Read luganda 5 Mose 23 Bible Online

5 Mose 23 - luganda bible

5 Mose 23

¹Moni gbē̱ii amli wui edſăra lo asale̱, akaba Iehowa gwabō̱ le̱ mli.

²Adſamaṅbi akaba Iehowa gwabō̱ le̱ mli; eyino̱bii ní dši nyoṅma tete akaba Iehowa gwabō̱ le̱ mli.

³Amonnyo lo Moabnyo akaba Iehowa gwabō̱ le̱ mli; ame̱yino̱bii ní dši nyoṅma tete akaba Iehowa gwabō̱ le̱ mli gbĩkogbĩko;

⁴edšake̱ ame̱ke̱ abolo ke̱ nu ebakpeenye ye̱ gbe̱ le̱ no̱, heni nyedše̱ Mizraim nyebaä le̱, ni ame̱sā ame̱bo̱ *Bileam, Beor bi le̱, ní dše̱ Petor ye̱ Mesopotamia le̱, apā, koni ebalomo̱o. [229]

⁵Ši Iehowa, o-Nyoṅmo̱ le̱, ekplẽẽ ní ebo Bileam toi, ši moṅ Iehowa, o-Nyoṅmo̱ le̱, hã lōmo̱ le̱ tšṍ dšō̱mo hão; edšake̱ Iehowa, o-Nyoṅmo̱ le̱, mīsumo̱ osane.

⁶Kātao ame̱hedšo̱le̱ lo ame̱ſeremo̱ gbĩkogbĩko.

⁷Kāhĩ Edomnyo hĩe, edšake̱ *onyemi ni. Kāhĩ Mizraimnyo hĩe, edšake̱ oyato gbo̱ ye̱ ešikpoṅ le̱ no̱ pẽṅ. [230]

⁸Ame̱bii ní ame̱afo̱ ye̱ yino̱ ní dši etẽ le̱ mli le̱ aba Iehowa gwabō̱ le̱ mli.

⁹Ke̱dši ofã ta ní oke̱ ohenye̱lo̱i yawu le̱, le ohe no̱kwe̱mo̱ ye̱ nofõṅ-fẽ-nofõṅ he.

¹⁰Ke̱dši nū ko ye̱ nyeteṅ ní *he tšee, ye̱ noko ní efele̱ nyōṅ hewo̱ le̱, no le̱ edše kpo ye̱ nsra le̱ṅ ni ekaba nsra le̱ṅ; [231]

¹¹ši aba mli ake̱ ke̱-yaä gbe̱ke̱ mli le̱ eke̱ nu adšu ehe, ni ke̱ hũlũ nyõ ši le̱, eba nsra le̱ mli.

¹²Ni asaṅ oto he ko ohã ohe ye̱ nsra le̱ se̱, ní odše kpo ke̱-ya dše̱i.

¹³Ni ohĩe so̱so̱o ofata otawūnii le̱ ahe, ni aba mli ake̱, ke̱ osõ ši ye̱ nsra le̱ se̱ le̱, oṅõ-tša bu, ni osõ no̱, ni otšĩ noni dše̱ omli le̱ no̱.

¹⁴Edšake̱ Iehowa, o-Nyoṅmo̱ le̱, *nyieo̱ osra le̱ mli, koni eye ebuao ni eṅõ ohenye̱le̱i le̱ ewo odeṅ; nohewo̱ le̱ osra le̱ afe kroṅkroṅ ni ekana mũdši noko ye̱ nyeteṅ ní ekpa ye̱ nyese̱. [232]

¹⁵Kāṅõ nyṍṅ ní edšo foi ye̱ enuntšo̱ ṅõ ní ebabao abo le̱ ohã enuntšo̱ le̱.

¹⁶Hã ehĩ oṅõ ye̱ nyeteṅ, ye̱ omãdši le̱ ateṅ, heni esumoo̱ ní eehala; kāyele̱ nyṍṅ.

¹⁷Israelbiyei le̱ ateṅ mokomoko akafe ehe adſamaṅbo̱lo̱, ni Israelbihĩĩ le̱ hũ ateṅ mokomoko akafe e̱he adſamaṅbolo. [233]

¹⁸Oke̱ adſamaṅbō̱ mli nikēnii lo *gbé apābo̱nii ko akaba Iehowa, o-Nyoṅmo̱ le̱, we le̱ obahã ye̱ šiwõ ko hewo̱; edšake̱ Iehowa, o-Nyoṅmo̱ le̱, mīhĩ enyo̱ le̱ fẽ. [234]

¹⁹Kāhe hekpa ye̱ onyemi deṅ ye̱ šika alo niyenii alo nofẽno ní aheo̱ hekpa ye̱ he le̱ he. [235]

²⁰Mokpõṅ dẽ ohe hekpa ye̱, ši onyemi le̱ kāhele̱ hekpa, koni Iehowa, o-Nyoṅmo̱ le̱, adšō̱o ye̱ nofẽno ní ooṅõ onine ota he le̱ mli ye̱ šikpoṅ ní oyaä oyaṅō le̱ no̱.

²¹Ke̱dši owo Iehowa, o-Nyoṅmo̱ le̱, ši ko le̱, kāhã eno̱yeli mītše̱; edšake̱ bi Iehowa, o-Nyoṅmo̱ le̱, aabi ši ye̱ odeṅ, ni eetšṍ eša ehão. [236]

²²Ši ke̱dši onaa owo ši le̱, edšee eša hão.

²³Noni dše onā le̱, dſẽṅmo̱ no̱ ní oye no̱, bo̱ni owo Iehowa, o-Nyoṅmo̱ le̱, ši le̱, tšuidšŭrõ nã oke̱ onābu wo ši le̱.

²⁴Ke̱dši ote onanyo weintrom mli le̱, ye weinyibii le̱ bo̱ni osumoo̱ ní oto̱; ši kāṅõ eko owo onii amli.

²⁵Ké̱ ote onanyo able ní mã ši mli le̱, no le̱ oke̱ onine akũ able le̱ eko, ši nikpamo̱-kakla no̱ ni okawó ye̱ onanyo able no̱. [237]