Read luganda Iohane 10 Bible Online

Iohane 10 - luganda bible

Iohane 10

¹Le̱le̱ṅ, le̱le̱ṅ, mīkē̱nye ake̱: Moni tšṍṍ šĩnā le̱ ní eke̱-bote gwanteṅi atšũ le̱ mli, ši moṅ etšṍo̱ he kroko ekwo̱ö̱ le̱, dšule̱ ke̱ odšotſalo̱ dšile̱.

²Ši moni tšṍo̱ šĩnā le̱ ke̱-boteo̱ mli le̱, tōi le̱ akwe̱lo̱ dšile̱.

³Le̱, šĩnākwe̱lo̱ le̱ gbleo̱ hãa, ni tōi le̱ nuo̱ egbē, ni eke̱ le̱dientše̱ etōi le̱ agbe̱i tšé̱o̱ame̱, ni eke̱ame̱ dšee̱ kpo.

⁴Ni ké̱ edšie etoi le̱ fẽ le̱, enyieo̱ ame̱hĩe, ni tōi le̱ nyieo̱ ese, edšake̱ ame̱le egbē.

⁵Ši mokpoṅ le̱, ame̱nyieṅ ese̱, ši moṅ ame̱adšo foi ye̱ eṅõ, edšake̱ ame̱lee meikpõdši agbē.

⁶Iesu buame̱ abe̱ ne̱; ši ame̱ le̱ ame̱naa noni eke̱ame̱ wieo̱ le̱ šiši.

⁷Nohewo̱ le̱ Iesu sā kē̱ame̱ ekoṅ ake̱: Le̱le̱ṅ, le̱le̱ṅ, mīkē̱nye ake̱: Midši tōi le̱ ašĩnā le̱.

⁸Mei fẽ ní tšṍ mihĩe ba le̱, dšulo̱i ke̱ odšotſalo̱i dšiame̱: ši tōi le̱ booame̱ toi hũ. [212]

⁹Midši šĩnā le̱. Mi le̱, ke̱dši moko tšṍ mina ete mli le̱, aahere eyiwala, ni eete mli ni eedše kpo, ni eená lē̱nii.

¹⁰Dšulo̱ baa yaka, ši dšū ke̱ gbē ke̱ hĩekpãtãmo̱ hewo̱ ebaä; mi le̱ miba beni afe ní ame̱ná wala ni ame̱ná ni ateke no̱. [213]

¹¹Midši *tōkwe̱lo̱ kpakpa le̱. Tōkwe̱lo̱ kpakpa le̱ †ṅõo̱ esusuma eṅmẽo̱ ši ye̱ etoi le̱ anãdšiaṅ. [214]

¹²Ši moni dši apāfonyo ni edšee tōi le̱ akwe̱lo̱, moni tõi le̱ dšee enõ le̱, naä ake̱ klaṅ mība, ni ešĩo̱ tōi le̱ edšoo̱ foi, ni klaṅ le̱ bamõmoo̱ame̱ ni egbe̱o̱ tōi le̱ amli eſãa.

¹³Ši apāfonyo le̱ edšoo̱ foi, edšake̱ apāfonyo dšile̱, ni tōi le̱ ahe edo̱o̱le̱.

¹⁴Midši tōkwe̱lo̱ kpakpa le̱, ni *mile mei ní dši mimei, ni mimei le̱ hũ lemi, [215]

¹⁵take̱ bo̱ni *tše̱ le̱ lemi, ni mi hũ mile tše̱ le̱; ni miṅõo̱ miwala miṅmẽo̱ ši ye̱ tōi le̱ anãdšiaṅ le̱. [216]

¹⁶Ni miye̱ *tōi krokomei ní dše̱e̱ tōi atšũ ne̱ mli; ni nomei hũ, dša miṅõame̱ ke̱-ba, ni ame̱banu migbē, ní tōi le̱ ſe ku kome ke̱ kwe̱lo̱ kome. [217]

¹⁷Nohewo̱ ni tše̱ le̱ sumoo̱mi le̱, edšake̱ miṅõo̱ miwala miṅmẽo̱ ši, koni maṅõle̱ ekoṅ.

¹⁸Moko šõõ ye̱ mideṅ, ši moṅ midientše̱ miṅõ-ṅmẽo̱ ši; miye̱ hewale̱ ake̱ mĩke̱-ṅmẽo̱ ši, ni miye̱ *hewale̱ ake̱ miṅõo̱ ekoṅ; bo̱ni mitše̱ kē̱mi ne̱. [218]

¹⁹Wiemoi ne̱ ahewo̱ le̱ mligblamo̱ sā ba Iudafoi le̱ ateṅ ekoṅ. [219]

²⁰Ni ame̱teṅ mei pī kē̱: Daimonio ye̱ emli ni eye se̱ke̱; mẽhewo̱ nyeboo̱le̱ toi? [220]

²¹Meikomei hũ kē̱: Moni daimonio yo̱ emli wiemo̱i ne̱? ani daimonio aanyẽ ſilafo hĩṅmeii agble?

²²Ši aye šo̱lemo̱tšũnāgblemo̱-kaimo̱-gbīdšŭrõ ye̱ Ierusalem, ni fẽibe ni.

²³Ni Iesu mīšĕra ši ye̱ so̱lemo̱we le̱ ye̱ *Salomo ablanā le̱ no̱. [221]

²⁴Ke̱ke̱ ni Iudafoi le̱ babo̱le ehe, ni ame̱kē̱le̱ ake̱: Mẽ beyino noṅṅ oohã wo̱yiṅ afewo̱ ko̱šiko̱ši ke̱-yaši? Ké̱ bo dši Kristo le̱, kē̱mo̱wo̱ faṅṅ.

²⁵Iesu hereame̱ no̱ ake̱: Mikē̱nye, ni nyehee nyeyee. *Nitšumo̱i ní mitšuo̱ ye̱ mitše̱ gbe̱i ano̱ le̱, nomei mīye mihe odase; [222]

²⁶ši nye moṅ nyehee nyeyee, edšake̱ nyedšee mitōi le̱ eko, take̱ bo̱ni mĩkē̱nye le̱. [223]

²⁷Mitōi le̱ nuo̱ migbē, ni mile-ame̱, ni ame̱nyieo̱ mise̱, [224]

²⁸*ni mi noṅṅ mihāäame̱ nāno̱ wala, ni ame̱hĩe kpãtãṅ ke̱-ate nāno̱, ni asaṅ moko šõṅame̱ ye̱ mideṅ.

²⁹Mitše̱ ní ṅõame̱ ehãmi le̱ fè mei fẽ, ni moko nyẽṅ ašõame̱ ye̱ mitše̱ deṅ.

³⁰Mi ke̱ tše̱ le̱ fẽ le̱, ekomeṅ.

³¹Ke̱ke̱ ni Iudafoi le̱ *kŏ̱lo̱ te̱i ekoṅ ake̱ ame̱batſĩale̱. [225]

³²Iesu hereame̱ no̱ ako̱: Nitšumo̱i kpakpai pī mitšõnye ke̱-dše̱ mitše̱ ṅõ; té nakai nitšumo̱i le̱ ateṅ nõ hewo̱ ni nyebatſiami te̱i ne̱?

³³Iudafoi le̱ herele̱ no̱ ni āme̱kē̱: Dšee nitšumo̱ kpakpa ko hewo̱ wo̱batſiao te̱i le̱, ši moṅ musubō̱ hewo̱ṅ, edšako̱ bo ní gbomo dšio le̱ otšé̱o̱ ohe ake̱ Nyoṅmo̱ dšio. [226]

³⁴Iesu hereame̱ no̱ ake̱: Ani *aṅmãko ye̱ nyemla le̱ mlĩ ake̱: “Mĩkē̱, nyoṅmo̱i dšinye?” [227]

³⁵Ke̱dši mei aṅõ ní Nyoṅmo̱ wiemo̱ le̱ ba le̱ tete le̱ etšé̱ame̱ nyoṅmo̱i, ni anyēṅ ṅmãle̱ le̱ mli akũ le̱, —

³⁶nyemīkē̱ ye̱ moni tše̱ le̱ efele̱ kroṅkroṅ ní etšũle̱ ke̱-ba dše le̱ mli le̱ hewo̱ ake̱: Obo̱ musu, ake̱-ní mĩkē̱ ake̱: Nyoṅmo̱ bi dšimi le̱? [228]

³⁷Ké̱ mitšuu mitše̱ nitšumo̱i le̱, no le̱ nyekaheami nyeyea;

³⁸ši ke̱dši mitšuo̱, ni kẽle̱ nyeheemi nyeyee le̱, nyehea nitšumo̱i le̱ nyeyea mo̱, koni nyele ni nyehe nyeye ake̱ tše̱ le̱ ye̱ mimli, ni mi hũ miye̱ tše̱ le̱ mli.

³⁹Nohewo̱ le̱ ame̱mĩtao ekoṅ ake̱ ame̱mõle̱, ni edše ame̱deṅ. [229]

⁴⁰Ni eyiṅ ete Iordan se̱ ekoṅ, heni *Iohane baptisi ye̱ tšutšu le̱, ni eyahĩ dše̱i. [230]

⁴¹Ni mei pī ba eṅō ni ame̱kē̱: Iohane efee okadi ko moṅ, ši nii fiā ní Iohane wie ye̱ nū ne̱ he le̱, ano̱kwaṅ.

⁴²Ni mei pī he ene̱ ye ye̱ dše̱i.