Read luganda Bo̱foi le sãdši 8 Bible Online

Bo̱foi le sãdši 8 - luganda bible

Bo̱foi le sãdši 8

¹Ši egbē le̱ ṅõ *Saulo hũ nā. — Ni nakai gbĩ le̱ no̱ noṅṅ le̱ yiwale̱ kple te ši wo asaſo ní yo̱ Ierusalem le̱; ni ame̱fẽ †ame̱gbe̱ ame̱ſã Iudea ke̱ Samaria niiaṅ, dša bo̱foi le̱ ke̱ke̱ ſe̱. [134]

²Ši hĩĩ Nyoṅmo̱ gbeyeišelo̱i komei yasa Stefano ame̱to, ni ame̱fó le̱ pam. [135]

³Ši Saulo le̱, ekpãtã asafo le̱ hĩe butū, eboteo̱ šĩai ni eyagblaä hĩĩ ke̱ yei ni eyawoo̱ame̱ tšũṅ. [136]

⁴Ke̱ke̱ ni mei ní egbe̱ eſã le̱ yakpa ši, ni ame̱dšadše sanekpakpa le̱.

⁵Ni *Filipo te Samaria maṅ ko no̱, ni eyadsadše Kristo he sane etšõame̱. [137]

⁶Ni mei babaō ke̱ dſẽṅmo̱ kome bo wiemo̱i ní Filipo wieo̱ le̱ toi, beni ame̱nu ni ame̱na okadii ní efe le̱.

⁷Edšake̱ mei pī ní mumo̱i fõdši yo̱ ame̱mli le̱ mumo̱i le̱ blo̱ ke̱ gbē wale̱ ni ame̱dše ame̱mli, ni atšá mei ní ekũmo̱ ke̱ obubuafoi pī hũ. [138]

⁸Ni mīše̱ babaō ba nakai mã le̱ṅ. [139]

⁹Ši nū ko ye̱ mã le̱ṅ momosa ní atšé̱o̱le̱ Simon ní eyeo ṅkŭnyā ni ehaa Samariabii le̱ anā kpe̱o̱ ame̱he, etšõo̱ ehe ake̱ gbomo agbo dšile̱;

¹⁰ni mei bibii ke̱ mei wudši fẽ boo̱le̱ toi ame̱kē̱o̱ ake̱: Mone̱ dši Nyoṅmo̱ hewale̱ ní atšé̱o̱le̱ kpeteṅkple le̱.

¹¹Ni ake̱-ní edše̱ dšeeṅmõ bēbe eke̱ ekũnyāyeli le̱ ehã ame̱nā ekpe̱ ame̱he hewo̱ le̱, ame̱boo̱le̱ toi.

¹²Ši beni ame̱hé Filipo ní dšadše Nyoṅmo̱ maṅtše̱yeli le̱ ke̱ Iesu Kristo gbe̱i le̱ he sanekpakpa le̱ etšõame̱ le̱ ame̱ye le̱, *abaptisi hĩĩ ke̱ yei. [140]

¹³Ke̱ke̱ ni Simon dientše̱ hũ hé ye, ni abaptisile̱, ni eke̱ ehe kpe̱te̱ Filipo, ni beni ena okadii ke̱ hewale̱nitšumo̱i wudši ní afe le̱, enā kpe̱ ehe.

¹⁴Ši beni bo̱foi le̱ ní yo̱ Ierusalem le̱ nu ake̱ Samariabii emo Nyoṅmo̱ wĩemo̱ le̱ mli le̱, ame̱tšũ Petro ke̱ Iohane ke̱-te ame̱ṅõ.

¹⁵Ni ame̱ le̱, ameba dše̱i ame̱baso̱le ame̱hãame̱, beni afe ní ame̱na Mumo̱ kroṅkroṅ le̱.

¹⁶Edšake̱ ebako ame̱teṅ mokomoko no̱, ši baptisĩmo̱ ke̱ke̱ abaptisiame̱ awo Nuntšo̱ Iesu gbe̱i amli.

¹⁷Ke̱ke̱ ni ame̱ke̱ ame̱nidši ṅmĕlĕ ame̱no̱, ni ame̱ná Mumo̱ kroṅkroṅ le̱.

¹⁸Ši beni Simon na ake̱ bo̱foi le̱ anidši ke̱ mei ano̱ṅmĕlĕmo̱ le̱ hãa anáa Mumo̱ kroṅkroṅ le̱, eke̱ šika ba ebahãame̱

¹⁹ekē̱: Nyehãami hũ ne̱ke̱ hewale̱ ne̱, koni mofẽmo ní mĩke̱ minidšĩ aaṅmĕlẽ eno̱ le̱ aná Mumo̱ kroṅkroṅ le̱.

²⁰Ši Petro kē̱le̱ ake̱: Oke̱ ošika le̱ fẽ hĩe ákpãtã, edšake̱ osusuo̱ ake̱, Nyoṅmo̱ nõkēnõ le̱, šika ake̱-heo̱!

²¹Obe̱ gbe̱nã lo gbe̱fãṅnõ ko ye̱ ne̱ke̱ sane ne̱ mli; edšake̱ otšui edšaa ye̱ Nyoṅmo̱ hĩe.

²²Nohewo̱ le̱ agbe̱ne̱ ſa ohe ye̱ onõša ne̱ hewo̱, ni okpa Nyonmo̱ fai, ake̱ aleenō aaṅõ otšuiṅ dſẽṅmo̱ le̱ afao lo.

²³Edšake̱ mina ake̱ ko̱liko̱ dšōmo̱ le̱ ke̱ nõša kpã le̱ mli okã ne̱.

²⁴Ni Simon here no̱ ekē̱: Nyedientše̱ nyekpaä Nuntšo̱ le̱ fai nyehãami, koni nibii ní nyewie ne̱ eko akaba mino̱.

²⁵Agbe̱ne̱, beni ame̱ye odase ní ame̱wie Nuntšo̱ le̱ wiemo̱ lo̱ ame̱tšõame̱ ni ame̱kũ ame̱se̱ ame̱baä Ierusalem le̱, ame̱dšadše sanekpakpa le̱ ame̱tšõ ye̱ Samariabii akrowai pī amli.

²⁶Ši Nuntšo̱ le̱ bo̱fo ko ke̱ Filipo bawie ake̱: Te ši ní oya wuoyigbe̱ ye̱ tempōṅ ní dše̱ Ierusalem ke̱-yaä Gaza ní efe amaṅfõ le̱ no̱.

²⁷Ni ete ši ni eyiṅ ete. Ni na, nū Etiopianyo ko ní dši Etiopiabii amaṅnye Kandake le̱ piafonyo ní abuo̱ ní kwe̱o̱ edſetri fẽ no̱ le̱ ne̱, ebaho Ierusalem eyadšá Nyoṅmo̱,

²⁸ni agbe̱ne̱ ekũ ese̱ etá eſīli mli ke̱-mīya, ni ēkane gbalo̱ Iesaia wolo le̱.

²⁹Ni Mumo̱ le̱ kē̱ Filipo ake̱: Ya ní oyakpe̱te̱ ſīli ne̱ se̱.

³⁰Ši beni Filipo hĩe foi ke̱-te le̱, enu ake̱ ekane gbalo̱ Iesaia wolo le̱, ni ebile̱ ake̱: Ani ōnu noni okaneo̱ le̱ šiši lo?

³¹Ni ekē̱: Té mafe tẽṅ ní manyẽṅ, ake̱ dša moko tšõmi? Ke̱ke̱ ni ekpa Filipo fai ake̱ eba ni eke̱le̱ abatá ši.

³²Ši ṅmãle̱ le̱ heni ekaneo̱ le̱ ne̱: *“Akplale̱ ke̱-te take̱ tōgwanteṅ ni ayagbele̱, ni bo̱ni tōgwanteṅbi feo̱ diō ye̱ ehetšo̱ikulo̱ hĩe le̱, nakai noṅṅ etſaa esẽṅ [141]

³³Ehešibā le̱ mli le̱ adšie ekodšomo̱ le̱ ke̱-te; ši eyino̱ le̱, namo aagba he sane? edšake̱ aṅõ ewala le̱ ke̱-dše̱ šikpoṅ le̱ no̱.”

³⁴Ni piafonyo le̱ here Filipo no̱ ni ekē̱: Mikpao fai, namo he gbalo̱ le̱ wieo̱ ne̱? le̱dientše̱ ehe alo mokrokoṅ?

³⁵Ni Filipo gble enā ni ebõi ke̱-dše̱ ne̱ke̱ ṅmãle̱ ne̱ no̱, ni edšadše Iesu he sanekpakpa le̱ etšõle̱.

³⁶Ni beni amenyie gbe̱ le̱ no̱ le̱, ame̱baše̱ nu ko he, ni yadše piafonyo le̱ nā le̱ ekē̱: Na nu; meni tšĩo̱ mibaptisimo̱ gbe̱?

³⁷(Ši Filipo kē̱: Ké̱ ōhe ōye ke̱ otšuiṅ fẽ le̱, oye̱ hegbe̱. Ni ehere no̱ ekē̱: Mihe miye ake̱ Iesu Kristo dši Nyoṅmo̱ bi le̱.) [142]

³⁸Ni efá ake̱ ſīli le̱ áwa, ni Filipo ke̱ piafonyo le̱ fẽ yimo̱ ši ke̱-te nu le̱ mli, ni ebaptisile̱.

³⁹Ni beni ame̱dše nu le̱ mli le̱, Nuntšo̱ le̱ *Mumo̱ le̱ ša Filipo ke̱-te; ni piafonyo le̱ enaale̱ doṅṅ, ši eyi gbe̱ ke̱ nyã́mo̱. [143]

⁴⁰Ši Filipo le̱, anale̱ ye̱ Azoto; ni beni efoo̱ mli le̱, edšadše sanekpakpa le̱ etšõ ye̱ mãdši le̱ fẽ mli ke̱-yaši ebaše̱ *Kaisarea. [144]