Read luganda 5 Mose 29 Bible Online

5 Mose 29 - luganda bible

5 Mose 29

¹Ni Mose tšé̱ Israel mū le̱ fẽ ni ekē̱ame̱ ake̱: Nyedientše̱ *nyena nii fẽ ní Iehowa fe Farao ke̱ etšũdši le̱ ke̱ ešikpoṅ le̱ ſẽ ye̱ nyehĩṅine̱iiaṅ ye̱ Mizraim šikpoṅ le̱ no̱ le̱: [301]

²kāi kpeteṅkplei le̱ ní ona ke̱ ohĩṅmeii le, nakai okadii ke̱ nākpe̱nii wudši le̱.

³Ši Iehowa hãkonye *tšui ní nyeke̱-ale nii ke̱ hĩṅme̱ii ní nyeke̱-ana nii ke̱ toii ní nyeke̱-anu nii ke̱-baši ṅme̱ne̱. [302]

⁴Ni mikplanye ke-nyie ṅã le̱ no̱ afii nyoṅmai-edſe̱ so̱ṅṅ: nyetadei suu ye̱ nyehe, ni nyetokotai hũ tše̱re̱e̱ ye̱ nyenãdši. [303]

⁵Nyeyee abolo, ni asaṅ nyenuu wein lo dā̃ ní wa, koni nyená nyele ake̱ midši Iehowa, nye-Nyoṅmo̱ le̱.

⁶Ni beni nyebaše̱ bie̱ le̱, Hešbon maṅtše̱ Sihon ke̱ Bašan maṅtše̱ Og dše kpo kewo̱ bawu, ni wogbeame̱, [304]

⁷ni wo̱ṅõ ame̱šikpoṅ le̱ ni wo̱ke̱-hã Rubenbii ke̱ Gadbii ke̱ Manasebii akutšo le̱ fã ake̱ ame̱gbe̱fãṅnõ. [305]

⁸Nohewo̱ le̱ nyedſẽṅa kpãṅmo̱ ne̱ mli wiemo̱i le̱, ano̱ ni nyeyea no̱, koni nyeſere ye̱ nibii fẽ ní nyefeo̱ le̱ mli.

⁹Nyefẽ nyedamo̱ ye̱ Iehowa, nye-Nyoṅmo̱ le̱, hĩe ṅme̱ne̱ ne̱: nyekutsei-atše̱mei ke̱ nyekutšei ke̱ nyenukpai ke̱ nyeno̱kwe̱lo̱i ke̱ Israel hĩĩ fẽ,

¹⁰ke̱ nyebii ke̱ nyeṅãmei ke̱ ogbo̱ ní yo̱ osra le̱ mli ke̱-dše̱ olaiyalo̱ no̱ ke̱-yaši ofāṅyalo̱ no̱,

¹¹koni obote Iehowa, o-Nyoṅmo̱ le̱, kpãṅmo̱ ní eke̱o kpãṅo̱ ke̱ kitã ní Iehowa, o-Nyoṅmo̱ le̱, kãao ṅme̱ne̱ le̱ mli,

¹²koni ṅme̱ne̱ eke̱o adamo̱ ši ake̱ le̱dientše̱ emaṅ, ni le̱ hũ etšã́ o-Nyoṅmo̱, take̱ bo̱ni ewoö ši le̱ ke̱ bo̱ni ekã otše̱mei Abraham ke̱ Isak ke̱ Iakob kitã le̱.

¹³Ši dšee nye ke̱ke̱ ni mike̱ kpãṅo̱ ne̱ke̱ kpãṅmo̱ ne̱ ni mikãanye ne̱ke̱ kitã ne̱,

¹⁴ši moṅ mike̱ moni ke̱wo̱ damo̱ ši ye̱ Iehowa, wo̱-Nyoṅmo̱ le̱, hĩe ye̱ bie̱ ṅme̱ne̱ gbĩ ne̱ ke̱ moni be̱ wo̱teṅ ye̱ bie̱ ṅme̱ne̱ gbĩ ne̱ le̱ fẽ.

¹⁵Edšake̱ nyele bo̱ni wo̱hĩ Mizraim šikpoṅ le̱ no̱ wohã, ke̱ bo̱ni wo̱tšṍ dšeṅmãdši ní nyetšṍ ame̱teṅ ke̱-ba le̱ amli wohã,

¹⁶ni nyena ame̱nihĩnii ke̱ ame̱mãgãi ní ake̱ tšei ke̱ te̱i ke̱ dſie̱te̱i ke̱ šika fe ní yo̱ ame̱teṅ le̱:

¹⁷koni nū ko lo yō ko lo weku ko lo akutšo ko akahĩ nyeteṅ, ní etšui mīkpale ke̱-mīdše Iehowa, wo̱-Nyoṅmo̱ le̱, he ṅme̱ne̱ gbĩ ne̱, ní ete ní eyasúmo̱ nakai dšeṅmãdši le̱ anyoṅmo̱i le̱, ni *tšošišifã ko ní woo̱ ko̱liko̱ ke̱ ebō̱ akahĩ nyeteṅ. [306]

¹⁸Ni ebaba mli ake̱, ké̱ enu ne̱ke̱ kitã ne̱ wiemoi le̱, ní ehã ehe tšui, ekē̱: Minyie mitsui wadšemo̱ mli moṅ, kẽle̱ mihe badšo̱mi; ní abafite moni eto̱ kpo̱tō̱ le̱ ke̱ moni kũmai yeo̱le̱ le̱ fẽ šikome!

¹⁹Iehowa eṅõ-faṅle̱, ši moṅ Iehowa mlifũ ke̱ ewuṅãyeli aadše lasũ awo nakai mo le̱, ni *lōmo̱-fẽ-lōmo̱ ni aṅmã ye̱ ne̱ke̱ wolo ne̱ mli le̱ aabua eyiteṅ; ni Iehowa aagbe egbe̱i ke̱-adše̱ ṅwei šiši; [307]

²⁰ni Iehowa aadšiele̱ ye̱ Israel aku-tšei le̱ fẽ mli ato ahã eſõṅ, ye̱ ne̱ke̱ kpãṅmo̱ ne̱ ní aṅmã ye̱ ne̱ke̱ mlawolo ne̱ mli le̱ he lōmo̱i le̱ fẽ nā.

²¹Ni yino̱bii ní baba le̱ aagba he sane, — nyebii ní aate ši ye̱ nyese̱ le̱, ke̱ mokpõṅ ní aadše̱ maṅse̱ šoṅṅ aba le̱, ké̱ ame̱na ne̱ke̱ šikpoṅ ne̱ haomo̱i le̱ ke̱ ehelai ní Iehowa ehã eba eno̱ le̱,

²²ke̱ bo̱ni ake̱ swō̱ ke̱ ṅō ešã ešikpoṅ le̱ fẽ, ni adũũ nii ye̱ no̱, ni ebaa nii hũ, ni dſe̱i ko ekwẽẽ ye̱ no̱, tamo̱ *Sodom ke̱ Gomora, Adăma ke̱ Zeboim ní Iehowa butu ye̱ emlifũ ke̱ emlila nā le̱ butumo̱ le̱: [308]

²³ke̱ke̱ le̱ dšeṅmãdši le̱ fẽ aakē̱: Mẽba ni Iehowa fe šikpoṅ ne̱ ne̱ke̱? Mẽ mlila ke̱ mlifũ babaō dši ene̱?

²⁴Ni mei aakē̱: Edšake̱ ame̱kwa Iehowa, ame̱tše̱mei a-Nyoṅmo̱ le̱, kpãṅmo̱ ni eke̱ame̱ kpãṅ, beni edšieame̱ ke̱-dše̱ mizraim šikpoṅ le̱ no̱ le̱,

²⁵ni ame̱yiṅ ame̱te ni ame̱yasúmo̱ nyoṅmo̱i krokomei ni ame̱dsáame̱, nyoṅmo̱i ní ame̱lee ní eṅõ-hãkoame̱ hũ.

²⁶Nohewo̱ ní Iehowa mli wo ne̱ke̱ šikpoṅ ne̱ la, ni eke̱ lōmo̱i fẽ ní aṅmã ye̱ ne̱ke̱ wolo ne̱ mli le̱ ba ame̱no̱ le̱;

²⁷ni Iehowa fãame̱ ke̱-dše̱ ame̱šikpoṅ le̱ no̱ ye̱ mlifũ ke̱ mlila ke̱ grimo̱ babaō nā, ni eše̱re̱ame̱ eſie šikpoṅ kroko no̱, take̱ bo̱ni yo̱ ṅme̱ne̱ gbĩ ne̱.

²⁸*Nii ní aṅõ-tē le̱ Iehowa, wo̱-Nyoṅmo̱ le̱, no ni; ši †nii ní adšie kpo le̱ dši wo̱ke̱ wo̱bii anõ ke̱-yaä nāno̱, beni afe ní wo̱ye ne̱ke̱ mla ne̱ mli wiemo̱i le̱ fẽ kwa no̱. [309]