Read luganda Bo̱foi le sãdši 10 Bible Online

Bo̱foi le sãdši 10 - luganda bible

Bo̱foi le sãdši 10

¹Ši nū ko ye̱ Kaisarea ní atšé̱o̱le̱ Kornelio ní dši Italia asrafoi le̱ ano̱ *asafoatše̱; [161]

²Nyoṅmo̱ dšálo̱ ni, ni eke̱ ewe le̱ fẽ šeo̱ Nyoṅmo̱ gbeyei, ni efeo maṅbii le̱ edšŭrõ pī, ni ekpaä Nyoṅmo̱ fai dā.

³Aafe gbe̱ke̱ ṅme̱dši etẽ mli le̱ ena ye̱ ninā mli faṅṅ ake̱ Nyoṅmo̱ bo̱fo ko ba eṅõ bakē̱le̱ ake̱: Kornelio!

⁴Ni ekwe̱le̱ gā̃ ni eše gbeyei ni ekē̱: Meniṅ, Nuntšo̱? Ni ekē̱le̱ ake̱: Oso̱lemo̱i ke̱ nidšudši ní ofeo̱ le̱ eše̱ ṅwei ni ebafe kaimo̱nõ ye̱ Nyoṅmo̱ hĩe.

⁵Ni agbe̱ne̱ le̱ tšũ mei ke̱-ya Iopa ni oyakpē Simon moni atšé̱o̱le̱ Petro hũ le̱ ke̱-ba;

⁶eto Simon *wolokpōlo̱ le̱ ní šĩa yo̱ ṅšo̱ le̱ nā le̱ ṅõ; (le̱ eebatšõo noni sa ake̱ ofe). [162]

⁷Ši beni bo̱fo ní ke̱le̱ bawie le̱ ete le̱, etšé̱ ewebii le̱ ateṅ mei enyo̱ ke̱ asrafonyo ko ní šeo̱ Nyoṅmo̱ gbeyei ní dši mei ní súmoo̱le̱ le̱ ateṅ mokome,

⁸ni egbaame̱ nibii ne̱ fẽ, ni etšũame̱ Iopa.

⁹Ši dšetše̱reno̱, beni amenyie gbe̱ le̱ no̱ ni ame̱babe̱ṅke̱ maṅ le̱, Petro te so̱lemo̱ ye̱ tšũyiteṅ aafe ſane ṅmle̱ nyoṅma ke̱ enyo̱ mli.

¹⁰Ni hõmo̱ yele̱ naakpa, ni ētao noko eye. Ši beni ame̱sāa niyenii le̱, efe tamo̱ nõ enyõ eno̱,

¹¹ni ena ake̱ ṅwei egble, ni nõ ko mikpleke ši ní tamo̱ mama kpeteṅkple, ni ahĩe ekodši edſe̱ le̱ mli āši ke̱-mība šikpoṅ; [163]

¹²ni šikpoṅ no̱ koloi nãdši-edſe̱dſe̱-tše̱mei ke̱ wāmo̱nii ke̱ ṅwei lofõdši sro̱toi le̱ fẽ eko ye̱ mli.

¹³Ni gbē ko kē̱le̱ ake̱: Petro, te ši, gbe ní oye!

¹⁴Ši Petro kē̱: Dabida, Nuntšo̱, edšake̱ miyeko yakayaka noko lo noko ní he tšee dã́. [164]

¹⁵Ni gbē le̱ sā kē̱le̱ noni dši ši enyo̱ ake̱: Noni Nyoṅmo̱ etšū he le̱, kābule̱ ake̱ yakayaka noko. [165]

¹⁶Ši afe nakai šii etẽ; ni awó nõ le̱ ke̱-te ṅwei ekoṅ.

¹⁷Agbe̱ne̱, beni Petro efe yā ake̱, té nii ní ena ne̱ šišiṅ le̱, na, hĩĩ le̱ ní Kornelio tšũ le̱ mībibī Simon we le̱ gbe̱, ni ame̱badamo̱ agbó le̱ nā

¹⁸ame̱tšé̱ ni ame̱bi ake̱: Ani bie̱ Simon ni atšé̱o̱le̱ Petro hũ le̱ bato le̱?

¹⁹Ši beni Petro dſẽṅo̱ ninā le̱ he le̱, Mumo̱ lo̱ kē̱le̱ ake̱: Na, hĩĩ etẽ mītaoö;

²⁰nohewo̱ le̱ te ši ni okpleke ši oke̱ame̱ aya, ni okadše ṅwane ko, edšake̱ mi mitšũame̱.

²¹Ke̱ke̱ ni Petro kpleke šĩ, ni eyakē̱ hĩĩ [ní Kornelio tšũ eṅõ] le̱ ake̱: Na, midšĩ moni nyetaoo̱ le̱; mẽ sane hewo̱ nyeba?

²²Ni ame̱kē̱: Asafoatše̱ Kornelio̱, ní dši nū dšalo̱ ke̱ Nyoṅmo̱ gbeyeišelo̱ ní Iudafoi amaṅ mū le̱ fẽ wieo̱ ehe ekpakpa le̱, le̱ ṅweibo̱fo kroṅkroṅ ko kē̱le̱ ake̱ etšũ ni abakpēo ke̱-ba ewe le̱, koni ebo onā toi.

²³Ke̱ke̱ ni etšé̱ame̱ ke̱-ba šīa le̱ ni ebafeame̱ gbo. Ni dšetše̱reno̱ le̱ Petro ke̱ame̱ yiṅ ke̱-te, ni nyemimei ní yo̱ Iopa le̱ ateṅ meikomei fata ehe.

²⁴Ni dšetše̱reno̱ ekoṅ le̱ ame̱yaše̱ Kaisarea. Ši Kornelio mīkwe̱ame̱ gbe̱, ni etšé̱ ewekumei ke̱ enanemei dšudši ke̱-kpe.

²⁵Ni eba mli ake̱, beni Petro boteo̱ šĩa le̱, Kornelio ke̱le̱ bakpe, ni eho egbe ši ye̱ enãdši anā ni edšále̱.

²⁶Ši Petro wó eno̱, ni ekē̱: Te ši, ši mi hũ gbomo dšimi. [166]

²⁷Ni eke̱le̱ hĩe sanegbā ke̱-bote šĩa le̱, ni eyana mei pī ní ebabua ame̱he nā le̱.

²⁸Ni ekē̱ame̱ ake̱: Nyedientše̱ nyele bo̱ni Iudanyo be̱ hegbe̱ ake̱ eke̱ moko ní dši maṅ kroko no̱ nyo bo̱ö̱ alo ebaä eṅõ; ši mi le̱, Nyoṅmo̱ etšõmi ake̱ mikatšé̱ mokomoko yakagbomo lo moni he tšee.

²⁹Nohewo̱ hũ ni beni atšũ abakpēmi le̱, mitšee nā ni miba ne̱. Ni agbe̱ne̱ mībinye ake̱: Mẽ sane hewo̱ ni nyebakpēmi ne̱?

³⁰Ni Kornelio kē̱ ake̱: Ṅme̱ne̱ dši gbĩĩ edſe̱ le̱ mihī ṅmā̃ ke̱-baši ne̱ke̱ ṅmle̱tſā ne̱ no̱, ni gbe̱ke̱ ṅme̱dši etẽ mli le̱ mīso̱le ye̱ miwe le̱; ni na, nū ko ní wo atade kaṅkaṅ badamo̱ mihĩe,

³¹ni eke: Kornelio, abo oso̱lemo̱ le̱ toi, ni onidšudši ní ofeo̱ le̱ hũ akai ye̱ Nyoṅmo̱ hĩe.

³²Nohewo̱ le̱ tšũ mei ke̱-ya Iopa, ní ayakpē Simon ní atšé̱o̱le̱ Petro hũ le̱ ke̱-ba, eyato Simon wolokpōlo̱ le̱ ní šĩa kã ṅšo̱ nā le̱ ṅõ, ni ké̱ eba le̱, eebawie etsõo.

³³Ke̱ke̱ ni amrõ le̱ noṅṅ ni mitšŭ oṅõ, ni ofe dsogbāṅ ake̱ oba ne̱. Nohewo le̱ agbe̱ne̱ wo̱fẽ wo̱ye̱ bie̱ ye̱ Nyoṅmo̱ hĩe, koni wo̱bo nibii fẽ ní Nyoṅmo̱ ekē̱o eto le̱ atoi.

³⁴Ke̱ke̱ ni Petro gble enā ni ekē̱: Le̱le̱ṅ, miyo ake̱, Nyoṅmo̱ dšee mei ahĩeaṅkwe̱lo̱; [167]

³⁵ši moṅ maṅ-fẽ-maṅ mli le̱, moni šeo̱le̱ gbeyei ni etšuo̱ dšale̱ nii le̱, le̱ dši moni saä ehĩe. [168]

³⁶Nyoṅmo̱ tšũ ake̱ wiemo̱ le̱ yahã Israelbii ni atšṍ Iesu Kristo no̱ adšadše hedso̱le̱ sanekpakpa atšõame̱, *le̱ dši mei fẽ a-Nuntšo̱. [169]

³⁷Nyedientše̱ nyele sane le̱ ni ba Iudea fẽ ni edše šiši Ke̱-dše̱ Galilea, ye̱ baptisimo ní Iohane šie̱ le̱ še̱ le̱, [170]

³⁸bo̱ni Nyoṅmo̱ ṅõ Mnmo̱ kroṅkroṅ ke̱ hewale̱ *efo Iesu ní dše̱ Nazaret le̱ mū, ní ekpaä ši efeo̱ edšŭrõ ni etšáa mei fẽ ní abonsam haoo̱ame̱ le̱, edšake̱ Nyoṅmo̱ ke̱le̱ ye̱. [171]

³⁹Ni wo̱ dši nibii fẽ ní efe ye̱ Iudafoi ašikpoṅ le̱ no̱ ke̱ Ierusalem le̱ he odasefoi; mo hũ ní ame̱se̱ṅle̱ ye̱ tšo no̱ ame̱gbele̱ le̱.

⁴⁰Le̱ noṅṅ Nyoṅmo̱ tēle̱ ši gbĩ ní dši gbĩ etẽ le̱, ni ehã edšie ehe kpo etšõ faṅṅ, [172]

⁴¹dšee maṅ mū le̱ fẽ, ši moṅ *odasefoi ní Nyoṅmo̱ ehala eto momo le̱, ní dši wo̱ mei ní wo̱ke̱le̱ ye nii ni wo̱ke̱le̱ nu, beni ete ši ke-dše̱ gbohĩĩ ateṅ le̱ se̱ le̱. [173]

⁴²Ni ewowo̱ kitã ake̱ wo̱šie̱ wo̱tšõ maṅ le̱ ni wo̱ye odase ake̱ le̱ dši moni Nyoṅmo̱ efă eto hĩekãlo̱i ke̱ gbohĩĩ *akodšolo̱ le̱. [174]

⁴³Le̱ ehe odase *gbalo̱i le̱ fẽ yeo̱, ake̱ mofẽmo ní heo̱ eno̱ yeo̱ le̱ aaná ehe ešai fā ye̱ egbe̱i le̱ ahewo. [175]

⁴⁴Beni Petro wieo̱ ne̱ke̱ wiemo̱i ne̱ lolo le̱, Mumo̱ kroṅkroṅ le̱ ba mei fẽ ní nu wiemo̱ le̱ no̱.

⁴⁵Ni heyelilo̱i ní dše̱ ketiafō le̱ mli nī ke̱ Petro ba le̱ anā kpe̱ ame̱he ake̱ afo̱se Mumo̱ kroṅkroṅ nõkēnõ le̱ aſie dšeṅmădšiaṅbii hũ ano̱;

⁴⁶edšake̱ amenu ake̱ ame̱mīwie *maṅse̱ wiemo̱i sro̱toi ni ame̱mīdsie Nyoṅmo̱ yi. Ke̱ke̱ ni Petro here no̱ ake: [176]

⁴⁷Ani moko aanyẽ nu nā atšĩ, ní akabaptisi mene̱mei ní ná Mumo̱ kroṅkroṅ le̱ tamo̱ wo̱ noṅṅ le̱?

⁴⁸Ni efã́ ake̱ abaptisiame̱ ye̱ Nuntšo̱ le̱ gbe̱i le̱ amli. Ke̱ke̱ ni *ame̱kpale̱ fai ake̱ eke̱ame̱ ahĩ ši gbĩĩ fiō ko. [177]