Read luganda Bo̱foi le sãdši 11 Bible Online

Bo̱foi le sãdši 11 - luganda bible

Bo̱foi le sãdši 11

¹Ši bo̱foi le̱ ke̱ nyemimei ni ye̱ Iudea le̱ fẽ nu ake̱ dšeṅmãdšiaṅbii le̱ hũ emõ Nyoṅmo̱ wiemo̱ le̱ mli.

²Ni beni Petro ba Ierusalem le̱, *mei ní dše̱ ketiafō le̱ mli le̱ kele̱ ná [178]

³ame̱kē̱: Ote hĩĩ fõlo̱i aṅõ ni oke̱-ame̱ yaye nii. [179]

⁴Ši Petro dše šiši ni egbaame̱ sane le̱ fẽ ekomekome ekē̱:

⁵Miye Iopa mā le̱ṅ mīso̱le, ni efe tamo̱ nō enyõ mino̱ ni mina ninā ko ake̱ nõ ko dše̱ ṅwei tamo̱ mama kpeteṅkple ní ahĩe ekodši edſe̱ le̱ mli ăši ke̱-mība ši, ni eba miṅõ kpākpa. [180]

⁶Ni beni mitẽdse mihĩe ni mikwe̱ mli le̱, mina šikpoṅ koloi nădši-edſe̱dſe̱-tše̱mei ke̱ ṅãṅ koloi ke̱ wāmo̱nii ke̱ ṅwei lofõdši ye̱ mli.

⁷Ni minu gbē ko hũ kē̱mi ake̱: Petro, te ši, gbe ní oye!

⁸Ši mikē̱ ake̱: Dabida, Nuntšo̱, edšake̱ miyeko yakayaka noko alo noko ní he tšee dā.

⁹Ši gbē ní dše̱ ṅwei le̱ heremi no̱ noni dši ši enyo̱ ake̱: Noni Nyoṅmo̱ étšū he le̱, bo kābule̱ yakayaka noko.

¹⁰Ši afe nakai šii etẽ, ni agbla fẽ ke̱-te ṅwei ekoṅ.

¹¹Ni na, amrõ le̱ noṅṅ hĩĩ etẽ badamo̱ šĩa heni miyo̱ le̱ agbó le̱ nā, ní atšũame̱ ke̱-dše̱ Kaisarea ke̱-ba miṅõ.

¹²Ni Mumo̱ le̱ kē̱mi ake̱ mike̱ame̱ aya, ní mikakpa niiaṅ; ni nyemimei ekpa ne̱ hũ ke̱mi te; ni wo̱yabote nū le̱ we le̱.

¹³Ni egbawo̱ bo̱ni ena bo̱fo le̱ ye̱ ewe le̱ ní edamo̱ ši ēkē̱le̱ ake̱: Tšũ mei ke̱-ya Iopa ní oyakpẽ Simon ní atšé̱o̱le̱ Petro hũ le̱ ke̱-ba,

¹⁴le̱ eebakē̱o wiemo̱i ní aatšṍ no̱ ahere oke̱ owe le̱ fẽ yiwala,

¹⁵Ši beni mibōi wiemo̱ le̱, Mumo̱ kroṅkroṅ le̱ bayi ame̱no̱, tamo̱ bo̱ni eyi wo̱ hũ wo̱no̱ tšutšu le̱.

¹⁶Ni mikai Nuntšo̱ le̱ wiemo̱ le̱ ní ekē̱ ake̱: “Iohane le̱ eke̱ nu baptisi, ši nye le̱ aabaptisinye ye̱ Mumo̱ kroṅkroṅ mli le̱.” [181]

¹⁷Agbe̱ne̱ ké̱ Nyoṅmo̱ ehãame̱ nakai nõkēnõ le̱ noṅṅ ní ehã wo̱ ní wo̱heo̱ Nuntšo̱ Iesu Kristo le̱ no̱ wo̱yeo̱ le̱ hũ le̱: mi le̱, namo dšimi ní manyẽ Nyoṅmo̱ nā matšĩ?

¹⁸Ši beni ame̱nu wiemo̱i ne̱ le̱, ame̱bu ame̱nā, ni ame̱wo Nyoṅmo̱ hĩe nyam ame̱kē̱: Bĕle̱ dšeṅmãdši le̱ hũ Nyoṅmo̱ ehãame̱ tšuitšakemo̱ ní ako̱-ahere ame̱yiwala!

¹⁹Agbe̱ne̱ mei *ni gbe̱ fã ye̱ Stefano amane̱hũlũ le̱ mli le̱ fo mli ke̱-te Foinike ke̱ Kipro ke̱ Antiokia tō̃, ši ame̱dšadšee wiemo le̱ ame̱tšõõ mokomoko ake̱ dša Iudafoi le̱ ke̱ke̱. [182]

²⁰Ši ame̱teṅ meikomei le̱, Kiprobii ke̱ Kirēnebii dšiame̱, ni mene̱mei ba Antiokia ame̱bawie ame̱tšõ Helabii le̱ hũ, ni ame̱dšadše Nuntšo̱ Iesu he sanekpakpa le̱ ame̱tšõame̱.

²¹Ni Nuntšo̱ le̱ nine fata ame̱he, ni mei babaō hé ye, ni ame̱tšṍ ame̱he ke̱-ba Nuntšo̱ le̱ ṅõ. [183]

²²Ni ame̱he sane ne̱ baše̱ Ierusalem asafo le̱ toiiaṅ, ni ame̱tšũ *Barnaba, koni eyaše̱ Antiokia le̱ tō̃. [184]

²³Ni beni eše̱ dše̱i ní ebana Nyoṅmo̱ dromo̱ le̱, emĩ še̱ ehe, ni ewie etšõ ame̱fẽ ake̱ ame̱ke̱ tšui ní fĩ ši akpe̱te̱ Nuntšo̱ le̱ he. [185]

²⁴Ši gbomo kpakpa dšile̱ ni *eyi obõ ke̱ Mumo̱ kroṅkroṅ ke̱ hemo̱-ke̱-yeli. Ni †aṅõ mei babaō afata Nuntšo le̱ he. [186]

²⁵Ni Barnaba yiṅ ete Tarso eyatao *Saulo, ni beni enale̱ le̱, eke̱le̱ ba †Antiokia ekoṅ. [187]

²⁶Ni eba mli ake̱ ame̱ke̱ asafo le̱ hĩ ši afi nākplo̱, ni ame̱tšõ mei babaō nii, ni Antiokia kleṅkleṅ awo kaselo̱i le̱ agbe̱i ake̱ Kristofoi ye̱.

²⁷Ši ne̱ke̱ gbĩĩ ne̱ amli le̱ *gbalo̱i komei dše̱ Ierusalem ba Antiokia. [188]

²⁸Ni ame̱teṅ moko ni atšé̱o̱le̱ *Agabo le̱ te ši, ni etšõ ye̱ Mumo̱ le̱ nā ake̱ hõmo̱ kpeteṅkple baba dšeṅ fẽ, ni eba mli nakai ye̱ Kaisare Klaudio yino̱. [189]

²⁹Ši kaselo̱i le̱ *kpe̱ mli ake̱ ame̱atšũ noko ame̱mãdše nyemimei ní yo̱ Iudea le̱ ni ame̱ke̱-yafēneame̱, mofẽmo bo̱ni oonyẽ. [190]

³⁰Ni amefe nakai, ni ame̱ṅõ-mãdše onukpai le̱ *ke̱-tšṍ Barnaba ke̱ Saulo nine no̱. [191]