Read luganda Iohane 4 Bible Online

Iohane 4 - luganda bible

Iohane 4

¹Agbe̱ne̱, beni Nuntšo̱ le̱ ná-le ake̱ Farisifoi le̱ énu ake̱ Iesu mife kaselo̱i ni *ēbaptisi mei babaō fè Iohane le, [64]

²tše̱bele̱ le̱ Iesu le̱ dientše̱ ebaptisii, ši moṅ ekaselo̱i le̱,

³edše Iudea ni eyiṅ ke̱-mīya Galilea ekoṅ.

⁴Ši dša etšṍ Samaria.

⁵Agbe̱ne̱ ebaše̱ Samaria maṅ ko ni atšē̱o̱le̱ Sikar le̱ he, ye̱ šikpoṅ knkuō ko ni *Iakob ṅõ-hã ebi Iosef le̱ mase̱i. [65]

⁶Ši Iakob nubu le̱ ye̱ dše̱i. Ni ake̱-ní gbe̱nyiemo̱ le̱ éto̱ Iesu hewo̱ le̱, eho eſata ši ye̱ nubu le̱ he. Aafe ṅmle̱ nyoṅma ke̱ enyo̱ mli.

⁷Ni Samariayō ko ba nuyē̱. Iesu kē̱le̱ ake̱: Hãmi nu le̱ eko manu.

⁸Edšake̱ ekaselo̱i le̱ éte mã le̱ṅ ame̱yahe niyenii.

⁹Ke̱ke̱ le̱ Samariayō le̱ kē̱le̱ ake̱: Té tēṅ ni bo Iudanyo le̱ obaämi Samariayō le̱ nu ní onuṅ? (Edšake̱ Iudafoi ke̱ Samariabii yee.)

¹⁰Iesu here no̱ ni ekē̱le̱ ake̱: Edši ole Nyoṅmo̱ nõkēnõ le̱ ke̱ moni kē̱o̱o ake̱: Hami eko manu le̱, kũle̱ bo moṅ oobale̱ ni eehão *wala nu. [66]

¹¹Yō le̱ kē̱le̱ ake̱: Nuntšo̱, obo̱ noni ooṅõ-ye̱, ni bu le̱ hũ mli kwo̱; nẽgbe̱ ooná wala nu le̱ ye̱ mo̱?

¹²Ani ofè wo̱tše̱ Iakob ni hãwo̱ nubu le̱, ni le̱dientše̱ enu mli nu, ke̱ ebii ke̱ ekoloi le̱?

¹³Iesu here no̱ ni ekē̱le̱ ake̱: Mofẽmo ní nuo̱ nu ne̱ eko le̱, kũmai bayele̱ ekoṅ; [67]

¹⁴ši moni nuo̱ nu ni mi mahãle̱ le̱ eko le̱, kũmai yeṅle̱ doṅṅ ke̱-ate nāno̱; ši moṅ, nu ní mahãle̱ le̱, aatšṍ nu hĩṅme̱i nĩ baä ke̱-yaä nāno̱ wala mli ye̱ emli. [68]

¹⁵Yō le̱ kē̱le̱ ake̱: Nuntšo̱, hami nu ne̱ eko, koni kũmai akayemi, ní miba bie̱ mibaye̱ nu doṅṅ.

¹⁶Iesu kē̱le̱ ake̱: Ya ni oyatšé̱ owù, ni oke̱le̱ aba bie̱.

¹⁷Yō le̱ here no̱ ni ekē̱le̱ ake̱: Mibe̱ wù. Iesu kē̱le̱ ake̱: Odšogbāṅ oke ake̱: Mihe wù le̱;

¹⁸edšake̱ ogba wùmei enumo̱, ni moni ogbãa agbene ne̱, dšee owù dšile̱; no le̱ okē̱ ano̱kwa.

¹⁹Yō le̱ kē̱le̱ ake̱: Nuntšo̱, mina ake̱ gbalo̱ dsio.

²⁰Goṅ ne̱ no̱, wo̱tše̱mei le̱ so̱le ye̱, ni nye le̱ nyekē̱ ake̱ *Ierusalem dši he ní sa ake̱ aso̱le ye. [69]

²¹Iesu kē̱le̱ ake̱: Awó, hemi oye ake̱ ṅmle̱tſā le̱ mība ní dšee goṅ ne̱ no̱ ni asaṅ dšee Ierusalem ni nyeadšá tše̱ le̱ ye̱.

²²Nye le̱, *nyelee noni nyedšáa; wo̱ le̱, wo̱le noni wo̱dšáa, edšake̱ †walaheremo̱ le̱, Iudafoi le̱ aṅõ edše̱. [70]

²³Ši kẽle̱ ṅmle̱tſā le̱ mība ni éše̱ agbene, beni ano̱kwa dšálo̱i le̱ aadšá tše̱ le̱ ye̱ mumo̱ ke̱ ano̱kwale mli, edšake̱ mei ní dšáale̱ ne̱ke̱, tše̱ le̱ hũ taoo̱.

²⁴Nyoṅmo̱ le̱ Mumo̱ṅ, ni mei ni dšáale̱ le̱, dša amedšále̱ ye̱ mumo̱ ke̱ ano̱kwale mli. [71]

²⁵Yō le̱ kē̱le̱ ake̱: Mile ake̱ *Mesia ni atšé̱o̱le̱ Kristo le̱ mība; ké̱ éba le̱, eegbawo̱ nii fẽ. [72]

²⁶Iesu kē̱le̱ ake̱: Mi ní mike̱o wieo̱ ne̱, mi ni. [73]

²⁷Ke̱ke̱ ni ekaselo̱i le̱ ba, ni ame̱hĩe feame̱ yā ake̱ eke̱ yō mīwie; ši kẽle̱ moko biile̱ ake̱: Meni obio̱le̱? alo: meni wiemo̱ oke̱le̱ wieo̱?

²⁸Agbene yō le̱ šī enugbé̱ le̱, ni eyiṅ ete mã le̱ṅ, ni eyakē̱ mei le̱ ake̱:

²⁹Nyebaä nyebakwe̱a nū ko ni edšadše nii fẽ ni mife etšõmi; ake̱ dšee Kristo le̱ ne̱ lo?

³⁰Ke̱ke̱ le amedše mã leṅ ameba eṅõ.

³¹Ši no mli le̱ ekaselo̱i le̱ kpale̱ fai ame̱ke̱: Rabi, ye noko.

³²Ni ekē̱ame̱ ake̱: Miye̱ *ṅmā̃ ni miyeo̱, ní nyelee. [74]

³³Nohewo̱ le̱ ekaselo̱i le̱ kē̱kē̱ amehe ake̱: Ani moko ébahãle̱ noko eye?

³⁴Iesu kē̱ame̱ ake̱: Miṅmā̃ dši ake̱ mafe moni tšũmi le̱ suomo̱nānii, ni magbe enitšumo̱ le̱ nā. [75]

³⁵Ani nyekē̱ē̱ ake̱: Eſe̱ nyõdši edſe̱ ní ablekpamo̱be le̱ še̱o̱? Na, mīkē̱nye ake̱: Nyeholea nyehĩṅme̱ii ano̱ ni nyekwe̱a ṅmõdši le̱ boni amē̱gba *futā momo ni sa kpamo̱. [76]

³⁶Ni moni kpaā le̱ náa enyōmo̱wo, ni ebuaä yibii anā etoo nāno̱ wala, koni moni dũo̱ le̱ ke̱ moni kpaā le̱ fẽ anyã́ šikome.

³⁷Edšake̱ ene̱ mli ni wiemo̱ ni awie ake: Moko dũo̱ ni moko kpaä le̱ baä mli ye̱.

³⁸Mi le̱ mitšũnye koni nyeyakpa noni dšee nye nyetšu he noko; meikrokomei étšu nii le̱, ni nyeba ame̱ni-tšumo̱ le̱ mli.

³⁹Ni Samariabii le̱ ni dše̱ nakai mã le̱ṅ le̱ ateṅ mei pī hé eno̱ ye ye̱ yō le̱ wiemo̱ le̱ ni eṅõ-ye odase ake̱: Ekē̱mi nii fẽ ní mife pẽṅ le̱ hewo̱.

⁴⁰Nohewo̱ le̱ beni Samariabii le̱ ba eṅõ le̱, ame̱kpale̱ fai ake̱ eke̱ame̱ ahī ši; ni ehì dše̱i gbĩĩ enyo̱.

⁴¹Ni mei pī ní fè tšutšubii le̱ sa hē ye ye̱ le̱dientše̱ ewiemo̱ le̱ hewo̱;

⁴²ni ame̱kē̱ yō le̱ ake̱: Agbe̱ne̱ wo̱mīhe wo̱mīye, dšee bo owiemo̱ le̱ hewo̱ṅ doṅṅ; edšake̱ wo̱dientše̱ wó̱nu, ni wo̱ná wo̱le ake̱, ano̱kwale, mone̱ dši dše le̱ walaherelo̱ ní dši Kristo le̱.

⁴³Ni gbĩĩ enyo̱ le̱ se̱ le̱ eyiṅ ke̱-dše̱ dše̱i ete Galilea. [77]

⁴⁴Edšake̱ Iesu dientše̱ ye odase ake̱ gbalo̱ ko hĩe be̱ nyam ye̱ le̱dientše̱ emaṅ. [78]

⁴⁵Agbe̱ne̱, beni eba Galilea le̱, Galileabii le̱ ní na nii fẽ ní efe ye̱ Ierusalem ye̱ gbĩdšŭrõ le̱ no̱ le̱ herele̱, edšake̱ ame̱ hũ ame̱te gbĩdšŭrõ le̱. [79]

⁴⁶Ke̱ke̱ ni Iesu ba Kana ye̱ Galilea, heni ehã nu tšṍ wein ye̱ le̱, ekoṅ. Ni maṅtše̱wenū ko ye̱ Kapernaum ni ebi he mīye. [80]

⁴⁷Ni beni enu ake̱ Iesu édše̱ Iudea éba Galilea le̱, ete eṅõ ni eyatuto̱le̱ ake̱ eba ni ebatšá ebi le̱, edšake̱ ēhe égbo.

⁴⁸Ke̱ke̱ ni Iesu kē̱le̱ ake̱: Ké̱ nyenaa okadii ke̱ nākpe̱nii le̱ nyehee nyeyee. [81]

⁴⁹Maṅtše̱wenū le̱ kē̱le̱ ake̱: Nuntšo̱, bá dãni mibi le̱ agbo.

⁵⁰Iesu kē̱le̱ ake̱: Ya, obi le̱ yi ēná wala. Ni nū le̱ hé wiemo̱ ní Iesu kē̱le̱ le̱ eye, ni eyiṅ ete.

⁵¹Ši beni eyaä le̱, etšũdšĩ ke̱le̱ bakpe, ni ame̱kē̱le̱ ake̱: Obinū le̱ he ewale̱.

⁵²Ni ebiame̱ nõ ṅmle̱tſā no̱ ní ehe bõile̱ wā; ni ame̱kē̱le̱ ake̱: Nye ſane ṅmle̱ kome mli ni fulu le̱ tše ye̱ eno̱.

⁵³Ke̱ke̱ ni tše̱ le̱ ke̱-na ake̱ nakai ṅmle̱tſā le̱ no̱ noṅṅ ní Iesu kē̱le̱ ake̱: Obi le̱ he ewale̱ le̱; ni eke̱ ewe le̱ fẽ hé ye.

⁵⁴Asaṅ ene̱ dši okadi noni dši enyo̱ ni Iesu fe, beni edše̱ Iudea eba Galilea le̱. [82]