Read luganda Bo̱foi le sãdši 12 Bible Online

Bo̱foi le sãdši 12 - luganda bible

Bo̱foi le sãdši 12

¹Nakai be le̱ mli noṅṅ le̱ maṅtše̱ Herode *kpã enine mli, koni efe asaſo le̱ mli bii le̱ ateṅ meikomei efõṅ. [192]

²Ni eke̱ klante gbe Iohane nyemi Iakobo le̱.

³Ni beni ena ake̱ eṅõ Iudafoi le̱ anā le̱, ete no̱ ní emõ Petro hũ. Ši akpĩtĩ gbĩĩ le̱ amli ni.

⁴Ni beni emõle̱ le̱, ewole̱ tšũṅ, ni etule̱ ewo asrafoi edſe̱dſe̱ kūi edſe̱ deṅ, ni ame̱bu ehe; ni esusu ake̱ Hehō le̱ se̱ le̱ eedšiele̱ etšõ maṅ le̱.

⁵Agbe̱ne̱ atai Petro nā ye̱ tšũ le̱ṅ moṅ; ši asafo le̱ hĩe so̱lemo̱ mli ye̱ Nyoṅmo̱ hĩe ke̱le̱ hãmo̱ wā dientše̱.

⁶Ši beni Herode kē̱ ebadsiele̱ etšõ le̱, nakai nyō le̱ṅ le̱ Petro wo̱ asrafoi enyo̱ teṅ, ni awole̱ kõsõṅkõsõi enyo̱, ni bulo̱i hũ damo̱ šĩnā le̱ nā mību tšũ le̱ he.

⁷Ni na, Nuntšo̱ le̱ bo̱fo ko badamo̱ emase̱i, ni la kpe̱ ye tšũ le̱ṅ; ni egba Petro mase̱i mã ni etšĩele̱ ekē̱: Te ši mrãmrã! Ni ekõsõṅkõsõi le̱ kplo̱ ye̱ enidši ahe. [193]

⁸Ni bo̱fo le̱ kē̱le̱ ake: Mĩamo̱ ní ofĩ otokotai le̱! Ni efe nakai. Ni ekē̱le̱ ake̱: Ṅō obò le̱ oke ohe ní onyie mise̱!

⁹Ni enyie ese̱ ke̱-dše kpo, ni elee ake̱ noni bo̱fo le̱ feo̱ le̱ ye̱ mli, ši efeo̱le̱ ake̱ nii enaä.

¹⁰Ši beni ame̱ho kleṅkleṅ bulo̱i le̱ ke̱ mei ní dši enyo̱ le̱ ahe le̱, ame̱še̱ dade agbó ní kã ke̱-yaä mã le̱ṅ le̱ he, ni le̱dientše̱ egble ehe ehãame̱, ni ame̱dše kpo ame̱fo blohũ kome mli, ni amrõ le̱ bo̱fo le̱ šĩle̱.

¹¹Ni beni Petro hĩe tšere̱le̱ le̱ ekē̱: Kpāko miná mile kre̱dē̱ ake̱ Nuntšo̱ le̱ etšũ ebo̱fo le̱ ke̱-ba, ni ebadšiemi ye̱ Herode deṅ ke̱ Iudafoi le̱ amaṅ le̱ gbe̱kwe̱mo̱ le̱ fẽ mli.

¹²Ni beni esusu he le̱, eba *Iohane ní atšé̱o̱le̱ Marko hũ le̱ nye Maria we le̱, heni mei pī anā ebakpe ši ye̱ ní ame̱so̱leo̱ le̱. [194]

¹³Ši beni Petro ši agbó le̱, oblayō ko ni atšé̱o̱le̱ Rode le̱ ba toibō;

¹⁴ni beni eyo Petro gbē le̱, mīše̱ so̱ṅṅ nā le̱ egblee agbó le̱, ši moṅ edšo foi ke̱-te eyakē̱ ake̱ Petro damo̱ agbó le̱ se̱.

¹⁵Ši ame̱kē̱le̱ ake̱: Oye se̱ke̱. Ši emã no̱ mĩ́ ake̱ eye̱ mli nakai. Ke̱ke̱ ni ame̱kē̱: Bĕle̱ *ebo̱fo ni. [195]

¹⁶Ši Petro kã he mīši; ni beni ame̱gble le̱, ame̱nale̱, ni ame̱nā kpe̱ ame̱he.

¹⁷Ši efõame̱ nine ake̱ ame̱fe diō, ni egbaame̱ bo̱ni fe ní Nuntšo̱ le dšiele̱ ye̱ tšũ le̱ṅ le̱; ni ekē̱: Nyeyaä ní nyeyagbaä Iakobo ke̱ nyemimei le̱ ne̱ke̱ sãdši ne̱. Ni edše dše̱i ete he kroko.

¹⁸Ši beni dše tše̱re le̱, dšee haomo̱ fiō ba asrafoi le̱ ateṅ ye̱ nõ po ní efe Petro hewo̱. [196]

¹⁹Ši beni Herode taoo̱le̱ ni enaale̱ le̱, ekodšo bulo̱i le̱ ni afã́ ake̱ ayagbeame̱. Ni edše Iudea ete Kaisarea ni eyahĩ dše̱i.

²⁰Ši Herode mli efũ Tirobii ke̱ Zidonbii naakpa; ni ame̱ke̱ dſẽṅmo̱ kome ba eṅõ, ni ame̱batao maṅtše̱ le̱ piaſonyo Blasto le̱ hĩegbe̱ ni ame̱bakpa fai, edšake̱ maṅtše̱ le̱ šikpoṅ le̱ no̱ *nii ame̱yeo̱. [197]

²¹Ši gbĩ ní ato ko no̱ le̱ Herode wo *emaṅtše̱-atade le̱, ni eyatá kodšomo̱sẽi le̱ no̱, ni ewie ame̱nā.

²²Ni mei le̱ blo̱ ake̱: Nyoṅmo̱ gbē ne̱, ši dšee gbomo gbē ni. [198]

²³Ni amrõ le̱ noṅṅ le̱ Nuntšo̱ le̱ bo̱fo tſale̱ nõ, edšake̱ *eke̱ anumnyam le̱ hãã Nyoṅmo̱, ni gõgõmii yele̱, ni edše dšeṅ. [199]

²⁴Ši Nyoṅmo̱ wiemo̱ le̱ ſere ni ete no̱. [200]

²⁵Ši beni Barnaba ke̱ Saulo *egbe ame̱súomo̱ le̱ nā le̱, ame̱kũ ame̱se̱ ke̱-dše̱ Ierusalem, ni ame̱ṅõ Iohane, moni atšé̱o̱le̱ †Marko hũ le̱, ame̱fata ame̱he. [201]