Read luganda 5 Mose 16 Bible Online

5 Mose 16 - luganda bible

5 Mose 16

¹Ohĩe ahĩ Abib nyõṅ le̱ no̱ ní oye Hehō ye̱ no̱ ohã Iehowa, o-Nyoṅmo̱ le̱, edšake̱ Abib nyõṅ le̱ no̱ Iehowa, o-Nyoṅmo̱ le̱, dšieo ke̱-dše̱ Mizraim *nyõṅ teṅ. [173]

²Nohewo̱ le̱ ye Hehō ohã Iehowa, o-Nyoṅmo̱ le̱, ni ogbe tōi ke̱ tšinai ye̱ heni Iehowa ehala ní ehã egbe̱i ahĩ dše̱i le̱.

³Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.

⁴Ni akana mãša noko ye̱ oṅõ ye̱ okpokpai fẽ mli gbĩĩ kpawo le̱ fẽ; asaṅ lō ní agbe ye̱ kleṅkleṅ gbĩ le̱ no̱ gbe̱ke̱ le̱ akahã dše mītše̱re eko no̱.

⁵Kāye Hehō gbĩdšŭrõ le̱ ye̱ omãdši ní Iehowa, o-Nyoṅmo̱ le̱, ke̱-hãao le̱ eko mli,

⁶ake̱ dša ye̱ heni Iehowa, o-Nyoṅmo̱ le̱, ehala ní eṅõ egbe̱i eto dše̱i le̱, dše̱i ogbe Hehō le̱ ye̱, gbe̱ke̱nāši, beni hũlũ yanyõ ši le̱, beyino̱ ní odše Mizraim le̱.

⁷Ni ohō ni oye ye̱ heni Iehowa, o-Nyoṅmo̱ le̱, ehala le̱, ni ke̱ dše tše̱re le̱, otšṍ ohe ni oya obūi le̱ amli.

⁸Gbĩĩ ekpa oye akpĩtĩ, ni gbĩ ní dši gbĩ kpawo le̱ no̱ le̱ akpe kpē wulu ahã Iehowa, o-Nyoṅmo̱ le̱; kātšu nitšumo̱ ko ye̱ no̱.

⁹Kanemo̱ otšii kpawo ohã ohe; bõimo̱ otšii kpawo le̱ kanemo̱ ke̱-dše̱ be mli ní abõio̱ ablekũ-kakla ke̱ able mli wō le̱.

¹⁰Ni oye otšii agbĩdšŭrõ le̱ ohã Iehowa, o-Nyoṅmo̱ le̱, ni oṅõ tšuidšŭrõnā-nikēnii ní yo̱ odeṅ ohã, bo̱fẽbo̱ ní Iehowa, o-Nyoṅmo̱ le̱, edšō̱o le̱;

¹¹ni omī aše̱ ohe ye̱ Iehowa, o-Nyoṅmo̱ le̱, hĩe, bo ke̱ obinū ke̱ obiyō ke̱ owenū ke̱ oweyō ke̱ Levinyo ní yo̱ ogbói le̱ amli ke̱ gbo̱ ke̱ awusã ke̱ okũlafo ní yo̱ nyeteṅ, *ye̱ heni Iehowa, o-Nyoṅmo̱ le̱, ehala ní ehã egbe̱i ahĩ dše̱i le̱. [174]

¹²Ni *okai ake̱ bo hũ oyatšṍ nyṍṅ ye̱ Mizraim, koni odſẽṅ ne̱ke̱ akpo̱i ne̱ ano̱ ní oye no̱. [175]

¹³Ye asesei agbïdšŭrõ le̱ hũ gbĩĩ kpawo, beni obua oble ke̱ owein nā se̱ le̱.

¹⁴Ni *omī aše̱ ohe ye̱ ogbĩdšŭrõ le̱ no̱, bo ke̱ obinū ke̱ obiyō ke̱ owenū ke̱ oweyō ke̱ Levinyo le̱ ke̱ gbo̱ ke̱ awusã ke̱ okũlafo ní yo̱ ogbói le̱ amli le̱. [176]

¹⁵Gbĩĩ kpawo so̱ṅṅ oye gbïdšŭrõ ohã Iehowa, o-Nyoṅmo̱ le̱, ye̱ heni Iehowa ehala le̱; edšake̱ Iehowa, o-Nyoṅmo̱ le̱, edšō̱o ye̱ onibānii fẽ mli ke̱ onine nā nitšumo̱ fẽ mli; nohewo̱ le̱ omī aše̱ ohe dšogbāṅ.

¹⁶Afi kome mli le̱ šii etẽ ohĩĩ le̱ fẽ abapue ye̱ Iehowa, o-Nyoṅmo̱ le̱, hĩe, ye̱ heni ehala le̱, ye̱ akpĩtĩ gbĩdšŭrõ le̱ ke̱ otšii agbĩdšŭrõ le̱ ke̱ asesei agbĩdšŭrõ le̱ no̱, ni moko akabapue ye̱ Iehowa hĩe ke̱ edẽ flo;

¹⁷mofẽmo ahã bo̱ni eenyẽ, bo̱fẽbo̱ ní Iehowa, o-Nyoṅmo̱ le̱, edšō̱o ehã le̱.

¹⁸Wo kodšolo̱i ke̱ no̱kwe̱lo̱i ye̱ omãdši fẽ ní Iehowa, o-Nyoṅmo̱ le̱, hão le̱ no̱, ye̱ okutšei anā, koni ame̱ke̱ dšale̱ kodšomo̱ akodšo maṅ le̱, [177]

¹⁹Kākõdõ otoi oye sane; kākwe̱ mei ahĩeṅtšei ano̱, ni kāhe nyōṅnii hũ; edšake̱ nyōṅnii ſilaā nilelo̱i ahĩṅme̱ii, ni ehãa atšṍo̱ dšalo̱i asane hĩe abuo̱ ši. [178]

²⁰Dšale̱ sane, dšale̱ sane se̱ onyie, koni oyi ana wala, ni šikpoṅ ní Iehowa, o-Nyoṅmo̱ le̱, ṅõ-hãao le̱ ahĩ odeṅ.

²¹Kāte̱o tšei oke̱-fe wo̱ṅ-kōi ofata Iehowa, o-Nyoṅmo̱ le̱, afo̱lešãlate̱ ní obamã le̱ he. [179]

²²Ni asaṅ kāṅõ te̱ ko omã ši ohã ohe, noni Iehowa, o-Nyoṅmo̱ le̱, nye̱o̱ le̱. [180]