Read luganda Bo̱foi le sãdši 15 Bible Online

Bo̱foi le sãdši 15 - luganda bible

Bo̱foi le sãdši 15

¹Ni meikomei dše̱ Iudea ba ni ame̱batšõ nyemimei le̱ ake̱: Ke̱dši aflo̱o̱nye ketia ye̱ Mose gbe̱nā le̱ nā le̱, anyẽṅ nyeyiwala ahere. [253]

²Ni beni Paulo ke̱ Barnaba ke̱ame̱ tã nā ni ame̱ke̱ame̱ dše ṅwane āhũ le̱, ame̱to ake̱ *Paulo ke̱ Barnaba ke̱ ame̱teṅ meikrokomei hũ aya bo̱foi le̱ ke̱ onukpai le̱ ni ye̱ Ierusalem le̱ aṅõ ye̱ ne̱ke̱ sane ne̱ hewo̱. [254]

³Nohewo̱ le̱, beni asafo le̱ ebadšieame̱ gbe̱ le̱, ame̱tšṍ Foinike ke̱ Samaria ni ame̱gba dšeṅmãdši le̱ atšakemo̱ le̱ ni ame̱ke̱-hã nyemimei le̱ fẽ ná mīše̱ naakpa.

⁴Ni beni ame̱še̱ Ierusalem le̱, asafo le̱ ke̱ bo̱foi le̱ ke̱ onukpai le̱ hereame̱ hĩemẽ, ni ame̱gbaame̱ nibii ní Nyoṅmo̱ ke̱ame̱ etšu le̱ fẽ. [255]

⁵Ši meikomei ni dše̱ Farisifoi le̱ aku le̱ṅ ní ehé eye le̱ te ši ame̱kē̱ ake̱: Dša aflo̱ame̱ ketia ni awoame̱ kitã ake̱ ame̱ye Mose mla le̱ no̱.

⁶Ni bo̱foi le̱ ke̱ onukpai le̱ babua ame̱he nā, koni ame̱tao ne̱ke̱ sane ne̱ mli.

⁷Ši beni adše ṅwane āhũ le̱, Petro te ši damo̱ šĩ, ni ekē̱ame̱ ake̱: Atāmei ke̱ anyemimei, nyedientše̱ nyele ake̱ dšeeṅmõ bēbe Nyoṅmo̱ hala wo̱mli ake̱ mina dšeṅmãdši le̱ anu sanekpakpa wiemo le̱ ye̱, ni ame̱hé ame̱ye. [256]

⁸Ni Nyoṅmo̱ ni le tšuiiaṅnii le̱ yeame̱ odase ke̱-mīhãame̱ Mumo̱ kroṅkroṅ le̱, tamo̱ bo̱ni ehãwo̱ hũ le̱,

⁹ni *ekpaa niiaṅ ye̱ wo̱ke̱ame̱ teṅ, ni eke̱ hemo̱-ke̱-yeli tšŭo̱ ame̱tšuiĩ ahe. [257]

¹⁰Nohewo̱ le̱ agbe̱ne̱ mẽba nyekaä Nyoṅmo̱ ni nyeke̱ kõṅtšo ní wo̱ ke̱ wo̱tše̱mei le̱ fẽ nyẽẽ atĕrele̱ fõo̱ kaselo̱i le̱ akõṅ? [258]

¹¹Ši wo̱heo̱ wo̱yeo̱ ake̱ Nuntšo̱ Iesu Kristo dromo̱ le̱ moṅ no̱ aatšṍ ahere wo̱ke̱ame̱ fẽ yiwala. [259]

¹²Ke̱ke̱ ni ame̱fẽ ame̱bu ame̱nā ame̱bo Barnaba ke̱ Paulo ní gbaäame̱ okadii ke̱ nākpe̱nii abo̱ ní Nyoṅmo̱ tšṍ ame̱no̱ efe ye̱ dšeṅmãdši le̱ amli le̱ atoi.

¹³Ši beni ame̱bu ame̱nā se̱ le̱, *Iakobo here no̱ ni ekē̱: Atāmei ke̱ anyemimei, nyeboami toi. [260]

¹⁴Simeon egba bo̱ni Nyoṅmo̱ basra dšeṅmãdši le̱ tšutšu ko ni ehala ame̱teṅ maṅ ko ehã egbe̱i le̱. [261]

¹⁵Ni gbalo̱i le̱ awiemo̱i le̱ hũ ke̱ ene̱ yeo̱ egbo̱ pe̱pē̱pe̱, bo̱ni *aṅmã ake̱: [262]

¹⁶“Nii ne̱ ase̱ le̱ makũ mise̱ maba, ni masā David bū ní ekũmo̱ le̱ mamã, ni etšũkoi le̱ hũ matſa ekoṅ, ni matēle̱ ši mamã ši;

¹⁷beni afe ní gbomei ní eſe̱ le̱ ke̱ dšeṅmãdši le̱ fẽ hũ ní atšĩ migbe̱i ata atšõame̱ le̱ atao Nuntšo̱ le̱ se̱gbe̱. Nuntšo̱ ní feo̱ ene̱mei fẽ le̱ kē̱.”

¹⁸Nyoṅmo̱ le enitšumo̱i le̱ fẽ ke̱-dše̱ dšeṅ šišidšē.

¹⁹Nohewo̱ le̱ noni mikē̱o̱ dši ake̱ akagba mei ní ekũ ame̱se̱ ke̱-dše̱ dšeṅmãdši le̱ amli ke̱-ba Nyoṅmo̱ ṅõ le̱ anā tūtu;

²⁰ši moṅ aṅmãame̱ ake̱ ame̱hĩ wo̱dši anii ke̱ adſamaṅbō̱ ke̱ koloi ní ašõtõ ke̱ *lá. [263]

²¹Edšake̱ ke̱-dše̱ blema bēbe le̱ Mose ye̱ mei ní šie̱o̱le̱ ye̱ maṅ-fẽ-maṅ no̱, ni dā hedšō̱mo̱gbĩ le̱ akaneo̱ ewodši le̱ ye̱ kpēhei le̱. [264]

²²Ke̱ke̱ ni esa bo̱foi le̱ ke̱ onukpai le̱ ke̱ asafo mū le̱ fẽ hĩe ake̱ ame̱afãmo̱ hĩĩ komei ye̱ ame̱dientše̱ ame̱teṅ, ní atšũame̱ ke̱ Paulo ke̱ Barnaba ke̱-ya Antiokia; ame̱dši Iuda moni atšé̱o̱le̱ Barsaba hũ le̱, ke̱ Sila, nyemimei le̱ ateṅ onukpai le̱.

²³Ni ame̱ṅmã wolo áme̱hãame̱ ake̱: Bo̱foi le̱ ke̱ onukpai le̱ ke̱ nyemimei le̱ mibi nyemimei ní dše̱ dšeṅmãdši le̱ ateṅ ni yo̱ Antiokia ke̱ Siria ke̱ Kilikia le̱ dšogbāṅ.

²⁴Ake̱ noni wo̱nu ake̱ wo̱teṅ meikomei yiṅ ame̱ba ame̱bagba nyenā ke̱ wiemo̱i komei, ni ame̱ke̱-futu nyedſẽṅmo̱i ame̱kē̱ ake̱ aflo̱nye ketia ní nyeye Mose mla le̱ no̱, tše̱ wo̱wokoame̱ nakai kitã ko, hewo̱ le̱ [265]

²⁵esa wo̱hĩe ake̱, ní wo̱nā efe ekome ne̱, wo̱fãmo̱ mei wo̱fata Barnaba ke̱ Paulo ní wo̱sumoo̱ le̱

²⁶ní dši gbomei ni eše̱ ame̱he ame̱fõ ye̱ wo̱-Nuntšo̱ Iesu Kristo gbe̱i ahewo̱ le̱ he wo̱tšũ nyeṅõ.

²⁷Nohewo̱ le̱ wo̱tšũ Iuda ke̱ Sila, ní ame̱ hũ ame̱ke̱ ame̱dāṅ wiemo̱ abadšadše ne̱ke̱ nibii ne̱ noṅṅ ame̱tšõnye.

²⁸Edšake̱ esa Mumo̱ kroṅkroṅ le̱ hĩe ni esa wo̱ hũ wo̱hĩe ake̱, wo̱ke̱ dšatšu ko akafõ nyeno doṅṅ, ake̱ dša nii ní he hãaä ne̱ noṅṅ:

²⁹ake̱ nyehĩ lōi ní agbe ahã wo̱dši ke̱ lá ke̱ koloi ní ašõtõ ke̱ adſamaṅbō̱; ke̱dši nyehĩ ene̱mei le̱, nyefe dšogbāṅ. Nyehĩa ši dšogbāṅ!

³⁰Agbe̱ne̱, beni awoame̱ gbe̱ le̱, ame̱ba Antiokia, ni ame̱babua asafo le̱ nā ni ame̱dšie wolo le̱ ame̱hãame̱.

³¹Ni beni ame̱kane le̱, ame̱mī se̱ ame̱he ye̱ mīše̱dšemo̱ le̱ hewo̱.

³²Ši Iuda ke̱ Sila le̱, ake̱ noni ame̱dientše̱ hũ *gbalo̱i dšiame̱ le̱, ame̱ke̱ wiemo̱ babaō še̱dše nyemimei le̱ amī ni ame̱woame̱ hewale̱. [266]

³³Ni beni ame̱tše̱ flō ye̱ dše̱i le̱, nyemimei le̱ woame̱ gbe̱ ye̱ hedšo̱le̱ mli ke̱-te mei ní tšũame̱ le̱ aṅõ.

³⁴Ši Sila le̱, esa ehĩe ake̱ eehĩ dše̱i.

³⁵Ši Paulo ke̱ Barnaba hĩ Antiokia ame̱tšõ nii ni ame̱dšadše Nuntšo̱ le̱ sanekpakpa le̱, ni meikrokomei pī hũ fe nakai.

³⁶Ši gbĩĩ komei ase̱ le̱ Paulo kē̱ Barnaba ake̱: Hã wo̱kũ wo̱se̱ wo̱yasra wo̱nyemimei le̱ ye̱ maṅ-fẽ-maṅ ní wo̱dšadše Nuntšo̱ le̱ wiemo̱ le̱ ye̱ mli le̱ṅ, ni wo̱kwe̱ *bo̱ni ame̱yo̱. [267]

³⁷Ni Barnaba hĩe kã no̱ ake̱ ame̱aṅõ Iohane ní atšé̱o̱le̱ Marko le̱ ame̱fata ame̱he. [268]

³⁸Ši Paulo le̱, esusu ake̱ esaa ake̱ ame̱aṅõ moni kpale ye̱ ame̱se̱ ye̱ Pamfilia ní eke̱ame̱ eyaa nitšumo̱ le̱ ame̱fata ame̱he. [269]

³⁹Nohewo̱ le̱ efe béi āhũ po ni eha ame̱gbla ame̱mli, ni Barnaba ṅõ Marko efata ehe ni ame̱tsṍ le̱le̱ mli ke̱-te Kipro.

⁴⁰Ši Paulo le̱, efã Sila efata ehe, ni beni nyemimei le̱ tule̱ ame̱wo Nyoṅmo̱ dromo̱ le̱ deṅ le̱, eyiṅ.

⁴¹Ni etšṍ Siria ke̱ Kilikia eyawo asafoi le̱ ahewale̱.