Read luganda 5 Mose 32 Bible Online

5 Mose 32 - luganda bible

5 Mose 32

¹Nye ṅweii, nyetoa toi, ní mawie, ní šikpoṅ, bo midāṅ wiemo̱i le̱ atoi! [329]

²Mitšõmo̱ aatue tamo̱ nyoṅmo̱ne̱mo̱, ni miwiemo̱ le̱ aanyõ tamo̱ bó̱, tamo̱ futufuli ye̱ dſe̱ſo̱ no̱ ke̱ nukulibii ye̱ bāi ano̱ hũ. [330]

³Edšake̱ Iehowa gbe̱i atã mibatšĩ: Nyeṅõa anumnyam nyehãa wo̱-Nyoṅmo̱ le̱!

⁴Te̱sā dšile̱, ni enitšumo̱i hĩ pe̱; edšake̱ egbè̱i fẽ dšale̱ ni. Ano̱kwa Mawu dšile̱, nõša be̱le̱; dšale̱ dšile̱ ni esa pe̱.

⁵Ame̱yele̱ sane fõṅ, dšee ebii ni, ame̱dientše̱ ame̱he kpa ni; yino̱ kõdõṅ ní be̱ ame̱ṅe̱le̱no̱ dšiame̱. [331]

⁶Aso Iehowa šidā ne̱, maṅ ní be̱ yitšeiaṅ ní lee nokonoko? *Ani dšee le̱ dši otše̱ ní kpõo le̱, le̱ noṅṅ ebo̱o, ni le̱ noṅṅ ehã onane mõ ši? [332]

⁷Kaimo̱ blema gbĩĩ le̱, ni odſẽṅ yino̱i sro̱toi le̱ amli afii le̱ ahe! Bi otše̱, ni eetsõo, onukpai le̱, ni ame̱agbao! [333]

⁸Beni Ṅweinyo le̱ *dša šikpoṅ le̱ mli ehã dšeṅmãdši le̱, ni egbla ádesãi abii le̱ amli le̱, eṅõ mãdši le̱ †ahũsũi le̱ emãmo̱ ši ye̱ Israelbii le̱ ayibo̱ nā, [334]

⁹Edšake̱ Iehowa gbe̱fãṅnõ dši emaṅ le̱, Iakob dši egbošinii ní ená.

¹⁰Enale̱ ye̱ ṅãno̱ šikpoṅ ko no̱, ye̱ ṅã ole̱ṅle̱ ní koloi blo̱ö̱ ye̱ no̱ le̱ no̱. Ebu ehe, ekwe̱le̱, *ebā eyi tamo̱ ehĩṅme̱i mli adšaṅmalāte̱. [335]

¹¹Bo̱ni *okropoṅ hosoo̱ etšũ ni etſaä efĩdšiaṅ etšṍo̱ ebii le̱, nakai egbe̱ efĩdšiaṅ ni ewóle̱, ehĩele̱ ye̱ efĩdši ano̱. [336]

¹²Iehowa kometō kplale̱, ni nyoṅmo̱ kpõṅ ko fataa ehe.

¹³Šikpoṅ hei ní kwŏ̱lo̱ le̱ ano̱ ehã etšṍ ke̱-ho, ni eye ṅã le̱ no̱ nibānii; ni ehã ešo̱ wò ke̱-dše̱ *te̱ mli ke̱ mũ hũ ke̱-dše̱ tſre̱bo te̱sā mli, [337]

¹⁴tšina fufo̱ ní efĩ ke̱ tō fufo̱ ke̱ tōgwanteṅbii afo̱ hũ ke̱ Bašan tōagboi ke̱ tōkpakpoi asabai ahe fo̱ ke̱ ṅmã, ni weinyibii alá dši odā̃ ní onuo̱!

¹⁵Ši *Iešurun wo fo̱ ni eši ntia; †owo fo̱, oti, oſi! Ke̱ke̱ ni ešĩ Nānyoṅmo̱ ní bo̱le̱ le̱, ni eyiwalaheremo̱ te̱sā le̱ ebuule̱ fẽ̱i. [338]

¹⁶Ame̱hã eke̱ nyoṅmo̱i kpõdši ye awuṅã, nihĩnii ame̱ke̱-wo emli la.

¹⁷Ame̱šã afo̱le ame̱hã wo̱dši, ši dšee Nyoṅmo̱ ni, nyoṅmo̱i ní ame̱lee, nyoṅmo̱i hēi ní ba etše̱ko, mei ní nyetše̱mei lee-ame̱ le̱.

¹⁸Te̱sā ní fo̱o le̱ odſẽṅṅ eno̱, ni ohĩe ekpa Mawu ní bo̱o le̱ no̱.

¹⁹Ni Iehowa na, ni enyãṅeame̱ ye̱ mlila ni ebihĩĩ ke̱ ebiyei le̱ ewole̱ le̱ hewo̱;

²⁰ni ekē̱: Maṅõ mihĩe matēame̱, makwe̱ bo̱ni ame̱nāgbē aate ahã. Edšake̱ yino̱bii toigbolo̱i dšiame̱, bii ní yee ano̱kwa.

²¹Ame̱hã miye awuṅã ye̱ noni *dšee nyoṅmo̱ ko hewo̱, ame̱ke̱ ame̱yakayakanii le̱ wo mimli la. †Nohewo̱ le̱ mi hũ mahã ame̱ye awuṅã ye̱ mei ní dšee maṅ ko hewo̱, dšeṅmaṅ ko ní hĩe etẽẽ mike̱-awo ame̱mli la. [339]

²²Edšake̱ mimlifũ le̱ tamo̱ la ní aše̱re, ni eetšo ke̱-ate gbohĩĩadše tō̃, ni eešã šikpoṅ le̱ ke̱ eno̱ nibānii le̱, ni eemã gõdši le̱ ašišitōi le̱ anā la.

²³Mabua ošrãi anā mawoame̱, mike̱ migãimlibii le̱ fẽ aatšẽrẽame̱ atã. [340]

²⁴Ame̱atã lō ye̱ hõmo̱ nā, ni he-ladō̱ aayeame̱ ke̱ tsẽṅemo̱ hela ní nā wa; ni matšũ koloi anyãnyõdši ke̱-aba ame̱teṅ ke̱ sũ mli šikpãi anā ebō̱.

²⁵Klante aašõ ame̱bii ye̱ blohũi amli ke̱ ṅmiṅmi hũ ye̱ piai amli, oblanyo ke̱ oblayō, fufo̱o ke̱ wadšiatše̱ fẽ.

²⁶Kũle̱ mikē̱ ake̱: Magbe̱ame̱ maſã, mahã ame̱kaimo̱ se̱ afo ye̱ ádesãi ateṅ!

²⁷ké̱ dšee henye̱lo̱i le̱ ahĩyeli mišeo̱, ake̱ aleenõ ame̱haolo̱i le̱ aatšé̱le̱ ekroko, ni ame̱akē̱: Wo̱, wo̱nineši wa, ši dšee Iehowa fe nii ne̱ fẽ!

²⁸Edšake̱ dšeṅmaṅ ní ṅāwōi elãdše-ame̱ ni, ni sanese̱komo̱ be̱ame̱. [341]

²⁹Ame̱le nii kũle̱, ame̱ayo ene̱ se̱, ni ame̱adſẽṅ ame̱nāgbē he!

³⁰Kũle̱ té aye tẽṅ ní mokome ſieo̱ mei akpeṅ, ní mei enyo̱ woo̱ mei akpei-nyoṅma foiṅ, ké̱ dšee hō̃mo̱ ame̱te̱sā le̱ ehõame̱, ni Iehowa eṅõame̱ ehã le̱? [342]

³¹Edšake̱ ame̱te̱sā le̱ tamo̱o̱ wo̱te̱sā le̱, ni wo̱henye̱lo̱i le̱ dientše̱ aaye he odase.

³²Edšake̱ Sodom weintšo le̱ eko dši ame̱weintšo le̱, ni Gomora abō̱i le̱ amli edše̱. Ame̱weinyibii le̱ ebō̱-yibii ni, ni ame̱šabii le̱ dšōo̱. [343]

³³Drakoi anā ebō̱ dši ame̱wein, ke̱ šikpãi anā ebō̱ ní nā wa.

³⁴Ani dšee mi mibua ene̱ nā mito, ni miso̱o nā hũ ye̱ minitōheiaṅ? [344]

³⁵Mi *minõ dši oweletō̱ ke̱ nyõmo̱wo, beni ame̱nane aašãne le̱. Edšake̱ ame̱hĩekpãtãmo̱ gbĩ ebe̱ṅke̱, ni nii ní baba ame̱no̱ le̱ baba oyá. [345]

³⁶Edšake̱ Iehowa aafã emaṅ le̱ he, ni etšũdši le̱ asane aado̱le̱, ke̱ eena ake̱ ame̱hewale̱ etã, ni mei ní yo̱ maṅ ke̱ mei ní yo̱ akrowaiaṅ ſẽ etã le̱. [346]

³⁷Ni eekē̱: Nẽgbe̱ ame̱nyoṅmo̱i le̱ yo̱, te̱sā ní ame̱ke̱ ame̱hĩe fõ eno̱ le̱?

³⁸mei ní ye ame̱fo̱lei le̱ amli fo̱ le̱, ni ame̱nu ame̱dā̃-afo̱lei le̱ amli wein le̱? *Hã ame̱te ši ní ame̱ye ame̱buanye, ní ame̱fã nyehe ko! [347]

³⁹Agbe̱ne̱ nyenaä ake̱ *mi dši mi, ni mise̱ le̱ nyoṅmo̱ ko be̱! Mi noṅṅ †migbeo̱ ni mitšĩeo̱ hĩe, mipilaä mo ni asaṅ mitšaäle̱, ni moko be̱ ní šõo̱ ye mideṅ. [348]

⁴⁰Edšake̱ miwóo̱ minine no̱ ke̱-yaä ṅwei, ni mikē̱o ake̱: Mi le̱ mihĩe kã ke̱-mīya nāno̱! [349]

⁴¹Ke̱dši midšo̱ miklante ní kple̱o̱ tamo̱ srawa le̱ nā, ni minine mõ kodšomo̱ mli le̱, mato̱ mihe owele ye̱ mihenye̱lo̱i le̱ ano̱, ni mawo mei ní nye̱o̱mi le̱ anyõmo̱!

⁴²Mahã migãimlibii atŏ̱ro̱ dā̃ ke̱ lá, ni miklante le̱ aaye lō: mei ní agbe ke̱ mei ní aṅõame̱ nom le̱ alá ke̱ henye̱lo̱i le̱ alumei le̱ ayitsei!

⁴³*Nyedšeṅmãdši, nyeke̱ emaṅ le̱ anyã́a! Edšake̱ ebato̱ etšũdši le̱ alá le̱ he owele, ni eke̱ oweletō̱ baba ehenye̱lo̱i le̱ ano̱, ni ebana emaṅ le̱ šikpoṅ le̱ mo̱bo̱. [350]

⁴⁴Ni Mose ba ebawie ne̱ke̱ lala ne̱ mli wiemo̱i le̱ fẽ ewo maṅ le̱ toiiaṅ, le̱ ke̱ Hošea, Nun bi le̱.

⁴⁵Ni beni Mose dšadše wiemoi ne̱ fẽ etšõ Israel egbe nā le̱,

⁴⁶ekē̱ame̱ ake̱: Nyeṅõa nyetšuii nyefõa wiemo̱i ne̱ fẽ ní miye he odase mitšõnye ṅme̱ne̱ gbĩ ne̱ le̱ no̱, ní *nyewo nyebii le̱ akitã, ní ame̱dſẽṅ ne̱ke̱ mla ne̱ mli wiemo̱i le̱ fẽ no̱ ní ame̱ye no̱. [351]

⁴⁷Edšake̱ dšee wiemo̱ flo dši hãnye, ši moṅ *nyeyiwala ni, ni ne̱ke̱ wiemo̱ ne̱ nyeke̱-ahã nyegbĩĩ ase̱ atše̱ ye̱ šikpoṅ ní nyefoo̱ Iordan ke̱-ya nyeyaṅõ le̱ no̱. [352]

⁴⁸Ni Iehowa ke̱ Mose wie ye̱ nakai gbĩ le̱ no̱ noṅṅ ekē̱:

⁴⁹Yakwo̱ ne̱ke̱ *Abarim goṅ ne̱ ní dši Nebo goṅ le̱ ní kã Moab šikpoṅ le̱ no̱ ye̱ Ieriko hĩe le̱, ni oyakwe̱ Kanaan šikpoṅ le̱ ní miṅõ-hãa Israelbii ake̱ ame̱-gbe̱fãṅnõ le̱. [353]

⁵⁰Ni oyagbo ye̱ goṅ ní oyakwo̱ le̱ no̱, ni abua onā afata omei le̱ ahe, take̱ bo̱ni *onyemi Aaron gbo ye̱ Hor goṅ le̱ no̱, ni abua enã afata emei le̱ ahe le̱; [354]

⁵¹edšake̱ nyetõ mino̱ ye̱ Israelbii le̱ ateṅ ye̱ Meriba nu le̱ he ye̱ Kadeš, ye̱ Zin ṅã le̱ no̱, ake̱-ní nyefeemi kroṅkroṅ ye̱ Israelbii le̱ ateṅ le̱. [355]

⁵²Edšake̱ oona šikpoṅ le̱ kã ohĩe moṅ, ši yā ní oyaṅ šikpoṅ le̱ ní miṅõ-hãa Israelbii le̱ no̱. [356]