Read luganda Bo̱foi le sãdši 17 Bible Online

Bo̱foi le sãdši 17 - luganda bible

Bo̱foi le sãdši 17

¹Agbene ame̱tšṍ Amfipoli ke̱ Apolonia, ni ame̱ba Tesalonika, heni Iudafoi akpēhe yo̱ le̱. [282]

²Ni Paulo te ame̱ṅõ tamo̱ bo̱ni efo̱ö̱ femo̱ le̱, ni eke̱ame̱ yayiyi ye̱ ṅmãle̱i le̱ ahe hedšō̱mo̱gbĩĩ etẽ so̱ṅṅ,

³ni egble nā etšõame̱ faṅṅ ake̱ dša Kristo le̱ na amanehũlũ ni ete ši ke̱-dše̱ gbohĩĩ ateṅ, ni ake̱ ne̱ke̱ Iesu, ní midšadšeo̱ ehe sane mitšõo̱nye ne̱, dši Kristo le̱. [283]

⁴Ni ame̱teṅ meikomei he kplẽ ni ame̱ke̱ ame̱he kpe̱te̱ Paulo ke̱ Sila he, ke̱ Helabii Nyoṅmo̱ gbeyeišelo̱i le̱ ateṅ mei babaō, ke̱ yei hienāno̱bii hũ pī.

⁵Ši efe Iudafoi krokomei le̱ atãṅ, ni ame̱yakpla niiahetſialo̱i le̱ ateṅ hĩĩ fõdši komei ame̱fata ame̱he, ni beni amefe asafo yū le̱, ame̱wo mã le̱ṅ hirihiri; ni ame̱yatua Iason we le̱ ame̱mītao ake̱ ame̱ kplaame̱ ame̱yahã maṅ le̱.

⁶Ši beni ame̱naa-ame̱ le̱, ame̱kpla Iason ke̱ nyemimei le̱ ateṅ meikomei ke̱-te mã le̱ṅ onukpai le̱ ahĩe ni ame̱blo̱ ake̱: Mene̱mei ní etšṍ dšeṅ hĩe ebu ši ne̱ eba bie̱ ne̱ hũ, [284]

⁷ni Iason ekplaame̱ eto ewe; ni mene̱mei fẽ kũo̱ Kaisare mla le̱ nā, ame̱kē̱o̱ ake̱ maṅtše̱ kroko ye̱ ní dši Iesu ko. [285]

⁸Ni ame̱hã maṅbii le̱ ke̱ mā le̱ṅ onukpai le̱ fẽ dšidša ke̱ ne̱ke̱ wiemo̱i ne̱.

⁹Ni beni ame̱hé se̱damo̱nii ye̱ Iason ke̱ meikrokomei le̱ adeṅ le̱, ame̱ṅmē̃ ame̱he.

¹⁰Ni amrõ le̱ nyemimei le̱ dšie Paulo ke̱ Sila gbe̱ nyōṅ ke̱-te Beroia. Ni beni ame̱še̱ dše̱i le̱, ame̱yabote Iudafoi le̱ akpēhe le̱.

¹¹Ši mene̱mei asu hĩ fè mei ní yo̱ Tesalonika le̱, ni ame̱ le̱ ame̱dšie ame̱yitšoṅ ame̱mõ wiemo̱ le̱ mli, ni dā *ame̱kpaä ṅmãle̱i le̱ amli ame̱kwe̱o̱ ake̱ nibii ne̱ ye̱ mli nakai lo. [286]

¹²Hewo̱ le̱ ame̱teṅ mei pī hé ye, ke̱ Helayei ní yo̱ gbe̱i ke̱ hĩĩ hũ pī.

¹³Šĩ beni Iudafoi ní yo̱ Tesalonika le̱ nu he ake̱ Paulo eyadšadše Nyoṅmo̱ wiemo̱ le̱ ye̱ Beroia hũ le̱, ame̱ba dše̱i hũ ní ame̱bawo mei le̱ ayiṅ, ni ame̱dšidšaame̱. [287]

¹⁴Ke̱ke̱ ni amrõ le̱ nyemimei le̱ yadšie Paulo gbe̱ ní eya eyatšṍ ṅšo̱ hĩe; ši Sila ke̱ *Timoteo hĩ dše̱i. [288]

¹⁵Ši mei ní yawa Paulo le̱ ke̱le̱ te Atēne tō̃; ni noni eše̱ame̱ ake̱ Sila ke̱ Timoteo aba eṅõ oyá le̱, ame̱yi mli.

¹⁶Agbe̱ne̱ beni Paulo mẽo̱ame̱ ye̱ Atēne le̱, emumo̱ mli wo la ye̱ emli, beni ena maṅ le̱ ní emli eyi obõ ke̱ amãgãi so̱ṅṅ le̱.

¹⁷Nohewo̱ le̱ eke̱ Iudafoi ní yo̱ kpēhe le̱ ke̱ Nyoṅmo̱ gbeyeišelo̱i le̱ ke̱ mei ní ke̱le̱ kpeo̱ dāne̱ ye̱ dšā le̱ no̱ le̱ yiyio̱;

¹⁸ši nilelo̱i ni dši Epikuromei ke̱ Stoamei le̱ ateṅ meikomei ke̱le̱ tā nā; ni meikomei kē̱: Meni *nãfūtše̱ ne̱ bakē̱ po? meikomei hũ kē̱: Etamo̱ moni dšadšeo̱ maṅse̱ wo̱dši ahe sane etšõo̱; edšake̱ edšadše Iesu ke̱ šitē le̱ he sanekpakpa le̱ etšõame̱. [289]

¹⁹Ni ame̱ṅõle̱ ke̱-te Areopago (kodšomo̱he) le̱, ni ame̱kē̱: Ani oohã wo̱le nõ tšõmo̱ hẽ ní owieo̱ he ne̱?

²⁰Edšake̱ ohã wo̱toii enu maṅse̱ sãdši; hewo̱ le̱ wo̱mītao šiši wo̱le.

²¹Ši Atēnebii fẽ ke̱ gbo̱i nī yo̱ dše̱i le̱, noni efe̱ame̱ pe̱ dši sane hē ko gbā ke̱ toibō.

²²Ši Paulo yadamo̱ Areopago le̱ teṅ ni ekē̱: Atāmei Atēnebii, miyoo ye̱ nibii fẽ mli ake̱ nyedšáa wo̱dši pe̱pē̱pe̱.

²³Edšake̱ beni mihoo̱ ni mikwe̱ nii ní nyedšáa le̱, mina afo̱lešãlate̱ ko hū nī aṅmã ye̱ no̱ ake̱: Nyoṅmo̱ nī aléko le̱ nõṅ. Nohewo̱ le̱ moni nyelee le̱ ni nyedšáale̱ kẽ le̱, le̱ noṅṅ ehe sane midšadšeo̱ mitšõo̱nye ne̱.

²⁴Nyoṅmo̱ ní fe dše le̱ ke̱ emli nibii fẽ, nī dši ṅwei ke̱ šikpoṅ nuntšo̱ le̱, ehĩĩ so̱lemo̱tšũi ní ake̱ nidsi fe mli, [290]

²⁵ni asaṅ ake̱ gbomei anidši dšáá le̱, tamo̱ *moko ní noko fĩo̱le̱, le̱ moṅ edeṅ wala ke̱ mumo̱ ke̱ nii fẽ dše̱o̱ hãa gbomei fẽ; [291]

²⁶ni lá kome eṅõ-fe gbomei ádesãi fẽ, ní ame̱hĩ šikpoṅ le̱ fẽ hĩe, ni *yino̱i ní eto le̱ ke̱ ame̱šihĩle̱hei le̱ ahũsũi le̱ ekpe mli eto momo, [292]

²⁷koni ame̱tao Nyoṅmo̱ se̱gbe̱, ake̱ aleenō ké̱ ame̱gbugbū ši le̱, ame̱anale̱ lo; tše̱bele̱ eke̱ wo̱teṅ mofẽmo teṅ dše ke̱e̱. [293]

²⁸Edšake̱ emli noṅṅ wo̱hĩe kãmo̱ ni wo̱tšio̱ wohe ni wo̱yo̱ ye̱; tamo̱ bo̱ni nyedientše̱ nyelalatše̱mei le̱ ekomei hũ ekē̱ le̱ ake̱: Ši le̱ noṅṅ eſiei dšiwo̱ hũ.

²⁹Ši ké̱ Nyoṅmo̱ *ſīei dšiwo̱ le̱, esaa ake̱ wo̱susuo̱ ake̱ Nyoṅmo̱ su le̱ tamo̱ šika lo dſie̱tei lo te̱ ko ní gbomo ke̱ eṅā ke̱ edſẽṅmo̱ fe. [294]

³⁰Nohewo̱ le̱, *bei ní alee le̱ Nyoṅmo̱ ekũ ehĩe efõ no̱, ši agbe̱ne̱ le̱ †ēwo gbomei fẽ ní yo̱ hefẽhe le̱ kitã ake̱ ame̱tšake ame̱tšai, [295]

³¹edšake̱ eto gbĩ ko, nõ no̱ ní *ebatšṍ nū ní eto le̱ no̱ ekodšo dšeṅ mū le̱ fẽ ye̱ dšale̱ nā, ake̱-ní eke̱ †hemo̱-ke̱-yeli eto mofẽmo hĩe, edšake̱ etēle̱ ši ke̱-dše̱ gbohĩĩ ateṅ le̱. [296]

³²Ši beni ame̱nu gbohĩĩašitē he le̱, meikomei ye ehe fe̱o, ni meikomei hū kē̱: Wo̱o̱sā wo̱boö toi ekoṅ ye̱ ene̱ hewo̱.

³³Bo̱ni fe ní Paulo dše ame̱teṅ ne̱.

³⁴Ši hĩĩ komei ke̱ ame̱he kpe̱te̱ ehe ni ame̱hē ame̱ye; ame̱teṅ meikomei dši Dionisio, Areopagonyo le̱ hũ, ke̱ yō ko ni atšé̱o̱le̱ Damari le̱, ke̱ meikrokomei ní fata ame̱he.