Read luganda 5 Mose 9 Bible Online

5 Mose 9 - luganda bible

5 Mose 9

¹Bo toi, Israel! obafo Iordan ṅme̱ne̱, koni oya ní oyaſie dšeṅmãdši ní dăra ní ame̱he wa fèo le̱, *mãdši wudši ní atſa gbogbo awo he ke̱-yaši ṅwei le̱, [101]

²maṅ ní ame̱dăra ní *ame̱kĕ̱le̱, Anakbii, mei ní bodientše̱ ole, ni asaṅ onu ame̱he ake̱ akē̱: Namo aanyẽ Anakbii le̱ ahĩe adamo̱ le̱? [102]

³Nohewo le̱ ná ole ṅme̱ne̱ gbĩ ne̱ ake̱ Iehowa, o-Nyoṅmo̱ le̱, dši moni nyie ohĩe ke̱-yaä tamo̱ *la ní šãa nii; le̱ noṅṅ eefiteame̱, ni le̱ noṅṅ eebaame̱ ši ye̱ ohĩe, ni ooſieame̱ ni ookpãtã ame̱hĩe oya, take̱ bo̱ni Iehowa, o-Nyoṅmo̱ le̱, ke̱o ewie le̱. [103]

⁴Ke̱ Iehowa, o-Nyoṅmo̱ le̱, fãame̱ eſie ke̱-dše̱ ohĩe le̱, kākē̱ *ye̱ otšui mlĩ ake̱: Midšale̱ hewo̱ ni Iehowa ke̱mi ba, ni mibaṅõ ne̱ke̱ šikpoṅ ne̱; ši ne̱ke̱ dšeṅmàdši ne̱ †anifõdšianii le̱ ahewo̱ moṅ ni Iehowa ſieo̱ame̱ ke̱-dše̱o̱ ohĩe ne̱. [104]

⁵Dšee odšale̱ lo otšuiṅ ní yo̱ kro̱ṅṅ hewo̱ ni oyaä oyaṅõ ame̱šikpoṅ le̱; edšake̱ ne̱ke̱ dšeṅmãdši ne̱ anifõdšianii le̱ ahewo̱ ni Iehowa, o-Nyoṅmo̱ le̱, ſieo̱ame̱ ke̱-dše̱o̱ ohĩe, ni asaṅ beni afe ní ehã wiemo̱ ní Iehowa kã otše̱mei Abraham ke̱ Isak ke̱ Iakob kitã ye̱ he le̱ amã ši hewo̱ṅ.

⁶Nohewo̱ le̱ ná ole ake̱ dšee odšale̱ hewo̱ ni Iehowa, o-Nyoṅmo̱ le̱, ke̱ ne̱ke̱ šikpoṅ kpakpa ne̱ hãao ake̱ onõ le̱, ši moṅ maṅ ni *kue̱ṅ ti dšio. [105]

⁷Kaimo̱, ni ohĩe akakpa no̱, bo̱ni otšṍ owo Iehowa, o-Nyoṅmo̱ le̱, mlifũ ohã ye̱ ṅã le̱ no̱; ke̱-dše̱ gbĩ no̱ ní nyedše̱ Mizraim šikpoṅ le̱ no̱ nyedše kpo le̱ ke̱-baši beyino ní nyebaše̱ bie̱ ne̱, Iehowa hĩe atũa so̱ṅṅ nyetšeo̱.

⁸Ni Horeb hũ, nyewo Iehowa mlila ye̱ dše̱i ni Iehowa mli fũ ewonye, ní kũle̱ ēhe nyehĩe ekpãtã. [106]

⁹Beni mikwo̱ ke̱-te goṅ le̱ no̱ ni miyahe te̱i te̱tre̱bii ní dši kpãṅmo̱ ní Iehowa ke̱nye kpãṅ le̱ no̱ te̱i te̱tre̱bii le̱, mihĩ goṅ le̱ no̱ nyõṅnyõṅ ke̱ ſaneſane gbĩĩ nyoṅmai-edſe̱, miyee nii le̱, minuu nu hũ.

¹⁰Ni Iehowa ṅõ te̱i te̱tre̱bii enyo̱ ní ake̱ Nyoṅmo̱ wao eṅmã wiemo̱i fẽ ní Iehowa ke̱nye wie ye̱ goṅ le̱ no̱ ke̱-dše̱ la le̱ teṅ ye̱ kpē wulu gbĩ le̱ no̱ le̱ awo no̱ le̱ ehãmi.

¹¹Ni eba mli ake̱ nyōṅnyōṅ ke̱ ſaneſane gbĩĩ nyoṅmai-edſe̱ le̱ nāgbē le̱ Iehowa ṅõ te̱i te̱tre̱bii enyo̱ ní dši kpãṅmo̱ le̱ no̱ te̱i le̱ ehãmi.

¹²Ni Iehowa kē̱mi ake̱: Te ši ní okpleke ši ke̱-dše̱ bie̱ oyá; edšake̱ omaṅ ní oyadšie ke̱-dše̱ Mizraim le̱ eye sane fõṅ. Amrõ ne̱ noṅṅ le̱ ame̱kpale ke̱-dše̱ gbe̱ ní miwoame̱ he kitã le̱ no̱: ame̱fe amãgã ni aſie ame̱hã ame̱he.

¹³Ni Iehowa kē̱mi ake̱: Mikwe̱ ne̱ke̱ maṅ ne̱ āhũ, ni mina ake̱ maṅ ní kue̱ṅ ti dšiame̱;

¹⁴ṅmẽmi gbe̱ ní makpãtã ame̱hĩe, ni magbe ame̱gbe̱i ke̱-dše̱ ṅwei šiši, ni maṅõo mafe maṅ ní he wa ní eda fèame̱.

¹⁵Dšee no ni mitšṍ mihe ni mikpleke ši ke̱-dše̱ goṅ le̱ no̱, bĕle̱ goṅ le̱ mītšo ke̱ la, ni mihĩe kpãṅmo̱ te̱i te̱tre̱bii enyo̱ le̱ ke̱ minidši enyo̱;

¹⁶ni mikwe̱, ni na, nyefe Iehowa, nye-Nyoṅmo̱ le̱, šiši eša: nyefe tšina ní aſie; amrõ ne̱ nyekpale ke̱-dše̱ gbe̱ ní Iehowa ewonye he kitã le̱ no̱.

¹⁷Ke̱ke̱ ni miṅõ te̱i te̱tre̱bii enyo̱ ní mihĩe ke̱ minidši enyo̱ le̱ mitſia ši ni midſăraame̱ ye̱ nyehĩe.

¹⁸Ni miho mikũla ši ye̱ Iehowa hĩe tamo̱ tšutšu le̱ nyōṅnyōṅ ke̱ ſaneſane gbĩĩ nyoṅmai-edſe̱, miyee nii le̱, minuu nu hũ, ye̱ nyehe ešai ní nyefe le̱ fẽ ke̱ efõṅ ní nyefe ye̱ Iehowa hĩe ní nyeṅõ-wo emli la le̱ hewo̱. [107]

¹⁹Edšake̱ *mĩše Iehowa mlifũ ke̱ mlila ní Iehowa ke̱-gri ewonye ní eke̱-bakpãtã nyehĩe le̱ gbeyei. Ši Iehowa bomi toi ye̱ nakai be le̱ mli hũ. [108]

²⁰Ni Aaron hũ, Iehowa mli fũle̱ naakpa, ni ēhele̱ egbe; ši mikpa fai mihã Aaron hũ ye̱ nakai be le̱ mli.

²¹Ši nyenõša ní nyefe, ní dši tšina le̱, miwo ni mišã ye̱ la mli, ni miši ni miw̌ie̱le̱ bo̱do̱bo̱do̱ ke̱-yaši beyino̱ ní ebó tamo̱ mlu, ni mitši emlumlu le̱ miſie fā ní dše̱o̱ goṅ le̱ mli hoo̱ le̱ mli.

²²Ni Tabera ke̱ Masa ke̱ Kibrot-Hataawa hũ nyewo Iehowa mliſũ ye̱ dše̱i. [109]

²³Ni beni Iehowa wonye gbe̱ ke̱-dše̱ Kadeš-Barnea ni ekē̱: Nyeyaä ní nyeyaṅõa šikpoṅ ní mike̱-hãanye le̱ ake̱ nyenõ le̱, no mli hũ nyetše Iehowa, nye-Nyoṅmo̱ le̱, dāṅgbē hĩe atũa, ni nyeheele̱ nyeyee, ni nyeboo egbē toi. [110]

²⁴Iehowa hĩe atũatšelo̱i dšinye ke̱-dše̱ gbĩ no̱ ní milenye le̱. [111]

²⁵Ke̱ke̱ ni miho migbē ši ye̱ Iehowa hĩe ni mikã ši nyōṅnyōṅ ke̱ ſaneſane gbĩĩ nyoṅmai-edſe̱; edšake̱ Iehowa ekē̱ ake̱ ebakpãtã nyehĩe. [112]

²⁶Ni mikpa Iehowa fai ni mikē̱: Nuntšo̱, Iehowa! Kākpãtã omaṅ ke̱ ono̱yelinõ ní oke̱ odale̱ ekpõ ni oke̱ oninešiwale̱ edšieame̱ ke̱-dše̱ Mizraim le̱ hĩe!

²⁷Kaimo̱ Abraham ke̱ Isak ke̱ Iakob, otšũdši le̱, ni okadi ne̱ke̱ maṅ ne̱ toiwale̱ ke̱ ame̱nifõdšianii ke̱ ame̱he eša le̱ se̱,

²⁸koni šikpoṅ ní oyadšiewo̱ ke̱-dše̱ no̱ le̱ no̱ bii akakē̱ ake: Nyẽ ni Iehowa nyẽẽ eke̱ame̱ aya šikpoṅ ní ewoame̱ ši ye̱ he le̱ no̱, ke̱ nye̱ ni enye̱o̱ame̱ hewo̱ ni eyadšieame̱ ke̱-te, koni eyagbeame̱ ye̱ ṅã le̱ no̱! [113]

²⁹Tše̱bele̱ omaṅ ke̱ ono̱yelinõ dšiame̱, ni ohewale̱ kple ke̱ onine ní akpã mli oke̱-dšieame̱.