Read luganda Iohane 9 Bible Online

Iohane 9 - luganda bible

Iohane 9

¹Ni beni ehoo̱ le̱, ena nū ko ní eſila ke̱-dše̱ efo̱mo̱ mli.

²Ni ekaselo̱i le̱ bile̱ ake̱: Babi, namo fe esa, mone̱ lo efo̱lo̱i, hewo̱ ni aſó̱le̱ ſilafo ne̱? [197]

³Iesu here no̱ ekē̱: Dšee mone̱ lo eſo̱lo̱i ni fe eša, ši moṅ beni afe ní *Nyoṅmo̱ nitšumo̱ĩ le̱ aná adše kpo ye̱ emli. [198]

⁴Wo̱ le̱, ni dše etše̱re ne̱, dša wo̱tšu moni tšũwo̱ le̱ nitšumo̱i le̱; dše bana, beni moko nyẽṅ nii atšu. [199]

⁵Gbĩĩ abo̱ ní miyo̱ dše le̱ mli ne̱, dše le̱ṅ la dšimi. [200]

⁶Beni ekē̱ ene̱ le̱, etšẽ ladšõ efo ši, ni eke̱ ladšõ le̱ kpo̱to̱ sũ, ni eṅõ sũ le̱ ekpá ſilafo le̱ hĩṅme̱ii ano̱, [201]

⁷ni ekē̱le̱ ake̱: Yadšu ye̱ Siloam (ešiši dši: moni atšũle̱) kpākpo le̱ mli. Ke̱ke̱ ni ete eyadšu, ni eba ní ēna nii.

⁸Ke̱ke̱ le̱ ekūṅbii ke̱ mei ní nale̱ sá ake sisẽlo̱ dšile̱ le̱ kē̱: Ani dšee moni kũle̱ etaa ši ni esisẽo̱ le̱ ne̱?

⁹Meikomei kē̱: Le̱ ni; meikomei hũ kē̱: Etamo̱le̱; le̱dientše̱ ekē̱: Mi ni.

¹⁰Nohewo̱ le̱ ame̱kē̱le̱ ake̱: Té fe tēṅ ní ohĩṅme̱ii le̱ gbleṅ?

¹¹Ehere no̱ ekē̱: Nũ ko ní atšé̱o̱le̱ Iesu le̱ kpo̱to̱ sũ, ni eke̱-kpá mihĩṅme̱ii le̱, ni ekē̱mi ake̱: Ya Siloam kpākpo le̱ mli ní oyadšu. Ni beni mite miyadšu le̱, mina nii.

¹²Ke̱ke̱ ni ame̱kē̱le̱ ake̱: Nẽgbe̱ eyo̱? Ekē̱ ake̱: Milee.

¹³Ni ame̱ke̱ moni sá ní éſila le̱ te Farisifoi le̱ aṅõ.

¹⁴Ši gbĩ ni Iesu kpo̱to̱ sũ ní egble ehĩṅme̱ii le̱ hedšō̱mo̱gbĩ ni. [202]

¹⁵Ke̱ke̱ ni Farisifoi le̱ hũ sā bile̱ bo̱ni fe ní ena nii le̱. Ni ekē̱ame̱ ake̱: Sũ ní akpo̱to̱ eke̱-kpá mihĩṅme̱ii, ni miyadšu, ni minaä nii ne̱.

¹⁶Nohewo̱ le̱ Farisifoi le̱ ateṅ meikomei kē̱: Nū ne̱ dše̱e̱ Nyoṅmo̱ ṅõ, edšake̱ eyee hedšō̱mo̱gbĩ le̱. Meikomei hũ kē̱: Té *gbomo ko ní dši ešafelo̱ aafe tēṅ ní enyẽ efe okadii ní tamo̱ enemeiṅ? Ni †mligblamo̱ ha ameteṅ. [203]

¹⁷Ke̱ke̱ ni ame̱kē̱ ſilafo le̱ ekoṅ ake̱: Bo hũ, té okē̱o̱ ye̱ ehe tēṅ, ake̱-ní egble ohĩṅme̱ii le̱? Ni ekē̱: Gbalo̱ dšile̱.

¹⁸Ši Iudafoi le̱ hee yee ake̱ ſilafo dšile̱ sá dãni enaä nii ne̱, ke̱-yaši beyino̱ ni ame̱yatšé̱ moni ena nii le̱ fo̱lo̱i,

¹⁹ni ame̱biame̱ ake̱: Ani nyebi le̱ ni nyekē̱e̱ ake̱ aſó̱le̱ ſilafo le̱ ne̱? Té fe tēṅ ni agbe̱ne̱ enaä niiṅ?

²⁰Efo̱lo̱i le̱ hereame̱ no̱ ame̱kē̱: Wo̱le ake̱ wo̱bi le̱ ne̱, ni we̱le ake̱ afó̱le ſilafo;

²¹ši bo̱ni fe ní enaä nii agbe̱ne̱ ne̱, wolee, asaṅ moni gble ehĩṅme̱ii le̱ hũ wo̱lee; éda, nyebiale̱, le̱dientše̱ eewie ehã ehe.

²²Efo̱lo̱i le̱ kē̱ ene̱, edšake̱ *ame̱mīše Iudafoi le̱ agbeyei; ši Iudafoi le̱ ékpãṅ éto ake̱, ke̱dši moko gba mli kē̱ ake̱, le̱ dši Kristo le̱, †abaſiele̱ ke̱-dše̱ kpēhe le̱. [204]

²³Nohewo̱ ni efo̱lo̱i le̱ kē̱ ake̱: Eda, nyebia le̱dientše̱ le̱.

²⁴Ke̱ke̱ ni ame̱tšé̱ nū ní sá ni edši ſilafo le̱, noni dši ši enyo̱, ni ame̱kē̱le̱ ake̱: Ṅõ anumnyam *ohã Nyoṅmo̱; ši wo̱ le̱ wo̱le ake̱ gbomo ne̱ ešafelo dšile̱. [205]

²⁵Ke̱ke̱ ni ehere no̱ ekē̱: Ešafelo̱ dšile̱ dšĩṅ, milee; nokome mile, ake̱ kũle̱ ſilafo dšimi, ši agbe̱ne̱ mina nii.

²⁶Ni ame̱kē̱le̱ ekoṅ ake̱: Meni efeo? Té efe tēṅ ní egble ohĩṅme̱ii le̱?

²⁷Ehereame̱ no̱ ake̱: Mikē̱nye momo, ni nyenuu; mẽhewo̱ nyetaoo̱ toi nyebo ekoṅ? Ani nye hũ nyemīsumo̱ ake̱ nyeatšṍmo̱ ekaselo̱i?

²⁸Ame̱dšé̱le̱ ame̱kē̱: Bo odši ekaselo̱, ši wo̱ le̱, Mose kaselo̱i dši wo̱.

²⁹Wo̱le ake̱ Nyoṅmo̱ ke̱ Mose wie; ši mone̱ le̱, wo̱lee heni edše̱.

³⁰Nū le̱ here no̱ ni ekē̱ame̱ ake̱: Ei, ene̱ dši noni yo̱ nākpe̱, ake̱ nyelee heni edše̱, ni kẽle̱ égble mihĩṅme̱ii le̱!

³¹Wo̱le ake̱ *Nyoṅmo̱ boo ešafelo̱i atoi; ši moṅ ke̱dši mo dšáa Nyoṅmo̱ ni efeo̱ esuomo̱nānii le̱, le̱ toi eboo̱. [206]

³²Ke̱-dše̱ ní abo̱ ade ne̱ anuko ake̱ moko égble moni afó̱le̱ ſilafo hĩṅme̱ii dã.

³³Ke̱dši mone̱ dše̱e̱ Nyoṅmo̱ ṅõ kũle̱, enyẽṅ noko efe. [207]

³⁴Ame̱here no̱ ni ame̱kē̱le̱ ake̱: Bo le̱, *afó̱o ye̱ eša mli kwrā, ni bo moṅ otšõo̱we̱ nii ne̱? Ni ame̱ſiele̱. [208]

³⁵Iesu nu ake̱ ame̱ſiele̱; ni beni enale̱ le̱, ekē̱le̱ ake̱: Ōhe Nyoṅmo̱ bi le̱ no̱ ōye lo?

³⁶Ehere no̱ ekē̱: Namo dšile̱, Nuntšo̱, koni mahe eno̱ maye?

³⁷Ši Iesu kē̱le̱ ake̱: Onale̱ momo, ni asaṅ moni ke̱o wieo̱ le̱, le̱ noṅṅ ni. [209]

³⁸Ni ekē̱: Mīhe mīye, Nuntšo̱; ni edšale̱.

³⁹Ni Iesu kē̱: Kodšomo̱ hewo̱ miba dše ne̱ṅ, koni mei ní enaa nii le̱ ána, ni mei ní naä le̱ atšṍmo ſilafoi. [210]

⁴⁰Ni Farisifoi le̱ ateṅ meikomei ní yo̱ dše̱i le̱ nu ene̱, ni ame̱kē̱le̱ ake̱: Ani wo̱ hũ wo̱ſila?

⁴¹Iesu kē̱ame̱ ake̱: Edši nyéſila moṅ kũle̱, nyehe be̱ eša; ši agbe̱ne̱ nyekē̱o̱ ake̱: Wo̱mīna nii; nohewo̱ le̱ nyehe eša le̱ éka nyehe. [211]