Read luganda Bo̱foi le sãdši 21 Bible Online

Bo̱foi le sãdši 21 - luganda bible

Bo̱foi le sãdši 21

¹Agbe̱ne̱ eba mli ake̱, beni wo̱ke̱ame̱ gbla mli le̱, wo̱fã tē̃ ke̱-ba Kō, ni dšetše̱reno̱ le̱ wo̱ke̱-ba Rodo, ni wo̱dše̱ dše̱i wo̱ba Patara.

²Ni beni wo̱yana le̱le̱ ko ní yaä Foinike le̱, wo̱bote mli ni wo̱ke̱-ſĩe no̱;

³ši beni Kipro tua wo̱hĩe le̱, wo̱tſale̱ wo̱fõ abe̱ku ni wo̱ba Siria, ni wo̱bakpleke ye̱ Tiro; edšake̱ dše̱i abadšie le̱le̱ le̱ mli nii ye̱.

⁴Ni beni wo̱bana kaselo̱i le̱, wo̱hĩ dše̱i gbĩĩ kpawo; ni ame̱ le̱ ame̱tšṍ *mumo̱ le̱ no̱ ame̱kē̱ Paulo ake̱ ekaya Ierusalem. [343]

⁵Ni eba mli ake̱, beni wo̱ye gbĩĩ le̱ tã le̱, wo̱ṅõ-ſie no̱, ni ame̱ ke̱ ame̱ṅãmei ke̱ ame̱bii fẽ badsiewo̱ gbe̱ ke̱-dše̱ mã le̱ṅ; ni *wo̱kũla ši ye̱ ṅšo̱ le̱ nā ni wo̱so̱le. [344]

⁶Ni beni wo̱še̱šē̱ wo̱he le̱, wo̱bote le̱le̱ mli; ni ame̱ hũ ame̱kũ ame̱se̱ ke̱-te ame̱šĩai.

⁷Ši wo̱ le̱ wo̱dše̱ Tiro wo̱ba Ptolemai ni wo̱ke̱-gbe ṅšo̱hĩe-nyiemo̱ le̱ nā. Ni wo̱yaṅã nyemimei le̱, ni wo̱ke̱ame̱ hĩ ši gbĩ kome.

⁸Ši dšetše̱rene̱ le̱ wo̱yiṅ ke̱-te Kaisarea, ni wo̱yabote sanekpakpašielo̱ *Filipo ní dši mei kpawo le̱ ateṅ mokome le̱ we, ni wo̱ke̱le̱ hĩ ši. [345]

⁹Ni eye biyei oblayei edſe̱ ní gbaä. [346]

¹⁰Ši beni wo̱hĩ ši gbĩĩ kplaṅṅ ye̱ dše̱i le̱, gbalo̱ ko ni atšé̱o̱le̱ *Agabo le̱ dše̱ Iudea ba; [347]

¹¹ni beni eba wo̱ṅõ le̱, eko̱ Paulo he̱fīnõ le̱ ni eke̱-fī le̱dientše̱ enidši ke̱ enãdši ekē̱: Bo̱ni Mumo̱ kroṅkroṅ le̱ kē̱ ne̱: Nū mo nõ ní dši he̱fīnõ ne̱, ne̱ke̱ Iudafoi le̱ bafĩle̱ ye̱ Ierusalem, ni ame̱aṅõle̱ ame̱wo dšeṅmãdšiaṅbii le̱ adeṅ. [348]

¹²Ši beni wo̱nu ene̱ le̱, wo̱ke̱ dše̱ibii le̱ fẽ kpale̱ fai ake̱ ekaya Ierusalem le̱. [349]

¹³Ke̱ke̱ ni Paulo here no̱ ekē̱: Meni nyefeo̱ ne̱, nyemīfó ni nyeke̱-kũmo̱ mitšui? Ši mi le̱, dšee fī ke̱ke̱ misa mihe mito, ši moṅ gbĕle dientše̱ ye̱ Nuntšo̱ Iesu gbe̱i le̱ ahewo̱ ye̱ Ierusalem. [350]

¹⁴Ši ake̱-ní eṅõ-ṅmẽẽ gbe̱ hewo̱ le̱, wo̱fe diṅṅ wo̱kē̱: Afe noni Nuntšo̱ le̱ sumoo̱.

¹⁵Ši nakai gbĩĩ le̱ ase̱ le̱ wo̱fīmo̱ wo̱nii, ni wo̱yiṅ ke̱-te Ierusalem.

¹⁶Ni kaselo̱i ni dše̱ Kaisarea le̱ ateṅ meikomei ke̱wo̱ te, ni ame̱hã wo̱yato Mnason, Kipronyo ko ní dši kaselo̱ ke̱-dše̱ dšeeṅmõ le̱, ṅõ.

¹⁷Ni beni wo̱še̱ Ierusalem le̱, nyemimei le̱ herewo̱ hĩemẽ.

¹⁸Ni dšetše̱reno̱ le̱ Paulo ke̱wo̱ te *Iakobo ṅõ; ni onukpai le̱ fẽ hũ ye̱ dše̱i. [351]

¹⁹Ni beni eṅāame̱ le̱, egba nibii ní Nyoṅmo̱ tšṍ esúomo̱ le̱ no̱ etšu ye̱ dšeṅmãdši le̱ ateṅ le̱ ekomekome.

²⁰Ši beni ame̱nu le̱, ame̱wo Nyoṅmo̱ hĩe nyam, ni ame̱kē̱le̱ ake̱: Anyemi, kwe̱mo̱ Iudafoi akpei abo̱ ni ehé eye ne̱; ni amefē, mla le̱ he *hĩedo̱lo̱i dšiame̱. [352]

²¹Ši abatã ohe sane ahãame̱, ake̱ otšõo̱ Iudafoi ní yo̱ dšeṅmãdši le̱ ateṅ le̱ ake̱ ame̱kwa Mose, ni okē̱o̱ ake̱ ame̱kaflo̱ ame̱bii aketia, ni asaṅ ame̱kanyie ame̱kusumnii ase̱. [353]

²²Agbene le̱, té aafe tēṅ? Befẽbe ní aafe le̱ maṅ le̱ nā bakpe šĩ sá; edšake̱ ame̱anu ake̱ oba.

²³Nohewo̱ le̱ femo̱ noni wo̱kē̱o̱o ne̱: Wo̱ye̱ hĩĩ edſe̱ ni *ewo ši; [354]

²⁴ṅõame̱ ní oke̱ ame̱fẽ ayatšũ nyehe, ni owo noni ahãa le̱ ohãame̱, koni ame̱še̱ ame̱yi, ni mei le̱ fẽ ana ake̱, sane ní abagbaame̱ ye̱ ohe le̱ be̱ṅ, ši moṅ bodientse̱ tete obaä odšeṅ ye̱ mla le̱ nā, ni oyeo̱ no̱.

²⁵Ši dšeṅmãdšiaṅbii ní ehé eye le̱ ahewo̱ le̱ wo̱dientše̱ wo̱ṅmã ní wo̱kpe̱ mli ake̱ ame̱kaye ne̱ke̱ nibii ne̱ eko no̱, ši moṅ ame̱hĩ wo̱dši afo̱lei ke̱ lá ke̱ koloi ní ašõtõ ke̱ adſamaṅbō̱ ke̱ke̱. [355]

²⁶Ke̱ke̱ ni dšetše̱reno̱ le̱ Paulo kpla hĩĩ le̱ ke̱-te, ni beni eke̱ ame̱fẽ etšū ame̱he le̱, eke̱ame̱ bote so̱lemo̱we le̱, ni eyadšadše hetšūmo̱ gbĩĩ le̱ anāgbē le̱ etšõ faṅṅ ke̱-yaši beyino̱ ní ašã *afo̱le ye̱ ame̱teṅ mofẽmo yi. [356]

²⁷Ši beni eſe̱ fiō ní aagbe gbĩĩ kpawo le̱ nā le̱, Iudafoi ní dše̱ Asia le̱ nale̱ ye̱ so̱lemo̱we le̱, ni ame̱ta asafo le̱ fẽ mli, ni ame̱bamõle̱;

²⁸ni ame̱blo̱ ake̱: Atāmei Israelbii, nyebafataä wo̱he! Na nū le̱ ní wieo̱ maṅ ne̱ ke̱ mla le̱ ke̱ bie̱ ne̱ he efõṅ etšõo̱ mei fẽ ye̱ hefẽhe le̱; ni esā eke̱ Helabii eba so̱lemo̱we le̱ eke̱-babule hekroṅkroṅ ne̱ hũ. [357]

²⁹Edšake̱ ame̱nale̱ ke̱ *Trofimo ní dše̱ Efeso le̱ ye̱ mã le̱ṅ momo hewo̱ le̱ ame̱susu ake̱ le̱ Paulo ke̱-ba so̱lemo̱we le̱. [358]

³⁰Ni maṅ mū le̱ fẽ bú, ni maṅbii le̱ ša foi ke̱-babua ame̱he nā; ni ame̱mõ Paulo ame̱gblale̱ ke̱-dše̱ so̱lemo̱we le̱ ke̱-dše kpo, ni amrõ le̱ noṅṅ aṅã́mo̱ šĩnāi le̱.

³¹Ši beni ame̱heo̱le̱ ame̱gbe le̱, ayatſa asafoiatše̱nukpa le̱ adafi ake̱ Ierusalem fẽ éfe gidigidi.

³²Ni amrõ le̱ eṅõ asrafoi ke̱ asafoatše̱mei ni eke̱ame̱ kpleke ši ke̱ foi ke̱-baninaame̱. Ši beni ame̱na asafoiatše̱nukpa le̱ ke̱ asrafoi le̱, ame̱fõ Paulo yī.

³³Ke̱ke̱ ni asafoiatše̱nukpa le̱ tši be̱ṅke̱ ni emõ emli, ni efã́ ake̱ *awole̱ kõsõṅkõsõi enyo̱, ni ebi moni dšile̱ ke̱ noni efe. [359]

³⁴Ši asafo le̱ mli meikomei mīblo̱ ne̱ke̱ ni meikomei hũ mīblo̱ ekroko. Ni ake̱-ní enaa mli ano̱kwale ye̱ hōfemo̱ le̱ hewo̱ le̱, efã́ ake̱ ake̱le̱ aya mō̃ le̱ṅ.

³⁵Ni beni eše̱ atrakpoi le̱ anā le̱, eba mli ake asafo le̱ gidigidifemo̱ hewo̱ le̱ asrafoi le̱ wóle̱,

³⁶edšake̱ maṅbii asafo yū le̱ nyie se̱ mīblo̱ ake̱: Ake̱le̱ aya! [360]

³⁷Ši beni ake̱ Paulo babote mō̃ le̱ṅ le̱, ebi asafoiatše̱nukpa le̱ ake̱: Miye hegbe̱ ake̱ mike̱o wieo̱ wiemo̱ ko lo? Ekē̱: Ole Hela wiemo̱?

³⁸Bĕle̱ dšee bo dši Mizraimnyo le̱ ní nyese̱ ne̱ ni eke̱ atũatšemo̱ ba ni ekpla hĩĩ awuyelo̱i akpei-edſe̱ eſie ese̱ ke̱-te ṅã le̱ no̱ le̱?

³⁹Ni Paulo kē̱: Mi le̱ Iudanyo dšimi, ni midše̱ *Tarso, Kilikia maṅ ko ní yo̱ gbe̱i le̱ mli; ši mīkpao fai, hãmi gbe̱ ni mawie matšõ maṅ le̱. [361]

⁴⁰Ni beni ehãle̱ gbe̱ le̱, Paulo damo̱ atrakpoi le̱ ano̱, ni efõ maṅ le̱ nine, ni beni dše̱i dšo̱ krãnā le̱, ewie ye̱ Hebri wiemo̱ lo̱ mli ekē̱: