Read luganda Iohane 18 Bible Online

Iohane 18 - luganda bible

Iohane 18

¹Beni Iesu wie wiemo̱i ne̱ le̱, eke̱ ekaselo̱i le̱ dše kpo ame̱yafo Kedron fā le̱, ke̱-te heni trom ko yo̱ le̱, ni eke̱ ekaselo̱i le̱ te mli. [372]

²Ši Iuda, moni yatšõ ese̱gbe̱ le̱, hũ le dše̱i, edšake̱ Iesu ke̱ ekaselo̱i le̱ ſo̱ö̱ kpē *ye̱ dše̱i. [373]

³Agbe̱ne̱ Iuda yaṅõ asrafoi ke̱ tšũdši ke̱-dše̱ oso̱fonukpai ke̱ Farisifoi le̱ aṅõ, ni ame̱hĩehĩe kanei ke̱ bai ke̱ dadei ke̱-ba dše̱i.

⁴Ke̱ke̱ le̱, ake̱-ní Iesu *le nii fiā ní baä eno̱ le̱, edše kpo ni ekē̱ame̱ ake̱: Namo nyetaoo̱? [374]

⁵Ame̱herele̱ no̱ ake̱: Iesu, Nazarenyo le̱. Iesu kē̱ame̱ ake̱: Mi ne̱. Ši Iuda, moni yatšõ ese̱gbe̱ le̱, hũ ke̱ame̱ damo̱ ši.

⁶Agbe̱ne̱ beni ekē̱ame̱ ake̱: Mi ne̱ le̱, ame̱nā se̱se̱ ni ame̱yagbēgbē ši.

⁷Ke̱ke̱ le̱ esa ebiame̱ ekoṅ ake̱: Namo nyetaoo̱? Ni ame̱kē̱: Iesu, Nazarenyo le̱.

⁸Iesu here no̱ ake̱: Mikē̱nye ake̱ miṅ; nohewo̱ le̱, ke̱dši mi nyetaoo̱ le̱, nyehãa mene̱mei ayaä.

⁹Koni *wiemo̱ ni ewie ake̱: Mei ní oṅõ-hãmi le̱, mihãko ame̱teṅ moko alādše le̱, aba mli. [375]

¹⁰Ke̱ke̱ le̱ Simon Petro hĩe klante, ni egbla ni eṅõ-bã oso̱fonukpa le̱ nyṍṅ le̱ ni efo eninedšŭrõ toi; ši nyṍṅ le̱ gbe̱i dši Malko.

¹¹Nohewo̱ le̱ Iesu kē̱ Petro ake̱: Ṅõ oklante le̱ owo ehebo le̱ mli. Ani *kpulu ní mitše̱ ṅõ-hãmĩ le̱, mikanu? [376]

¹²Ke̱ke̱ ni asrafoi le̱ ke̱ asafoatše̱nukpa le̱ ke̱ Iudafoi le̱ atšũdši le̱ mõ Iesu ni ome̱fĩle̱,

¹³ni ome̱kplale̱ ke̱-te Hana ṅõ tšutšu, edšake̱ Kaiafa ní yeo̱ oso̱fonukpa ye̱ nakai afi le̱ no le̱ šānū dšile̱.

¹⁴Ši Kaiafa dši *moni wo Iudaſoi le̱ aṅā, ake̱ ehĩ ake̱ mokome gboo̱ ye̱ maṅ le̱ nãdšĩaṅ. [377]

¹⁵Ni Simon Petro ke̱ kaselo̱ kroko hũ nyie Iesu se̱. Ši oso̱fonukpa le̱ le nakai kaselo̱ le̱, ni eke̱ Iesu bote oso̱fonukpa le̱ mō̃ te le̱ṅ;

¹⁶ši Petro damo̱ agbó le̱ se̱. Nohewo̱ le̱ nakai kaselo̱ kroko le̱ ní oso̱fonukpa le̱ lele̱ le̱ dše kpo, ni eyakē̱ yō ní bno̱ šĩnā le̱ nā le̱, ni eṅõ Petro ke̱-ba šĩa le̱.

¹⁷Ke̱ke̱ le̱ oblayō le̱ ni buo̱ šīnā le̱ nā le̱ kē̱ Petro ake̱: Té bo hũ nū ne̱ kaselo̱i le̱ eko dšio? Ekē̱: Dabi.

¹⁸Ši nyõdši le̱ ke̱ tšũdši le̱ damo̱ dše̱i, ame̱ke̱ ṅãi eše̱re la, edšake̱ fẽi ye̱, ni ame̱mīw̌ere; ni Petro hũ ke̱ame̱ damo̱ ši ēw̌ere eko.

¹⁹Agbe̱ne̱ oso̱fonukpa le̱ bi Iesu ekaselo̱i le̱ ke̱ etšõmo̱ le̱ he sãdši.

²⁰Iesu herele̱ no̱ ake̱: Faṅṅ miwieo̱ ye̱ mitšõo̱ dše le̱. Dāne̱ mitšõo̱ nii ye̱ kpēhei le̱ ke̱ so̱lemo̱we le̱, heni Iudafoi le̱ fẽ kpeo̱ ye̱ le̱, ni miwiee nokonoko ye̱ dũdšiaṅ. [378]

²¹Mẽba obio̱mi moṅ? Bi mei ní baboo̱mi toi le̱ noni mikē̱o̱ame̱; na, mene̱mei le nii ní mikē̱o̱ le̱.

²²Ši beni ewie ne̱ke̱ le̱, tšũdši ní damo̱ ši le̱ ateṅ mokome gba Iesu mã ni ekē̱: Hetõ ní ohã oso̱fonukpa le̱ ne̱?

²³Iesu herele̱ no̱ ake̱: Ke̱dši mikē̱ efõṅ ko le̱, ye efõṅ le̱ he odase, ši ké̱ ekpakpai le̱, mẽhewo̱ oyio̱mi mo̱? —

²⁴Ni Hana hã akele te oso̱fonukpa Kaiafa ṅõ ye̱ kpã mli.

²⁵Ši Simon Petro damo̱ ši ēw̌ere la. Agbe̱ne̱ ame̱kē̱le̱ ake̱: Té bo hũ ekaselo̱i le̱ eko dsio? Etao ni ekē̱ ake̱: Dabi.

²⁶Oso̱fonukpa le̱ nyṍdši le̱ ateṅ mokome, ní dši moni Petro fo etoi le̱ wekunyo, kē̱: Ani minaao ke̱le̱ ye̱ trom le̱ mli?

²⁷Ni Petro tšo ekoṅ, ke̱ke̱ noṅṅ ni wuo̱ gbē̱.

²⁸Ke̱ke̱ ni ame̱kpla Iesu ke̱-dše̱ Kaiafa ṅõ ke̱-te kodšomo̱he le̱. Ni eše mãṅkẽ. Ni ame̱dientše̱ le̱ ame̱botee kodšomohe le̱, koni ame̱kabule ame̱he, beni afe ní ame̱wo Hehō le̱ yeli.

²⁹Agbe̱ne̱ Pilato dše kpo ba ame̱ṅõ ni ekē̱: Mẽ nāflo̱mo̱ nyeke̱-ba ye̱ nū ne̱ he?

³⁰Ame̱here no̱ ame̱kē̱le̱ ake̱: Dšee efõṅfelo̱ dšile̱ dšikũle̱, wo̱ke̱le̱ ebahãão.

³¹Ke̱ke̱ le̱ Pilato kē̱ame̱ ake̱: Nyeṅõale̱, ni nyedĩentše̱ nyeyakodšoale̱ ye̱ *nyemla le̱ nā. Ni Iudafoi le̱ kē̱le̱ ake̱: Wo̱ le̱ wo̱be̱ hegbe̱ ake̱ wo̱gbeo̱ moko. [379]

³²Koni Iesu wiemo̱ ní *ewie eṅõ-tšõ nõ gbĕle ní ebagbo le̱ aba mli. [380]

³³Ke̱ke̱ le̱ Pilato sā bote kodšomo̱he le̱ ekoṅ, ni etšé̱ Iesu, ni ekē̱le̱ ake̱: Ani bo dši Iudafoi amaṅtse̱ le̱?

³⁴Iesu herele̱ no̱ áke̱: Bodientše̱ oyi oto owieo̱ ene̱ ne̱, alo meikomei gbao nakai ye̱ mihe?

³⁵Pilato here no̱ ni ekē̱le̱ ake̱: Ani Iudanyo dšimi? Bodientše̱ omaṅbii ke̱ oso̱fonukpai le̱ ṅõo hami. Meni ofe?

³⁶Iesu here no̱ ake̱: Mimaṅtše̱yeli le̱ dše̱e̱ dše ne̱ṅ; mimaṅtše̱yeli le̱ dše̱ dše ne̱ mli dšikũle̱, misúolo̱i le̱ aaple he, koni akaṅõmi ahã Iudafoi le̱; ši ene̱ le̱, mimaṅtše̱yeli le̱ dše̱e̱ bie̱.

³⁷Nohewo̱ le̱ Pilato kē̱le̱ ake̱: Bĕle̱ maṅtše̱ dšio kẽ? Iesu here no̱ ake̱: Oke; edšake̱ maṅtše̱ dšimi. Mi le̱, ene̱hewo̱ afo̱mi ni ene̱hewo̱ noṅṅ miba dše le̱ mli, koni mibaye ano̱kwale le̱ he odase. Mofẽmo ní dše̱ ano̱kwale le̱ mli le̱ nuo̱ migbē. [381]

³⁸Pilato kē̱le̱ ake̱: Meni dši ano̱kwale? Ni beni ekē̱ ene̱ le̱, edše kpo ke̱-te Iudafoi le̱ aṅõ ekoṅ, ni eyakē̱ame̱ ake̱: Mi le̱ minaa fo̱bŭsane ko kwrā ye̱ ehe.

³⁹Ši nyeye gbe̱nā ko ake̱ miṅmē̃o̱ mokome he mihãanye ye̱ Hehō gbĩdšŭrõ le̱ no̱; nohewo̱ le̱, nyemīsumo̱ ake̱ miṅmẽ Iudafoi le̱ amaṅtše̱ le̱ he mihānye lo?

⁴⁰Ke̱ke̱ le̱ ame̱fẽ ame̱blo̱ ekoṅ ame̱kē̱: Dšee mone̱ṅ, ši Baraba moṅ! Tše̱ Baraba le̱, odšotſalo̱ṅ.