Read luganda Iohane 16 Bible Online

Iohane 16 - luganda bible

Iohane 16

¹Mikē̱nye nii ne̱, beni afe ní nyenãdši akatõtõ. [333]

²Ame̱aſienye ke̱-adše̱ kpēhei le̱. Ni be baba tete, ní mofẽmo ní gbeo̱nye le̱ aasusu ake̱ eke̱-mīdšá Nyoṅmo̱. [334]

³Ni ame̱afe ene̱mei, edšake̱ ame̱lee tše̱ le̱ lo mi hũ. [335]

⁴Ši mikē̱nye nii ne̱, koni, ké̱ be le̱ še̱ le̱, ni nyekai ake̱ mitšĩ tã mikē̱nye. Ši ke̱-dše̱ šišidšẽ le̱ mikē̱ē̱nye nii ne̱, edšake mike̱nye ye̱.

⁵Ši agbe̱ne̱ le̱, *mīya moni tšũmi le̱ ṅõ, ni nyeteṅ moko biimi ake̱: Nẽgbe̱ oyaã? [336]

⁶Ši ní mitšĩ nii ne̱ atã mikē̱nye hewo̱ le̱, ṅko̱mo̱yeli éyi nyetšuiaṅ.

⁷Ši kẽle̱ mīkē̱nye ano̱kwale: ehĩ hãnye ake̱ mate; edšake̱, ke̱dši miyaa le̱, hefatalo̱ le̱ baṅ nyeṅõ; ši ke̱dši mite le̱, mabā eba nyeṅõ. [337]

⁸Ni le̱ le̱, ke̱dši eba le̱, eekã dše le̱ ye̱ eša hewo̱ ke̱ dšale̱ hewo̱ ke̱ kodšomo̱ hewo̱: [338]

⁹eša hewo̱, edšake̱ ame̱hee mino̱ ame̱yee; [339]

¹⁰dšale̱ hewo̱, edšake̱ miya mitše̱ ṅõ, ni nyenaṅmi doṅṅ; [340]

¹¹kodšomo̱ hewo̱, edšake̱ akodšo dše ne̱ṅ lumo le̱. [341]

¹²Miye̱ nii pī lolo ní makenye; ši nyenyẽṅ mli nyemõ amrõ ne̱; [342]

¹³ši ké̱ le̱, ano̱kwale Mumo̱ le̱, ená eba le̱, eetšõnye ano̱kwale le̱ fẽ mli gbe̱; edšake̱ etoṅ le̱dientše̱ eyi ewieṅ; ši moṅ nofẽno ní eenu le̱, no eewie, ni nii ni baä le̱, eetšĩ tã etšõnye. [343]

¹⁴Le̱ ebawo mihĩe nyam, edšake̱ eeṅõ minõ le̱ eko ní eetšĩ tã etšõnye.

¹⁵Nii fiā *ni dši tše̱ le̱ nõ le̱, minõṅ; nohewo̱ ni mikē̱ ake̱: Ebaṅõ minõ le̱ eko, ní etšĩ tã etšõnye le̱, [344]

¹⁶Eſe̱ fiō, ni nyenaṅmi, ni asaṅ eſe̱ fiō, ninyebanami; edšake̱ miya tše̱ le̱ ṅõ. [345]

¹⁷Ke̱ke̱ ni ekaselo̱i le̱ ateṅ meikomei bibī ame̱he ake̱: Meni dši noni ekē̱o̱wo̱ ne̱: Eſe̱ fiō, ni nyénaṅmi, ni asaṅ eſe̱ fiō, ni nyebanami, ni asaṅ: mīya tše̱ le̱ ṅõ?

¹⁸Nohewo̱ lo̱ ame̱kē̱: Meni dši noni ekē̱o̱ ne̱: Eſe̱ fiō? Wo̱lee noni ekē̱o̱ ne̱.

¹⁹Agbe̱ne̱ Iesu na ake̱ ame̱mītao ake̱ ame̱bio̱le̱, ni ekē̱ame̱ ake̱: Ní mĩkē̱: Eſe̱ flō ní nyenaṅmi, ni asaṅ eſe̱ fiō ní nyebanami le̱, no nyebibīo̱ nyehe ne̱?

²⁰Le̱le̱ṅ, le̱le̱ṅ, mīkē̱nye ake̱: Nye le̱ nyebafó ni nyeba wo yăra, ši dše le̱ banyã́; nye le̱ nyebaye ṅko̱mo̱, ši nye-ṅko̱mo̱yeli le̱ aatšṍ mīše̱.

²¹Ké̱ yō mīkõmo̱ le̱, ehaoo̱, edšake̱ eṅmle̱tſã le̱ eše̱; ši beni éfó̱ bi le̱ se̱ le̱, ekaii hedšramo̱ le̱ doṅṅ ye̱ mīše̱ ní enáa ake̱ éfó̱ gbomo ke̱-ba dše le̱ṅ le̱ hewo. [346]

²²Nohewo̱ le̱ nye hũ, agbe̱ne̱ nyemīye ṅko̱mo̱ moṅ; ši mibananye ekoṅ, ni nyetšui aanyõ nyemli, ni nyemīše̱ le̱ moko šõṅ ye̱ nyedeṅ;

²³ni *no gbĩ le̱ no̱ le̱ nyebiṅmi nokonoko. Le̱le̱ṅ, le̱le̱ṅ, mīkē̱nye ake̱: Nofẽno he †fai ní nyeakpa tše̱ le̱ ye̱ migbe̱i ano̱ le̱, eehãnye. [347]

²⁴Ke̱-baši be ne̱ le̱ nyekpako noko he fai ye̱ migbe̱i ano̱; nyekpaä fai, ni nyeana, koni *nyemīšo̱ le̱ ayi. [348]

²⁵Nii ne̱, abe̱buai amli mike̱nye wieo̱ ye̱ ne̱; ši be mība, ní mike̱nye ewieṅ ye̱ abe̱buai amli doṅṅ, ši moṅ faṅṅ madšadše tše̱ le̱ he sane matšõnye.

²⁶Nakai gbĩ le̱ no̱ le̱ nyeakpa fai ye̱ migbe̱i ano̱, ši mikē̱ē̱nye ake̱ mi mabi tše̱ le̱ mahãnye;

²⁷edšake̱ *tše̱ le̱ dientše̱ mīsumo̱nye, edšake̱ nye hũ nyemīsumo̱mi, ni nyehe nyeye ake̱ Nyoṅmo̱ ṅõ mĩdšo̱. [349]

²⁸Tše̱ le̱ ṅõ midše̱ miba dše le̱ mli, asaṅ mīdše dše le̱ṅ maya tše̱ le̱ ṅõ.

²⁹Ekaselo̱i le̱ kē̱le̱ ake̱: Na, agbe̱ne̱ owie faṅṅ ni owiee ye̱ *abe̱bua mli. [350]

³⁰Agbe̱ne̱ wo̱yo ake̱ ole nii fẽ ni ehĩaa ake̱ moko bio̱o sane ko; ene̱ wo̱ke̱heo̱ wo̱yeo̱, ake̱ Nyoṅmo̱ ṅõ odše̱.

³¹Iesu hereame̱ no̱ ake̱: Agbe̱ne̱ nyemīhe nyemīye?

³²Na, ṅmle̱tſā le̱ mība ni eše̱ po, ní *nyebagbe̱ nyeſā ni mofẽmo aako̱ egbe̱, ni nyeašĩ mikome; ši dšee †mikome ni, edšake tše̱ le̱ ke̱mi ye. [351]

³³Mikē̱nye nii ne̱, koni *nyewonyetšui ye̱ mimli. Dše le̱ṅ le̱, hedšramo̱ nyenáa, ši kẽle̱ nyetšui anyõa nyemli: miye dše le̱ no̱ †kũnim. [352]