Read luganda Romabii 2 Bible Online

Romabii 2 - luganda bible

Romabii 2

¹Nohewo̱ le̱, bo, mofẽmo ní okodšoo̱ le̱, obe̱ nădšiemo̱ ko; edšake̱ *nõ he ní okodšoo̱ mokroko ye̱ le̱, oke̱-buo̱ bodientše̱ ohe fo̱, edšake̱ bo ní okodšoo̱ mei le̱, nakai nii le̱ noṅṅ otšuo̱. [21]

²Ši wo̱le ake̱ Nyoṅmo̱ fo̱bū le̱ sa mei ní tšuo̱ nakai nii le̱ pe̱.

³Ši bo gbomo ní okodšoo̱ mei ní tšuo̱ ne̱ke̱ nii ne̱ ní ofeo̱ nakai noṅṅ le̱, ani osusuo̱ ake̱ bo le̱ ohe aadše Nyoṅmo̱ kodšomo̱ le̱ mli?

⁴Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? [22]

⁵Ši oke̱ otšuiwale̱ ke̱ ohe ní oſaa le̱ mītĩa mlifũ ohã bodientše̱ ohe oto mlifũ ke̱ Nyoṅmo̱ dšale̱kodšomo̱ kpodšiemo̱ gbĩ le̱;

⁶le̱ ebawo moſẽmo nyōmo̱ bo̱ni sa enitšumo̱i le̱: [23]

⁷mei ní ke̱ ekpakpafemo̱ mli tšuišiṅmē̃ taoo̱ anumnyam ke̱ wō ke̱ šihĩle̱ ní fiteṅ le̱, aahãame̱ nāno̱ wala;

⁸ši mei hũ ní sumoo̱ béi ni ame̱boo ano̱kwale le̱ toi, ši ame̱boo̱ nišaianii moṅ toi le̱, ame̱nõ dši mlifũ ke̱ mlila. [24]

⁹Amanehũlũ ke̱ hedšramo̱ aaba gbomo-fẽ-gbomo ní tšuo̱ nifõdšianii le̱ susuma no̱, *Iudanyo nõ le̱ ne̱ tšutšu ke̱ Helanyo no̱ hũ; [25]

¹⁰ši anumnyam ke̱ wō ke̱ hedšo̱le̱ aaba mofẽmo ní tšuo̱ nikpakpai anii le̱ no̱, Iudanyo tšutšu ke̱ Helanyo hũ.

¹¹Edšake̱ Nyoṅmo̱ kpaa gbomei amli. [26]

¹²Edšake̱ mei abo̱ ní be̱ mla ní ame̱ſe eša le̱, ame̱alādše hũ ní ame̱be̱ mla; ni mei abo̱ ní tšṍ mla no̱ fe eša le̱, mla noṅṅ ake̱-akodšoame̱;

¹³edšake̱ dšee mlanulo̱i le̱ dši dšalo̱i ye̱ Nyoṅmo̱ hĩe, ši mlano̱yelo̱i moṅ aabu-ame̱ ake̱ dšalo̱i. [27]

¹⁴Edšake̱, ké̱ dšeṅmãdšiaṅbii ní be̱ mla le̱ ke̱ ame̱fo̱mo̱ṅ su le̱ tšuo̱ mla nā nii le̱, ame̱ ní ame̱be̱ mla le̱ ame̱dši mla hã ame̱dientše̱ ame̱he; [28]

¹⁵no ame̱ke̱-tšōo̱ ake̱ aṅmã mla le̱ nitšumo̱ le̱ ye̱ ame̱tšuii amli, ni ame̱he-nilē hũ yeo odase, ni ame̱susumo̱i le̱ flo̱flo̱ō̱ ame̱nā lo ame̱dšiedšieo̱ ame̱nā ye̱ ame̱teṅ, [29]

¹⁶ye̱ gbĩ no̱ ni Nyoṅmo̱ aatšṍ Iesu Kristo no̱ akodšo gbomei atēmo̱nii le̱ ye̱ misanekpakpa le̱ nā le̱.

¹⁷Ši ke̱dši bo le̱ atšé̱o̱o Iudanyo, ni ohĩe kã mla le̱ no̱, ni oſãa ofõo̱ Nyoṅmo̱ no̱,

¹⁸ni ole esuomo̱nānii le̱, ni ole nii ní hĩ, edšake̱ adše̱ mla le̱ṅ atšõo,

¹⁹ni obuo̱ ohe ake̱ odši ſilafoi agbe̱-tšõlo̱ ke̱ mei ní yo̱ duṅ mli le̱ ala, [30]

²⁰ke̱ mei ni lee nii atšo̱selo̱ ke̱ abifabii atšõlo̱, moni hĩe nilē ke̱ ano̱kwale ní yo̱ mla le̱ mli le̱ su le̱:

²¹agbe̱ne̱ bo ni otšõo̱ meikrokomei anii le̱, otšõõ bodientše̱ ohe; ošie̱o̱ ake̱ akadšu, ši odšuo̱; [31]

²²okē̱o̱ ake̱ akabo̱ adſamaṅ, ši obo̱ö̱ adſamaṅ; ohĩo̱ wo̱dši, ši ohaä so̱lemo̱wenii;

²³bo ni oke̱ mla le̱ ſãa le̱, oke̱ mla le̱ no̱tõmo̱ le̱ gbeo̱ Nyoṅmo̱ he guo̱.

²⁴Edšake̱ “nyehewo le̱ awieo̱ Nyoṅmo̱ gbe̱i le̱ he musubō̱-wiemo̱i ye̱ dšeṅmãdši le̱ ateṅ,” take̱ bo̱ni aṅmã le̱. [32]

²⁵Ši ké̱ oyeo̱ mla le̱ no̱ le̱, kũle̱ ketiafō he ye̱ se̱námo̱; ši ké̱ ofe ohe mla le̱ no̱tõlo̱ le̱, oketiafō le̱ étšṍ fō. [33]

²⁶Ši ke̱dši fõlo̱ le̱ yeo̱ mla le̱ gbe̱nãi le̱ ano̱ le̱, ani abuṅ efõ le̱ ake̱ ketiafō? [34]

²⁷ni fo̱mo̱ṅ fõlo̱ le̱ ní yeo̱ mla le̱ no̱ le̱ aakodšo bo ní otšṍ ṅmãle̱-okadi ke̱ ketiafō no̱ ofe ohe mlatõlo̱ le̱.

²⁸Edšake̱ dšee moni atšé̱o̱le̱ Iudanyo le̱ dō dši Iudanyo, ni asaṅ dšee kpono̱nõ ní yo̱ helo mli le̱ dši ketiafō; [35]

²⁹ši moṅ moni dši Iudanyo ye̱ mligbe̱ le̱ dši Iudanyo, ni tšuiṅ ketiafō ní yo̱ mumo̱ mli, ní dšee ṅmãle̱-okadi mli le̱, dši *ketiafō ní eyidšiemo̱ le̱ dše̱e̱ gbomei aṅõ, ši Nyoṅmo̱ ṅõ moṅ edše̱o̱. [36]