Read luganda Iohane 5 Bible Online

Iohane 5 - luganda bible

Iohane 5

¹Nii ne̱ ase̱ le̱ Iudafoi le̱ miye gbĩdšŭrõ, ni Iesu te Ierusalem.

²Ši kpākpo ko ye̱ Ierusalem ye̱ toi agbí le̱ mase̱i, ní Hebri wiemo̱ mli le̱ atšē̱o̱le̱ Betesda, ni koii enumo̱ ye̱ he.

³Ni ene̱mei amli helatše̱mei pī, ſilafoi, ošifoi, oblaiyelo̱i kãmo̱, ni ame̱mẽo̱ nu le̱ mlitā.

⁴Edšake̱ bei komei amli le̱ ṅweibo̱fo ko kplekeo̱ ši ke̱-baä kpākpo le̱ mli ni ebataä nu le̱ mli; ke̱ke̱ le̱ emlitā le̱ se̱ le̱ mofẽmo ní yagbēo̱ nu le̱ mli tšutšu le̱, hela-fẽ-hela ní eyeo̱ le̱ ehe tãa.

⁵Ši nū ko ye̱ dše̱i ní hela hĩele̱ afii nyoṅmai-etẽ ke̱ kpānyo̱.

⁶Le̱ le̱, beni Iesu nale̱ ní ekã ši, ni ele ake̱ etše̱ āhũ le̱, ekē̱le̱ ake̱: Ōsumo̱ ake̱ ohe awao lo?

⁷Helatše̱ le̱ herele̱ no̱ ake̱: Nuntšo̱, mihe moko ní ké̱ abata nu le̱ mli ní eewómi eyawo kpākpo le̱ mli; ši ké̱ miya le̱, mokroko tšṍo̱ mihĩe eyagbēo̱ mli.

⁸Iesu kē̱le̱ ake̱: Te ši, wó osā le̱, ní onyie! [83]

⁹Ni amrõ le̱ gbomo le̱ he wale̱, ni ewó esā le̱, ni enyie. Ši *nakai gbĩ le̱, hedšō̱mo̱gbĩ ni. [84]

¹⁰Nohewo le̱ Iudafoi le̱ kē̱ moni átšále̱ le̱ ake̱: Hedšō̱mo̱gbĩ ne̱, obe̱ hegbe̱ ake̱ otĕreo̱ osā. [85]

¹¹Ehereame̱ no̱ ake̱: Moni tšámi le̱, le̱ noṅṅ ekē̱mi ake̱: Wó osā le̱ ni onyie.

¹²Agbe̱ne̱ ame̱bile̱ ake̱: Namo dši moni kē̱o ake̱: Wó osā le̱ ni onyie le̱?

¹³Ši moni átšále̱ le̱ lee moni dši; edšake̱ mei pī ye̱ dše̱i hewo̱ le̱ Iesu egbla ehe ši.

¹⁴Fe se̱ le̱ Iesu yanale̱ ye̱ so̱lemo̱we le̱, ni ekē̱le̱ ake̱: Na, ohe éwao; *kāfe eša doṅṅ, koni efõṅ ní fè tšutšn nõ le̱ akaba ono̱. [86]

¹⁵Nū le̱ yiṅ te ni eyagba Iudafoi le̱ ake̱ Iesu dši moni tšále̱ le̱.

¹⁶Nohewo̱ le̱ Iudafoi le̱ dšie ame̱hīe ame̱ka Iesu, ni ame̱mītaole̱ ame̱gbe, edšake̱ hedšō̱mo̱gbĩ le̱ no̱ efe nii ne̱. [87]

¹⁷Ši Iesu hereame̱ no̱ ekē̱: Mitše̱ mītšu nii ke̱-baši be ne̱, nohewo̱ ni mi hũ mitšuo̱ le̱. [88]

¹⁸Nohewo̱ titri Iudafoi le̱ *taoo̱le̱ agbe le̱, edšake̱ dšee hedšō̱mo̱gbĩ le̱ ke̱ke̱ ébule, ši asaṅ etšé̱ Nyoṅmo̱ ake̱ le̱dientše̱ etše̱ eke̱ ehe mito Nyoṅmo̱ he. [89]

¹⁹Nohewo̱ le̱ Iesu here no̱ ekē̱ame̱ ake̱: Le̱le̱ṅ, le̱le̱ṅ, mīkē̱nye ake̱: Bi le̱ dientše̱ nyẽṅ eto eyiṅ efe noko, dša noni *enaä ake̱ tše̱ le̱ feo̱ le̱; edšake̱ nibii fẽ ní no feo le̱, nomei noṅṅ ni bi le̱ hũ feo̱. [90]

²⁰Edšake̱ *tše̱ le̱ sumoo̱ bi le̱, ni etšõo̱le̱ nibii fiā ni le̱dientše̱ efeo̱ le̱, ni eetšõle̱ nitšumo̱i wudši ní fè ene̱mei tete, ni nyenā aakpe nyehe. [91]

²¹Edšake̱ bo̱ni tše̱ le̱ tēo̱ gbohĩĩ aši ni ehãaame̱ wala le̱, nakai noṅṅ bi le̱ hũ hãa mei ní esumoo̱ le̱ wala.

²²Edšake̱ tše̱ le̱ tete ekodšoo moko, ši moṅ étu kodšomo̱ le fẽ éwo bi le̱ deṅ; [92]

²³koni mei fẽ abu bi le̱, tamo̱ bo̱ni ame̱buo̱ tše̱ le̱. Moni ebuu bi le̱, ebuu tše̱ le̱ ní tšũle̱ le̱ hũ. [93]

²⁴Le̱le̱ṅ, le̱le̱ṅ, mīkē̱nye ake̱: Moni nuo̱ miwiemo̱ ni eheo̱ moni tšũmi le̱ eyeo̱ le̱, eye̱ nāno̱ wala, ni ebaṅ kodšomo̱ mli, ši moṅ éfoṅ ye̱ gbẽle mli ke̱-te wala mli. [94]

²⁵Le̱le̱ṅ, le̱le̱ṅ, mīkē̱nye ake̱: Ṅmle̱tſā le̱ mība ni *éše̱ etã, ní gbohĩĩ le̱ aanu Nyoṅmo̱ bi le̱ gbē, ni mei ni nuo̱lē̱ ahĩe aatšẽ. [95]

²⁶Edšake̱ bo̱ni tše̱ le̱ yo̱ wala ye̱ le̱dientše̱ emli le̱, nakai noṅṅ ehã bi le̱ hũ ake̱ ehĩ wala ye le̱dientše̱ emli. [96]

²⁷Ni ehãle̱ hegbe̱ ake̱ *ekodšo hũ, edšake̱ gbomobi dšile̱. [97]

²⁸Ene̱ akafenye nãkpe̱; edšake̱ ṅmle̱tſā le̱ mība, nõ mli ní mei fẽ ní yo̱ gbohĩĩabui le̱ amli le̱ aanu egbẽ,

²⁹ni ame̱adše kpo, mei ní efe ekpakpa le̱ aate ši ke̱-ate wala mli, ni mei ní ētšu nišāníi le̱ aate ši ke̱-ate kodšomo̱ le̱ mli. [98]

³⁰Midientše̱ minyẽṅ miyiṅ mato mafe noko; boni minuo̱ le̱, nakai mikodšoo̱, ni mikodšomo̱ le̱ dšale̱ kodšomo̱ ni, edšake̱ mitaoo noni midientše̱ misumoo̱, ši moṅ noni tše̱ le̱ ní tšũmi le̱ sumoo̱. [99]

³¹Ké̱ midientše̱ mihe odase miyeo̱ le̱, midase le̱ dšee ano̱kwale.

³²Mokroko ye̱ ní yeo̱ mihe odase, ni mile ako̱ odase ní eyeo̱ ye̱ mihe le̱ ano̱kwaleṅ. [100]

³³Nye le̱ nyetšũ ate Iohane ṅõ, ni eye ano̱kwale le̱ he odase. [101]

³⁴Ši mi le̱, mitaoo gbomo ko odase; ši beni afe ní ahere nyeyiwala hewo̱ miwieo̱ ene̱mei ne̱.

³⁵Le̱ dši kane ní tšoo̱ ni dšidšeo̱ le̱, ši nye le̱, nyesumo̱ ake̱ nyemli aflinye be kukuō ke̱ke̱ ye̱ ela le̱ mli.

³⁶Ši mi le̱, miye̱ odase ní fè Iohane nõ le̱; edšake̱ nitšumo̱i le̱ ni tše̱ le̱ ehãmi ake̱ migbe nã le̱, nakai nitšumo̱i ni mitšuo̱ le̱ noṅṅ yeo̱ mihe odase ake̱ tše̱ le̱ tšũmi. [102]

³⁷Ni tše̱ le̱ ni tšũmi le̱, le̱dientše̱ éye mihe odase. Nyenuko egbē dã le̱, asaṅ nyenako esubãṅ dã; [103]

³⁸ni ewiemo̱ le̱ mõõ ši ye̱ nyemli; edšake̱ nyehee moni étšũle̱ le̱ nyeyee.

³⁹Nyetaoa ṅmãle̱i le̱ amli, edšake̱ nyedientše̱ nyesusuo̱ ake̱ nomei amli nyenáa nāno̱ wala ye̱, ni nomei noṅṅ dši nii ni yeo̱ mihe odase le̱. [104]

⁴⁰Ni nyesumo̱o̱ ake̱ nyebaä miṅõ ni nyená wala.

⁴¹Mitaoo gbomei ahĩenyam.

⁴²Ši moṅ mikpanye ši ake̱ nyebe̱ Nyoṅmo̱ suomo̱ yo̱ nyemli.

⁴³Mi le miba ye̱ mitše̱ gbe̱i ano̱, ni nyehereemi; ke̱dši mokroko ba yo̱ le̱dientše̱ egbe̱i ano̱ le̱, le̱ le̱ nyeaherele̱,

⁴⁴Nye ni nyehaä nyeteṅ anumnyam he, ši *anumnyam ní dše̱o̱ Nyoṅmo̱ kome le̱ ṅõ le̱ nyedii se̱, té aafe tēṅ ní nyeanyẽ nyehé nyeyeṅ? [105]

⁴⁵Nyekasusua ake̱ mibaflo̱ nyenā mahã tše̱ le̱; moko ye̱ ni mīflo̱ nyenā, le̱ dši *Mose, mo noṅṅ no̱ ní nyeṅōo̱ nyehĩe nyefõo̱ le̱. [106]

⁴⁶Ši edši nyehé Mose nyeye kũle̱, mi hū nyeahemi nyeye; ši mihe sane eṅmã le̱. [107]

⁴⁷Ši ke̱dši nyehee eṅmãle̱i le̱ nyeyee le̱, té afe tēṅ ní nyeahe miwiemo̱i le̱ nyeyeṅ? [108]