Read luganda Bo̱foi le sãdši 7 Bible Online

Bo̱foi le sãdši 7 - luganda bible

Bo̱foi le sãdši 7

¹Ni oso̱fonukpa le̱ kē̱: Ani sãdši ne̱ ye̱ mli nakai lo?

²Ni ekē̱: Anyemĩmei ke̱ atāmei, nyeboa toi. Anumnyam Nyoṅmo̱ le̱ dšie ehe kpo etšõ wo̱tše̱ Abraham, beni eyo̱ Mesopotamia, ni enako ebahĩ Haran le̱, [94]

³ni ekē̱le̱ ake̱: Dše ošikpoṅ le̱ no̱ ke̱ oweku le̱ṅ ke̱-ya šikpoṅ ní matšõo le̱ no̱. [95]

⁴Ke̱ke̱ ni edše Kaldeabii le̱ ašĩkpoṅ le̱ no̱, ni eyahĩ Haran. Ni beni etše̱ gbo se̱ le̱, efãle̱ ke̱-dše dše̱i ke̱-ba ne̱ke̱ šikpoṅ ní nyeyo̱ no̱ ṅme̱ne̱ṅme̱ne̱ ne̱ no̱; [96]

⁵ni ehããle̱ no̱yelinõ ko, bo̱ni ake̱ nane mãa no̱ tete, ši ewole̱ ši ake̱ eeṅõ-hãle̱ ke̱ esešibii ní baä ye̱ ese̱ le̱ ake̱ amenõ, tše̱ no mli le̱ ebe̱ bi po. [97]

⁶Ši bo̱ni Nyoṅmo̱ ke̱le̱ wie ne̱: Esešibii le̱ aayato gbo̱ ye̱ maṅse̱ šikpoṅ ko no̱, ni aayeame̱ nyṍṅ ni aawaame̱ yi afii ohai-edfe̱; [98]

⁷ni Nyoṅmo̱ kē̱: makodso, nakai maṅ ni ame̱ayasúmo̱ le̱, ni no se̱ le̱ ame̱adše dše̱i, ní ame̱badšámi ye̱ bie̱ ne̱.

⁸Ni *eṅõ ketiafõ he kpãṅmo̱ le̱ ehãle̱; ni nakai efo̱ Isak, ni efole̱ ketia gbĩ ní dši gbĩ kpānyo̱; ni Isak fo̱ Iakob, ni Iakob fo̱ blematše̱mei nyoṅma ke̱ enyo̱ le̱. [99]

⁹Ni blematše̱mei le̱ ke̱ hĩekõ hõ Iosef ke̱-te Mizraim; ši Nyoṅmo kele̱ ye̱, [100]

¹⁰ni edšiele̱ ye̱ emanehũlũi fiā mli, ni ehã ehĩe ba nyam, ni ehã ele nii ye̱ Mizraim maṅtše̱ Farao hĩe, ni ewole̱ lumo ye̱ Mizraim ke̱ le̱dientše̱ ewe le̱ fẽ no̱. [101]

¹¹Ši hõmo̱ ke̱ amanehũlũ kpeteṅkple ba Mizraim ke̱ Kanaan šikpoṅ le̱ fẽ no̱, ni wo̱tše̱mei le̱ náá nii ame̱ye.

¹²Ni beni Iakob nu ake̱ able ye̱ Mizraim le̱, kleṅkleṅ le̱ etšũ wo̱tše̱mei le̱ ke̱-te. [102]

¹³Ni noni dši ši enyo̱ le̱ Iosef hã enyemimei le̱ yole̱, ni Farao hũ bale Iosef weku le̱. [103]

¹⁴Ni Iosef tšũ ayakpē etše̱ Iakob ke̱ eweku le̱ fẽ ke̱-ba, ame̱yi nyoṅmai-kpawo ke̱ enumo̱. [104]

¹⁵Ni Iakob yiṅ ete Mizraim, ni le̱ ke̱ wo̱tše̱mei le̱ yagboi ye̱ dše̱i; [105]

¹⁶ni ake̱ame̱ ba Šekem, ni abatoame̱ ye̱ ſū̃he ní Abraham tše šika hé ye̱ Šekem tše̱ Hemor bii le̱ adeṅ le̱ mli. [106]

¹⁷Ši beni šiwō le̱ ní Nyoṅmo̱ kã Abraham he kitã le̱ be le̱ še̱ le̱, maṅ le̱ bada, ni ame̱yi fá ye̱ Mizraim šikpoṅ le̱ no̱, [107]

¹⁸ke̱-yaši beyino̱ ní maṅtše̱ kroko ní lee Iosef le̱ bate ši ye̱ Mizraim;

¹⁹le̱ le̱ eke̱ wo̱dšakubii le̱ ye ṅā mli, ni efe wo̱tše̱mei le̱ efõṅ, ake̱ ehã ame̱še̱re̱ ame̱bii abifabii ame̱ſie, beni afe ní ame̱ kahĩ dšeṅ. [108]

²⁰Nakai be le̱ mli noṅṅ afo̱ Mose, ni ehe ye̱ fe̱o ye̱ Nyoṅmo̱ hĩe, ni alè̱le̱ ye̱ etše̱ we le̱ nyõdši etẽ. [109]

²¹Ni beni ašé̱le̱ afo̱ le̱, Farao biyō le̱ yawole̱, ni elè̱le̱ eke̱le̱ fe le̱dientše̱ ebi. [110]

²²Ni atšõ Mose Mizraim nilē fẽ, ni ená hewale̱ ye̱ wiemo̱i ke̱ nitšumo̱i amli.

²³Ši beni eye afii nyoṅmai-edſe̱ le̱, eba eyiṅ ake̱ eeyasra enyemimei Israelbii le̱. [111]

²⁴Ni beni ena ake̱ āfe ame̱teṅ moko efõṅ le̱, efã́ ehe, ni eto̱ moni afeo̱le̱ efõṅ le̱ he owele ni egbe Mizraimnyo le̱.

²⁵Ši esusuo̱ ake̱ kũle̱ enyemimei le̱ aayo se̱ ake̱ Nyoṅmo̱ mītšṍ enine no̱ ehereame̱; ši ame̱yoo se̱.

²⁶Ni dšetše̱reno̱ le̱ ebaninaame̱ beni amenõo̱ le̱, ni ekpãtãame̱ ake̱: *Atāmei, nye le̱ nyemimei dšinye; mẽba nyefeo̱ nyehe efõṅ ne̱?

²⁷Ši moni fe enanyo efõṅ le̱ tšire̱le̱ ni ekē̱: Namo woö wo̱no̱ lumo ke̱ kodšolo̱?

²⁸Ani otao ake̱ ogbemi, tamo̱ bo̱ni ogbe Mizraimnyo le̱?

²⁹Ni wiemo ne̱ hewo̱ le̱ Mose dšo foi, ni eyato gbo̱ ye̱ Midian šikpoṅ le̱ no̱, ni efo̱ bihĩĩ enyo̱ ye̱ dše̱i. [112]

³⁰Ši beni še̱ afii nyoṅmai-edſe̱ le̱, Nuṅtšo̱ le̱ bo̱fo ko badšĩe ehe kpo etšõle̱ ye̱ Sinai goṅ le̱ he ṅã le̱ no̱ ye lalilei mli ye̱ kō ko mli. [113]

³¹Ni beni Mose na le̱, ehĩe fele̱ yā ye̱ ninā le̱ hewo̱; ni beni etšio̱ ebe̱ṅke̱ ní ekwe̱ le̱, Nuntšo̱ le̱ gbẽ bakē̱le̱ ake̱:

³²Midši otše̱mei a-Nyoṅmo̱ le̱, Abraham ke̱ Isak ke̱ Iakob Nyoṅmo̱ le̱. Ni Mose he kpokpo ni ekaa ake̱ eeyakwe̱. [114]

³³Ni Nuntšo̱ le̱ kē̱le̱ ake̱: Dšiemo̱ otokotai le̱ ye̱ onane, edšake̱ heni odamo̱ le̱ šikpoṅ kroṅkroṅ ni.

³⁴Mina mimaṅ ní yo̱ Mizraim le̱ amanehũlũ le̱, ni ame̱ntšo̱ido̱mo̱ le̱ hũ minu; ni mikpleke ši miba ame̱dšiemo̱; nohewo̱ le̱ ba ní matšũo Mizraim.

³⁵Nakai Mose le̱ noṅṅ ní *ame̱kwa ame̱kē̱: Namo woö wo̱no̱ lumo ke̱ kodšolo̱ le̱, le̱ noṅṅ Nyoṅmo̱ tšṍ bo̱fo le̱ ní dšie ehe kpo etšõle̱ ye̱ kō le̱ṅ le̱ nine no̱ etšũle̱ ake̱ lumo ke̱ kpõlo̱. [115]

³⁶Le̱ noṅṅ ekplaame̱ ke̱-dše kpo, ni efe nākpe̱nii ke̱ okadii ye̱ Mizraim šikpoṅ le̱ no̱ ke̱ Ṅšo̱-tšuru le̱ mli ke̱ ṅã le̱ no̱ afii nyoṅmai-edſe̱ le̱. [116]

³⁷Le̱ dši nakai Mose le̱ ni kē̱ Israelbii le̱ ake̱: Nuntšo̱, nye-Nyoṅmo̱ le̱, aatẽ gbalo̱ ko ní tamo̱mĩ ši ke̱-adše̱ nyenyemimei le̱ ateṅ ahãnye; nyeboale̱ toi le̱. [117]

³⁸Mose dši moni ke̱ asafo le̱ hĩ ṅã le̱ no̱, ni edamo̱ bo̱fo le̱ ní ke̱le̱ wie ye̱ Sinai goṅ le̱ no̱ le̱ ke̱ wo̱tše̱mei le̱ ateṅ, ni ehé wala wiemo̱i le̱ eba-hãwo le̱, [118]

³⁹ni wo̱tše̱mei le̱ ekplẽẽ ní ame̱bole̱ toi, ši moṅ ame̱fele̱ sōisōi, ni ame̱tšuii kpale ke̱-te Mizraim ekoṅ;

⁴⁰ni ame̱kē̱ Aaron ake̱: Femo̱ nyoṅmo̱i ohãwo̱ ní amenyie wo̱hĩe, edšake̱ ne̱ke̱ Mose ní kplawo̱ ke̱-dše̱ Mizraim šikpoṅ le̱ no̱ ne̱, wolee noni efele̱. [119]

⁴¹Ni nakai gbĩĩ le̱ amli le̱ amefe tšinabi, ni ame̱šã afole ame̱hã amãgã le̱, ni ame̱ná ame̱dientše̱ amenine nā nĩtšumo̱i le̱ ahe tšuidšŭrõ.

⁴²Ši Nyoṅmo̱ tšṍ ehe ni eṅmē̃ ame̱he ake̱ amé̱dšá ṅwei nii, take̱ boni aṅmã ye̱ *gbalo̱i le̱ awolo le̱ mli ake̱: “Nye Israel we, ani mi nyešã koloi ke̱ niyenii afo̱le nyehã ye̱ ṅã le̱ no̱ afii nyoṅmaĩ-edſe̱ le̱? [120]

⁴³Molok bū le̱ moṅ nyewó nyetĕre ke̱ nyenyoṅmo̱ Remfan le̱ ṅulami le̱ ní dši amãgãi ní nyešõ ní nyedšáame̱ le̱; ni Babilon se̱ malōnye ke̱-ate.”

⁴⁴Odase bū le̱ hĩ wo̱tše̱mei le̱ ateṅ ye̱ ṅã le̱ no̱, tamo̱ bo̱ni moni ke̱ Mose wie le̱ tšõ ake̱ eyafele̱ tamo̱ noni ena le̱; [121]

⁴⁵no hũ, beni we̱tše̱mei le̱ anine se̱ no̱ le̱, ame̱ke̱ Iošua hĩe ke̱-ba dšeṅmãdši ni Nyoṅmo̱ ſieame̱ ye̱ wo̱tše̱mei le̱ ahīe le̱ ašikpoṅ le̱ no̱, ke̱-baši David gbĩĩ le̱ ano̱; [122]

⁴⁶le̱ ehĩe ba nyam ye̱ Nyoṅmo̱ hĩe, ni ekpa fai ake̱ eefe šihĩle̱he ko ehã Iakob Nyoṅmo̱ le̱. [123]

⁴⁷Ši Salomo mã tšũ ehãle̱. [124]

⁴⁸Tše̱bele̱ Ṅweinyo le̱, ehĩĩ tšũi ní ake̱ nidsi fe le̱ amli, take̱ bo̱ni *gbalo̱ le̱ hũ kē̱ le̱ ake̱: [125]

⁴⁹“Ṅwei le̱, misẽi ni, ni šikpoṅ le̱, minaneši māṅō ni: Mẽ tšũ nyeamã nyehãmi mo̱, asaṅ nẽgbe̱ dši mihedšō̱mo̱he le̱? Nuntšo̱ le̱ kē̱;

⁵⁰aso dšee minine fe nihii ne̱ fẽ?”

⁵¹Nye *kue̱ṅwalo̱i ke̱ †tšuiiaṅ ke̱ toiiaṅ fōlo̱i! nye le̱, dāne̱ nyekũo̱ Mumo̱ kroṅkroṅ le̱ nā; bo̱ni nyetše̱mei le̱ fe le̱, nakai nye hũ nyefeo̱. [126]

⁵²Gbaloi le̱ ateṅ namo ni nyetše̱mei le̱ wakole̱ yi dã? ni ame̱gbe mei ni gba sá ye̱ dšalo̱ le̱ bā le̱ hewo̱ le̱, mo hũ ní agbe̱ne̱ nye nyetšṍmo̱ ese̱gbe̱tšõlo̱i ke̱ awuyelo̱i le̱, [127]

⁵³nye ní nyená mla le̱ ye̱ bo̱foi anitšumo̱ nã ni nyeyee no̱ le̱. [128]

⁵⁴Ši beni amenu ne̱ke̱ wiemo̱i ne̱ le̱, etšuro̱ ame̱tšuiiaṅ, ni ame̱kpe ame̱nyā-nyōdsi ašiši ame̱ſie eno̱. [129]

⁵⁵Ši le̱ le̱, noni Mumo̱ kroṅkroṅ eyile̱ obõ le̱, ekwe̱ ṅwei gā̃, ni ena Nyoṅmo̱ anumnyam le̱ ke̱ Iesu ní edamo̱ Nyoṅmo̱ ninedšŭrõ no̱,

⁵⁶ni ekē̱: Na, mina ṅwei nā ní égble, ke̱ *gbomobi le̱ ní edamo̱ Nyoṅmo̱ ninedšŭrõ no̱. [130]

⁵⁷Ši ame̱blo̱ ke̱ gbē wale̱, ni ame̱tšĩmo̱ ame̱toii, ni ame̱ke̱ dſẽṅmo̱ kome tšẽ foi ke̱-ba eno̱,

⁵⁸ni ame̱tšire̱ eyi se̱ ke̱-dše mã le̱ṅ, ni ame̱yatſiale̱ te̱i. Ni odasefoi le̱ ṅõ ame̱mamai le̱ ame̱ſie oblanyo ko ni atšé̱o̱le̱ Saulo le̱ nãdši anā, [131]

⁵⁹ni beni ame̱tſía Stefano te̱i le̱, efã́ Iesu ni ekē̱: *Nuntšo̱ Iesu, heremo̱ mimumo̱ le̱! [132]

⁶⁰Ni ekũla ši, ni ebo ke̱ gbē wale̱ ake̱: *Nuntšo̱, kāṅõ ne̱ke̱ eša ne̱ oṅmẽ ame̱no̱! Ni beni ekē̱ ne̱ke̱ le̱, etšṍ mli ewo̱. [133]