Read luganda Bo̱foi le sãdši 20 Bible Online

Bo̱foi le sãdši 20 - luganda bible

Bo̱foi le sãdši 20

¹Ši beni gidigidifemo̱ le̱ se̱ efo le̱, Paulo tšé̱ kaselo̱i le̱ ke̱-bakpe ni ewie etšõame̱ ni eše̱ame̱, ni eyiṅ ke̱-mīya Makedonia.

²Ni beni eyatšṍ dše̱i niiaṅ ni eke̱ wiemo̱i pī woame̱ ṅã le̱, eba Hela.

³Ni *eye nyõdši etẽ ye̱ dše̱i; ni ake̱ noni Iudafoi le̱ ewole̱ ká beni eheo̱ efã ke̱-ya Siria le̱ hewo̱ le̱, eto eyiṅ ake̱ eekũ ese̱ eyatšṍ Makedonia ekoṅ.

⁴Ni Sopatre, *Beroianyo le̱, ni dši Pirho bi le̱, ke̱ †Aristarko ke̱ Sekundo, Tesalonikabii le̱, ke̱ Gaio, Derbenyo le̱, ke̱ Timoteo, ke̱ Tihiko ke̱ Trofimo, Asiabii le̱, ke̱le̱ te Asia. [326]

⁵Mene̱mei tšṍ hīe, ni ame̱yamẽwo̱ ye̱ *Troia. [327]

⁶Ni wo̱ le̱ wo̱fã ke̱-dše̱ Filipi ye̱ akpĩtĩ gbĩĩ le̱ ase̱, ni gbĩ ní dši gbĩ enumo̱ le̱ wo̱yaše̱ ame̱ṅõ ye̱ Troia, ni wo̱hi dše̱i gbĩĩ kpawo.

⁷Ši otši mii *kleṅkleṅ gbĩ le̱ no̱ le̱, beni kaselo̱i le̱ babua ame̱he nā koni †ame̱kũmo̱ abolo le̱, Paulo wie tšõame̱, ni ekã wiemo̱ le̱ he ke̱-yaši nyōṅteṅ, edšake̱ ke̱ dše tše̱re le̱ ebayi mli. [328]

⁸Ni asu kanei pī ye̱ ṅweitšũ le̱ṅ heni ame̱bua ame̱he nā ye̱ le̱.

⁹Ši oblanyo ko ní atšé̱o̱le̱ Eutiko le̱ tá samfle̱ nā, ni wo̱ ní tšī lōle̱, edšake̱ Paulo wiemo̱ le̱ se̱ dšeke̱, ni wo̱ le̱ so̱ṅṅ hã ekpa ke̱-dše̱ nsō̱doi etẽ le̱ no̱ ebagbē ši, ni ayawóle̱ ní egbo.

¹⁰Ni Paulo kpleke ši, ni eyabu eno̱, ni elōle̱ atū ekē̱: Nyekafea hō, edšake̱ wala ye̱ emli. [329]

¹¹Ni beni ekwo̱ ke̱-ba ekoṅ le̱, ebakũmo̱ abolo le̱, ni eye eko, ni ekã he ewie āhũ ke̱-yaši dšetše̱remo̱, ke̱ke̱ ni eyi mli.

¹²Ni ame̱ke̱ gbekẽ le̱ ba hĩekãlo̱, ni ame̱mī še̱ ame̱he naakpa.

¹³Ši wo̱ le̱ wo̱tšṍ hĩe ke̱-te le̱le̱ mli, ni wo̱fã ke̱-te Aso ní wo̱yaṅõ Paulo ye̱ dše̱i, edšake̱ ní le̱ le̱ ebatšṍ šikpoṅ hewo̱ le̱, bo̱ni eto dši no.

¹⁴Ni beni ebaninawo̱ ye̱ Aso le̱, wo̱ṅõle̱ ke̱-ba le̱le̱ le̱ mli, ni we̱ba Mitilēne.

¹⁵Ni wo̱fã ye̱ dše̱i, ni dšetše̱reno̱ le̱ wo̱baše̱ Kio ṅe̱le̱no̱. Ni dšetše̱reno̱ ekoṅ le̱ wo̱baše̱ Samo, ni wo̱hĩ Trogilio, ni eno̱ dšetše̱remo̱ le̱ wo̱ba Milēto.

¹⁶Edšake̱ Paulo ekpe̱ mli ake̱ eeho Efeso he, beni afe ní ekatše̱ ye̱ Asia; edšake̱ ēye oyái, ní ké̱ eenyẽ le̱, ní eyaye Pentekoste gbĩ le̱ ye̱ Ierusalem. [330]

¹⁷Ni edše̱ Milēto etšũ ayakpe Efeso asafo le̱ mli onukpai le̱ abahãle̱.

¹⁸Ni beni ame̱ba eṅõ le̱, ekē̱ame̱ ake̱: Nyele bo̱ni mitšõ mike̱nye̱ hĩ ši be mū le̱ fẽ, ke̱-dše̱ kleṅkleṅ gbĩ no̱ ní miba Asia ne̱, [331]

¹⁹ní mike̱ hešibādſẽṅmo̱ fẽ ke̱ yāfónui pī ke̱ kai ni ba mino̱ ye̱ Iudafoi akáwōi le̱ amli le̱ súmo̱ Nuntšo̱ le̱; [332]

²⁰bo̱ni mišiuu nii ní he yo̱ se̱námo̱ hãnye le̱ eko no̱, ni midšadše mitšõnye ye̱ faṅṅ ke̱ šĩa-fẽ-šĩa hũ;

²¹ní miye tšuitšakemo̱ ke̱ Nyoṅmo̱ hãmo̱ ke̱ wo̱-Nuntšo̱ Iesu Kristo no̱ hemo̱-ke̱-yeli le̱ he odase mitšõ Iudafoi ke̱ Helabii fè le̱.

²²Ni agbe̱ne̱ le̱, na, efĩmi ye̱ mumo̱ mli hewo̱ le̱ miya Ierusalem, ni milee nii ní baba mino̱ ye̱ dše̱i, [333]

²³ake̱ dša noni Mumo̱ kroṅkroṅ le̱ yeo̱ odase faṅṅ ye̱ maṅ-fẽ-maṅ no̱ ekē̱o̱ ake̱ kpāi ke̱ amanehŭlũi mẽo̱mi le̱. [334]

²⁴Ši kẽle̱ mibuu ene̱mei ekomeflo, ni miwala hũ mibuu ake̱ edšra wa ye̱ mihĩe, beni afe ní mike̱ mīše̱ agbe migbe̱nyiemo̱ le̱ ke̱ súomo̱ ní miná ye̱ Nuntšo̱ Iesu deṅ ake̱ miye Nyoṅmo̱ dromo̱ sanekpakpa le̱ he odase faṅṅ le̱ nā. [335]

²⁵Ni agbe̱ne̱ le̱, na, mile ake̱, nye mei fẽ ní minyie nyeteṅ mišie̱ Nyoṅmo̱ maṅtše̱yeli le̱ he sane le̱, nyenaṅ mihĩe doṅṅ.

²⁶Nohewo̱ le̱ ṅme̱ne̱ gbĩ ne̱ mīye odase mītšõnye, ake̱ miyee nyeteṅ mokomoko lá yi sõ; [336]

²⁷edšake̱ midšadše Nyoṅmo̱ yiṅtō mū le̱ fẽ mitšõnye ni mišiuu eko no̱.

²⁸Nohewo̱ le̱ nyelea nyehe no̱kwe̱mo̱ ke̱ tōiku le̱ fẽ ní Mumo̱ kroṅkroṅ le̱ éwonye ame̱no̱kwe̱lo̱i le̱, koni nyelè̱ Nyoṅmo̱ asafo le̱ ni eke̱ le̱dientše̱ elá hé le̱. [337]

²⁹Edšake̱ mile ake̱, ké̱ mikpa mihe le̱, *kiãdši fulo̱i babote nyeteṅ, ni ame̱bāṅ tōiku le̱ yi; [338]

³⁰ni nyedientše̱ nyeteṅ hũ le̱, hĩĩ ní wieo̱ nii ní edšaa aate ši, ni ame̱akpla kaselo̱i le̱ ame̱ſie ame̱se̱.

³¹Nohewo̱ le̱ nyesraä, ni nyekaia ake̱ afii etẽ so̱ṅṅ mike̱ yāfónui efõõ nyeteṅ mofẽmo ko̱ko̱bō̱ nyōṅ ke̱ ſane.

³²Ni agbe̱ne̱ le̱, enyemimei, mītunye mīwo Nyoṅmo̱ ke̱ edromo̱ wiemo̱ le̱ deṅ, le̱ eyo̱ hewale̱ ní eke̱-ahã nyenane amõ ši ní eke̱ wo̱fasenii le̱ ahãnye ye̱ mei ſẽ ní atšū ame̱he le̱ ateṅ.

³³Mihĩe ekõõ nyeteṅ moko dſie̱te̱i lo šika lo atade no̱; [339]

³⁴nyedientše̱ nyele ake̱, nii ní hĩaämi ke̱ mei ní ke̱mi yo̱ le̱, ne̱ke̱ nidši ne̱ noṅṅ tšu he nii. [340]

³⁵Mike̱ fẽ tšõnye ake̱ nakai sa ake̱ atšu nii ní ake̱-ye abua mei ní be̱ hewale̱, ni akai Nuntšo̱ Iesu wiemo̱i le̱, ake̱ le̱dientše̱ ekē̱: “Nõ hãmo̱ mli ye̱ dšō̱mo̱ fè hemo̱.”

³⁶Ni beni ewie ne̱ke̱ le̱, ekũla ši ni eke̱ ame̱fẽ so̱le. [341]

³⁷Ni ame̱fẽ ame̱fó naakpa, ni ame̱gbēgbē Paulo kue̱ no̱, ni ame̱ſo̱ enā;

³⁸ni noni do̱ame̱ titri dši wiemo̱ ní ekē̱ ake̱ *ame̱naṅ ehĩe doṅṅ le̱. Ni ame̱yadšiele̱ gbe̱ ye̱ le̱le̱ le̱ mli. [342]