Read luganda Iohane 20 Bible Online

Iohane 20 - luganda bible

Iohane 20

¹Ši otši le̱ṅ kleṅkleṅ gbĩ le̱ no̱ mãṅkẽ-mrã beni hĩe náko agble le̱, Maria Magdalēna ba sāṅ le̱ he, ni ena ake̱ adšie te̱ le̱ ke̱-dše̱ bu le̱ nā.

²Ke̱ke̱ ni eša foi, ni eba Simon Petro ke̱ kaselo̱ kome le̱ ni Iesu *sumoo̱le̱ le̱ ṅõ, ni ebakē̱ame̱ ake̱: Ame̱wó Nuntšo̱ le̱ ke̱-dše̱ bu le̱ mli, ni wo̱lee heni ame̱ke̱le̱ eyaṅmẽ. [392]

³Nohewo̱ le̱ Petro ke̱ nakai kaselo̱ kome le̱ dše kpo, ni ame̱yiṅ ke̱-mīya sāṅ le̱ he.

⁴Ni ame̱yi enyo̱ le̱ fẽ ame̱wo foi; ši kaselo̱ kome le̱ ho Petro nā, ni le̱ tšutšu eše̱ sāṅ le̱ he;

⁵ni beni emã eyi ši ekwe̱ mli le̱, ena klalai le̱ dſere ši, ši eyaa mli.

⁶Ke̱ke̱ ni Simon nyie ese̱ ke̱-ba, ni ebabote bu le̱ mli, ni ena klalai le̱ dſere ši;

⁷ši *duku ní ake̱-fĩ eyĩtšo le̱ kãã klalai le̱ amase̱i, ši moṅ akũmo̱ mli ni ekã hekroko bãnē. [393]

⁸Ke̱ke̱ le̱ agbe̱ne̱ kaselo̱ kome le̱ hũ ní ba sāṅ le̱ he tšutšu le̱ bote mli, ni ena, ni ehé eye;

⁹edšake̱ amenáko ame̱le ṅmãle̱ le̱ ní kē̱o̱ ake̱ dša ete ši ke̱-dše̱ gbohĩĩ ateṅ le̱. [394]

¹⁰Ke̱ke̱ ni kaselo̱i le̱ kũ ome̱se̱ ke̱-te ame̱we.

¹¹Ši Maria damo̱ sāṅ le̱ se̱gbe̱ ēfó. Ni beni efóo̱ le̱, emã eyi ši ekwe̱ bu le̱ mli,

¹²ni ena ṅweibo̱foi enyo̱ ní wo nii ye̱dši trá ši ye̱ heni Iesu gbonyo le̱ kã le̱, mokome ye̱ yitšogbe̱ ni mokome hū ye̱ nãdšiašigbe̱.

¹³Ni ame̱kē̱le̱ ake̱: Awó, mẽba ofóo̱? Ekē̱ame̱ ake̱: Edšake̱ ame̱wó mi-Nnntšo̱ le̱ ke̱-te, ni milee heni ame̱ke̱le̱ eyaṅmẽ.

¹⁴Ni beni ekē̱ ne̱ke̱ le̱, etšṍ ehe ekwe̱ ese̱, ni ena Iesu damo̱ ši, ši elee ake̱ Iesu ni.

¹⁵Iesu kē̱le̱ ake̱: Awó, mẽba ofóo̱? Le̱ le̱ esusu ake̱ bene̱ tromsālo̱ le̱ ni, ni ekē̱le̱ ake̱: Nuntšo̱, ké̱ bo owóle̱ ke̱-dše bie̱ le̱, tšõmo̱mi heni oke̱le̱ eyaṅmẽ, koni mayawóle̱.

¹⁶Iesu kē̱le̱ ake̱: Maria! Ni etšṍ ehe ni ekē̱le̱ ye̱ Hebri wiemo̱ mli ake̱: Rabuni (ešiši dši: Tšõlo̱).

¹⁷Iesu kē̱le̱ ake̱: Kāta mihe; edšake̱ mináko maya ṅwei ye̱ mitše̱ ṅõ; ši ya *minyemimei le̱ aṅõ ní oyakē̱ame̱ ake̱: Mīya ṅwei ye̱ mitše̱ ke̱ nye hũ nyetše̱ ke̱ mi-Nyoṅmo̱ ke̱ nye hũ nye-Nyoṅmo̱ lo̱ ṅõ. [395]

¹⁸Maria Magdalēna ba ni ebagba kaselo̱i lo̱ ake̱ ena Nuntšo̱ le̱, ni bo̱ni eke̱le̱ wie ne̱.

¹⁹Agbe̱ne̱ nakai gbī le̱ ni dši otši le̱ṅ kleṅkleṅ gbĩ le̱ noṅṅ gbe̱ke̱, beni Iudafoi le̱ ašemo̱ hewo̱ le̱ aṅã́mo̱ heni kaselo̱i le̱ ébua ame̱he nā ye̱ le̱ sĩnāi le̱, Iesu ha ni ebadamo̱ ame̱teṅ ni ekē̱ame̱ ake̱: Hedšo̱le̱ ahãnye!

²⁰Ni beni ekē̱ nakai le̱, *eṅõ edii le̱ ke̱ eṅmāwuaṅ le̱ etšõame̱. Ke̱ke̱ ni kaselo̱i le̱ ná mīše̱ ake̱ ame̱na Nuntšo le̱. [396]

²¹Agbe̱ne̱ Iesu sā kē̱ame̱ ekoṅ ake̱: Hedšo̱le̱ ahãnye! Bo̱ni tše̱ le̱ *tšũmi le̱, nakai mi hũ mitšũo̱nye ne̱. [397]

²²Ni beni ekē̱ nakai le̱, emū eſie ame̱no̱, ni ekē̱ame̱ ake̱: Nyehea Mumo̱ kroṅkroṅ le̱!

²³*Mei ahe ešai ní nyeaṅõ-faame̱ le̱, aṅõ-faame̱; ni mei ahe ešai ni nyeke̱-ato le̱, aṅõ-to. [398]

²⁴Ši *Toma, mei nyoṅma ke̱ enyo̱ le̱ ateṅ mokome ní atšē̱o̱le̱ Didimo (Atá) le̱, be̱ ame̱teṅ ni Iesu ba le̱. [399]

²⁵Nohewo̱ le̱ kaselo̱i krokomei le̱ kē̱le̱ ake̱: Wó̱na Nuntšo̱ le̱. Ši ekē̱ame̱ aké̱: Dša mina edeṅ ple̱kobĩi le̱ anãdšiaṅ, ni mike̱ miwao eta ple̱kobii le̱ anãdšiaṅ, ni mike̱ minine eho̱ *eṅmãwuaṅ le̱, dãni mahe maye. [400]

²⁶Ni gbĩĩ kpānyo̱ se̱ ekoṅ le̱ ekaselo̱i le̱ ye̱ tšũ mli, ni Toma hũ ye̱ mli. Ni *aṅãmo̱ šĩnāi le̱ ni Iesu ba, ni ebadamo̱ ame̱teṅ ni ekē̱: Hedšo̱le̱ ahãnye! [401]

²⁷No se̱ le̱ ekē̱ Toma ake̱: Oke̱ owao aba bie̱ ní obakwe̱ midẽ le̱, ni oke̱ onine abaho miṅmãwuaṅ le̱, ni okadše ṅwane, šĩ moṅ ohe oye.

²⁸Toma here no̱ ni ekē̱le̱ ake̱: Mi-Nuntšo̱ ke̱ *mi-Nyoṅmo̱! [402]

²⁹Iesu kē̱le̱ ake̱: Toma, ní onami hewo̱ le̱, ohe oye; adšō̱ *mei ní enaa ni kẽle̱ ame̱he ame̱ye le̱. [403]

³⁰Agbe̱ne̱ okadii krokomei pī hũ ye̱ ní Iesu fe ye̱ ekaselo̱i le̱ ahĩe, ní aṅmãã ye̱ wolo ne̱ mli;

³¹ši ene̱mei le̱ aṅmã, koni nyehé nyeye ake̱ Iesu dši Kristo, Nyoṅmo̱ bi le̱, ni ké̱ *nyeheo̱ nyeyeo̱ le̱, ní nyená wala ye̱ egbe̱i le̱ mli, [404]