyo̱ tamo̱ tšutšunii le̱, ni mikwo̱ goṅ le̱, ni mihĩe te̱i te̱tre̱bii enyo̱ le̱ ye̱ mideṅ.

⁴Ni eṅmã tšutšu ṅmãle̱ le̱ noṅṅ ní dši wiemo̱i nyoṅma ní Iehowa dše̱ la le̱ teṅ ke̱nye wie ye̱ goṅ le̱ no̱ ye̱ *kpē wulu gbĩ le̱ no̱ le̱ ewo te̱i te̱tre̱bii le̱ ano̱; ni Iehowa ṅõ-hãmi. [116]

⁵Ni mitšṍ mihe ni mikpleke ši ke̱-dše̱ goṅ le̱ no̱, ni mibaṅõ te̱i te̱tre̱bii le̱ miwo adeka ní mife le̱ mli, ni ame̱dſere mli, take̱ bo̱ni Iehowa ewomi kitã le̱.

⁶(Ni Israelbii le̱ *fã ke̱-dše̱ Beerot-Bene-Iaakan ke̱-te Mosera. Dše̱i †Aaron gbo ye̱ ni dše̱i noṅṅ afũle̱ ye̱, ni ebinū Eleazar le̱ ye oso̱fo ye̱ ese̱. [117]

⁷Ame̱fã ke̱-dše̱ dše̱i le̱ ame̱te Gudgoda; ni ame̱dše̱ Gudgoda le̱ ame̱te Iotbata, šikpoṅ ko ní fai yo̱ no̱ le̱.

⁸Nakai be le̱ mli Iehowa tše Levi akutšo le̱, ni ame̱tĕre Iehowa kpãṅmo̱ adeka le̱, ni ame̱damo̱ *Iehowa hĩe ame̱súmo̱le̱, ni ame̱ke̱ †egbe̱i adšō̱ ke̱-baši ṅme̱ne̱ gbĩ ne̱. [118]

⁹Nohewo̱ ni Levi náá gbe̱fãṅnõ ko lo no̱yelinõ ko ye̱ enyemimei le̱ ateṅ le̱; Iehowa dši egbe̱faṅnõ take̱ bo̱ni Iehowa, o-Nyoṅmo̱ le̱, ewole̱ ši le̱.) [119]

¹⁰Ni mihĩ goṅ le̱ no̱ tamo̱ tšutšu le̱ noṅṅ *nyōṅuyōṅ ke̱ ſaneſane gbĩĩ nyoṅmai-edſe̱, ni Iehowa bomi toi nakai be le̱ mli hũ: Iehowa sumo̱o̱ ake̱ ekpãtã ohĩe. [120]

¹¹Ni Iehowa kē̱mi ake̱: Te ši, ni oyanyie maṅ le̱ hĩe, koni ameya ní ame̱yaṅõ šikpoṅ ní mikã ame̱tše̱mei le̱ akitã ye̱ he ake̱ mike̱-ahãame̱ le̱.

¹²Ni agbe̱ne̱, Israel, meni Iehowa, o-Nyoṅmo̱ le̱, *taoo̱ ye̱ odeṅ doṅṅ, ake̱ dša oše Iehowa, o-Nyoṅmo̱ le̱, gbeyei, ní onyie egbè̱i le̱ fẽ no̱, ni osumo̱le̱, ni osúmo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ, [121]

¹³ni oye Iehowa kitãi ke̱ ekpo̱i ni miwoo̱o ṅme̱ne̱ gbĩ ne̱ no̱, koni ahĩ ahão?

¹⁴Na, Iehowa, o-Nyoṅmo̱ le̱, le̱ enõ dši ṅwei ke̱ ṅweii amli ṅwei le̱, šikpoṅ le̱ ke̱ emli nii le̱ fẽ!

¹⁵Kẽle̱ otše̱mei ke̱ke̱ *ahe tšui Iehowa ná, ni esumo̱ame̱ ni ehala nye ni dši ame̱sešibii ní baä ye̱ ame̱se̱ le̱, ye̱ mãdši fẽ ateṅ, take̱ bo̱ni eyo̱ ṅme̱ne̱ gbĩ ne̱. [122]

¹⁶Nohewo̱ le̱ *nyefŏ̱lo̱a nyetšuii aketia, ni nyekafea nyehe kue̱ṅtilo̱i doṅṅ! [123]

¹⁷Edšake̱ Iehowa, o-Nyoṅmo̱ le̱, le̱ dši nyoṅmo̱i a-Nyoṅmo̱ ke̱ nuntšo̱mei a-Nuntšo̱, Mawu ní da ní he wa ní ehe yo̱ gbeyei, moni kwe̱e̱ mei ahĩeaṅ ní ehee nyōṅnii le̱,

¹⁸moni yeo̱ awusã ke̱ okũlafo sane ehãame̱, moni do̱ö̱ gbo̱ he ni ehãale̱ niyenii ke̱ hehānõ le̱.

¹⁹Nohewo̱ le̱ nyedo̱a gbo̱ he; edšake̱ nye hũ nyeyato gbo̱ pẽṅ ye̱ Mizraim šikpoṅ le̱ no̱. [124]

²⁰Iehowa, o-Nyoṅmo̱ le̱, gbeyei oše, ni le̱ osúmo̱, ni le̱ ehe oke̱ ohe akpe̱te̱, ni egbe̱i le̱ oke̱-kã kitã!

²¹Le̱ dši ohĩenyam, ni le̱ dši o-Nyoṅmo̱, moni tšu ne̱ke̱ nibii wudši ní ye̱ gbeyei ne̱ ní ona ke̱ ohĩṅme̱ii le̱ ehão le̱.

²²*Gbomei nyoṅmai-kpawo otše̱mei le̱ ke̱-kpleke ši ke̱-te Mizraim, ni agbe̱ne̱ le̱ Iehowa, o-Nyoṅmo̱ le̱, †ehã nyeyi efá tamo̱ ṅwei ṅulamii. [125]