Read luganda Bo̱foi le sãdši 9 Bible Online

Bo̱foi le sãdši 9 - luganda bible

Bo̱foi le sãdši 9

¹Ši Saulo kã he ēmũ hegbeyeiwō ke̱ gbē mumo̱ *ẽſie Nuntšo̱ le̱ kaselo̱i le̱ ano̱ lolo, ni eyiṅ ke̱-te oso̱fonukpa le̱ ṅõ, [145]

²ni eyabile̱ wodši ni eke̱-ya Damasko kpēhei le̱, beni afe ní ke̱dši ena meikomei ní hĩe ne̱ke̱ tšõmo̱ ne̱ mli le̱, hĩĩ dsio, yei dsio, ní efĩmo̱ame̱ ní ekplaame̱ ke̱-ba Ierusalem.

³Ši beni enyie gbe̱ le̱ no̱ ni eyabe̱ṅke̱ Damasko le̱, trukā le̱ la kpe̱ ke̱-dše̱ ṅwei ke̱-babo̱lele̱, [146]

⁴ni efle̱o egbe ši, ni enu gbē ko mīkē̱le̱ ake̱: Saul, Saul, mẽba owaämi yi?

⁵Ni ekē̱: Bo namoṅ, Nuntšo̱? Ši Nuntšo̱ le̱ kē̱: Midši Iesu, moni owaäle̱ yi le̱. *(Ewa hão, ake̱ oofã ntia oši koloi akplamo̱tšo le̱ nā dade le̱. [147]

⁶Ni eke̱ hekpokpomo̱ ke̱ ṅmiṅmi kē̱ ake̱: Nuntšo̱, meni otaoo̱ ake̱ mife? Ni Nuntšo̱ le̱ kē̱le̱ ake:) Te ši ní oya mã le̱ṅ, ni aatšõo noni sa ake̱ ofe.

⁷Ši hĩĩ ní ke̱le̱ nyie le̱ eto̱ mũ ke̱-damo̱ ši, ame̱mīnu gbē le̱ moṅ, ši ame̱naa mokomoko.

⁸Ni Saulo te ši; ši beni egble ehĩṅme̱ii le̱, enaa nii; ni ame̱mõ enine mli, ni ame̱ke̱le̱ te Damasko.

⁹Ni enaa nii, ni asaṅ eyee nii ni enuu noko hũ gbĩĩ etẽ so̱ṅṅ.

¹⁰Ši kaselo̱ ko ye̱ Damasko ní atšé̱o̱le̱ Anania; ni Nuntšo̱ le̱ kē̱le̱ ye̱ ninā mli ake̱: Anania! Ni ekē̱: Nami, Nuntšo̱.

¹¹Ni Nuntšo̱ le̱ kē̱le̱ ake̱: Te ši ní oya blohũ ni atšé̱o̱le̱ Trõmō̃ le̱ mli, ni oyabi moko ní atšé̱o̱le̱ Saulo ní dše̱ *Tarsó le̱ ši ye̱ Iuda we le̱; edšake̱ na, ēso̱le̱ [148]

¹²ni ena ye̱ ninā mli ake̱ nū ko ní atšé̱o̱le̱ Anania le̱ mība eṅõ, ni eke enine mīṅmẽ eno̱, beni afe ni ena nii ekoṅ.

¹³Ši Anania here no̱ ni ekē̱: Nuntšo̱, minu ne̱ke̱ nū ne̱ he sane ye̱ mei pī anā, ake̱ efe omeikroṅkroṅi ní yo̱ Ierusalem le̱ efõṅ babaō;

¹⁴ni bíe̱ hū tete ená hegbe̱ ke̱-dše̱ oso̱fonukpai le̱ adeṅ ake̱ ebafĩmo̱ mei fẽ ni *tšé̱o̱ ogbe̱i le̱ ano̱ le̱. [149]

¹⁵Ši Nuntšo̱ le̱ kē̱le̱ ake̱: Ya, edšake̱ mone̱ dši mideṅdade ní ahala ahãmi, koni ehĩe migbe̱i le̱ ke-ya *dšeṅmădši ke̱ †maṅtše̱mei ke̱ Israelbii le̱ hũ ahĩe, [150]

¹⁶Edšake̱ mibatšõle̱ amanehũlũi abo̱ ní ebana ye̱ migbe̱i le̱ ahewo̱. [151]

¹⁷Ke̱ke̱ ni Anania yiṅ ete ni eyabote šĩa le̱, ni eke̱ enidši ſie eno̱ ni ekē̱: Anyemi Saul! Nuntšo̱ Iesu, moni dšie ehe kpo etšõo beni obaä ye̱ gbe̱ le̱ no̱ le̱, tšũmi oṅõ, beni afe ní ona nii ekoṅ ní oyi obõ ke̱ Mumo̱ kroṅkroṅ le̱.

¹⁸Ni amrõ le̱ nokomei dše̱ ehĩṅme̱ii ano̱ ſie ši tamo̱ lōtotoi, ni ena nii amrõ, ni ete ši ni abaptisile̱;

¹⁹ni eye nii, ni ehe wale. Ni eke̱ kaselo̱i ní yo̱ Damasko le̱ hĩ ši gbĩĩ komei;

²⁰ni amrõ le̱ noṅṅ ešie̱ ye̱ kpēhei le̱ ake̱ Iesu dši Nyoṅmo̱ bi le̱.

²¹Ni mei fẽ ní nu le̱ ana kpe̱ ame̱he, ni ame̱kē̱: Ani dšee *mone̱ kpãtã mei ní tšé̱o̱ ne̱ke̱ gbe̱i ne̱ ano̱ le̱ ahĩe ye̱ Ierusalem le̱, ni bie̱ ne̱ hũ tete nohewo̱ noṅṅ eba, koni ebafĩmo̱ame̱ ni ekplaame̱ ke̱-ya oso̱fonukpai le̱ aṅõ? [152]

²²Ši Saulo le̱, ená hewale̱ babaō, ni ehā Iudafoi ní yo̱ Damasko le̱ anā tã, edšake̱ etšõame̱ faṅṅ ake̱ mone̱ dši Kristo le̱. [153]

²³Ši gbĩĩ kplaṅṅ se̱ le̱, Iudafoi le̱ te eyi no̱ apam ake̱ ame̱agbele̱.

²⁴Ni Saulo banu ame̱kpãṅmo̱ le̱ he. Ši ame̱sā ame̱buo̱ maṅ agboi le̱ anã dā ſane ke̱ nyōṅ, beni afe ni ame̱gbele̱.

²⁵Ši kaselo̱i le̱ ṅõle̱ wo kafũ mli nyōṅ, ni ame̱šile̱ ke̱-tšṍ gbogbo le̱ no̱ ke̱-yayi ši. [154]

²⁶Ni beni Saulo ba Ierusalem le̱, eka kaselo̱i le̱ ahe kpe̱te̱mo̱; ši ame̱fẽ ame̱mīšele̱ gbeyei, ame̱hee ame̱yee ake̱ kaselo̱ dšile̱. [155]

²⁷Ši Barnaba ṅõle̱ ke̱-te bo̱foi le̱ aṅõ, ni eyagbaame̱ bo̱ni ena Nuntšo̱ le̱ ye̱ gbe̱ le̱ no̱ ni eke̱le̱ wie, ke̱ bo̱ni efe ekã ye̱ Iesu gbei le̱ amli ye̱ Damasko. [156]

²⁸Ni eke̱ame̱ yaä baä ye̱ Ierusalem, ni efe ekã ye̱ Nuntšo̱ Iesu gbe̱i le̱ amli.

²⁹Ni eke̱ Helenibii le̱ wie ni eke̱ame̱ tā nā; ši ame̱ le̱ ame̱taole̱ ame̱gbe.

³⁰Ši beni nyemimei le̱ nu he le̱, ame̱yawale̱ Kaisarea, ni ame̱hã *ete Tarso. [157]

³¹Agbe̱ne̱ le̱ asafo le̱ ná hedšo̱le̱ ye̱ Iudea ke̱ Galilea ke̱ Samaria ſẽ, ni enane mõ ši, ni enyieo̱ ye̱ Nuntšo̱ le̱ gbeyeišemo̱ mli, ni eke̱ Mumo̱ kroṅkroṅ mīše̱dšemo̱ le̱ ſereo̱.

³²Ši eba mli ake̱, beni Petro eyakpa hei le̱ fẽ le̱, eba meikroṅkroṅi ní yo̱ Lida le̱ hũ aṅõ.

³³Ni ebana nū ko ye̱ dše̱i ní atšé̱o̱le̱ Ainea ní ekã esā ne̱ ēye kū̃mo̱-hela afii kpānyo̱ so̱ṅṅ.

³⁴Ni Petro kē̱le̱ ake̱: Ainea, Iesu Kristo mītšáo; te ši ni bodientše̱ oṅmẽ osa le̱! Ni amrõ le̱ ete ši.

³⁵Ni mei fẽ ní yo̱ Lida ke̱ Šaron le̱ nale̱, ni ame̱tšṍmo̱ ame̱he ke̱-ba Nuntšo̱ le̱ ṅõ.

³⁶Ši yō kaselo̱ ko ye̱ Iopa ní atšé̱o̱le̱ Tabita, ešiši dši Dorka (Odabo̱); le̱ le̱ eyi obõ ke̱ nĩtšumo̱i kpakpai ke̱ edšudši ní efeo.

³⁷Ši eba mli ake̱, nakai gbĩĩ le̱ amli le̱ ehe baye ni egbo. Ni ame̱dšu ehe, ni ame̱ke̱le̱ yaṅmẽ ṅweitšũ ko mli.

³⁸Ši ake̱ noni Lida ke̱ Iopa dšeke̱e̱ ni kaselo̱i le̱ enu ake̱ Petro ye̱ dše̱i hewo̱ le̱, ame̱tšũ hĩī enyo̱ ke̱-te eṅõ ame̱yakpale̱ fai ake̱ ekaṅõ-šašao ši, ši eba ame̱ṅõ oyá.

³⁹Ni Petro te ši ni eke̱ame̱ te. Ni beni eše̱ dše̱i le̱, ame̱ke̱le̱ te ṅweitšũ le̱ṅ, ni yei okũlafoi le̱ fẽ badamo̱damo̱ emase̱i ame̱mīfófói, ni ame̱ke̱ flakai ke̱ atadei ní Dorka fe, beni eke̱ame̱ yo̱ lolo le̱, mītšõle̱.

⁴⁰Ni Petro ſie ame̱fẽ ke̱-dše kpo, ni ekũla ši eso̱le, ni etšṍ ebe ke̱-te gbonyo le̱ ṅõ ekē̱: Tabita, *te ši! Ni egble ehĩṅme̱ii, ni beni ena Petro le̱, eho etá ši. [158]

⁴¹Ni emõ enine mli, ni ewó eno̱; ni etšé̱ *meikroṅkroṅi le̱ ke̱ okũlafoi le̱ ke̱-ba, ni eke̱le̱ damo amehĩe hĩekãlo. [159]

⁴²Ni anu he ye̱ Iopa fẽ, ni mei pī he Nuntšo̱ le̱ no̱ ame̱ye.

⁴³Ni eba mli ake̱ ehĩ Iopa gbĩĩ kplaṅṅ ye̱ Simon, wolokpōlo̱ le̱ ṅõ. [160]