Read luganda Bo̱foi le sãdši 13 Bible Online

Bo̱foi le sãdši 13 - luganda bible

Bo̱foi le sãdši 13

¹Ši *gbaloi ke̱ tšõlo̱i komei ye̱ Antiokia asafo le̱ mli, ame̱dši Barnaba ke̱ Simeon, moni atšé̱o̱le̱ Niger le̱, ke̱ Lukio Kirẽnenyo le̱, ke̱ Manahen, moni alè̱le̱ ke̱ tetrarke Herode le̱, ke̱ Saulo. [202]

²Ši beni ame̱dšáa Nuntšo̱ le̱ ní ame̱hīo̱ ṅmā̃ le̱, Mumo̱ kroṅkroṅ le̱ kē̱: Nyefãa Barnaba ke̱ Saulo nyehãami ke̱-ya nitšumo̱ ní *mitšé̱ame̱ ye̱ hewo̱ le̱. [203]

³Ke̱ke̱ ni *ame̱hĩ ṅmā̃ ni ame̱so̱le, ni ame̱ke̱ †ame̱nidši ṅmĕlẽ ame̱no̱ ni ame̱woame̱ gbe̱. [204]

⁴Agbe̱ne̱ mene̱mei le̱, noni Mumo̱ kroṅkroṅ le̱ etšũame̱ ake̱ ameya le̱, ame̱yĩṅ ame̱te Seleukia, ni ame̱bote le̱le̱ mli ye̱ dše̱i ni ame̱fã ke̱-te Kipro.

⁵Ni beni ame̱še̱ Salami le̱, ame̱dšadše Nyoṅmo̱ wĩemo̱ le̱ ye̱ Iudafoi le̱ akpēhēi le̱. Ši ame̱ke̱ *Iohane hũ nyie ake̱ ame̱súolo̱. [205]

⁶Ni beni ame̱fo mli ye̱ ṅšo̱kpo̱ mū le̱ fẽ no̱ ke̱-baše̱ Pafo le̱, ame̱na Iudanyo ṅkũnyāyelo̱ ke̱ amalegbalo̱ ko ní atšé̱o̱le̱ Baryesu le̱,

⁷moni ke̱ amralo Sergio Paulo ní dši nū hĩešikãlo̱ le̱ yo̱ le̱. Le̱ etšé̱ Barnaba ke̱ Saulo ke̱-ba eṅõ, ni ētao ake̱ ebo Nyoṅmo̱ wiemo̱ le̱ toi.

⁸Ši Elima ṅkũnyāyelo̱ le̱ (ši egbe̱i le̱ šiši dši no) kũ ame̱nā, ni ētao ake̱ ekpale amralo le̱ ke̱-dše̱ hemo̱-ke̱-yeli le̱ he. [206]

⁹Ni Saulo, moni atšé̱o̱le̱ Paulo hũ, ni Mumo̱ kroṅkroṅ eyile̱ obõ le̱, kwe̱le̱ gā̃

¹⁰ni ekē̱: O abonsambi ní šišiumo̱ ke̱ kũtũmpo̱o fẽ eyio obõ, bo dšale̱ fẽ henye̱lo̱; aso ofõõ Nuntšo̱ le̱ gbe̱i trõmō̃i le̱ akõdõmo̱?

¹¹ni agbe̱ne̱ na, Nuntšo̱ le̱ nine kã ono̱, ni ooſila nī onaṅ hũlũ ke̱-yaši be ko. Ni amrõ le̱ noṅṅ afua ke̱ duṅ banyõ eno̱, ni egbugbū ši ētao mei amõ enine mli ayadšiele̱ gbe̱.

¹²Ke̱ke̱ ni amralo le̱, beni ena noni afe le̱, ehé eye, ni ehe dšõ ehe ye̱ Nuntšo̱ le̱ tšõmo̱ le̱ hewo̱.

¹³Ši beni Paulo ke̱ emei le̱ fã ke̱-dše̱ Pafo le̱, ame̱ba Perge ye̱ Pamfilia; ni Iohane kpale ye̱ ame̱se̱, *ni ekũ ese̱ ke̱-te Ierusalem ekoṅ. [207]

¹⁴Ši ame̱ le̱ ame̱dše̱ Perge ni ame̱fo mli ke̱-ba Antiokia ye̱ Pisidia; ni ame̱te kpēhe le̱ ye̱ hedšō̱mo̱gbĩ le̱ no̱, ni ame̱yatrá ši.

¹⁵Ni beni *akane mla le̱ ke̱ gbalo̱i le̱ se̱ le̱, kpēhe le̱ onukpai le̱ tšũ abakē̱ame̱ ake̱: Atāmei ke̱ enyemimei, ke̱dši nyeye̱ wiemo̱-ke̱-tšõmo̱ ko ni nyeawie nyetšõ mei le̱, nyewiea. [208]

¹⁶Ke̱ke̱ ni Paulo te ši edamo̱ ši, ni efõ enine ekē̱: Atāmei Israelhĩĩ ke̱ nye mei ní nyešeo̱ Nyoṅmo̱ gbeyei, nyeboa toi!

¹⁷Ne̱ke̱ Israel maṅ ne̱ Nyoṅmo̱ le̱ hala wo̱tše̱mei le̱, ni beni ame̱yato gbo̱ ye̱ Mizraim šikpoṅ le̱ no̱ le̱, *ewó maṅ le̱ no̱, ni †eke̱ enine ní ewó no̱ dšieame̱ ke̱-dše̱ dše̱i. [209]

¹⁸Ni ehĩeame̱ ni elè̱ame̱ ye̱ ṅã le̱ no̱ aafe afii nyoṅmai-edſe̱, [210]

¹⁹ni ekpãtã *dšeṅmădši kpawo hĩe ye̱ Kanaan šikpoṅ le̱ no̱, ni †edša ame̱šikpoṅ le̱ mli ehãame̱, ni etšṍ ame̱nō. [211]

²⁰Ni no se̱ aafe afii ohai-edſe̱ ke̱ nyoṅmai-enumo̱ le̱ ehãame̱ *kodšolo̱i ke̱-baši †gbalo̱ Samuel no. [212]

²¹Ni no Ss le̱ ame̱bi maṅtše̱, ni Nyoṅmo̱ ṅõ Kiš bi Saul, nū ko ní dše̱ Benyamin akutšo le̱ mli, ehãame̱ afii nyoṅmai-edſe̱. [213]

²²Ni beni efãle̱ le̱, ewó David no̱ ni ewole̱ ame̱no̱ maṅtše̱, mo he ni eye odase ni ekē̱: “Mina David, Išai bi le̱, nū ní miyo̱ ehe tšui, moni aafe misuomo̱nānii le̱ fẽ.” [214]

²³Mone̱ seši mli Nyoṅmo̱ dšie Iesu ye̱, *ye̱ šiwō le̱ nā, ni eke̱le̱ fe Israel yiwalaherelo̱, [215]

²⁴beni Iohane etšṍ hĩe ebašie̱ tšuitšakemo̱ baptisimo̱ etšõ Israel maṅ mū le̱ fẽ se̱ le̱. [216]

²⁵Ni beni Iohane egbe egbe̱nyiemo̱ le̱ nă le̱, ekē̱: “Namo nyesusuo̱ ake̱ midši? Dšeemi dšile̱; ši na, moko mība ye̱ mise̱, ní misaa moni fẽneo̱ etokotai ye̱ enădši ahe.” [217]

²⁶Atāmei ke̱ anyemimei, Abraham sešibii ke̱ nyeteṅ mei ní šeo̱ Nyoṅmo̱ gbeyei, nye ake̱ ne̱ke̱ yiwalaheremo̱ sane ne̱ bahã. [218]

²⁷Edšake̱ mei ní yo̱ Ierusalem le̱ ke̱ ame̱maṅ onukpai le̱, *ake̱-ní ame̱leele̱ hewo̱ le̱, ame̱hã gbaloi le̱ awiemo̱i ni akaneo̱ dā hedšō̱mo̱gbĩ no̱ le̱ ba mli ke̱ ame̱fo̱ ni ame̱bule̱ le̱, [219]

²⁸ni tše̱ ame̱naa gbĕle sane ko ye̱ emli moṅ, kẽle̱ *ame̱kpa Pilato fai ake̱ egbele̱. [220]

²⁹Ni beni ame̱hã nibii fẽ ní aṅmã ye̱ ehe le̱ eba mli le̱, ame̱dšiele̱ ye̱ tšo le̱ he, ni ame̱yatole̱ ye̱ gbonyobu ko mli. [221]

³⁰Ši Nyoṅmo̱ tēle̱ ši ke̱-dše̱ gbohĩĩ ateṅ; [222]

³¹ni edšie ehe kpo gbĩĩ pī etšõ mei ni ke̱le̱ dše̱ Galilea ba Ierusalem le̱, mei noṅṅ ní dši edasefoi hã maṅ le̱. [223]

³²Ni wo̱ le̱, ši ni ewo wo̱tše̱mei le̱ he sanekpakpa le̱ wo̱dšadšeo wotšõo̱nye ne̱, [224]

³³ake̱ no noṅṅ Nyoṅmo̱ ehã eba mli ehãwo̱ ni wo̱dši ame̱bii le̱, ake̱ nõ kẽ ní etē Iesu ši le̱, tamo̱ bo̱ni aṅmã *ye̱ lala enyo̱ le̱ mli hũ ake̱: “Mibi dsio, ṅme̱ne̱ mifo̱o” le̱. [225]

³⁴Ši ake̱ noni etele̱ ši ke̱-dše̱ gbohĩĩ ateṅ ní ekũṅ ese̱ ke̱-yaṅ fitemo̱ mli doṅṅ hewo̱ le̱, ekē̱ ne̱ke̱: *“Maṅō David dromo̱nii ní mãmo̱ ši šiṅṅ le̱ mahãnye.” [226]

³⁵Nohewo̱ hũ ni ekē̱ ye̱ hekroko ake̱: “Ohãṅ omokroṅkroṅ le̱ ana fitemo̱” le̱. [227]

³⁶Edšake̱ David le̱, beni etšu Nyoṅmo̱ yiṅtō nā nii ye̱ eyino̱ le̱, etšṍ mli ewo̱, ni aṅõle̱ afata etše̱mei le̱ ahe, ni ena fitemo̱. [228]

³⁷Ši moni Nyoṅmo̱ tēle̱ ši le̱, enaa fitemo̱.

³⁸Nohewo̱ le̱, atāmei ke̱ anyemimei, nyenáa nyelea, ake̱ mone̱ noṅṅ no̱ atšṍo̱ adšadšeo̱ *ešaifā atšõo̱nye le̱; edšake̱ nibii fẽ ní †anyeṅ abunye bem ye̱ he ye̱ Mose mla le̱ nā le̱, [229]

³⁹mone̱ mli le̱ mofẽmo ní heo̱ yeo̱ le̱, abuo̱le̱ bem. [230]

⁴⁰Nohewo̱ le̱ nyekwe̱a ní ahĩa, koni bo̱ni awie ye̱ *gbalo̱i le̱ amli le̱ akaba nyeno̱ ake̱: [231]

⁴¹“Nye heguo̱gbelo̱i, nyekwe̱a, ni nyehĩe afeanye yā, ni nyelādšea; edšake̱ mibatšu nitšumo̱ ko ye̱ nyeyino̱, nitšumo̱ ko ní ké̱ moko gbanye tete le̱, nyeheṅ nyeyeṅ ko̱kō̱ko̱.”

⁴²Ši beni ame̱dše Iudafoi akpẽhe le̱, dšeṅmădšiaṅbii le̱ kpaame̱ fai ake̱ ame̱badšadše ne̱ke̱ wiemo̱i ne̱ ame̱tšõame̱ ekoṅ ye̱ hedšō̱mo̱gbĩ ní baä le̱ no̱.

⁴³Ši beni mei ni yo̱ kpēhe le̱ ekpá le̱, Iudafoi ke̱ Iudafoiahefatalo̱i ní šeo̱ Nyoṅmo̱ gbeyei le̱ ateṅ mei pī nyie Paulo ke̱ Barnaba se̱, ni ame̱wie ame̱tšõame̱ ni ame̱woame̱ ṅā ake̱ *ame̱kpe̱te̱ Nyoṅmo̱ dromo̱ lo̱ he. [232]

⁴⁴Ni hedšō̱mo̱gbī ní nyie se̱ le̱ no̱ le̱ ſe̱ fiō ní maṅ mū le̱ fẽ ababua ame̱he nā ame̱babo Nyoṅmo̱ wiemo̱ le̱ toi.

⁴⁵Ši beni Iudafoi le̱ na asafoi le̱, awuṅãyelĩ te ši babaō ye̱ ame̱mli, ni ame̱ke̱ wiemo̱ ke̱ šimo̱ ke̱ musubō̱-wiemo̱ kū nii ní Paulo wieo̱ le̱ anā. [233]

⁴⁶Ni Paulo ke̱ Barnaba wie ekã na ame̱kē̱: Nye *tšutšu esa ake̱ adšadše Nyoṅmo̱ wiemo̱ le̱ atšõ; ši ake̱-ni nyeṅwã wiemo̱ le̱ ni †nyebuu nyehe ake̱ nyesa nāno̱ wala le̱ hewo̱ le̱, na, wo̱do̱ woyi ke̱-mīya dšeṅmādši le̱ aṅõ. [234]

⁴⁷Edšake̱ nakai Nuntšo̱ le̱ wowo̱ kitā ake̱: *“Miṅõo mito ake̱ dšeṅmãdši le̱ ala, koni otšṍ yiwalaheremo̱ ke̱-yaši šikpoṅ le̱ nāgbēhei le̱.” [235]

⁴⁸Ši beni dšeṅmãdšiaṅbii le̱ nu ene̱ le̱, ame̱ná mīše̱, ni ame̱wo Nuntšo̱ le̱ hĩe nyam, ni *mei abo̱ ní adšie ato nāno̱ wala le̱ hé ye. [236]

⁴⁹Ni Nuntšo̱ le̱ wiemo̱ le̱ gbe̱ ſā ye̱ dše̱i niiaṅ fẽ.

⁵⁰Ši Iudaſoi le̱ wowō yei Nyoṅmo̱ gbeyeišelo̱i ní abuo̱ame̱ le̱ ke̱ mã le̱ṅ hĩenāno̱bii le̱ ayiṅ, ni ame̱hã yiwale̱ te ši wo Paulo ke̱ Barnaba, ni ame̱ſĩeame̱ ke̱-dše̱ ame̱kpokpai le̱ ano̱.

⁵¹Ši ame̱ le̱ *ame̱kpokpo ame̱nãdši aši mlu ame̱ſie ame̱no̱, ni ame̱yiṅ ke̱-te Ikoniom. [237]

⁵²Ni kaselo̱i le̱ yimo̱ obõbõ ke̱ mīše̱ ke̱ Mumo̱ kroṅkroṅ.