Read luganda Bo̱foi le sãdši 26 Bible Online

Bo̱foi le sãdši 26 - luganda bible

Bo̱foi le sãdši 26

¹Ni Agripa kē̱ Paulo ake̱: Aṅmẽo gbe̱ ake̱ okō̱lo̱ ogbē. Ke̱ke̱ ni Paulo fõ enine ni edšie enā ekē̱:

²Maṅtše̱ Agripa, eṅõ minā ake̱ mibadšie minā ṅme̱ne̱ ye̱ ohĩe, ye̱ nibii fẽ ní Iudafoi le̱ flo̱ö̱ minā ye̱ he le̱ hewo̱,

³edšake̱ ole Iudaſoi le̱ agbe̱nānii le̱ ke̱ ṅwanedšēsãdši le̱ fẽ mli pe̱pē̱pe̱; nohewo̱ le̱ mīkpao fai ni oṅmẽ oyi ši obomi toi.

⁴Iudafoi le̱ fẽ le midšeṅba ke̱-dše̱ miblahĩaṅ, boni mihĩ mimaṅ le̱ mli ke̱ Ierusalem mihã tšutšu le̱,

⁵ni ke̱dši ame̱mīsumo̱ ake̱ ame̱aye he odase le̱, ame̱lemi sá ke̱-dše̱ sisidšē le̱, ake̱ miba midšeṅ ye̱ wo̱dšámo̱ le̱ mli ku ní yo̱ vevëve fè fẽ le̱ nā, ake̱ Farisifonyo. [401]

⁶Ni agbe̱ne̱ le̱, ši ní Nyoṅmo̱ ewo wo̱tše̱mei le̱ no̱hĩekãmo̱ le̱ hewo̱ midamo̱ bie̱ ni akodšoo̱mi ne̱, [402]

⁷no no̱ wo̱kutšei nyoṅma ke̱ enyo̱ le̱ hĩe kã hewo̱ ní ame̱hĩe nyōṅ ke̱ ſane dšámo̱ ní nā wa le̱ mli, beni afe ní ame̱nine aše̱ no̱; maṅtše̱ Agripa, ne̱ke̱ hĩeno̱kãmo̱ ne̱ hewo̱ Iudafoi le̱ flo̱ö̱ minā ne̱. [403]

⁸Mẽba mo̱ ni nyebuo̱ ake̱ ebe̱ mli ake̱ Nyoṅmo̱ tēo̱ gbohĩĩ aši le̱?

⁹Ši midientše̱ hũ efemi ake̱ esa ake̱ mafe nii pī maṅõ-kũ Iesu, Nazarenyo le̱, gbe̱i le̱ nā;

¹⁰ni miná mife nakai hũ ye̱ Ierusalem, ni ake̱-ní miná hegbe̱ ye̱ oso̱fonukpai le̱ adeṅ le̱, miwo meikroṅkroṅi le̱ ateṅ mei pī tšũṅ, ni ké̱ abagbeame̱ le̱, minā ye̱ mli eko,

¹¹ni mifo̱ö̱ame̱ yiwā ye̱ kpēhei le̱ fẽ, ni mifĩfĩaãame̱ ake̱ ame̱wie musubō̱-wiemo̱i, ni miye ame̱he se̱ke̱ ko ní wa, ní miwaäame̱ yi ke̱-yaä meikpõdši adše tete.

¹²Ene̱ no̱ noṅṅ minyie ni mifã gbe̱ ke̱-mīya Damasko ye̱ oso̱fonukpai le̱ ahewale̱ ke̱ gbe̱ṅmē̃ nā,

¹³ni ſane fintī̃, beni minyie gbe̱ le̱ no̱ le̱, maṅtše̱, mina la ko ní kpe̱o̱ fè hũlũ dše̱ ṅwei babo̱lemi ke̱ mei ní ke̱mi nyie le̱.

¹⁴Ni beni wo̱fẽ wo̱gbēgbē ši le̱, minu gbē ko ke̱mi wie ye̱ Hebri wiemo̱ le̱ mli ake̱: Saul, Saul, mẽba owaämi yi? ewa hao ake̱ oofã ntia oši koloi akplamo̱tšo le̱ nā dade le̱.

¹⁵Ni mikē̱: Bo namoṅ, Nuntšo̱? Ni Nuntšo̱ le̱ kē̱: Mi Iesu ni owaäle̱ yi le̱ ni.

¹⁶Ši te ši ni odamo̱ onãdši ano̱; edšake̱ ene̱ hewo̱ midšie mihe kpo mitšõo ne̱, koni mafeo súolo̱ ke̱ odasefonyo ye̱ nibii ní ona ke̱ nii ní mibadšie mihe kpo matšõo ye̱ hewo̱ le̱ ahe.

¹⁷Ni madšieo ke̱-dše̱ maṅ le̱ ke̱ dšeṅmãdši le̱ ní mitšũo̱o ke̱-ya ame̱ṅõ ne̱ adeṅ,

¹⁸ní oyagble ame̱hĩṅme̱ii, koni ame̱kpale ke̱-dše̱ duṅ mli ke̱-ba la he, ke̱-dše̱ abonsam hewale̱ mli ke̱-ba Nyoṅme̱ ṅõ, ni ame̱ná ame̱he ešai fã ke̱ *gbošinii ye̱ mei ní ake̱ mino̱ hemo̱-ke̱-yeli efeame̱ kroṅkroṅ le̱ ateṅ. [404]

¹⁹Nohewo̱ le̱, maṅtše̱ Agripa, migboo ne̱ke̱ ṅweikpodšiemo̱ le̱ no̱ toi; [405]

²⁰ši moṅ midšadše mitšõ mei ní yo̱ Damasko le̱ tšutšu, ke̱ mei ní yo̱ Ierusalem ke̱ Iudea šikpoṅ le̱ no̱ fē, ke̱ dšeṅmãdši le̱ hũ, ake̱ ame̱tšake ame̱tšui ni ame̱kpale ke̱-ba Nyoṅme̱ ṅõ ni ame̱tšu nii ni sa tšuitšakemo̱.

²¹Ene̱mei ahewo̱ ní Iudafoi le̱ mõmi ye̱ so̱lemo̱we le̱ ni ame̱kami gbē. [406]

²²Ši Nyoṅmo̱ yeli-ke̱-buamo̱ nā mike̱damo̱ ši ke̱-baši ṅme̱ne̱ gbĩ ne̱ no̱, ni miyeo̱ odase mitšõo̱ mei bibii ke̱ mei wudši ne̱, ni miwiee wiemo̱ ko ake̱ dša nii ní *gbalo̱i le̱ ke̱ Mose hũ ewie ake̱ ebaba le̱, [407]

²³boni Kristo le̱ bana amanehũlũ, bo̱ni ebatšṍ *kleṅkleṅmo ye̱ gbohĩĩašite le̱ mli, ní ebadšadše la le̱ he sane etšõ maṅ le̱ ke̱ dšeṅmădši le̱. [408]

²⁴Ni beni Paulo dšie enā ne̱ke̱ le̱, Festo ke̱ gbē wale̱ kē̱: Paulo, se̱ke̱ oyeo̱ ne̱! woloṅkasemo̱ so̱ṅṅ ehã oyeo̱ se̱ke̱ ne̱.

²⁵Ši Paulo kē̱: Miyeko se̱ke̱, Festo dšŭrõ, ši ano̱kwale ke̱ hĩešikãmo̱ wiemo̱i miwieo̱ ne̱;

²⁶edšake̱ maṅtše̱ le̱ ní miwieo̱ ekã nā mitsõo̱le̱ ne̱ le sãdši ne̱ amli; ni mikpaa ši ake̱ nibii ne̱ eko ye̱ ni ake̱tēle̱; edšake̱ dšee *nifĩfĩaṅ heko afe ene̱ ye̱. [409]

²⁷Nto oheo̱ gbalo̱i le̱ oyeo̱, maṅtše̱ Agripa? Mile ake̱ oheo̱ oyeo̱.

²⁸Ši Agripa kē̱ Paulo ake̱: ſe̱ fiō ní ohã miyĩṅ atšṍ ni matšṍ Kristofonyo.

²⁹Ši Paulo kē̱: Miná ní kũle̱ Nyoṅmo̱ hã ba mli ake̱, ſe̱ fio dšio, ſe̱ pī dšio, dšee bo okome ke̱ke̱, ši moṅ mei fẽ ní boo̱mi toi ṅme̱ne̱ ne̱ hũ atšṍ tamo̱mi, ši gbokle̱i ne̱ eko ke̱ke̱ ni akawoame̱.

³⁰Ni beni ewie ne̱ke̱ le̱, maṅtše̱ le̱ ke̱ amralo le̱ ke̱ Bernīkē ke̱ mei ní ke̱ame̱ trá ši le̱ te ši,

³¹ni ame̱te afã ni ame̱yawie ye̱ ame̱teṅ ake̱: Nū ne̱ efeko noko ní sa gbĕle lo tšũṅwō.

³²Ni Agripa kē̱ Festo ake̱: Edši nū ne̱ *eṅõko esane le̱ ehãko Kaisare yeli kũle̱, aanyẽ ehe aṅmē̃. [410]