Read luganda 5 Mose 28 Bible Online

5 Mose 28 - luganda bible

5 Mose 28

¹Ni aaba mli ake̱, ke̱dši oobo Iehowa, o-Nyoṅmo̱ le̱, gbē toi pe̱pē̱pe̱, ní oodſẽṅ no̱ ní oye ekitai fẽ ní miwoo̱o ṅme̱ne̱ ne̱ no̱ le̱, no le̱ Iehowa, o-Nyoṅmo̱ le̱, aawó ono̱ godsō fè šikpoṅ le̱ no̱ dšeṅmãdši fẽ, [277]

²ni ne̱ke̱ dšō̱mo̱i ne̱ fẽ aaba ono̱, ni ame̱aninao, edšake̱ obo Iehowa, o-Nyoṅmo̱ le̱, gbē toi.

³Aadšō̱o ye̱ maṅ, ni aadšō̱o ye̱ ṅmõši.

⁴Aadšō̱ omũsũṅbii ke̱ ošikpoṅ no̱ nibānii ke̱ ošĩa koloi abii ke̱ otšinai abii ke̱ otōi abii.

⁵Aadšō̱ okafũ ke̱ omã-tšese.

⁶Aadšō̱o ye̱ ošĩabā mli, ni aadšō̱o ye̱ okpodšē mli. [278]

⁷Iehowa aahã ohenye̱lo̱i ní teo̱ ši ye̱ ono̱ le̱ aplenē ye̱ ohĩe; ame̱anyie gbe̱ kome no̱ ni ame̱batuao, ši gbè̱i kpawo no̱ ame̱atšṍ ame̱adšo foi ye̱ ohĩe.

⁸Ni Iehowa aafã́ *dšō̱mo̱ ní eba ono̱ ye̱ oboṅoi amli ke̱ nofẽno ní oṅõo̱ onine otaä he le̱ mli, ni eedšō̱o ye̱ šikpoṅ ni Iehowa, o-Nyoṅmo̱ le̱, ṅõ-hãao le̱ no̱. [279]

⁹Iehowa aaṅõo adamo̱ ši ake̱ *emaṅ kroṅkroṅ, take̱ bo̱ni ekão kitã le̱, ke̱dši ooye Iehowa, o-Nyoṅmo̱ le̱, kitãi le̱ ano̱ ni oonyie egbè̱i le̱ amli le̱. [280]

¹⁰Ni šikpoṅ le̱ no̱ mãdši le̱ fẽ aana ake̱ Iehowa gbe̱i le̱ ake̱-tšé̱o̱o le̱, ni ame̱ašeo gbeyei.

¹¹Ni Iehowa aahã nibii kpakpai afá ahão ye̱ omũsũṅbii ke̱ okoloi abii ke̱ ošikpoṅ no̱ nibānii le̱ agbe̱fãṅ ye̱ šikpoṅ ni Iehowa kã otše̱mei le̱ akitã ake̱ eeṅõ-hão le̱ no̱.

¹²Iehowa aagble enitōhe kpakpa ní dši ṅwei le̱ nā ehão, ni eehã nu ane̱ ošikpoṅ le̱ no̱ ye̱ be ní sa mli, ní eedšō̱ onine nā nitšumo̱i fẽ, ni ooṅõ nii ofăla *dšeṅmãdši pī, ši bo le̱ ofaṅ noko ye̱ moko deṅ. [281]

¹³Ni Iehowa aaṅõo afe yitšo, ni dšee lei, ni eewó ono̱, ni obaṅ ši, ke̱dši oobo Iehowa, o-Nyoṅmo̱ le̱, kitãi ní miwoo̱o ṅme̱ne̱ gbĩ ne̱ le̱ atoi, ni oye no̱ ni ofe,

¹⁴ni okpaleṅ ke̱-dšeṅ wiemo̱i le̱ fẽ ní miwoo̱o he kitã ṅme̱ne̱ gbĩ ne̱ le̱ eko he ke̱-yaṅ ninedšũrõ lo abe̱ku, ní oyanyie nyoṅmo̱i krokomei ase̱ ní osúmo̱ame̱ le̱. [282]

¹⁵Ši aaba mli ake̱, ke̱dši oboo Iehowa, o-Nyoṅmo̱ le̱, gbē toi, ní odſẽṅ no̱ ní oye ekitãi ke̱ ekpo̱i fẽ ní miwoo̱o ṅme̱ne̱ gbĩ ne̱ le̱ no̱ le̱, no le̱ ne̱ke̱ lōmo̱i ne̱ fẽ aaba ono̱ ni ame̱aninao. [283]

¹⁶Aalomo̱o ye̱ maṅ, ni aatamoo ye̱ ṅmõši.

¹⁷Aalomo̱ okafũ ke̱ omã-tšese.

¹⁸Aalomo̱ omũsũṅbii ke̱ ošikpoṅ le̱ no̱ nibānii ke̱ otšinai abii ke̱ otōi abii.

¹⁹Aalomo̱o ye̱ ošĩabã mli, ni aalomo̱o ye̱ okpodšẽ mli.

²⁰Iehowa aaba lōmo̱ ke̱ dšidsāmo̱ ke̱ ahorabō̱ aba ono̱ ye̱ nofẽno ní oke̱ onine taä he ake̱ ofe le̱ mli, ke̱-yaši beyino̱ ní oofite ni ohĩe akpãtã trukā ye̱ odšeṅba fõṅ ní oke̱-kwami le̱ hewo̱.

²¹Iehowa aahã gbĕle-hela akpe̱te̱ ohe, ke̱-yaši beyino̱ ní eetã oyi ye̱ šikpoṅ ní oyaä ní oyaṅõ ake̱ onõ le̱ no̱.

²²Iehowa aaha lōtā̃-wulo̱mo̱ ke̱ atiridī ke̱ fulu ke̱ he-ladō̱ ke̱ klante ke̱ latšā ke̱ *nibii aṅãlãmo̱ aba ono̱, ni ame̱anyie ose̱ ke-yaši beyino ní ohĩe aakpãtã. [284]

²³Ni oṅwei ní yo̱ oyiteṅ le̱ aatšṍ akō̱ble, ni šikpoṅ ní yo̱ ošiši le aatsṍ dade. [285]

²⁴Iehowa aaha nu ni aane̱ ošikpoṅ le̱ no̱ le̱ atšṍ mlu ke̱ šia: eedše̱ ṅwei ebaſie ono̱ ke̱-yaši beyino̱ ní ohĩe aakpãtã.

²⁵Iehowa ahã atſiao nii ye̱ ohenye̱lo̱i ahĩe; gbe̱ kome no̱ ootšṍ oyatuaame̱, ši gbè̱i kpawo no̱ ootsṍ odšo foi ye̱ ame̱hĩe, ni aagbe̱o aſã šikpoṅ le̱ no̱ maṅtše̱yelihei le̱ fẽ.

²⁶Ogbonyo aatšṍ ṅwei lofõdši ke̱ ṅãṅ koloi aniyenii, ni anáṅ moko aſieame̱.

²⁷Iehowa aahã *Mizraim asãne ke̱ abuaša ke̱ ntſẽṅ ke̱ gbẽi ní anyẽṅ atša aba ohe. [286]

²⁸Iehowa aahã se̱ke̱ ke̱ ſilamo̱ ke̱ yiṅkãmo̱ aba ono̱.

²⁹Ni oogbugbu ši ſane fintī̃, take̱ bo̱ni ſilaſo gbugbuo̱ ši ye̱ duṅ mli, ni ootšṍ ogbutše̱ ye̱ ogbè̱i fẽ mli, ni aahĩo nyṍṅyeli he ke̱ odšotſā he so̱ṅṅ dāne̱, ni moko be̱ ní aahereo.

³⁰Ootše̱ yō he bā, ši nū kroko ke̱le̱ aawo̱; *oomã tšũ, ši ohīṅ mli; oofe †weintrom, ši oyeṅ emli yibii. [287]

³¹Aagbe otšina ye̱ ohĩe, ši oyeṅ eko; aašõ otedši ye̱ ohĩe, ni ake̱-hãṅo doṅṅ; aaṅõ otōi ahã ohenye̱lo̱i, ni onáṅ moko ahereo.

³²Aaṅõ obihĩĩ ke̱ obiyei ahã maṅ kroko, ni oona ke̱ ohĩṅme̱ii, ni ohĩṅme̱i aašiu ke̱ ame̱gbe̱kwe̱mo̱ dā dšenamo̱, ši onyẽṅ noko ofe.

³³Ošikpoṅ no̱ *nibānii ke̱ onitšumo̱nii fẽ hũ, maṅ ní olee aaye, ni nyṍṅ so̱ṅṅ ke̱ke̱ aayeo ni aaſiſiao ši dāne̱. [288]

³⁴Ni ohĩenāno̱nii ní oona le̱ so̱ṅṅ aawoö se̱ke̱.

³⁵Iehowa aahã asãnei ní dsraä ní anyẽṅ atša ahão atšẽrẽ onakutšei ke̱ oſŭo̱dši ahe, ke̱-dše̱ onaneši āhũ ke̱-yaši oyiteṅ pampam.

³⁶Iehowa aakplao ke̱ omaṅtše̱ ní ooṅõto ono̱ le̱ ke̱-ate maṅ ní bo lo otše̱mei le̱ lee le̱ mli, ni *dše̱i oyasúmo̱ nyoṅmo̱i krokomei, tšei ke̱ te̱i, ye̱. [289]

³⁷Ni ootšṍ *nākpe̱nõ ko, abe̱būnõ ke̱ kpã-lamo̱nõ ye̱ mãdši fẽ ní Iehowa akplao ke̱-ate ame̱ṅõ le̱ ateṅ. [290]

³⁸Nidũmo̱nii *babaō oke̱-ate ṅmõ mli, ši fio pe̱ ookpa ke̱-ba; edšake̱ bālabii aaye. [291]

³⁹Oofe weintromi ni oohũ mli, ši onuṅ wein le̱ eko ni otseṅ yibii le̱ hũ eko, edšake̱ gõgõmii aaye.

⁴⁰Ooná mũtšei ye̱ okpokpai le̱ fẽ no̱, ši okpaṅ mũ le̱ eko; edšake̱ omũtšei le̱ ayibii aakpla.

⁴¹Oofo̱ bihĩĩ ke̱ biyei, ši dšee onii ni; edšake̱ aaṅõame̱ nom.

⁴²Otukpe̱i aafite otšei ke̱ ošikpoṅ le̱ no̱ nibānii fẽ.

⁴³Gbo̱ ní ke̱o yo̱ le̱ aahĩ kwē̱ he godšō fèo, ši bo le̱ šibā he ookã.

⁴⁴Le̱ le̱ eeṅõ enii efao, ši bo le̱ onáṅ noko ofale̱; le̱ le̱ eetšṍ yitšo, ši bo le̱ ootšṍ lei. [292]

⁴⁵Ni ne̱ke̱ lōmo̱i ne̱ fẽ aaba ono̱, ni ame̱nyie ose̱ ni ame̱aninao ke̱-yaši beyino ní ohĩe aakpãtã, edšake̱ oboo Iehowa, o-Nyoṅmo̱ le̱, gbē toi, ní oye ekitãi ke̱ ekpo̱i ní ewoö le̱ no̱.

⁴⁶Ni ame̱atšṍ okadi ke̱ nākpe̱nõ ye̱ bo ke̱ osešibii le̱ ahe ke̱-ate nāno̱,

⁴⁷edšake̱ oke̱ mīše̱ ke̱ tšuidšŭrõ súmo̱o̱ Iehowa, o-Nyoṅmo̱ le̱, ye̱ nii ní ona babaō le̱ hewo̱.

⁴⁸Nohewo̱ le̱ ohenye̱lo̱i ní Iehowa aatšũ abaſie ono̱ le̱, oosúmo̱ame̱ ye̱ hõmo̱ ke̱ kũmai ke̱ yayainyiemo̱ ke̱ nibii fẽ he ohĩayeli mli, ni eeṅõ dade apã ewo okue̱, ke̱-yaši beyino̱ ni eekpãtã ohĩe.

⁴⁹Iehowa aatē dšeṅmaṅ ko ši *awoö ke̱-adše̱ šoṅṅ, ke̱-adše̱ šikpoṅ nāgbēhei le̱, tamo̱ okropoṅ flikio̱ le̱, maṅ ko ní †onuu ame̱wieme̱, [293]

⁵⁰maṅ ní hĩe wa, ní ame̱hĩe eſiee onukpa hĩeaṅ, ni gbekẽ hũ ame̱naale̱ mo̱bo̱; [294]

⁵¹ni eeye okoloi abii ke̱ ošikpoṅ no̱ nibānii le̱ ke̱-yaši beyino̱ ní oofite; edšake̱ eſe̱ṅ able lo wein lo mũ lo otšinabii lo otōbii le̱ eko ehãṅo, ke̱-yaši beyino̱ ní eekpãtã ohĩe kwrā,

⁵²Ni ame̱asá oyi ye̱ omãdši fiā mli ke̱-yaši beyino̱ ní ogbogboi groṅṅi ní wa, ní oṅõo̱ ohĩe ofõo̱ no̱ le̱, aaba ši ye̱ ošikpoṅ le̱ fẽ no̱; ni ame̱asá oyi ye̱ omãdši le̱ fìā mli ye̱ ošikpoṅ ní Iehowa, o-Nyoṅmo̱ le̱, ṅõ-hãao le̱ fẽ no̱.

⁵³Ni ooye bodientše̱ *omũsũṅbii, obihĩĩ ke̱ obiyei ní Iehowa, o-Nyoṅmo̱ le̱, ehão le̱ alō, ye̱ yisámo̱ le̱ ke̱ fĩmo̱ ní ohenye̱lo̱i le̱ aahã afĩo le̱ mli. [295]

⁵⁴Nū ní he dše̱ ní ekpaä niiaṅ ye̱ nyeteṅ le̱, ehĩe aado̱ awo enyemi ke̱ eṅã ní kãa ese̱ ke̱ ebihĩĩ le̱ ateṅ moni eſe̱ ehãle̱ le̱,

⁵⁵āhũ po ní ehãṅ ame̱teṅ moko ebii ní eyeo le̱ alō le̱ eko; edšake̱ yisámo̱ le̱ ke̱ fĩmo̱ ní ohenye̱lo̱i le̱ aahã afĩo ye̱ omãdši le̱ ſẽ mli le̱ hewo̱ le̱ nokonoko eſe̱ṅ hãṅo.

⁵⁶Yō ní he dšo̱ ní ekpaä niiaṅ ye̱ nyeteṅ, ni ekako pẽṅ ake̱ eeṅõ enane emã šikpoṅ ye̱ ensrõntĩ ke̱ eheṅõme̱ dšeṅ ni eyo̱ le̱ hewo̱ le̱, ehĩe aado̱ awo ewù ni ekãa ese̱ ke̱ ebinū ke̱ ebiyō le̱,

⁵⁷ke̱ efo̱mo̱nii ní dše̱ enãdši ateṅ ke̱ ebii ní efo̱ le̱; edšake̱ eeyeame̱ nĩgĩ ye̱ fĩ ní nofẽno efĩle̱ le̱ hewo̱, ye̱ yisámo̱ le̱ ke̱ fĩmo̱ ní ohenye̱lo̱i le̱ aahã afīo ye̱ omãdši le̱ amli le̱ hewo̱.

⁵⁸Ke̱dši okwe̱e̱ ní ahĩ, ní oye ne̱ke̱ mla ne̱ wiemo̱i fẽ ni aṅma ye̱ ne̱ke̱ wolo ne̱ mli le̱ no̱, ní oše ne̱ke̱ gbe̱i ní yo̱ nyam ke̱ gbeyei ne̱, ní dši Iehowa, o-Nyoṅmo̱ le̱,

⁵⁹no le̱ Iehowa aahã ohaomo̱i ke̱ osešibii le̱ ahaomo̱i le̱ afe nākpe̱, ni ame̱atšṍmo̱ haomo̱i wudši ní se̱ tše̱o̱ āhũ ke̱ helai fõdši ní se̱ tše̱o̱ āhũ;

⁶⁰ni eehã *Mizraim tšẽṅemo̱ helai ní ošeo le̱ fẽ aba ono̱, ni ame̱aka ohe. [296]

⁶¹Ni asaṅ helai sro̱toi ke̱ haomo̱i sro̱toi ní atšĩko tã ye̱ ne̱ke̱ mlawolo ne̱ mli le̱, Iehowa ke̱-aba ono̱ ke̱-yaši beyino̱ ní ohĩe aakpãtã.

⁶²Ni nyeyi fio ke̱ke̱ aaſe̱, tše̱ sá le̱ nyeyi fá *tamo̱ ṅwei ṅulamii; edšake̱ nyeboo Iehowa, nye-Nyoṅmo̱ le̱, gbē toi. [297]

⁶³Ni aaba mli ake̱, bo̱ni Iehowa nyã́ he ake̱ eefenye edšŭrõ ní ehã nyeyi afá le̱, nakai noṅṅ Iehowa *aanyã́ he ake̱ eekpãtã nyehĩe ni efitenye, ni aafãmo̱nye ke̱-adše̱ šikpoṅ ní nyeyaä nyeyaṅõ le̱ no̱ aſie. [298]

⁶⁴Ni Iehowa aagbeo aſã mãdši fẽ amli ke̱-dše̱ šikpoṅ le̱ nāgbēhe bie̱ ke̱-yaši, šikpoṅ le̱ nāgbēhe bie̱, ni dše̱i ooya-súmo̱ nyoṅmo̱i krokomei ní bo alo otše̱mei le̱ lee, ní dši tšei ke̱ te̱i le̱, ye̱.

⁶⁵Ni nakai dšeṅmãdši le̱ ateṅ le̱ onãṅ hedšo̱le̱, ni asaṅ onãṅ nanemãhe, ši Iehowa aahão tšui ní fãa ke̱ hĩṅme̱ii ní no̱ feo̱ tūtū ke̱ tšuiyeli ye̱ dše̱i;

⁶⁶ni oyiṅ aafeo košikoši ye̱ owala hewo̱, ni ohe aakpokpo nyōṅ ke̱ ſane, ṅi oleṅ ake̱ oyi aaná wala lo.

⁶⁷Lebi le̱ ookē̱: Miná ní dše na! ni gbe̱ke̱ le̱ ookē̱: Miná ní dše tše̱re! ye̱ otšuifā̃ ní hãa ohe kpokpoo̱ ke̱ ohĩenāno̱nii ní oona le̱ ahewo̱.

⁶⁸Ni Iehowa aaṅõo ke̱-ate Mizraim ekoṅ ye̱ le̱dši amli ye̱ gbe̱ ní mikē̱o ye̱ he ake̱: *Onaṅ doṅṅ le̱ no̱, ni aahõhō̃nye ahã nyehenye̱lo̱i le̱ ye̱ dše̱i ake̱ nyṍdšihĩĩ ke̱ nyódšiyei, ni moko heṅnye tete. [299]

⁶⁹Kpãṅmo̱ ní Iehowa wo Mose kitã ake̱ eke̱ Israelbii le̱ akpãṅ ye̱ Moab šikpoṅ le̱ no̱ le̱ he wiemo̱i ne̱, sŏro kpãṅmo̱ ni eke̱ame̱ kpãṅ *ye̱ Horeb le̱. [300]