Read luganda Romabii 8 Bible Online

Romabii 8 - luganda bible

Romabii 8

¹Nohewo̱ le̱ *agbe̱ne̱ fo̱bū ko fo̱bū ko be̱ ni ake̱-babu mei ní yo̱ Kristo Iesu mli (mei ní †enyiee helo na, ši moṅ mumo̱ nā ame̱nyieo̱) le̱. [116]

²Edšake̱ *mla ní dši wala ke̱ mumo̱ mla le̱ ní yo̱ Kristo Iesu mli le̱ ekpõmi ye̱ †eša ke̱ gbĕle mla le̱ deṅ. [117]

³Edšake̱ noni *mla le̱ nyẽẽ afe ye̱ gbedemo̱ ni helo le̱ ehã egbedē hewo̱ le̱, Nyoṅmo̱ tšũ le̱dientše̱ ebi le̱ ye̱ †su ní tamo̱ eša helo su mli, ni ye̱ eša hewo̱ hũ, ni ebu eša le̱ fo̱ ye̱ helo le̱ mli, [118]

⁴koni agbe mla le̱ dšale̱ le̱ nā ye̱ wo̱mli, wo̱ mei ní *wo̱nyiee helo nā, ši moṅ mumo̱ nā wo̱nyieo̱ le̱. [119]

⁵Edšake̱ mei ní hĩo̱ ši ye̱ helo nā le̱, helo nii ahe ame̱dſẽṅo̱; ši mei ní hĩo̱ ši ye̱ mumo̱ nā le̱ dſẽṅo̱ mumo̱ nii ahe.

⁶Edšake̱ helo dſẽṅmo̱ le̱, *gbĕle ni, ši mumo̱ dſĕṅmo̱ le̱, wala ke̱ hedšole̱ ni. [120]

⁷Edšake̱ helo dſēṅmo̱ le̱, Nyoṅmo̱ nyē̱ ni; edšake̱ ebaa ehe ši ehãã Nyoṅmo̱ mla le̱, ni esa enyēṅ tete; [121]

⁸ši mei ní hĩo̱ ši ye̱ helo mli le̱ nyẽẽ Nyoṅmo̱ hĩe ame̱sa.

⁹Ši ke̱dši eye̱ mli ake̱ Nyoṅmo̱ Mumo̱ hĩo̱ nyemli le̱, no le̱ nyebe̱ helo le̱ šĩšì, ši moṅ mumo̱ le̱ šiši nyeyo̱. Ši ké̱ moko be̱ Kristo Mumo̱ le̱, bĕle̱ le̱ le̱ dšee enõ dšile̱. 1 Kor. 3,16.

¹⁰Ši ké̱ Kristo ye̱ nyemli le̱, no le̱ gbomotšo le̱ egbo ye̱ eša hewo̱; ši mumo̱ le̱, wala ni, ye̱ dšale̱ hewo̱.

¹¹Ši ke̱dši moni tē Iesu ši ke̱-dše̱ gbohĩĩ ateṅ le̱ Mumo̱ le̱ hĩo̱ nyemli le̱, moni tē Kristo ši ke̱-dše̱ gbohĩĩ ateṅ le̱ aahã nyegbomotšei ni bagboi le̱ hũ yi aná wala ye̱ Emumo̱ ní hĩo̱ nyemli le̱ hewo̱.

¹²Nohewo̱ le̱ agbe̱ne̱, anyemimei, nyōdšiatše̱mei dšiwo̱, ši dšee helo le̱ nyõmo̱ wo̱hĩe ní wo̱o̱hĩ ši ye̱ helo nā. [122]

¹³Edšake̱ ké̱ helo nā nyehĩo̱ ši ye̱ le̱, nyebagboi; ši ké̱ nyeke̱ mumo̱ gbeo̱ helo le̱ nitšumo̱i le̱, nyehĩe aakãmo̱. [123]

¹⁴Edšake̱ mei abo̱ ní Nyoṅmo̱ Mumo̱ le̱ kplaäame̱ le̱, ame̱ ame̱dši Nyoṅmo̱ bii.

¹⁵Edšake̱ dšee nyṍṅyeli mumo̱ nyená ní nyesā nyeaše gbeyei, ši moṅ nyená biiatšṍmo̱ mumo̱, mo mli ní wo̱blo̱ö̱ ye̱ ake̱: Aba, atā! le̱. [124]

¹⁶Le̱ Mumo̱ le̱ dientše̱ ke̱ wo̱mumo̱ le̱ yeo̱ odase ake̱ Nyoṅmo̱ bii dšiwo̱. [125]

¹⁷Ni ké̱ *bii dšiwo̱ le̱, bĕle̱ †niyelo̱i hũ dšiwo̱, Nyoṅmo̱ niyelo̱i ke̱ Kristo nanemei niyelo̱i, ke̱dši eye̱ mli, ake̱ wo̱ke̱le̱ naä amanehũlũ le̱, koni awo wo̱ke̱le̱ hĩe nyam hũ. [126]

¹⁸Edšake̱ misusuo̱ ake̱ ṅme̱ne̱ṅme̱ne̱ amanehũlũi ne̱ ke̱ anumnyam ni wó̱se̱ abadšie kpo ahãwo̱ le̱ yee egbo̱. [127]

¹⁹Edšake̱ bō̱nii le̱ agbe̱kwe̱mo̱ kpẽkpēkpẽ le̱ mīmẽ Nyoṅmo̱ bii le̱ *akpodšiemo̱ le̱. [128]

²⁰Edšake̱ aṅõ bō̱nii le̱ awo yakayakanii ašiši, dšee ame̱dientše̱ ame̱suomo̱ nā, ši moṅ ye̱ moni baame̱ ši le̱ hewo̱, ye̱ no̱hĩekãmo̱ mli; [129]

²¹ake̱ bō̱nii le̱ dientše̱ hũ baye ame̱he ke̱-dše̱ fitemo̱ nyõṅyeli le̱ mli ke̱-ya Nyoṅmo̱ bii le̱ anumnyam heyeli le̱ mli. [130]

²²Edšake̱ wo̱le ake̱ bō̱nii le̱ fẽ ke̱wo̱ do̱moo̱ ntšo̱ĩ ni ame̱ke̱wo̱ kõmoo̱ ke̱-baši ṅme̱ne̱ṅme̱ne̱.

²³Ši dšee ame̱ ke̱ke̱ṅ, ši moṅ wo̱-dientše̱ tete, wo̱ mei ní wo̱yo̱ Mumo̱ le̱ kleṅklennii le̱, wo̱dientše̱ hũ wo̱do̱moo̱ ntšo̱i ye̱ wo̱mli, ni wo̱kwe̱o̱ biiatšṍmo̱ ni dši wo̱gbomotšo kpõmo̱ le̱ gbe̱. [131]

²⁴Edšake̱ no̱hĩekãmo̱ nā ahere wo̱yiwala ye̱. Ši no̱hĩekãmo̱ ní anaä le̱, edšee no̱hĩekãmo̱: ši namo hĩe kãa noni enaä le̱ no̱? [132]

²⁵Ši ké̱ noni wo̱naa le̱ no̱ wo̱hĩe kã le̱, bĕle̱ wo̱ke̱ tšuišiṅmē̃ kwe̱o̱le̱ gbe̱.

²⁶Ši nakai noṅṅ kẽ Mumo̱ le̱ hũ yeo̱ bua wo̱gbedemo̱i le̱; edšake̱ noni wo̱o̱so̱le wo̱bi ní dša le̱ wo̱lee; ši moṅ Mumo̱ le̱ dientše̱ ke̱ ntšo̱idõmo̱i ni anyẽṅ akē̱ le̱ damoo̱ mli hāawo̱.

²⁷Ši moni taoo tšuii amli le̱ le noni dši Mumo̱ le̱ dſẽṅmo̱ le̱, edšake̱ edamoo̱ mli ehãa meikroṅkroṅi le̱ bo̱ni sa Nyoṅmo̱ hĩe.

²⁸Ši wo̱le ake, mei ní sumoo̱ Nyoṅmo̱ le̱, nibii fiā yeo̱ buaäame̱ ní ahĩ ahãame̱, ame̱ mei ní atšé̱ame̱ ye̱ *yiṅtō nā le̱. [133]

²⁹Edšake̱ mei ní eleame̱ momo le̱, ame̱ edšie eto ní ame̱subãṅ atamo̱ ebi le̱ nõ le̱, koni efe nyemimei pī ateṅ *kromo̱bi; [134]

³⁰ši mei ní edšie eto le̱, ame̱ noṅṅ etšé̱; ni mei ní etšé̱ le̱, ame̱ noṅṅ ebuame̱ bem; ni mei ní ebuame̱ bem le̱, ame̱ noṅṅ ame̱hĩe nyam ewo.

³¹Bĕle̱ té wo̱o̱kē̱ tēṅ ye̱ nii ne̱ ahewo̱ṅ? Ké̱ Nyoṅmo̱ ye̱ wo̱se̱ le̱, namo aate ši awowo̱? [135]

³²Mo noṅṅ ni kāmããwo̱ *le̱dientše̱ ebi le̱, ši moṅ eṅõle̱ ehā ye̱ wo̱fẽ wo̱nādšiaṅ le̱; ani eṅõṅ nibii fiã efataṅ ehe ekeṅwo̱? [136]

³³Namo aaflo̱ Nyoṅmo̱ halamo̱bii le̱ anā? Nyoṅmo̱ dši moni buo̱ bem.

³⁴Namo dši *moni buo̱ fo̱ le̱? Kristo dši moni gbo, ši noni fè no le̱, moni atēle̱ ši hũ, ní eyo̱ Nyoṅmo̱ ninedšŭrõ no̱, ni esā †edamoo̱ mli ehãawo̱ le̱. [137]

³⁵Namo aagbla wo̱ke̱ Kristo suomo̱ le̱ mli? Amanehũlũ alo tšuifā̃ alo yiwale̱ alo hõmo̱ alo yayainyieme̱ alo hegbeyeiwō alo klante?

³⁶Take̱ bo̱ni *aṅmã ake̱: “Ohewo̱ le̱ agbeo̱wo̱ āhũ dšenamo̱ tū; abnwo̱ ake̱ tōi ní ayagbeame̱.” [138]

³⁷Ši kẽle̱ ene̱mei fiā mli le̱ wo̱tšṍo̱ moni sumo̱wo̱ le̱ ne̱ wo̱yeo̱ kũnim āhũ.

³⁸Edšake̱ miye̱ hewale̱ ye̱ no̱, ake̱ gbĕle dšio wala dšio, ṅweibo̱foi dšio no̱yelo̱i dšio hewale̱i dšio, nii ní yo̱ ne̱ dšio, nii ni baba le̱ dšio,

³⁹ṅwei dšio šiši dšio, alo nii ní abo̱ le̱ amli nõkroko dšio, ame̱nyẽṅ ame̱gbla wo̱ke̱ Nyoṅmo̱ suomo̱ ní yo̱ Kristo Iesu, wo̱-Nuntšo̱ le̱, mli le̱ mli.