Read luganda 5 Mose 3 Bible Online

5 Mose 3 - luganda bible

5 Mose 3

¹Ke̱ke̱ ni wo̱tšṍ wo̱he ni Bašan gbe̱ le̱ no̱; ni Bašan maṅtše̱ *Og le̱ ke̱ emaṅ le̱ fẽ dše kpo eke̱wo̱ bawu ye̱ Edrei. [29]

²Ši Iehowa kē̱mi ake̱: Kāšele̱ gbeyei; edšake̱ mitule̱ ke̱ emaṅ le̱ fẽ ke̱ ešikpoṅ le̱ miwo odeṅ, ni ofele̱ tamo̱ bo̱ni ofe Amorbii amaṅtše̱ Sihon ní hĩ Hešbon le̱.

³Ni Iehowa, wo̱-Nyoṅmo̱ le̱, tu Bašan maṅtše̱ Og le̱ hũ ke̱ emaṅbii le̱ fẽ ewo wo̱deṅ, ni wo̱gbēle̱ ke̱-yaši beyino ni mokomeflo eſe̱e̱.

⁴Ni wo̱šõ emãdši le̱ fẽ ye̱ nakai be le̱ mli; maṅ ko maṅ ko be̱ ni wo̱šõõ ye̱ ame̱deṅ: mãdši nyoṅmai-ekpa so̱ṅṅ ní dſere Argob niiaṅ ní dši Og maṅtše̱yeli ní yo̱ Bašan le̱ fẽ le̱.

⁵Ne̱ke̱ mãdši ne̱ fẽ le̱ atſa gbogboi ní kwŏ̱lo̱ awo ame̱he ke̱ amehe agbói ke̱ ame̱se̱ adabãṅi, esõro mãdši babaō dientše̱ ní gbogboi be̱ ame̱he le̱.

⁶Ni wo̱feame̱ musu, bo̱ni wo̱fe Hešbon maṅtše̱ Sihon le̱, nakai wo̱fe maṅ-fẽ-maṅ ke̱ hĩĩ ke̱ yei ke̱ gbekẽbii le̱ musu.

⁷Ši koloi le̱ fẽ ke̱ nihānii ní yo̱ mãdši le̱ amli le̱ wo̱ha wo̱hã wo̱he. [30]

⁸Ni wo̱šõ šikpoṅ le̱ ke̱-dše̱ Amorbii le̱ amaṅtše̱mei enyo̱ ní yo̱ Iordan se̱ le̱ adeṅ ye̱ nakai be le̱ mli, ke̱-dše̱ Arnon fà le̱ nā ke̱-yaši Hermon goṅ le̱ he;

⁹(no dši Hermon ní Zidonbii le̱ tšé̱o̱-le̱ Sirion, ni Amorbii le̱ tšé̱o̱le̱ Senir le̱,) [31]

¹⁰ke̱ mãdši le̱ fẽ ní dſere ṅã kplenē le̱ no̱ le̱ ke̱ Gilead fẽ ke̱ Bašan fẽ ke̱-yaši Salka ke̱ Edrei ní dši Og maṅtše̱yeli le̱ mli mãdši ní yo̱ Bašan le̱.

¹¹(Edšake̱ Bašan maṅtše̱ Og le̱ pe̱ dši oblãṅi le̱ ní ſe̱ le̱ ateṅ moni eſe̱; na, esātšo ní dši dadesātšo le̱, ani dšee Amonbii le̱ a-Rabat le̱ eyo̱? ni eke̱le̱ hĩe ninetalo̱i ne̱hũ ke̱ elē̱mo̱ hũ ninetalo̱i edſe̱ ye̱ gbomo ninetalo̱ nā.)

¹²Ni wo̱ṅõ ne̱ke̱ šikpoṅ ne̱ ye̱ nakai be le̱ mli; ke̱-dše̱ Aroer ní kã Arnon fā le̱ nā le̱ ke̱ Gilead gõdši ašikpoṅ le̱ fã le̱ ke̱ ame̱no̱ mãdši le̱ miṅõ-hã Rubenbii le̱ ke̱ Gadbii le̱. [32]

¹³Ni Gilead heni ſe̱ le̱ ke̱ Og maṅtše̱yeli Bašan le̱ fẽ miṅõ-hã Manase akutšo fã le̱, Argob niiaṅ fẽ ke̱ Bašan fẽ, ni atšé̱o̱ dše̱i oblãṅi ašikpoṅ le̱.

¹⁴Manase bi Iair le̱ ṅõ Argob niiaṅ fẽ ke̱-yaši Gešurbii ke̱ Maakatbii ahũsũi le̱ anā, ni eṅõ egbe̱i ewo Bašan mãdši le̱ ake̱ Havot-Iair ke̱-baši ṅme̱ne̱.

¹⁵Ši Makir le̱, miṅõ Gilead mihãle̱.

¹⁶Ni Rubenbii ke̱ Gadbii le̱, miṅõ ke̱-dše̱ Gilead ke̱-yaši Arnon fā le̱, fā le̱ teṅ, mihãame̱ ake̱ ame̱hũsũ, āhũ ke̱-yaši Iabok fā le̱ ní dši Amonbii le̱ ahũsũ le̱ nā,

¹⁷ke̱ ṅã kplenē le̱ ní Iordan dši ehũsũ le̱, ke̱-dše̱ Kineret-ṅšo̱ le̱ nā ke̱-yaši ṅã kplenē le̱ no̱ ṅšo̱ ní dši Ṅō-ṅšo̱ le̱ nā ye̱ Pisga šiši ye̱ bokãgbe̱ le̱.

¹⁸Ni miwonye kitã ye̱ nakai be le̱ mli ake̱: Iehowa, nye-Nyoṅmo̱ le̱, eṅõ ne̱ke̱ šikpoṅ ne̱ ehãnye ake̱ nyenõ; nyeteṅ tawulo̱i le̱ fẽ amĩa ke̱-nyie nyenyemimei, Israelbii le̱, ahĩe;

¹⁹ši nyeṅãmei ke̱ nyebii abifabii ke̱ nyekoloi le̱ ke̱ke̱ ahĩ ši ye̱ nyemãdši ni miṅõ-hãnye le̱ amli, (edšake̱ mile ake̱ nyeye šĩa koloi babaō,)

²⁰ke̱-yaši beyino ní Iehowa aahã nyenyemimei le̱ aadšō̱ ame̱he tamo̱ nye noṅṅ, ni ame̱ hũ ame̱aye šikpoṅ ní Iehowa, nye-Nyoṅmo̱ le̱, ṅõ-hãa-ame̱ ye̱ Iordan se̱ le̱ no̱, ni no se̱ dãni nyeteṅ mofẽmo akũ ese̱ ke̱-ya eno̱yelinõ ní miṅŏ-hãnye le̱ no̱.

²¹Ni *Iošua hũ miwole̱ kitã ye̱ nakai be le̱ mli ake̱: Ohĩṅme̱ii ena nii fẽ ní Iehowa, nye-Nyoṅmo̱ le̱, efe ne̱ke̱ maṅtše̱mei enyo̱ ne̱; nakai noṅṅ Iehowa bafe maṅtšeyelii fẽ ní nyeyanina le̱. [33]

²²Nyekašea-ame̱ gbeyei; edšake̱ Iehowa, nye-Nyoṅmo̱ le̱, dši moni wuo̱ hãanye. [34]

²³Ni mikpa Iehowa fai ye̱ nakai be le̱ mli ake̱:

²⁴Nuntšo̱ Iehowa, bo obõi odale̱ ke̱ oninešiwale̱ le̱ ke̱ otšũlo̱ tšõmo̱; edšake̱ nẽ Nyoṅmo̱ yo̱ ṅwei alo šikpoṅ le̱ no̱ ní aanyẽ nii ní otšu ne̱ etšu, alo efe hewale̱nii ni ofe ne̱?

²⁵Mikpao fai, hã ní mi hũ mafo mli ke̱-ya, ní mayana šikpoṅ kpakpa ní yo̱ Iordan se̱ le̱, ne̱ke̱ goṅ fe̱fe̱o ne̱ ke̱ Lebanon le̱!

²⁶Ši nyehewo̱ le̱ Iehowa mli fũmi, ni eboomi toi; ni Iehowa kē̱mi ake̱: Efá, oke̱mi akawie ne̱ke̱ sane ne̱ he doṅṅ! [35]

²⁷Kwo̱ ke̱-ya Pisga yiteṅ, ni ohole ohĩṅme̱ii ano̱ okwe̱ anaigbe̱ ke̱ kōyigbe̱ ke̱ wuoyigbe̱ ke̱ bokãgbe̱, koni oke̱ ohĩṅme̱ii ana; edšake̱ ofoṅ ne̱ke̱ Iordan ne̱!

²⁸Ni owo Iošua kitã, ni owole̱ ekã ke̱ hewale̱, edšake̱ le̱ ebanyie maṅ ne̱ hĩe ke̱-foṅ, ni le̱ noṅṅ eedša šikpoṅ ni oona le̱ mli ehãame̱. [36]

²⁹Ni wo̱hĩ ši ye̱ dšō̱ ní kã Bet-Peor ṅe̱le̱no̱ le̱ mli.