Read luganda 5 Mose 6 Bible Online

5 Mose 6 - luganda bible

5 Mose 6

¹Agbe̱ne̱ kitãi ke̱ akpo̱i ke̱ mlai ní Iehowa, nye-Nyoṅmo̱ le̱, efã́ ake̱ atšõnye le̱ ne̱, koni nyeyaye no̱ ye̱ šikpoṅ ní nyefoo̱ mli ke̱-ya ní nyeyaṅõ le̱ no̱,

²koni oše Iehowa, o-Nyoṅmo̱ le̱, gbeyei, ni oye ekpo̱i ke̱ ekitãi ni miwoo̱o ne̱ fẽ no̱, bo ke̱ obi ke̱ onãbi ye̱ owala gbĩĩ le̱ fẽ mli, koni nyegbĩĩ ase̱ atše̱.

³Nohewo̱ le̱ bo toi, Israel, ni odſẽṅ no̱, ní oye no̱, koni ahĩ ahão, ní nyeyi afá babaō ye̱ šikpoṅ ní hoo̱ fufo̱ ke̱ wò le̱ no̱, take̱ bo̱ni Iehowa, otše̱mei a-Nyoṅmo̱ le̱, ewoö ši le̱.

⁴Bo toi, Israel! Iehowa, wo̱-Nyoṅmo̱ le̱, Iehowa kome ni. [69]

⁵Ni suomo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ ke̱ ohewale̱ fẽ! [70]

⁶Ni ne̱ke̱ wiemo̱i ne̱ ní miwoo̱o he kitã ṅme̱ne̱ gbĩ ne̱ akã otšui no̱, [71]

⁷ni odſẽṅ no̱ *otšõ obii, ni owie he, beni otá ši ye̱ ošĩa le̱ ke̱ beni onyie gbe̱ teṅ ke̱ beni okã ši ke̱ beni ote ši; [72]

⁸ni oṅõ-fe kaimo̱nõ ofī onineši, ni ame̱tšṍmo̱ hĩenātramo̱nii ye̱ ohĩṅme̱ii ateṅ; [73]

⁹ni oṅmã ye̱ ošĩnātšei ke̱ ogbói ahe!

¹⁰Ni ke̱dši eeba mli ake̱ Iehowa, o-Nyoṅmo̱ le̱, ke̱o aayaše̱ šikpoṅ ní ekã otše̱mei Abraham ke̱ Isak ke̱ Iakob kitã ake̱ eke̱-bahão le̱ no̱ le̱, mãdši kplei fe̱fe̱dši ní dšee bo oto,

¹¹ke̱ šĩai ní ame̱mli eyimo̱ obõbõ ke̱ nibii kpakpai ní dšee bo eke̱-wo mli, ke̱ nubui ní atšatšai ní dšee bo otša, ke̱ weintromi ke̱ mutšei ní dšee bo ote̱o, ni ooye oto̱ le̱: [74]

¹²no le̱ kwe̱mo̱ ohe ní ahĩ, koni ohĩe akadše Iehowa, moni dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱ no̱!

¹³Iehowa, o-Nyoṅmo̱ le̱, gbeyei oše ni le̱ noṅṅ odšā, ni egbe̱i le̱ oke̱-kã kitã. [75]

¹⁴Nyekayanyiea nyoṅmo̱i krokomei ní dši mãdši ní dſere nyehewo̱ le̱ anyoṅmo̱i le̱ eko se̱.

¹⁵Edšake̱ Mawu *awuṅãyelo̱ dši Iehowa, o-Nyoṅmo̱ le̱, ní yo̱ oteṅ le̱, koni Iehowa, o-Nyoṅmo̱ le̱, mli akawoö la, ní ekpãtã ohĩe ke̱-dše̱ šikpoṅ le̱ no̱. [76]

¹⁶*Nyekakaä Iehowa, nye-Nyoṅmo̱ le̱, take̱ bo̱ni †nyekale̱ ye̱ Masa le̱; [77]

¹⁷Ši moṅ nyeyea Iehowa, nye-Nyoṅmo̱ le̱, kitãi le̱ ke̱ edasei le̱ ke̱ ekpo̱i le̱ ní ewoö le̱ ano̱;

¹⁸ni ofe noni dša ke̱ noni hĩ ye̱ Iehowa hĩe, koni ahĩ ahão, ni oya oyaṅõ šikpoṅ kpakpa ní Iehowa kã otše̱mei le̱ akitã ye̱ he le̱,

¹⁹ni eſie ohenye̱lo̱i le̱ fẽ ye̱ ohĩe, take̱ bo̱ni Iehowa wie le̱, [78]

²⁰Ke̱dši obi aabio wó̱ ko lo wó̱se̱ ko ake̱: Odasei ke̱ akpo̱i ke̱ mlai ní Iehowa, wo̱-Nyoṅmo̱ le̱, wonye le̱, té ešišiṅ? le̱, [79]

²¹no le̱ okē̱ *obi ake̱: Sá le̱ Farao tšũdši dšiwo̱ ye̱ Mizraim, ni Iehowa ke̱ ninešiwale̱ dšiewo̱ ke̱-dše̱ Mizraim; [80]

²²ni Iehowa hã okadii ke̱ nãkpe̱nii wudši ní yo̱ gbeyei ba Mizraim ke̱ Farao ke̱ ewe le̱ fẽ no̱ ye̱ wo̱hĩe;

²³ši wo̱ le̱ edšiewo̱ ke̱-dše̱ dše̱i, koni eke̱wo̱ aba ni eke̱ šikpoṅ ní ekã wo̱tše̱mei le̱ akitã ye̱ he le̱ ahãwo̱.

²⁴Ni Iehowa wowo̱ kitã, ake̱ wo̱ye ne̱ke̱ akpo̱i ne̱ fẽ no̱, koni wo̱še Iehowa, wo̱-Nyoṅmo̱ le̱, gbeyei, ní ahĩ ahãwo̱ dãne̱, ni wo̱yi anã wala, take̱ bo̱ni eyo̱ ṅme̱ne̱ ne̱.

²⁵Ni no aatšṍ wo̱dšale̱ ye̱ Iehowa, wo̱-Nyoṅmo̱ le̱, hĩe, ke̱dši woodſẽṅ no̱, ní wo̱ye ne̱ke̱ kitãi ne̱ fẽ no̱, take̱ bo̱ni efã́wo̱ le̱.