Read luganda 5 Mose 30 Bible Online

5 Mose 30 - luganda bible

5 Mose 30

¹Ni aaba mli ake̱, ke̱dši ne̱ke̱ nibii ne̱ fẽ eba ono̱, dšō̱mo̱ le̱ ke̱ lōmo̱ le̱ *ní miṅõ-ſie ohĩe le̱, ni ookaiame̱ ye̱ dšeṅmãdši fẽ ní Iehowa, o-Nyoṅmo̱ le̱, eſieo ke̱-te ame̱teṅ le̱ ateṅ, [310]

²ni *ookũ ose̱ ke̱-aba Iehowa, o-Nyoṅmo̱ le̱, ṅõ, ni oobo egbē toi, tamo̱ bo̱ni miwoo̱o kitã ṅme̱ne̱ gbĩ ne̱, bo ke̱ obii le̱, ke̱ otšui mū le̱ fẽ ke̱ osusuma mū le̱ fẽ le̱, [311]

³no le̱ Iehowa, o-Nyoṅmo̱ le̱, *aahã okũ ose̱ ke̱-dše̱ onomṅō̃ le̱ mli ni emũsũṅ aatšõle̱ ye̱ ohe, ni esa †eebua ona ke̱-adše̱ mãdši fẽ ní Iehowa, o-Nyoṅmo̱ le̱, egbeo eſã ame̱teṅ le̱ mli. [312]

⁴Ke̱dši omei ní ase̱re̱ aſie le̱ eko yadše ṅwei nāgbēhe tete le̱, dše̱i tō̃ Iehowa, o-Nyoṅmo̱ le̱, aabua ona ke̱-adše̱, ni eeṅõo ke̱-dše̱ dše̱i ke̱-ba.

⁵Ni Iehowa, o-Nyoṅmo̱ le̱, ke̱o aaba šikpoṅ ní otše̱mei le̱ hĩ no̱ le̱ no̱ ekoṅ, ni oohĩ no̱, ni eefeo edšŭrõ ni eehã oyi afa fè otše̱mei le̱.

⁶Ni Iehowa, o-Nyoṅmo̱ le̱, *aafo otšui ke̱ osešibii le̱ atšui ketia, beni afe ní osumo̱ Iehowa, o-Nyonmo̱ le̱, ke̱ otšui mū le̱ fẽ ke̱ osusuma mū le̱ fẽ, koni oyi aná wala. [313]

⁷Ni Iehowa, o-Nyoṅmo̱ le̱, aaṅõ ne̱ke̱ lōmo̱i ne̱ fẽ aſie ohenye̱lo̱i ke̱ ohetsẽlo̱i ní waäo yi le̱ ano̱.

⁸Ši bo le̱ ookũ ose̱ ni oobo Iehowa gbē toi, ni ooye ekitãi ní miwoo̱o ṅme̱ne̱ gbĩ ne̱ le̱ ano̱.

⁹Ni Iehowa, o-Nyoṅmo le̱, aahã oſere ke̱-teke no̱ ye̱ onine nā nitšumoi fe ke̱ omũsũṅbii ke̱ okoloi abii ke̱ ošikpoṅ le̱ no nibānii agbe̱fãn, ní ahĩ ahão; edšake̱ Iehowa aaná ohe mĩše̱ ekoṅ ní efeo edšŭrõ, take̱ bo̱ni ená otše̱mei le̱ ahe mĩše̱ le,

¹⁰ke̱dši oobo Iehowa, o-Nyoṅmo le̱, gbē toi, ní oye ekitãi ke̱ ekpoi ní aṅmã ye̱ ne̱ke̱ mlawolo ne̱ mli le̱ no, ni ookpale ke̱-ba Iehowa, o-Nyoṅmo̱ le̱, ṅõ ke̱ otšui fẽ ke̱ osusuma fẽ le̱.

¹¹Edšake̱ ne̱ke̱ kitã ne̱ ní miwoo̱o ṅme̱ne̱ gbĩ ne̱ le̱, ewaa hãão, ni ebe̱ šoṅṅ hũ,

¹²dšee *ṅwei eyo̱, ní ookē̱ ake̱: Namo aakwo̱ ke̱-ate ṅwei ahãwo, ni eyaṅõ eba-hãwo ní wo̱nu ni wo̱ye no̱? [314]

¹³Ni dšee ṅšo̱ se̱ hũ eyo̱, ní ookē̱ ake̱: Namo aafo ṅšo̱ ahãwo, ni eyaṅõ abahãwo ní wonu ni wo̱ye no̱?

¹⁴Ši wiemo le̱ be̱ṅke̱o kpākpa, eye odāṅ ke̱ otšui mli, beni afe ní oye no̱!

¹⁵Na ṅme̱ne̱ gbĩ ne̱ *mike̱ wala ke̱ ekpakpa, gbĕle ke̱ efõṅ mīſie ohĩe. [315]

¹⁶Ke̱dši ooye kitãi ke̱ akpoi ke̱ mlai ní miwoo̱o ṅme̱ne̱ gbĩ ne̱ ake̱ osumo̱ Iehowa, o-Nyoṅmo le̱, ni onyie egbè̱i ano̱ le̱ no̱ le̱, no le̱ oyi aaná wala ni oyi aafá, ni Iehowa, o-Nyoṅmo le̱, aadšō̱o ye̱ šikpoṅ ní oyaa oyaṅõ le̱ no̱.

¹⁷Ši ke̱dši otšui gba afã, ni oboo toi, ni ohã alakao ni oyadšá nyoṅmoi krokomei ni osúmoame̱ le̱,

¹⁸no le̱ mīgba mli kpō mīkē̱nye ṅme̱ne̱ gbĩ no̱, ake *kpãtãmo nyehĩe aakpãtã; nyegbĩĩ ase̱ etše̱ṅ ye̱ šikpoṅ ní ofoo̱ Iordan ke̱-ya ní oyaṅõ le̱ no. [316]

¹⁹Mītšé̱ *ṅwei ke̱ šikpoṅ ṅme̱ne̱ ní ame̱baye nyehe odase ake̱ mike̱ wala ke̱ gbĕle, dšō̱mo ke̱ lōmo̱ eſie nyehĩe; nohewo le̱ ko wala, koni bo ke̱ oseši fẽ ayi aná wala, [317]

²⁰ní osumo̱ Iehowa, o-Nyoṅmo le̱, ni obo egbē toi, ni oke̱ ohe akpe̱te̱ ehe; edšake̱ no aahã oyi aná wala ni otše̱ ye̱ dšeṅ, koni ohĩ šikpoṅ ní Iehowa kãt otše̱mei Abraham ke̱ Isak ke̱ Iakob kitã ake̱ eeṅõ-hãame̱ le̱ no!