Read luganda Iohane 12 Bible Online

Iohane 12 - luganda bible

Iohane 12

¹Agbe̱ne̱, beni eſe̱ gbĩĩ ekpa ni ayeo̱ Hehō le̱, Iesu ha Betania, heni Lazaro, moni gbo ni etēle̱ ši ke̱-dše̱ gbohĩĩ ateṅ le̱, yo̱ le̱. [251]

²Ke̱ke̱ ni ame̱ṅmēle̱ okplõ ye̱ dše̱i, ni Marta súmo̱, ši Lazaro dši mei ní ke̱le̱ trá okplõ le̱ he le̱ ateṅ mokome.

³Agbe̱ne̱ Maria ṅõ nardo-mũ kro̱ṅṅ ní dšra wa naakpa ni ṅmẽo̱ nsẽnite̱ kome, nĩ eke̱-bakpá Iesu nãdšĩ ahe, ni eke̱ eyitšo̱ì le̱ tšumo̱ enãdši le̱ ahe; nĩ mũ le̱ ṅma yi šĩa le̱ to̱. [252]

⁴Ke̱ke̱ ni Iuda Iskariot, Simon bi le̱, ekaselo̱i le̱ ateṅ mokome, ni batšõ ese̱gbe̱ le̱, kē̱:

⁵Mẽhewo̱ ahõõ mũ ne̱ ahee denarioi ohai-etẽ, ní aṅõ-hã ohĩafoi?

⁶Ši ene̱ ni ekē̱ ne̱, dšee ohĩafoi le̱ ahe ni do̱ö̱le̱ hewo̱ṅ, ši moṅ dšulo̱ dšile̱, ni le̱ etoo̱ fotro le̱ ni ehĩeo̱ *noni aṅõwoo̱ mli le̱. [253]

⁷Nohewo̱ le̱ Iesu kē̱: Kāgba enā; efe ene̱ eto mifũ gbĩ le̱.

⁸Edšake̱ *ohĩafoi le̱, nyeke̱ame̱ ye̱ dā; ši mi le, dšee dā nyekemi yo̱. [254]

⁹Agbe̱ne̱ Iudafoi le̱ ateṅ mei pī ná le ake̱ eye̱ dše̱i, ni ame̱ba, dšee Iesu ke̱ke̱ hewo̱ṅ, ši moṅ koni ame̱na Lazaro moni etele̱ ši ke̱-dše̱ gbohĩĩ ateṅ le̱ hũ.

¹⁰Ni oso̱fonukpai le̱ kpe ame̱yiṅ ake̱, ame̱agbe Lazaro hũ;

¹¹ehewo̱ dše̱ ni Iudafoi le̱ ateṅ mei pī te ni ame̱yahe Iesu no̱ ame̱ye le̱.

¹²Dšetše̱reno̱ le̱ mei babaō ni éba gbĩdšŭrõ le̱, beni amenu ake̱ Iesu mība Ierusalem le̱,

¹³ame̱kŏ̱lo̱ ble̱oi, ni ame̱dše kpo ame̱yakpele̱, ni ame̱blo̱ ake̱: *Hosiana! Adšō̱ moni baä ye̱ Nuntšo̱ le̱ gbe̱i ano̱ le̱, Israel maṅtše̱ le̱! [255]

¹⁴Ši Iesu ená tedšibi ko ni eho etá no̱, take̱ bo̱ni *aṅmã le̱ ake̱: [256]

¹⁵“Kāše gbeyei, Zion biyō; na, omaṅtše̱ le̱ tá tedšibi no̱ ke̱-mība.”

¹⁶Ši ekaselo̱i le̱ enaa nii ne̱ ašiši mrã mli, ši beni awo Iesu hĩe nyam le̱, no dãni ame̱kai ake̱ aṅmã nii ne̱ ye ehewo̱, ni no afe ahãle̱ le̱.

¹⁷Agbe̱ne̱ asafo ni ke̱le̱ yo̱ be mli ni etšé̱ Lazaro ke̱-dše̱ gbonyobu le̱ mli ni etēle̱ ši ke̱-dše̱ gbohĩĩ ateṅ le̱ ye he odase.

¹⁸Ene̱hewo̱ hũ ni asafo le̱ yakpele̱ le̱, edšake̱ amenu ake̱ efe okadi ne̱.

¹⁹Nohewo̱ le̱ Farisifoi le̱ kē̱ ye̱ ame̱teṅ ake̱: Té nyena ake̱ nyenyẽẽ fē̱i nyefe; na, *dše le̱ efã ke̱-nyie ese le̱. [257]

²⁰Ši Helabii komei ye̱ mei ni ba koni ame̱badšá Nyoṅmo̱ ye̱ gbĩdšŭrõ le̱ no̱ le̱ ateṅ;

²¹mene̱mei ba Filipo *ni dše̱ Betsaida ye̱ Galilea le̱ ṅõ, ni ame̱babile̱ ake̱: Nuntšo̱, wo̱mītao ake̱ wo̱na Iesu. [258]

²²Filipo ba ni ebakē̱ Andrea, ni asaṅ Andrea ke̱ Filipo bakē̱ Iesu.

²³Ni Iesu hereame̱ no̱ ekē̱: Ṅmletſā ní ake̱-bawo gbomobi le̱ hĩe nyam le̱ eše̱.

²⁴Le̱le̱ṅ, le̱le̱ṅ, mīkē̱nye ake̱: Ké̱ *ṅmā̃kuli enyõõ šikpoṅ ní egbo le̱, no le̱ bo̱ni eyo̱ le̱ noṅṅ eyo̱; ši ke̱dši egbo le̱, ewoo̱ yibii pī. [259]

²⁵Moni do̱ö̱ ewala he le̱, elādšeo̱le̱, ši moni nye̱o̱ ewala ye̱ dše ne̱ mli le̱, eetole̱ ke̱-ate nāno̱ wala mli. [260]

²⁶Ke̱dši moko mīsúmo̱mi le̱, hã ní enyie mise̱, ni heni *miyo̱ le̱, dše̱i misúolo̱ le̱ hũ aahĩ; ke̱dši moko mīsúmo̱mi le̱, mitše̱ le̱ aawole̱. [261]

²⁷Agbene *misusuma mihao, ni meni makē̱? Atā, heremo̱mi ye̱ ṅmle̱tſā ne̱ mli? Tše̱bele̱ ene̱ hewo̱ noṅṅ miba ye̱ ṅmle̱tſā ne̱ mli. [262]

²⁸Atā, wo ogbe̱i le̱ hĩe nyam! Ke̱ke̱ ni gbē ko dše̱ ṅwei kē̱: Mi ná miwo ehĩe nyam, ni masā mawo ehĩe nyam ekoṅ.

²⁹Ke̱ke̱ ni mei ní damo̱ dše̱i ní nu le̱ kē̱ ake̱: Nyoṅmo̱ éši; meikomei hũ kē̱: Ṅweibo̱fo ko ke̱le̱ éwie.

³⁰Iesu here no̱ ni ekē̱: Dšee mihewo̱ gbē ne̱ ba, ši *nye moṅ nyehewoṅ. [263]

³¹Agbe̱ne̱ dše ne̱ṅ kodšomo̱ le̱ eše: kpāko abafã dše ne̱ṅ lumo le̱ aše̱ afõ; [264]

³²ni mi le̱, ke̱dši *awó mino̱ ke̱-dše̱ šikpoṅ le̱ no̱ le̱, magbla mei fẽ ke̱-aba miṅõ. [265]

³³Ši ene̱ le̱ ekē̱ eke̱-tšõ nõ gbĕle ní ebagbo le̱.

³⁴Asafo le̱ herele̱ no̱ ake̱: Wo̱ le̱ wonu ye̱ mla le̱ mli ake̱ Kristo le̱ *hĩo̱ ši ke̱-yaä nāno̱; ni té tēṅ ní bo le̱ okē̱o̱ ake̱: Dša awó gbomobi le̱ no̱ṅ? Namo dši ne̱ke̱ gbomobi ne̱? [266]

³⁵Ke̱ke̱ le̱ Iesu kē̱ame̱ ake̱: Be kukuō ke̱ke̱ eſe̱ ehã *la le̱ ye̱ nyeteṅ. Gbĩĩ abo̱ ní nyeyo̱ la le̱ ne̱, nyenyiea, koni duṅ akabaninanye; ši †moni nyieo̱ duṅ mli le̱, elee heni eyaä. [267]

³⁶Gbĩĩ abo̱ ní nyeyo̱ la le̱ ne̱, nyehea la le̱ no̱ nyeyea, koni *nyetšṍmo̱ la-bii. Iesu wie nii ne̱, ni eyiṅ ete ni eyatē ehe ye̱ ame̱hĩe. [268]

³⁷Tše̱bele̱ éfe okadii wudši ye̱ ame̱hĩe, ši kẽle̱ ame̱hee eno̱ ame̱yee;

³⁸koni gbalo̱ Iesaia wiemo̱ ni ewie le̱ ana aba mli ake̱: *“Nuntšo̱, namo ehe wo̱sane le̱ eye, ni namo adšie Nuntšo̱ le̱ nine le̱ kpo atsõ?” [269]

³⁹Ene̱hewo̱ ni ame̱nyẽẽ ame̱he ame̱ye le̱, edšake̱ Iesaia sã kē̱ ekoṅ ake̱: [270]

⁴⁰“Eſila ame̱hĩṅme̱ii, ni ekplim ame̱tšuii; koni ame̱kana ke̱ ame̱hĩṅme̱ii, ni ame̱na nã ke̱ ame̱tšuĩi, ní ame̱kũ ame̱se̱, ni mĩtšáame̱.”

⁴¹Nii ne̱ Iesaia kē̱, edšake̱ ena *enumnyam le̱, ni ewie ehe. [271]

⁴²Tše̱bele̱ onukpai le̱ tete ateṅ mei pī he eno̱ ye, ši kẽle̱ Farisifoi le̱ ahewo̱ le̱ ame̱dšadšee faṅṅ, koni *akaſieame̱ ke̱-dše̱ kpēhe le̱; [272]

⁴³edšake̱ ame̱mīsumo̱ gbomei ahĩenyam fè Nyoṅmo̱ nõ. [273]

⁴⁴Ši Iesu bo ekē̱ ake̱: Moni heo̱ mino̱ eyeo̱ le̱, dšee mi mino̱ eheo̱ eyeo̱ le̱, ši moṅ moni tšũmi le̱;

⁴⁵ni *moni naämi le̱ naä moni tšũmi le̱. [274]

⁴⁶Mi le̱ miba dše le̱ mli ake̱ la, koni mofẽmo ní heo̱ mino̱ yeo̱ le̱ akahī duṅ le̱ mli. [275]

⁴⁷Ni ke̱dši moko nu miwiemo̱i le̱ ni eyee no̱ le̱, mi le̱, mikodšoole̱; edšake̱ mibaa koni mibakodšo dše le̱, ši moṅ miba koni mibahere dše le̱ yiwala. [276]

⁴⁸Moni kwaämi ni emõõ miwiemo̱i le̱ amli le̱, eye̱ moko ní kodšoo̱le̱; wiemo̱ ní míwie le̱, no noṅṅ aakodšole̱ ye̱ nāgbēgbĩ le̱ no̱.

⁴⁹Edšake̱ mi le̱ mitoo midientše̱ miyi miwiee; ši tše̱ ní tšũmi le̱, le̱ moṅ ewomi kitã, noni mikē̱ ke̱ noni míwie.

⁵⁰Ni mile ake̱ ekitã le̱ nāno̱ wala ni; nohewo̱ le nofẽno ní miwieo̱ le̱, bo̱ni tše̱ le̱ ékē̱mi le̱, nakai miwieo̱.