Read luganda Bo̱foi le sãdši 19 Bible Online

Bo̱foi le sãdši 19 - luganda bible

Bo̱foi le sãdši 19

¹Ši eba mli ake̱, beni Apolo yo̱ Korinto le̱, Paulo yakpa mãdši ní yo̱ gõdšiaṅ le̱ ano̱ ke̱-badše Efeso. Ni ebana kaselo̱i komei,

²ni ebiame̱ ake̱: Ani beni nyehé nyeye le̱ nyená *Mumo̱ kroṅkroṅ lo? Ni ame̱ke̱le̱ ake̱: Mumo̱ kroṅkroṅ ko ye̱ heko dšiṅṅ wo̱nuko tete. [312]

³Ni ekē̱ame̱ ake̱: Bĕle̱ meni mli abaptisinye awo mo̱? Ni ame̱kē̱: Iohane baptisimo̱ le̱ mli.

⁴Ni Paulo kē̱: Iohane le̱, tšuitšakemo̱ baptisĩmo̱ eke̱-baptisi, ši ekē̱ maṅ le̱ ake̱, ame̱hé moni baä ye̱ ese̱ le̱ moṅ no̱ ame̱ye, le̱ dši Kristo Iesu le̱. [313]

⁵Ni beni ame̱nu ene̱ le̱, ame̱hã abaptisiame̱ awo Nuntšo̱ Iesu gbe̱i amli;

⁶ni beni Paulo ke̱ enidši íĩe ame̱no̱ le̱, Mumo̱ kroṅkroṅ le̱ yi ame̱no̱, ni ame̱wie wiemoi sro̱toi ni ame̱gba. [314]

⁷Ši hĩĩ le̱ fẽ aafe nyoṅma ke̱ enyo̱.

⁸Ši ete kpēhe le̱, eyawie ekã nā, ni nyõdši etẽ so̱ṅṅ etšõame̱ nii ni emã Nyoṅmo̱ maṅtše̱yeli le̱ he sãdši le̱ ano̱ mĩ́.

⁹Ši beni meikomei *wadše ame̱tšui ni ame̱boo toi ni ame̱wie †tšõmo̱ le̱ he efõṅ ye̱ asafo le̱ hĩe le̱, edše ame̱ṅõ ni edšie kaselo̱i le̱ hũ ye̱ ame̱teṅ, ni dāne̱ eyawieo̱ etšõo̱ mei ye̱ moko ní atšé̱o̱le̱ Tirano le̱ nikasemo̱he le. [315]

¹⁰Ni ehĩe nakai femo̱ āhũ afii enyo̱ so̱ṅṅ, ni mei fẽ ní yo̱ Asia le̱, Iudafoi ke̱ Helabii le̱ fẽ, nu Nuntšo̱ Iesu wiemo̱ le̱.

¹¹Ni Nyoṅmo̱ tšṍ Paulo nine no̱ etšu hewalenitsumo̱i hũ ní no̱ ekaa, [316]

¹²āhũ po ní aṅõo̱ edukui ke̱ fo̱kle̱i tete ayahaä helatše̱mei ano̱, ni ame̱helai le̱ tãa ni mumo̱i fõdši le̱ hũ dšeo̱ ame̱mli. [317]

¹³Ši Iudafoi okõmfoi ní nyie kpaä ši le̱ ateṅ meikomei hũ ka ní ame̱ke̱ Nuntšo̱ Iesu gbe̱i afã́ mei ní mumo̱i fõdši yo̱ ame̱mli le̱ ayi ake̱: Mina Iesu ni Paulo šie̱o̱ le̱. [318]

¹⁴Ši oso̱fonukpa Skeva, Iudanyo le̱, bihĩĩ kpawo dši mei ní feo̱ nakai nii le.

¹⁵Ši mumo̱ fõṅ le̱ here no̱ ni ekē̱ame̱ ake̱: Iesu le̱, milele̱, ni Paulo hũ, milele̱; ši nye le̱, namei dšinye?

¹⁶Ni gbomo ní mumo̱ fõṅ le̱ yo̱ emli le̱ nine tšṍ ame̱no̱ ni efeame̱ butū, ní ame̱ke̱ ame̱he yayai ke̱ pilamo̱i dšo foi ke̱-dše̱ nakai šĩa le̱.

¹⁷Ni beni Iudafoi ke̱ Helabii fẽ ní yo̱ Efeso le̱ nu ene̱ le̱, *gbeyei mõmo̱ ame̱fẽ, ni awo Nuntšo̱ Iesu gbe̱i le̱ hĩe nyam naakpa. [319]

¹⁸Ni mei ni *ehé eye le̱ ateṅ mei pī hũ ba ni ame̱badšadše ame̱nifemo̱nii le̱ faṅṅ ame̱tšõ.

¹⁹Ni ṅkũnyāyelo̱i le̱ hũ ateṅ mei babaō ba ni ame̱ke̱ ame̱wodši le̱ babua ši ni ame̱šã ye̱ mei fẽ hĩe; ni beni abu nā le̱, efe dſie̱te̱i kukudši akpei-nyoṅmai-enumo̱.

²⁰Nõ hewale̱ ní Nuntšo̱ le̱ wiemo̱ le̱ ná ni eke̱-da ni eye kũnim ne̱. [320]

²¹Ši beni agbe nii ne̱ anā le̱, Paulo to eyiṅ ye̱ mumo̱ le̱ mli ake̱ eeyatšṍ Makedonia ke̱ Akaia ke̱-ya Ierusalem, ni ekē̱: Ké̱ miše̱ dše̱i le̱, dša miyakwe̱ *Roma hũ. [321]

²²Ši beni etšŭ mei ní súmoo̱le̱ le̱ ateṅ mei enyo̱, *Timoteo ke̱ †Erasto, Makedonia le̱, le̱dientše̱ ehĩ Asia be fiō. [322]

²³Ši nakai be le̱ mli noṅṅ le̱ sakasaka ko ni bate ši ye̱ tšõmo̱ le̱ hewo̱ le̱ edšee ſe̱mo̱. [323]

²⁴Edšake̱ dſie̱te̱iṅālo̱ ko ní atšé̱o̱le̱ Demetrio le̱ ke̱ dſie̱te̱i feo̱ Artemi so̱lemo̱tšũi, ni hãa nakai ṅālo̱i le̱ *náa nii pī ye̱ mli; [324]

²⁵ni etšé̱ame̱ ke̱ mei fẽ ní tšuo̱ nakai nii le̱ eko le̱ ke̱-bakpe, ni ekē̱: Atāmei, nyele ake̱ ne̱ke̱ ṅā ne̱ wo̱ke̱-náa wo̱nii pī le̱.

²⁶Ni nyesā nyemīna ní nyemīnu ake̱, dšee Efeso ne̱ ke̱ke̱, ši moṅ ſe̱ fiō ni aše̱ Asia fẽ ni ne̱ke̱ Paulo ne̱ tšṍo̱ mei babaō yiṅ ni ekpaleo̱ame̱ ekē̱o̱ ake̱: Nii ní ake̱ nidsi fe le̱ dšee nyoṅmo̱i ni.

²⁷Ni dšee ake̱ wo̱nitšumo̱ ne̱ ke̱ke̱ he guo̱ heo̱ agbo, ši moṅ nyoṅmo̱yō Artemi kekenam le̱ so̱lemo̱we le̱ hũ abuṅle̱ ahãṅ nokonoko, ni enumnyam kpeteṅkple le̱ ní Asia ke̱ dšeṅ mū le̱ fẽ hũ dšáa le̱ babutu.

²⁸Ši beni ame̱nu ene̱ le̱, ame̱mli wo la pam, ni ame̱blo̱ ame̱kē̱: Eſesobii Artemi le̱ kekenam ni!

²⁹Ni mã le̱ṅ fẽ fe sakasaka; ni ame̱ke̱ dſẽṅmo̱ kome tšẽ ke̱-te nikwe̱mo̱he le̱, ni ame̱yamõmo̱ *Gaio ke̱ Aristarko ní dši Makedoniabii ní fata Paulo he ke̱-fã gbe̱ le̱. [325]

³⁰Ši beni Paulo susu ake̱ eete mei le̱ ateṅ le̱, kaselo̱i le̱ ekplẽẽ le̱;

³¹ni Asia lumei le̱ ateṅ meikomei hũ ní dši Paulo šientše̱mei le̱ tšũ eṅõ abawole̱ ṅā, ake̱ ekakwe̱ ni ekē̱ ēya nikwe̱mo̱he le̱.

³²Agbene beni meikomei blo̱ö̱ ne̱ke̱ le̱, meikomei hũ mīblo̱ ekroko; edšake̱ mei le̱ efe gidigidi, ni mei kpotō lee nohewo̱ ní ame̱bakpe tete.

³³Ni ame̱gbla Aleksandro ke̱-dše̱ mei le̱ ateṅ, edšake̱ Iudafoi le̱ mītšire̱ eyi se̱ ke̱-mība hĩegbe̱. Ši Aleksandro fõ enine ētao ake̱ edšieo̱ enā etšõo̱ mei le̱.

³⁴Ši beni ame̱yo ake̱ Iudanyo dšile̱ le̱, ame̱fẽ ame̱ke̱ gbē kome blo̱ aafe ṅmle̱tſāi enyo̱ so̱ṅṅ ake̱: Efesobii Artemi le̱ kekenam ni!

³⁵Ši beni maṅwoloṅmălo̱ le̱ ekpãtã mei le̱, ekē̱: Atāmei Efesobii, nẽ gbomo po lee ake̱ Artemi kekenam le̱ ke̱ amãgã ní kpleke ši ke̱-dše̱ Dio ṅõ le̱ Eſesobii amã ne̱ṅ ewulo̱mo yo̱?

³⁶Agbe̱ne̱ ake̱-ní ene̱ he be̱ ṅwanedšē hewo̱ le̱, esa ake̱ nyefeo̱ diō, ni nyekafe gidigidi ko.

³⁷Edšake̱ nyeke̱ hĩĩ ne̱ eba bie̱, ame̱dšee so̱lemo̱wenii dšulo̱i le̱, ame̱dšee nyenyoṅmo̱yō le̱ he musubo̱lo̱i hũ.

³⁸Nohewo̱ le̱, ke̱dši Demetrio alo enanemei ṅālo̱i le̱ ke̱ moko ye̱ sane ko le̱, kodšomo̱gbĩĩ ye̱, ni amralofoi hũ ye̱; nyehãa ame̱ke̱ sane le̱ ayaä ame̱hĩe.

³⁹Ši ke̱dši sãdši krokomei anā nyetaoo̱ le̱, akuašoṅ le̱ aaye ye̱ mla nā.

⁴⁰Edšake̱ wo̱ná amane eſe̱e̱, ke̱dši ṅme̱ne̱ gbĩ ne̱ no̱ hõfemo̱ ne̱ hewo̱ ní ayaflo̱ wo̱nā ake̱ atũatšemo̱ṅ le̱, mẽ sane wo̱teṅ moko yo̱ ní wo̱o̱nyẽ wo̱ṅõdšie wo̱nā? Ni beni ekē̱ ene̱ le̱, edšie asafo le̱ gbe̱.