Read luganda 2 Korintobii 5 Bible Online

2 Korintobii 5 - luganda bible

2 Korintobii 5

¹Edšake̱ wo̱le ake̱, ke̱ akũmo̱ *wo̱šikpoṅ ne̱ no̱ bū šĩa ne̱ dšiṅṅ, wo̱ye̱ tšũ ko ni dše̱ Nyoṅmo̱ ṅõ, šĩa ko ní dšee nidši ake̱-fe, ní hĩo̱ ši ke̱-yaä nāno, ye̱ ṅwei. [54]

²Edšake̱ wo̱dõmoo̱ ntšo̱i tete ye̱ ene̱ mli, ni wo̱ſeo̱ ake̱ aṅõ wo̱tšũ ní dše̱ ṅwei le̱ awowo̱, [55]

³ni ke̱ ake̱-wowo̱ ne̱ke̱ le̱, no le̱ anaṅwo̱ ake̱ mei ní nyie yayai.

⁴Edšake̱ wo̱ ní wo̱yo̱ bū le̱ṅ le̱ hū, ake̱-ní wohe dšrawo̱ hewo̱ le̱, wo̱dõmoo̱ ntšo̱i, edšake̱ wo̱sumo̱o̱ ake̱ adšie wo̱henii, ši moṅ wo̱sumoo̱ ake̱ *awowo̱ nii aſie no̱, koni wala le̱ amĩ noni gboo̱ le̱. [56]

⁵Ši moni sāwo̱ hã ene̱ noṅṅ dši Nyoṅmo̱, mo hũ ní hãwo̱ Mumo̱ le̱ kleṅkleṅnõ le̱. [57]

⁶Nohewo̱ le̱ wo̱ye̱ tšui dā, ni wo̱le ake̱ gbĩĩ abo̱ ni wo̱yo̱ gbomotšo le̱ mli ne̱ wo̱dom *ke̱-dše̱ Nuntšo̱ le̱ ṅõ, — [58]

⁷edšake̱ hemo̱-ke̱-yeli nā wo̱-nyieo̱ ye̱, ši dšee ninamo̱ nā, — [59]

⁸ši wo̱ye̱ tšui, ni esa wo̱hĩe moṅ ake̱ wo̱o̱dom ke̱-dše̱ gbomotšo ne̱ mli, ni wo̱yahĩ šĩa ye̱ Nuntšo̱ le̱ ṅõ. [60]

⁹Nohewo̱ le̱ oti ní wo̱ṅõ-mã wo̱hĩe dši ake, šĩa wo̱yo̱ dsio, *dommo̱ wo̱dom dšio, ní wo̱sa ehĩe. [61]

¹⁰Edšake̱ dša wo̱fẽ wo̱pue ſaṅṅ *ye̱ Kristo kodšomo̱sẽi le̱ hĩe, koni mofẽmo aná nii ní efe ye̱ gbomotšo mli le̱, bo̱bo̱ ní efe le̱, ekpakpa dšio, efõṅ dšio. [62]

¹¹Nohewo le̱, ake̱-ní wo̱le Nuntšo̱ le̱ he ni yo̱ gbeyei hewo̱ le̱, wo̱wieo̱ wo̱tšõo̱ gbomei, ši wo̱ye̱ faṅṅ ye̱ Nyoṅmo̱ hĩe; ni mihĩe kã no̱ ake̱ wo̱ye̱ faṅṅ ye̱ nyehenilē mli hũ.

¹²Edšake̱ dšee *wo̱dientše̱ wo̱he yi wo̱dšieo̱ wo̱hãanye ekoṅ, ši moṅ wo̱ke̱mīhãnye gbe̱ ní nyeṅõ-fã nyefõ wo̱no̱, koni nyená eko nyekē̱ mei ni ſãa ye̱ hĩeaṅ ši dšee tšui mli le̱. [63]

¹³Edšake̱, ké̱ se̱ke̱ wo̱yeo̱ dšiṅṅ, Nyoṅmo̱ wo̱yeo̱ wo̱hãa; ní ké̱ wo̱hĩe kã ši hũ dšiṅṅ, ekã ši ehãnye.

¹⁴Edšake̱ Kristo suomo̱ le̱ nyẽo̱ wo̱no̱, ni wo̱kodšoo̱ ne̱ke̱, ake̱, ké̱ mokome gbo mei fẽ yigbĕle le̱, bĕle̱ mei le̱ fẽ egboi.

¹⁵Ni egbo *mei fẽ yigbĕle, †koni mei ni hĩe kãmo̱ le̱ ahĩe akakãmo̱ mīhã ame̱dientše̱ ame̱he doṅṅ, ši moṅ ame̱hĩe akãmo̱ ahã moni gbo ni atēle̱ ši ekoṅ ahãame̱ le̱. [64]

¹⁶Nohewo̱ le̱, ke̱-dše̱o̱ ṅme̱ne̱ no̱ ke̱-yaä ne̱, wo̱lee mokomoko doṅṅ ye̱ helo mli; ni ké̱ helo mli wo̱le Kristo ye̱ tete le̱, kẽle̱ agbe̱ne̱ le̱ wo̱leele̱ nakai doṅṅ.

¹⁷Hewo̱ le̱, *ke̱ moko ye̱ Kristo mli le̱, †bō̱nõ hi dšile̱; blemanii le̱ ého; **na, nibii fẽ étšṍmo ehẽ. [65]

¹⁸Ši nibii ne̱ fã dše̱ Nyoṅmo̱ deṅ, *moni tšṍ Iesu Kristo no̱ ekpãtã le̱dientše̱ eke̱wo̱ teṅ, ni eke̱ kpãtãmo̱-súomo̱ le̱ hãwo̱ le̱; [66]

¹⁹no dši ake̱ Nyoṅmo̱ tšṍ Kristo no̱ ekpãtã le̱dientše̱ eke̱ dše le̱ teṅ, ni ebuu ame̱no̱tõmo̱i le̱ ehããame̱, ni etu kpãtãmo̱-wiemo̱ le̱ ewo wo̱deṅ. [67]

²⁰Nohewe̱ le̱ wo̱dši *bo̱foi ye̱ Kristo, nãdšiaṅ, tamo̱ ake̱ Nyoṅmo̱ etšṍ wo̱no̱ eke̱ mei mīwie: wo̱damoo̱ Kristo nãdšiaṅ wo̱kpaänye fai ake̱: nyehãa akpãtãa nye ke̱ Nyoṅmo̱ teṅ! [68]

²¹Edšake̱ *moni lee eša le̱, wo̱hewo̱ le̱ ehã etšṍ †eša, koni wo̱ le̱ wo̱tšṍmo̱ **Nyoṅmo̱ dšale̱ ye̱ emli. [69]