Read luganda 5 Mose 5 Bible Online

5 Mose 5 - luganda bible

5 Mose 5

¹Ni Mose bo etšé̱ Israel mū le̱ fẽ ni ekē̱ame̱ ake̱: Israel, nyeboa akpo̱i ke̱ mlai ní midšadšeo̱ miwoo̱ nyetoiiaṅ ṅme̱ne̱ ne̱ toi, ni nyekasea ni nyedſẽṅa no̱, ní nyeye no̱!

²Iehowa, wo̱-Nyoṅmo̱ le̱, ke̱wo̱ kpãṅ ye̱ Horeb. [58]

³Dšee wo̱tše̱mei le̱ Iehowa ke̱-kpãṅ ne̱ke̱ kpãṅmo̱ ne̱, ši moṅ wo̱ eke̱-kpãṅ, wo̱ ní ṅme̱ne̱ gbĩ ne̱ ní wo̱fẽ wo̱hĩe kã-mo̱ ne̱. [59]

⁴Hĩe ke̱ hĩe Iehowa kenye wie ye̱ goṅ le̱ no̱ ke̱-dše̱ la le̱ teṅ. [60]

⁵Mi le̱ midamo̱ Iehowa ke̱ nye teṅ ye̱ nakai he le̱ mli, koni madšadše Iehowa wiemo̱i le̱ matšõnye; edšake̱ la le̱ hewo̱ le̱ *nyeše gbeyei, ni nyekwo̱o̱ goṅ le̱. Ni ekē̱: [61]

⁶Midši Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱.

⁷Kāná nyoṅmo̱i krokomei ye̱ mise̱! [62]

⁸Kāfe *amãgã ko lo noko ní tamo̱ nii ní yo̱ ṅwei, lo nii ní yo̱ šikpoṅ le̱ no̱, lo nii ní yo̱ nu mli ye̱ šikpoṅ le̱ šiši le̱ ohã ohe. [63]

⁹Kādšáame̱, ni kāsúmo̱ame̱ hũ; edšake̱ mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo̱ ke̱-tšṍo̱ bii ano̱, ke̱-yašio̱ yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱;

¹⁰ni minaä mei akpei abo̱ ní sumoo̱mi ní ame̱yeo̱ mikitãi ano̱ le̱ amo̱bo̱.

¹¹Kāhĩe Iehowa, o-Nyoṅmo̱ le̱, gbe̱i amli yakayaka; edšake̱ Iehowa ebuṅ moni hĩeo̱ egbe̱i amli yakayaka le̱ bem.

¹²Bu hedšō̱mo̱gbĩ le̱, ní oyele̱ kroṅkroṅ, take̱ bo̱ni Iehowa, o-Nyoṅmo̱ le̱, ewoö kitã le̱.

¹³Gbĩĩ ekpa le̱ otšu nii, ni ofe onii fiā;

¹⁴ši gbĩ ní dši gbĩ kpawo le̱ dši hedšō̱mo̱gbĩ hã Iehowa, o-Nyoṅmo̱ le̱; no no̱ le̱ kātšu nitšumo ko, bo, lo obinū, lo obiyōõ, lo owenū, lo oweyō, lo otšina, lo otedši, lo ošĩa koloi le̱ eko, lo ogbo̱ ní yo̱ ogbói le̱ amli, koni owenū ke̱ oweyō adšō̱ ame̱he tamo̱ bo noṅṅ.

¹⁵Ni okai *ake̱ bo hũ otšṍ tšũlo̱ pẽṅ ye̱ Mizraim šikpoṅ le̱ no̱, ni Iehowa, o-Nyoṅmo̱ le̱, ke̱ ninešiwale̱ ke̱ nine ní akpã mli dšieo ye̱ dše̱i. Nohewo̱ ni Iehowa, o-Nyoṅmo̱ le̱, woö kitã ake̱ oye hedšō̱mo̱gbĩ le̱. [64]

¹⁶Wo otše̱ ke̱ onye, take̱ bo̱ni Iehowa, o-Nyoṅmo̱ le̱, woö kitã le̱, koni ogbĩĩ atše̱ ní ahĩ ahão ye̱ šikpoṅ le̱ ní Iehowa, o-Nyoṅmo̱ le̱, ṅõ-hãao le̱ no̱.

¹⁷Kāgbe gbomo.

¹⁸Kābo̱ adſamaṅ.

²⁰Kāye amale odase ye̱ onanyo hewo̱.

²¹Ohĩe akakõ onanyo ṅã no̱. Ni asaṅ ohĩe akakõ onanyo šĩa, lo ešikpoṅ, lo ewenū, lo eweyō, lo etšina, lo etedši, lo nofẽno ní dši onanyo nõ le̱ no̱.

²²Ne̱ke̱ wiemo̱i ne̱ Iehowa ke̱ gbē ní wa dše̱ la le̱ ke̱ atatu le̱ ke̱ duṅ kpī le̱ mli wie tšo nyesafo mū le̱ fẽ ye̱ goṅ le̱ no̱, ni eke̱ noko fataa he; ni eṅmã ye̱ *te̱i te̱tre̱bii enyo̱ no̱, ni eṅõ-hãmi. [65]

²³Ši eba mli ake̱, beni nyenu gbē le̱ ke̱-dše̱ duṅ le̱ mli, ni goṅ le̱ tšoo̱ ke̱ la le̱, nyetši nyebe̱ṅke̱mi, nyekutšei atše̱mei ke̱ nyenukpai le̱ fẽ,

²⁴ni nyekē̱mi ake̱: Na, Iehowa, wo̱-Nyoṅmo̱ le̱, ehã wo̱na enumnyam ke̱ edale̱ le̱, ni *egbē le̱ hũ wo̱nu ke̱-dše̱ la le̱ teṅ; ṅme̱ne̱ gbĩ ne̱ no̱ wo̱na ake̱ Nyoṅmo̱ ke̱ gbomo wieo̱ ni eyi náa wala kẽ. [66]

²⁵Bĕle̱ mẽhewo̱ wo̱o̱gboi? Edšake̱ ne̱ke̱ la kpeteṅkple ne̱ aašãwo̱ kwrakwra; ke̱dši wo̱kã he wo̱mīnu Iehowa, wo̱-Nyoṅmo̱ le̱, gbē lolo le̱, no le̱ wo̱o̱gboi.

²⁶Edšake̱ namo yo̱ ádesãi fẽ ateṅ, ní enu Nyoṅmo̱ hĩekãlo̱ le̱ gbē miwie ke̱-mīdše̱ la mli, tamo̱ wo̱, ni eyi ená wala?

²⁷Bo moṅ tši obe̱ṅke̱ ni obo nofẽno ní Iehowa, wo̱-Nyoṅmo̱ le̱, aakē̱ toi, ni obakē̱wo̱ nii fiā ní Iehowa, wo̱-Nyoṅmo̱ le̱, ke̱o aawie le̱, ni wo̱o̱bo toi ní wo̱fe.

²⁸Ni beni Iehowa nu nyewiemo̱i ní nyeke̱mi wie le̱, Iehowa kē̱mi ake̱: Minu ne̱ke̱ maṅ ne̱ wiemo̱i ní ame̱ke̱o wie le̱; ame̱gbē le̱ fẽ dša.

²⁹Miná ná kũle̱ ame̱na ne̱ke̱ tšui dā, ní ame̱ke̱-šemi gbeyei, ni ame̱ye mikitãi le̱ fẽ no̱, koni ahĩ ahãame̱ ke̱ ame̱bii ke̱-ya nāno̱! [67]

³⁰Ya ni oyakē̱ame̱ ake̱: Nyekũa nyese̱ ke̱-yaä nyebūi le̱ amli!

³¹Ši bo le̱ damo̱ bie̱ ye̱ mimase̱i, ni madšadše kitãi ke̱ akpo̱i ke̱ mlai le̱ fẽ matšõo, koni oyatšõame̱, ní ame̱ye no̱ ye̱ šikpoṅ ní miṅõ-hãa-ame̱ ake̱ ame̱nõ le̱ no̱.

³²Nohewo̱ le̱ nyedſẽṅa no̱ ni nyeyea kitãi nī Iehowa, nye-Nyoṅmo̱ le̱, wonye le̱ no̱, ni nyekagba ninedšŭrõgbe̱ lo abe̱kugbe̱. [68]

³³Gbe̱ ní Iehowa, nye-Nyoṅmo̱ le̱, ewonye he kitã le̱ fẽ no̱ nyenyiea, koni nyeyi aná wala, ni ahĩ ahãnye, ni nyegbĩĩ ase̱ atše̱ ye̱ šikpoṅ ní nyeyaṅõ le̱ no̱!